Bibles in ancient languages
Old translations
Modern translations

Biblia Hebraica Stuttgartiensia Deuteronomy 21

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
כִּי־יִמָּצֵ֣א חָלָ֗ל בָּאֲדָמָה֙ אֲשֶׁר֩ יְהוָ֨ה אֱלֹהֶ֜יךָ נֹתֵ֤ן לְךָ֙ לְרִשְׁתָּ֔הּ נֹפֵ֖ל בַּשָּׂדֶ֑ה לֹ֥א נֹודַ֖ע מִ֥י הִכָּֽהוּ׃

ki̇y־yimá̇ẕé֣ʼ ẖálá֗l bá̇ʼàdámáh֙ ʼàşěr֩ yĕhwá֨h ʼèlòhe֜yká nòţé֤n lĕká֙ lĕrişĕ̌ţá̇֔ḣ nòpé֖l bȧşá̇̂de֑h lò֥ʼ nòwda֖ʻ mi֥y hikáֽ̇hẇ׃

2
וְיָצְא֥וּ זְקֵנֶ֖יךָ וְשֹׁפְטֶ֑יךָ וּמָדְדוּ֙ אֶל־הֶ֣עָרִ֔ים אֲשֶׁ֖ר סְבִיבֹ֥ת הֶחָלָֽל׃

wĕyáẕĕʼ֥ẇ zĕqéne֖yká wĕşò̌pĕte֑yká ẇmádĕdẇ֙ ʼel־he֣ʻári֔ym ʼàşě֖r sĕbiybò֥ţ heẖáláֽl׃

3
וְהָיָ֣ה הָעִ֔יר הַקְּרֹבָ֖ה אֶל־הֶחָלָ֑ל וְלָֽקְח֡וּ זִקְנֵי֩ הָעִ֨יר הַהִ֜וא עֶגְלַ֣ת בָּקָ֗ר אֲשֶׁ֤ר לֹֽא־עֻבַּד֙ בָּ֔הּ אֲשֶׁ֥ר לֹא־מָשְׁכָ֖ה בְּעֹֽל׃

wĕháyá֣h háʻi֔yr haqĕ̇ròbá֖h ʼel־heẖálá֑l wĕláֽqĕẖ֡ẇ ziqĕnéy֩ háʻi֨yr hahi֜wʼ ʻegĕla֣ţ bá̇qá֗r ʼàşě֤r lòֽʼ־ʻubȧd֙ bá̇֔ḣ ʼàşě֥r lòʼ־máşĕ̌ká֖h bĕ̇ʻòֽl׃

4
וְהֹורִ֡דוּ זִקְנֵי֩ הָעִ֨יר הַהִ֤וא אֶת־הָֽעֶגְלָה֙ אֶל־נַ֣חַל אֵיתָ֔ן אֲשֶׁ֛ר לֹא־יֵעָבֵ֥ד בֹּ֖ו וְלֹ֣א יִזָּרֵ֑עַ וְעָֽרְפוּ־שָׁ֥ם אֶת־הָעֶגְלָ֖ה בַּנָּֽחַל׃

wĕhòwri֡dẇ ziqĕnéy֩ háʻi֨yr hahi֤wʼ ʼeţ־háֽʻegĕláh֙ ʼel־na֣ẖal ʼéyţá֔n ʼàşě֛r lòʼ־yéʻábé֥d bò֖̇w wĕlò֣ʼ yizá̇ré֑ʻa wĕʻáֽrĕpẇ־şá֥̌m ʼeţ־háʻegĕlá֖h bȧnáֽ̇ẖal׃

5
וְנִגְּשׁ֣וּ הַכֹּהֲנִים֮ בְּנֵ֣י לֵוִי֒ כִּ֣י בָ֗ם בָּחַ֞ר יְהוָ֤ה אֱלֹהֶ֨יךָ֙ לְשָׁ֣רְתֹ֔ו וּלְבָרֵ֖ךְ בְּשֵׁ֣ם יְהוָ֑ה וְעַל־פִּיהֶ֥ם יִהְיֶ֖ה כָּל־רִ֥יב וְכָל־נָֽגַע׃

wĕnigĕ̇ş֣̌ẇ hakò̇hàniym֮ bĕ̇né֣y léwiy֒ ki֣̇y bá֗m bá̇ẖa֞r yĕhwá֤h ʼèlòhe֨yká֙ lĕşá֣̌rĕţò֔w ẇlĕbáré֖kĕ bĕ̇şé֣̌m yĕhwá֑h wĕʻal־pi̇yhe֥m yihĕye֖h ká̇l־ri֥yb wĕkál־náֽgaʻ׃

6
וְכֹ֗ל זִקְנֵי֙ הָעִ֣יר הַהִ֔וא הַקְּרֹבִ֖ים אֶל־הֶחָלָ֑ל יִרְחֲצוּ֙ אֶת־יְדֵיהֶ֔ם עַל־הָעֶגְלָ֖ה הָעֲרוּפָ֥ה בַנָּֽחַל׃

wĕkò֗l ziqĕnéy֙ háʻi֣yr hahi֔wʼ haqĕ̇ròbi֖ym ʼel־heẖálá֑l yirĕẖàẕẇ֙ ʼeţ־yĕdéyhe֔m ʻal־háʻegĕlá֖h háʻàrẇpá֥h banáֽ̇ẖal׃

7
וְעָנ֖וּ וְאָמְר֑וּ יָדֵ֗ינוּ לֹ֤א שָׁפְכָה אֶת־הַדָּ֣ם הַזֶּ֔ה וְעֵינֵ֖ינוּ לֹ֥א רָאֽוּ׃

wĕʻán֖ẇ wĕʼámĕr֑ẇ yádé֗ynẇ lò֤ʼ şá̌pĕkáh ʼeţ־hadá֣̇m hazė֔h wĕʻéyné֖ynẇ lò֥ʼ ráʼֽẇ׃

8
כַּפֵּר֩ לְעַמְּךָ֙ יִשְׂרָאֵ֤ל אֲשֶׁר־פָּדִ֨יתָ֙ יְהוָ֔ה וְאַל־תִּתֵּן֙ דָּ֣ם נָקִ֔י בְּקֶ֖רֶב עַמְּךָ֣ יִשְׂרָאֵ֑ל וְנִכַּפֵּ֥ר לָהֶ֖ם הַדָּֽם׃

kȧpé̇r֩ lĕʻamĕ̇ká֙ yişĕ̂ráʼé֤l ʼàşěr־pá̇di֨yţá֙ yĕhwá֔h wĕʼal־ţi̇ţé̇n֙ dá֣̇m náqi֔y bĕ̇qe֖reb ʻamĕ̇ká֣ yişĕ̂ráʼé֑l wĕnikȧpé֥̇r láhe֖m hadáֽ̇m׃

9
וְאַתָּ֗ה תְּבַעֵ֛ר הַדָּ֥ם הַנָּקִ֖י מִקִּרְבֶּ֑ךָ כִּֽי־תַעֲשֶׂ֥ה הַיָּשָׁ֖ר בְּעֵינֵ֥י יְהוָֽה׃ ס

wĕʼaţá̇֗h ţĕ̇baʻé֛r hadá֥̇m haná̇qi֖y miqi̇rĕbė֑ká kiֽ̇y־ţaʻàşê֥h hayá̇şá֖̌r bĕ̇ʻéyné֥y yĕhwáֽh׃ s

10
כִּֽי־תֵצֵ֥א לַמִּלְחָמָ֖ה עַל־אֹיְבֶ֑יךָ וּנְתָנֹ֞ו יְהוָ֧ה אֱלֹהֶ֛יךָ בְּיָדֶ֖ךָ וְשָׁבִ֥יתָ שִׁבְיֹֽו׃

kiֽ̇y־ţéẕé֥ʼ lami̇lĕẖámá֖h ʻal־ʼòyĕbe֑yká ẇnĕţánò֞w yĕhwá֧h ʼèlòhe֛yká bĕ̇yáde֖ká wĕşá̌bi֥yţá şǐbĕyòֽw׃

11
וְרָאִיתָ֙ בַּשִּׁבְיָ֔ה אֵ֖שֶׁת יְפַת־תֹּ֑אַר וְחָשַׁקְתָּ֣ בָ֔הּ וְלָקַחְתָּ֥ לְךָ֖ לְאִשָּֽׁה׃

wĕráʼiyţá֙ bȧşi̇̌bĕyá֔h ʼé֖şěţ yĕpaţ־ţò֑̇ʼar wĕẖáşǎqĕţá֣̇ bá֔ḣ wĕláqaẖĕţá֥̇ lĕká֖ lĕʼişáֽ̇̌h׃

12
וַהֲבֵאתָ֖הּ אֶל־תֹּ֣וךְ בֵּיתֶ֑ךָ וְגִלְּחָה֙ אֶת־רֹאשָׁ֔הּ וְעָשְׂתָ֖ה אֶת־צִפָּרְנֶֽיהָ׃

wahàbéʼţá֖ḣ ʼel־ţò֣̇wkĕ bé̇yţe֑ká wĕgilĕ̇ẖáh֙ ʼeţ־ròʼşá̌֔ḣ wĕʻáşĕ̂ţá֖h ʼeţ־ẕipá̇rĕneֽyhá׃

13
וְהֵסִ֩ירָה֩ אֶת־שִׂמְלַ֨ת שִׁבְיָ֜הּ מֵעָלֶ֗יהָ וְיָֽשְׁבָה֙ בְּבֵיתֶ֔ךָ וּבָֽכְתָ֛ה אֶת־אָבִ֥יהָ וְאֶת־אִמָּ֖הּ יֶ֣רַח יָמִ֑ים וְאַ֨חַר כֵּ֜ן תָּבֹ֤וא אֵלֶ֨יהָ֙ וּבְעַלְתָּ֔הּ וְהָיְתָ֥ה לְךָ֖ לְאִשָּֽׁה׃

wĕhési֩yráh֩ ʼeţ־şîmĕla֨ţ şǐbĕyá֜ḣ méʻále֗yhá wĕyáֽşĕ̌báh֙ bĕ̇béyţe֔ká ẇbáֽkĕţá֛h ʼeţ־ʼábi֥yhá wĕʼeţ־ʼimá֖̇ḣ ye֣raẖ yámi֑ym wĕʼa֨ẖar ké̇֜n ţá̇bò֤wʼ ʼéle֨yhá֙ ẇbĕʻalĕţá̇֔ḣ wĕháyĕţá֥h lĕká֖ lĕʼişáֽ̇̌h׃

14
וְהָיָ֞ה אִם־לֹ֧א חָפַ֣צְתָּ בָּ֗הּ וְשִׁלַּחְתָּהּ֙ לְנַפְשָׁ֔הּ וּמָכֹ֥ר לֹא־תִמְכְּרֶ֖נָּה בַּכָּ֑סֶף לֹא־תִתְעַמֵּ֣ר בָּ֔הּ תַּ֖חַת אֲשֶׁ֥ר עִנִּיתָֽהּ׃ ס

wĕháyá֞h ʼim־lò֧ʼ ẖápa֣ẕĕţá̇ bá̇֗ḣ wĕşǐlȧẖĕţá̇ḣ֙ lĕnapĕşá̌֔ḣ ẇmákò֥r lòʼ־ţimĕkĕ̇re֖ná̇h bȧká֑̇sep lòʼ־ţiţĕʻamé֣̇r bá̇֔ḣ ţȧ֖ẖaţ ʼàşě֥r ʻini̇yţáֽḣ׃ s

15
כִּֽי־תִהְיֶ֨יןָ לְאִ֜ישׁ שְׁתֵּ֣י נָשִׁ֗ים הָאַחַ֤ת אֲהוּבָה֙ וְהָאַחַ֣ת שְׂנוּאָ֔ה וְיָֽלְדוּ־לֹ֣ו בָנִ֔ים הָאֲהוּבָ֖ה וְהַשְּׂנוּאָ֑ה וְהָיָ֛ה הַבֵּ֥ן הַבְּכֹ֖ור לַשְּׂנִיאָֽה׃

kiֽ̇y־ţihĕye֨yná lĕʼi֜yş̌ şĕ̌ţé֣̇y náşǐ֗ym háʼaẖa֤ţ ʼàhẇbáh֙ wĕháʼaẖa֣ţ şĕ̂nẇʼá֔h wĕyáֽlĕdẇ־lò֣w báni֔ym háʼàhẇbá֖h wĕhaşĕ̇̂nẇʼá֑h wĕháyá֛h habé֥̇n habĕ̇kò֖wr laşĕ̇̂niyʼáֽh׃

16
וְהָיָ֗ה בְּיֹום֙ הַנְחִילֹ֣ו אֶת־בָּנָ֔יו אֵ֥ת אֲשֶׁר־יִהְיֶ֖ה לֹ֑ו לֹ֣א יוּכַ֗ל לְבַכֵּר֙ אֶת־בֶּן־הָ֣אֲהוּבָ֔ה עַל־פְּנֵ֥י בֶן־הַשְּׂנוּאָ֖ה הַבְּכֹֽר׃

wĕháyá֗h bĕ̇yòwm֙ hanĕẖiylò֣w ʼeţ־bá̇ná֔yw ʼé֥ţ ʼàşěr־yihĕye֖h lò֑w lò֣ʼ yẇka֗l lĕbaké̇r֙ ʼeţ־bėn־há֣ʼàhẇbá֔h ʻal־pĕ̇né֥y ben־haşĕ̇̂nẇʼá֖h habĕ̇kòֽr׃

17
כִּי֩ אֶת־הַבְּכֹ֨ר בֶּן־הַשְּׂנוּאָ֜ה יַכִּ֗יר לָ֤תֶת לֹו֙ פִּ֣י שְׁנַ֔יִם בְּכֹ֥ל אֲשֶׁר־יִמָּצֵ֖א לֹ֑ו כִּי־הוּא֙ רֵאשִׁ֣ית אֹנֹ֔ו לֹ֖ו מִשְׁפַּ֥ט הַבְּכֹרָֽה׃ ס

ki̇y֩ ʼeţ־habĕ̇kò֨r bėn־haşĕ̇̂nẇʼá֜h yaki̇֗yr lá֤ţeţ lòw֙ pi֣̇y şĕ̌na֔yim bĕ̇kò֥l ʼàşěr־yimá̇ẕé֖ʼ lò֑w ki̇y־hẇʼ֙ réʼşǐ֣yţ ʼònò֔w lò֖w mişĕ̌pȧ֥t habĕ̇kòráֽh׃ s

18
כִּֽי־יִהְיֶ֣ה לְאִ֗ישׁ בֵּ֚ן סֹורֵ֣ר וּמֹורֶ֔ה אֵינֶ֣נּוּ שֹׁמֵ֔עַ בְּקֹ֥ול אָבִ֖יו וּבְקֹ֣ול אִמֹּ֑ו וְיִסְּר֣וּ אֹתֹ֔ו וְלֹ֥א יִשְׁמַ֖ע אֲלֵיהֶֽם׃

kiֽ̇y־yihĕye֣h lĕʼi֗yş̌ bé֚̇n sòwré֣r ẇmòwre֔h ʼéyne֣ṅẇ şò̌mé֔ʻa bĕ̇qò֥wl ʼábi֖yw ẇbĕqò֣wl ʼimò֑̇w wĕyisĕ̇r֣ẇ ʼòţò֔w wĕlò֥ʼ yişĕ̌ma֖ʻ ʼàléyheֽm׃

19
וְתָ֥פְשׂוּ בֹ֖ו אָבִ֣יו וְאִמֹּ֑ו וְהֹוצִ֧יאוּ אֹתֹ֛ו אֶל־זִקְנֵ֥י עִירֹ֖ו וְאֶל־שַׁ֥עַר מְקֹמֹֽו׃

wĕţá֥pĕş̂ẇ bò֖w ʼábi֣yw wĕʼimò֑̇w wĕhòwẕi֧yʼẇ ʼòţò֛w ʼel־ziqĕné֥y ʻiyrò֖w wĕʼel־şǎ֥ʻar mĕqòmòֽw׃

20
וְאָמְר֞וּ אֶל־זִקְנֵ֣י עִירֹ֗ו בְּנֵ֤נוּ זֶה֙ סֹורֵ֣ר וּמֹרֶ֔ה אֵינֶ֥נּוּ שֹׁמֵ֖עַ בְּקֹלֵ֑נוּ זֹולֵ֖ל וְסֹבֵֽא׃

wĕʼámĕr֞ẇ ʼel־ziqĕné֣y ʻiyrò֗w bĕ̇né֤nẇ zeh֙ sòwré֣r ẇmòre֔h ʼéyne֥ṅẇ şò̌mé֖ʻa bĕ̇qòlé֑nẇ zòwlé֖l wĕsòbéֽʼ׃

21
וּ֠רְגָמֻהוּ כָּל־אַנְשֵׁ֨י עִירֹ֤ו בָֽאֲבָנִים֙ וָמֵ֔ת וּבִֽעַרְתָּ֥ הָרָ֖ע מִקִּרְבֶּ֑ךָ וְכָל־יִשְׂרָאֵ֖ל יִשְׁמְע֥וּ וְיִרָֽאוּ׃ ס

ẇ֠rĕgámuhẇ ká̇l־ʼanĕşé̌֨y ʻiyrò֤w báֽʼàbániym֙ wámé֔ţ ẇbiֽʻarĕţá֥̇ hárá֖ʻ miqi̇rĕbė֑ká wĕkál־yişĕ̂ráʼé֖l yişĕ̌mĕʻ֥ẇ wĕyiráֽʼẇ׃ s

22
וְכִֽי־יִהְיֶ֣ה בְאִ֗ישׁ חֵ֛טְא מִשְׁפַּט־מָ֖וֶת וְהוּמָ֑ת וְתָלִ֥יתָ אֹתֹ֖ו עַל־עֵֽץ׃

wĕkiֽy־yihĕye֣h bĕʼi֗yş̌ ẖé֛tĕʼ mişĕ̌pȧt־má֖weţ wĕhẇmá֑ţ wĕţáli֥yţá ʼòţò֖w ʻal־ʻéֽẕ׃

23
לֹא־תָלִ֨ין נִבְלָתֹ֜ו עַל־הָעֵ֗ץ כִּֽי־קָבֹ֤ור תִּקְבְּרֶ֨נּוּ֙ בַּיֹּ֣ום הַה֔וּא כִּֽי־קִלְלַ֥ת אֱלֹהִ֖ים תָּל֑וּי וְלֹ֤א תְטַמֵּא֙ אֶת־אַדְמָ֣תְךָ֔ אֲשֶׁר֙ יְהוָ֣ה אֱלֹהֶ֔יךָ נֹתֵ֥ן לְךָ֖ נַחֲלָֽה׃ ס

lòʼ־ţáli֨yn nibĕláţò֜w ʻal־háʻé֗ẕ kiֽ̇y־qábò֤wr ţi̇qĕbĕ̇re֨ṅẇ֙ bȧyò֣̇wm hah֔ẇʼ kiֽ̇y־qilĕla֥ţ ʼèlòhi֖ym ţá̇l֑ẇy wĕlò֤ʼ ţĕtamé̇ʼ֙ ʼeţ־ʼadĕmá֣ţĕká֔ ʼàşěr֙ yĕhwá֣h ʼèlòhe֔yká nòţé֥n lĕká֖ naẖàláֽh׃ s