Bibles in ancient languages
Old translations
Modern translations

Biblia Hebraica Stuttgartiensia Esther 4

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּמָרְדֳּכַ֗י יָדַע֙ אֶת־כָּל־אֲשֶׁ֣ר נַעֲשָׂ֔ה וַיִּקְרַ֤ע מָרְדֳּכַי֙ אֶת־בְּגָדָ֔יו וַיִּלְבַּ֥שׁ שַׂ֖ק וָאֵ֑פֶר וַיֵּצֵא֙ בְּתֹ֣וךְ הָעִ֔יר וַיִּזְעַ֛ק זְעָקָ֥ה גְדֹלָ֖ה וּמָרָֽה׃

ẇmárĕdȯka֗y yádaʻ֙ ʼeţ־ká̇l־ʼàşě֣r naʻàşá̂֔h wayi̇qĕra֤ʻ márĕdȯkay֙ ʼeţ־bĕ̇gádá֔yw wayi̇lĕbȧ֥ş̌ şâ֖q wáʼé֑per wayé̇ẕéʼ֙ bĕ̇ţò֣wkĕ háʻi֔yr wayi̇zĕʻa֛q zĕʻáqá֥h gĕdòlá֖h ẇmáráֽh׃

2
וַיָּבֹ֕וא עַ֖ד לִפְנֵ֣י שַֽׁעַר־הַמֶּ֑לֶךְ כִּ֣י אֵ֥ין לָבֹ֛וא אֶל־שַׁ֥עַר הַמֶּ֖לֶךְ בִּלְב֥וּשׁ שָֽׂק׃

wayá̇bò֕wʼ ʻa֖d lipĕné֣y şǎֽʻar־hamė֑lekĕ ki֣̇y ʼé֥yn lábò֛wʼ ʼel־şǎ֥ʻar hamė֖lekĕ bi̇lĕb֥ẇş̌ şáֽ̂q׃

3
וּבְכָל־מְדִינָ֣ה וּמְדִינָ֗ה מְקֹום֙ אֲשֶׁ֨ר דְּבַר־הַמֶּ֤לֶךְ וְדָתֹו֙ מַגִּ֔יעַ אֵ֤בֶל גָּדֹול֙ לַיְּהוּדִ֔ים וְצֹ֥ום וּבְכִ֖י וּמִסְפֵּ֑ד שַׂ֣ק וָאֵ֔פֶר יֻצַּ֖ע לָֽרַבִּֽים׃

ẇbĕkál־mĕdiyná֣h ẇmĕdiyná֗h mĕqòwm֙ ʼàşě֨r dĕ̇bar־hamė֤lekĕ wĕdáţòw֙ magi̇֔yʻa ʼé֤bel gá̇dòwl֙ layĕ̇hẇdi֔ym wĕẕò֥wm ẇbĕki֖y ẇmisĕpé֑̇d şâ֣q wáʼé֔per yuẕȧ֖ʻ láֽrabiֽ̇ym׃

4
וַתְּבֹואֶינָה נַעֲרֹ֨ות אֶסְתֵּ֤ר וְסָרִיסֶ֨יהָ֙ וַיַּגִּ֣ידוּ לָ֔הּ וַתִּתְחַלְחַ֥ל הַמַּלְכָּ֖ה מְאֹ֑ד וַתִּשְׁלַ֨ח בְּגָדִ֜ים לְהַלְבִּ֣ישׁ אֶֽת־מָרְדֳּכַ֗י וּלְהָסִ֥יר שַׂקֹּ֛ו מֵעָלָ֖יו וְלֹ֥א קִבֵּֽל׃

waţĕ̇bòwʼeynáh naʻàrò֨wţ ʼesĕţé֤̇r wĕsáriyse֨yhá֙ wayȧgi֣̇ydẇ lá֔ḣ waţi̇ţĕẖalĕẖa֥l hamȧlĕká֖̇h mĕʼò֑d waţi̇şĕ̌la֨ẖ bĕ̇gádi֜ym lĕhalĕbi֣̇yş̌ ʼeֽţ־márĕdȯka֗y ẇlĕhási֥yr şâqò֛̇w méʻálá֖yw wĕlò֥ʼ qibéֽ̇l׃

5
וַתִּקְרָא֩ אֶסְתֵּ֨ר לַהֲתָ֜ךְ מִסָּרִיסֵ֤י הַמֶּ֨לֶךְ֙ אֲשֶׁ֣ר הֶעֱמִ֣יד לְפָנֶ֔יהָ וַתְּצַוֵּ֖הוּ עַֽל־מָרְדֳּכָ֑י לָדַ֥עַת מַה־זֶּ֖ה וְעַל־מַה־זֶּֽה׃

waţi̇qĕráʼ֩ ʼesĕţé̇֨r lahàţá֜kĕ misá̇riysé֤y hamė֨lekĕ֙ ʼàşě֣r heʻèmi֣yd lĕpáne֔yhá waţĕ̇ẕawé֖̇hẇ ʻaֽl־márĕdȯká֑y láda֥ʻaţ mah־zė֖h wĕʻal־mah־zėֽh׃

6
וַיֵּצֵ֥א הֲתָ֖ךְ אֶֽל־מָרְדֳּכָ֑י אֶל־רְחֹ֣וב הָעִ֔יר אֲשֶׁ֖ר לִפְנֵ֥י שַֽׁעַר־הַמֶּֽלֶךְ׃

wayé̇ẕé֥ʼ hàţá֖kĕ ʼeֽl־márĕdȯká֑y ʼel־rĕẖò֣wb háʻi֔yr ʼàşě֖r lipĕné֥y şǎֽʻar־hamėֽlekĕ׃

7
וַיַּגֶּד־לֹ֣ו מָרְדֳּכַ֔י אֵ֖ת כָּל־אֲשֶׁ֣ר קָרָ֑הוּ וְאֵ֣ת׀ פָּרָשַׁ֣ת הַכֶּ֗סֶף אֲשֶׁ֨ר אָמַ֤ר הָמָן֙ לִ֠שְׁקֹול עַל־גִּנְזֵ֥י הַמֶּ֛לֶךְ בַּיְּהוּדִיִּים לְאַבְּדָֽם׃

wayȧgėd־lò֣w márĕdȯka֔y ʼé֖ţ ká̇l־ʼàşě֣r qárá֑hẇ wĕʼé֣ţ׀ pá̇ráşǎ֣ţ hakė֗sep ʼàşě֨r ʼáma֤r hámán֙ li֠şĕ̌qòwl ʻal־gi̇nĕzé֥y hamė֛lekĕ bȧyĕ̇hẇdiyi̇ym lĕʼabĕ̇dáֽm׃

8
וְאֶת־פַּתְשֶׁ֣גֶן כְּתָֽב־הַ֠דָּת אֲשֶׁר־נִתַּ֨ן בְּשׁוּשָׁ֤ן לְהַשְׁמִידָם֙ נָ֣תַן לֹ֔ו לְהַרְאֹ֥ות אֶת־אֶסְתֵּ֖ר וּלְהַגִּ֣יד לָ֑הּ וּלְצַוֹּ֣ות עָלֶ֗יהָ לָבֹ֨וא אֶל־הַמֶּ֧לֶךְ לְהִֽתְחַנֶּן־לֹ֛ו וּלְבַקֵּ֥שׁ מִלְּפָנָ֖יו עַל־עַמָּֽהּ׃

wĕʼeţ־pȧţĕşě֣gen kĕ̇ţáֽb־ha֠dá̇ţ ʼàşěr־niţȧ֨n bĕ̇ş̌ẇşá֤̌n lĕhaşĕ̌miydám֙ ná֣ţan lò֔w lĕharĕʼò֥wţ ʼeţ־ʼesĕţé֖̇r ẇlĕhagi֣̇yd lá֑ḣ ẇlĕẕawò֣̇wţ ʻále֗yhá lábò֨wʼ ʼel־hamė֧lekĕ lĕhiֽţĕẖanėn־lò֛w ẇlĕbaqé֥̇ş̌ milĕ̇páná֖yw ʻal־ʻamáֽ̇ḣ׃

9
וַיָּבֹ֖וא הֲתָ֑ךְ וַיַּגֵּ֣ד לְאֶסְתֵּ֔ר אֵ֖ת דִּבְרֵ֥י מָרְדֳּכָֽי׃

wayá̇bò֖wʼ hàţá֑kĕ wayȧgé֣̇d lĕʼesĕţé̇֔r ʼé֖ţ di̇bĕré֥y márĕdȯkáֽy׃

10
וַתֹּ֤אמֶר אֶסְתֵּר֙ לַהֲתָ֔ךְ וַתְּצַוֵּ֖הוּ אֶֽל־מָרְדֳּכָֽי׃

waţò֤̇ʼmer ʼesĕţé̇r֙ lahàţá֔kĕ waţĕ̇ẕawé֖̇hẇ ʼeֽl־márĕdȯkáֽy׃

11
כָּל־עַבְדֵ֣י הַמֶּ֡לֶךְ וְעַם־מְדִינֹ֨ות הַמֶּ֜לֶךְ יֹֽודְעִ֗ים אֲשֶׁ֣ר כָּל־אִ֣ישׁ וְאִשָּׁ֡ה אֲשֶׁ֣ר יָבֹֽוא־אֶל־הַמֶּלֶךְ֩ אֶל־הֶחָצֵ֨ר הַפְּנִימִ֜ית אֲשֶׁ֣ר לֹֽא־יִקָּרֵ֗א אַחַ֤ת דָּתֹו֙ לְהָמִ֔ית לְ֠בַד מֵאֲשֶׁ֨ר יֹֽושִׁיט־לֹ֥ו הַמֶּ֛לֶךְ אֶת־שַׁרְבִ֥יט הַזָּהָ֖ב וְחָיָ֑ה וַאֲנִ֗י לֹ֤א נִקְרֵ֨אתִי֙ לָבֹ֣וא אֶל־הַמֶּ֔לֶךְ זֶ֖ה שְׁלֹושִׁ֥ים יֹֽום׃

ká̇l־ʻabĕdé֣y hamė֡lekĕ wĕʻam־mĕdiynò֨wţ hamė֜lekĕ yòֽwdĕʻi֗ym ʼàşě֣r ká̇l־ʼi֣yş̌ wĕʼişá̇̌֡h ʼàşě֣r yábòֽwʼ־ʼel־hamėlekĕ֩ ʼel־heẖáẕé֨r hapĕ̇niymi֜yţ ʼàşě֣r lòֽʼ־yiqá̇ré֗ʼ ʼaẖa֤ţ dá̇ţòw֙ lĕhámi֔yţ lĕ֠bad méʼàşě֨r yòֽwşǐyt־lò֥w hamė֛lekĕ ʼeţ־şǎrĕbi֥yt hazá̇há֖b wĕẖáyá֑h waʼàni֗y lò֤ʼ niqĕré֨ʼţiy֙ lábò֣wʼ ʼel־hamė֔lekĕ ze֖h şĕ̌lòwşǐ֥ym yòֽwm׃

12
וַיַּגִּ֣ידוּ לְמָרְדֳּכָ֔י אֵ֖ת דִּבְרֵ֥י אֶסְתֵּֽר׃ פ

wayȧgi֣̇ydẇ lĕmárĕdȯká֔y ʼé֖ţ di̇bĕré֥y ʼesĕţéֽ̇r׃ p

13
וַיֹּ֥אמֶר מָרְדֳּכַ֖י לְהָשִׁ֣יב אֶל־אֶסְתֵּ֑ר אַל־תְּדַמִּ֣י בְנַפְשֵׁ֔ךְ לְהִמָּלֵ֥ט בֵּית־הַמֶּ֖לֶךְ מִכָּל־הַיְּהוּדִֽים׃

wayò֥̇ʼmer márĕdȯka֖y lĕháşǐ֣yb ʼel־ʼesĕţé֑̇r ʼal־ţĕ̇dami֣̇y bĕnapĕşé̌֔kĕ lĕhimá̇lé֥t bé̇yţ־hamė֖lekĕ miká̇l־hayĕ̇hẇdiֽym׃

14
כִּ֣י אִם־הַחֲרֵ֣שׁ תַּחֲרִישִׁי֮ בָּעֵ֣ת הַזֹּאת֒ רֶ֣וַח וְהַצָּלָ֞ה יַעֲמֹ֤וד לַיְּהוּדִים֙ מִמָּקֹ֣ום אַחֵ֔ר וְאַ֥תְּ וּבֵית־אָבִ֖יךְ תֹּאבֵ֑דוּ וּמִ֣י יֹודֵ֔עַ אִם־לְעֵ֣ת כָּזֹ֔את הִגַּ֖עַתְּ לַמַּלְכֽוּת׃

ki֣̇y ʼim־haẖàré֣ş̌ ţȧẖàriyşǐy֮ bá̇ʻé֣ţ hazò̇ʼţ֒ re֣waẖ wĕhaẕá̇lá֞h yaʻàmò֤wd layĕ̇hẇdiym֙ mimá̇qò֣wm ʼaẖé֔r wĕʼa֥ţĕ̇ ẇbéyţ־ʼábi֖ykĕ ţò̇ʼbé֑dẇ ẇmi֣y yòwdé֔ʻa ʼim־lĕʻé֣ţ ká̇zò֔ʼţ higȧ֖ʻaţĕ̇ lamȧlĕkֽẇţ׃

15
וַתֹּ֥אמֶר אֶסְתֵּ֖ר לְהָשִׁ֥יב אֶֽל־מָרְדֳּכָֽי׃

waţò֥̇ʼmer ʼesĕţé֖̇r lĕháşǐ֥yb ʼeֽl־márĕdȯkáֽy׃

16
לֵךְ֩ כְּנֹ֨וס אֶת־כָּל־הַיְּהוּדִ֜ים הַֽנִּמְצְאִ֣ים בְּשׁוּשָׁ֗ן וְצ֣וּמוּ עָ֠לַי וְאַל־תֹּאכְל֨וּ וְאַל־תִּשְׁתּ֜וּ שְׁלֹ֤שֶׁת יָמִים֙ לַ֣יְלָה וָיֹ֔ום גַּם־אֲנִ֥י וְנַעֲרֹתַ֖י אָצ֣וּם כֵּ֑ן וּבְכֵ֞ן אָבֹ֤וא אֶל־הַמֶּ֨לֶךְ֙ אֲשֶׁ֣ר לֹֽא־כַדָּ֔ת וְכַאֲשֶׁ֥ר אָבַ֖דְתִּי אָבָֽדְתִּי׃

lékĕ֩ kĕ̇nò֨ws ʼeţ־ká̇l־hayĕ̇hẇdi֜ym haֽni̇mĕẕĕʼi֣ym bĕ̇ş̌ẇşá̌֗n wĕẕ֣ẇmẇ ʻá֠lay wĕʼal־ţò̇ʼkĕl֨ẇ wĕʼal־ţi̇şĕ̌ţ̇֜ẇ şĕ̌lò֤şěţ yámiym֙ la֣yĕláh wáyò֔wm gȧm־ʼàni֥y wĕnaʻàròţa֖y ʼáẕ֣ẇm ké֑̇n ẇbĕké֞n ʼábò֤wʼ ʼel־hamė֨lekĕ֙ ʼàşě֣r lòֽʼ־kadá̇֔ţ wĕkaʼàşě֥r ʼába֖dĕţi̇y ʼábáֽdĕţi̇y׃

17
וַֽיַּעֲבֹ֖ר מָרְדֳּכָ֑י וַיַּ֕עַשׂ כְּכֹ֛ל אֲשֶׁר־צִוְּתָ֥ה עָלָ֖יו אֶסְתֵּֽר׃ ס

waֽyȧʻàbò֖r márĕdȯká֑y wayȧ֕ʻaş̂ kĕ̇kò֛l ʼàşěr־ẕiwĕ̇ţá֥h ʻálá֖yw ʼesĕţéֽ̇r׃ s