Bibles in ancient languages
Old translations
Modern translations

Biblia Hebraica Stuttgartiensia Exodus 2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֵּ֥לֶךְ אִ֖ישׁ מִבֵּ֣ית לֵוִ֑י וַיִּקַּ֖ח אֶת־בַּת־לֵוִֽי׃

wayé֥̇lekĕ ʼi֖yş̌ mibé֣̇yţ léwi֑y wayi̇qȧ֖ẖ ʼeţ־bȧţ־léwiֽy׃

2
וַתַּ֥הַר הָאִשָּׁ֖ה וַתֵּ֣לֶד בֵּ֑ן וַתֵּ֤רֶא אֹתֹו֙ כִּי־טֹ֣וב ה֔וּא וַֽתִּצְפְּנֵ֖הוּ שְׁלֹשָׁ֥ה יְרָחִֽים׃

waţȧ֥har háʼişá֖̇̌h waţé֣̇led bé֑̇n waţé֤̇reʼ ʼòţòw֙ ki̇y־tò֣wb h֔ẇʼ waֽţi̇ẕĕpĕ̇né֖hẇ şĕ̌lòşá֥̌h yĕráẖiֽym׃

3
וְלֹא־יָכְלָ֣ה עֹוד֮ הַצְּפִינֹו֒ וַתִּֽקַּֽח־לֹו֙ תֵּ֣בַת גֹּ֔מֶא וַתַּחְמְרָ֥ה בַחֵמָ֖ר וּבַזָּ֑פֶת וַתָּ֤שֶׂם בָּהּ֙ אֶת־הַיֶּ֔לֶד וַתָּ֥שֶׂם בַּסּ֖וּף עַל־שְׂפַ֥ת הַיְאֹֽר׃

wĕlòʼ־yákĕlá֣h ʻòwd֮ haẕĕ̇piynòw֒ waţiֽ̇qȧֽẖ־lòw֙ ţé֣̇baţ gò̇֔meʼ waţȧẖĕmĕrá֥h baẖémá֖r ẇbazá֑̇peţ waţá֤̇şêm bá̇ḣ֙ ʼeţ־hayė֔led waţá֥̇şêm bȧṡ֖ẇp ʻal־şĕ̂pa֥ţ hayĕʼòֽr׃

4
וַתֵּתַצַּ֥ב אֲחֹתֹ֖ו מֵרָחֹ֑ק לְדֵעָ֕ה מַה־יֵּעָשֶׂ֖ה לֹֽו׃

waţé̇ţaẕȧ֥b ʼàẖòţò֖w méráẖò֑q lĕdéʻá֕h mah־yé̇ʻáşê֖h lòֽw׃

5
וַתֵּ֤רֶד בַּת־פַּרְעֹה֙ לִרְחֹ֣ץ עַל־הַיְאֹ֔ר וְנַעֲרֹתֶ֥יהָ הֹלְכֹ֖ת עַל־יַ֣ד הַיְאֹ֑ר וַתֵּ֤רֶא אֶת־הַתֵּבָה֙ בְּתֹ֣וךְ הַסּ֔וּף וַתִּשְׁלַ֥ח אֶת־אֲמָתָ֖הּ וַתִּקָּחֶֽהָ׃

waţé֤̇red bȧţ־pȧrĕʻòh֙ lirĕẖò֣ẕ ʻal־hayĕʼò֔r wĕnaʻàròţe֥yhá hòlĕkò֖ţ ʻal־ya֣d hayĕʼò֑r waţé֤̇reʼ ʼeţ־haţé̇báh֙ bĕ̇ţò֣wkĕ haṡ֔ẇp waţi̇şĕ̌la֥ẖ ʼeţ־ʼàmáţá֖ḣ waţi̇qá̇ẖeֽhá׃

6
וַתִּפְתַּח֙ וַתִּרְאֵ֣הוּ אֶת־הַיֶּ֔לֶד וְהִנֵּה־נַ֖עַר בֹּכֶ֑ה וַתַּחְמֹ֣ל עָלָ֔יו וַתֹּ֕אמֶר מִיַּלְדֵ֥י הָֽעִבְרִ֖ים זֶֽה׃

waţi̇pĕţȧẖ֙ waţi̇rĕʼé֣hẇ ʼeţ־hayė֔led wĕhiné̇h־na֖ʻar bò̇ke֑h waţȧẖĕmò֣l ʻálá֔yw waţò̇֕ʼmer miyȧlĕdé֥y háֽʻibĕri֖ym zeֽh׃

7
וַתֹּ֣אמֶר אֲחֹתֹו֮ אֶל־בַּת־פַּרְעֹה֒ הַאֵלֵ֗ךְ וְקָרָ֤אתִי לָךְ֙ אִשָּׁ֣ה מֵינֶ֔קֶת מִ֖ן הָעִבְרִיֹּ֑ת וְתֵינִ֥ק לָ֖ךְ אֶת־הַיָּֽלֶד׃

waţò֣̇ʼmer ʼàẖòţòw֮ ʼel־bȧţ־pȧrĕʻòh֒ haʼélé֗kĕ wĕqárá֤ʼţiy lákĕ֙ ʼişá֣̇̌h méyne֔qeţ mi֖n háʻibĕriyò֑̇ţ wĕţéyni֥q lá֖kĕ ʼeţ־hayáֽ̇led׃

8
וַתֹּֽאמֶר־לָ֥הּ בַּת־פַּרְעֹ֖ה לֵ֑כִי וַתֵּ֨לֶךְ֙ הָֽעַלְמָ֔ה וַתִּקְרָ֖א אֶת־אֵ֥ם הַיָּֽלֶד׃

waţòֽ̇ʼmer־lá֥ḣ bȧţ־pȧrĕʻò֖h lé֑kiy waţé̇֨lekĕ֙ háֽʻalĕmá֔h waţi̇qĕrá֖ʼ ʼeţ־ʼé֥m hayáֽ̇led׃

9
וַתֹּ֧אמֶר לָ֣הּ בַּת־פַּרְעֹ֗ה הֵילִ֜יכִי אֶת־הַיֶּ֤לֶד הַזֶּה֙ וְהֵינִקִ֣הוּ לִ֔י וַאֲנִ֖י אֶתֵּ֣ן אֶת־שְׂכָרֵ֑ךְ וַתִּקַּ֧ח הָאִשָּׁ֛ה הַיֶּ֖לֶד וַתְּנִיקֵֽהוּ׃

waţò֧̇ʼmer lá֣ḣ bȧţ־pȧrĕʻò֗h héyli֜ykiy ʼeţ־hayė֤led hazėh֙ wĕhéyniqi֣hẇ li֔y waʼàni֖y ʼeţé֣̇n ʼeţ־şĕ̂káré֑kĕ waţi̇qȧ֧ẖ háʼişá֛̇̌h hayė֖led waţĕ̇niyqéֽhẇ׃

10
וַיִגְדַּ֣ל הַיֶּ֗לֶד וַתְּבִאֵ֨הוּ֙ לְבַת־פַּרְעֹ֔ה וַֽיְהִי־לָ֖הּ לְבֵ֑ן וַתִּקְרָ֤א שְׁמֹו֙ מֹשֶׁ֔ה וַתֹּ֕אמֶר כִּ֥י מִן־הַמַּ֖יִם מְשִׁיתִֽהוּ׃

wayigĕdȧ֣l hayė֗led waţĕ̇biʼé֨hẇ֙ lĕbaţ־pȧrĕʻò֔h waֽyĕhiy־lá֖ḣ lĕbé֑n waţi̇qĕrá֤ʼ şĕ̌mòw֙ mòşě֔h waţò̇֕ʼmer ki֥̇y min־hamȧ֖yim mĕşǐyţiֽhẇ׃

11
וַיְהִ֣י׀ בַּיָּמִ֣ים הָהֵ֗ם וַיִּגְדַּ֤ל מֹשֶׁה֙ וַיֵּצֵ֣א אֶל־אֶחָ֔יו וַיַּ֖רְא בְּסִבְלֹתָ֑ם וַיַּרְא֙ אִ֣ישׁ מִצְרִ֔י מַכֶּ֥ה אִישׁ־עִבְרִ֖י מֵאֶחָֽיו׃

wayĕhi֣y׀ bȧyá̇mi֣ym háhé֗m wayi̇gĕdȧ֤l mòşěh֙ wayé̇ẕé֣ʼ ʼel־ʼeẖá֔yw wayȧ֖rĕʼ bĕ̇sibĕlòţá֑m wayȧrĕʼ֙ ʼi֣yş̌ miẕĕri֔y makė֥h ʼiyş̌־ʻibĕri֖y méʼeẖáֽyw׃

12
וַיִּ֤פֶן כֹּה֙ וָכֹ֔ה וַיַּ֖רְא כִּ֣י אֵ֣ין אִ֑ישׁ וַיַּךְ֙ אֶת־הַמִּצְרִ֔י וַֽיִּטְמְנֵ֖הוּ בַּחֹֽול׃

wayi֤̇pen kò̇h֙ wákò֔h wayȧ֖rĕʼ ki֣̇y ʼé֣yn ʼi֑yş̌ wayȧkĕ֙ ʼeţ־hami̇ẕĕri֔y waֽyi̇tĕmĕné֖hẇ bȧẖòֽwl׃

13
וַיֵּצֵא֙ בַּיֹּ֣ום הַשֵּׁנִ֔י וְהִנֵּ֛ה שְׁנֵֽי־אֲנָשִׁ֥ים עִבְרִ֖ים נִצִּ֑ים וַיֹּ֨אמֶר֙ לָֽרָשָׁ֔ע לָ֥מָּה תַכֶּ֖ה רֵעֶֽךָ׃

wayé̇ẕéʼ֙ bȧyò֣̇wm haşé̇̌ni֔y wĕhiné֛̇h şĕ̌néֽy־ʼànáşǐ֥ym ʻibĕri֖ym niẕi֑̇ym wayò̇֨ʼmer֙ láֽráşá̌֔ʻ lá֥má̇h ţakė֖h réʻeֽká׃

14
וַ֠יֹּאמֶר מִ֣י שָֽׂמְךָ֞ לְאִ֨ישׁ שַׂ֤ר וְשֹׁפֵט֙ עָלֵ֔ינוּ הַלְהָרְגֵ֨נִי֙ אַתָּ֣ה אֹמֵ֔ר כַּאֲשֶׁ֥ר הָרַ֖גְתָּ אֶת־הַמִּצְרִ֑י וַיִּירָ֤א מֹשֶׁה֙ וַיֹּאמַ֔ר אָכֵ֖ן נֹודַ֥ע הַדָּבָֽר׃

wa֠yò̇ʼmer mi֣y şáֽ̂mĕká֞ lĕʼi֨yş̌ şâ֤r wĕşò̌pét֙ ʻálé֔ynẇ halĕhárĕgé֨niy֙ ʼaţá֣̇h ʼòmé֔r kȧʼàşě֥r hára֖gĕţá̇ ʼeţ־hami̇ẕĕri֑y wayi̇yrá֤ʼ mòşěh֙ wayò̇ʼma֔r ʼáké֖n nòwda֥ʻ hadá̇báֽr׃

15
וַיִּשְׁמַ֤ע פַּרְעֹה֙ אֶת־הַדָּבָ֣ר הַזֶּ֔ה וַיְבַקֵּ֖שׁ לַהֲרֹ֣ג אֶת־מֹשֶׁ֑ה וַיִּבְרַ֤ח מֹשֶׁה֙ מִפְּנֵ֣י פַרְעֹ֔ה וַיֵּ֥שֶׁב בְּאֶֽרֶץ־מִדְיָ֖ן וַיֵּ֥שֶׁב עַֽל־הַבְּאֵֽר׃

wayi̇şĕ̌ma֤ʻ pȧrĕʻòh֙ ʼeţ־hadá̇bá֣r hazė֔h wayĕbaqé֖̇ş̌ lahàrò֣g ʼeţ־mòşě֑h wayi̇bĕra֤ẖ mòşěh֙ mipĕ̇né֣y parĕʻò֔h wayé֥̇şěb bĕ̇ʼeֽreẕ־midĕyá֖n wayé֥̇şěb ʻaֽl־habĕ̇ʼéֽr׃

16
וּלְכֹהֵ֥ן מִדְיָ֖ן שֶׁ֣בַע בָּנֹ֑ות וַתָּבֹ֣אנָה וַתִּדְלֶ֗נָה וַתְּמַלֶּ֨אנָה֙ אֶת־הָ֣רְהָטִ֔ים לְהַשְׁקֹ֖ות צֹ֥אן אֲבִיהֶֽן׃

ẇlĕkòhé֥n midĕyá֖n şě֣baʻ bá̇nò֑wţ waţá̇bò֣ʼnáh waţi̇dĕle֗náh waţĕ̇malė֨ʼnáh֙ ʼeţ־há֣rĕháti֔ym lĕhaşĕ̌qò֖wţ ẕò֥ʼn ʼàbiyheֽn׃

17
וַיָּבֹ֥אוּ הָרֹעִ֖ים וַיְגָרְשׁ֑וּם וַיָּ֤קָם מֹשֶׁה֙ וַיֹּ֣ושִׁעָ֔ן וַיַּ֖שְׁקְ אֶת־צֹאנָֽם׃

wayá̇bò֥ʼẇ háròʻi֖ym wayĕgárĕş֑̌ẇm wayá֤̇qám mòşěh֙ wayò֣̇wşǐʻá֔n wayȧ֖şĕ̌qĕ ʼeţ־ẕòʼnáֽm׃

18
וַתָּבֹ֕אנָה אֶל־רְעוּאֵ֖ל אֲבִיהֶ֑ן וַיֹּ֕אמֶר מַדּ֛וּעַ מִהַרְתֶּ֥ן בֹּ֖א הַיֹּֽום׃

waţá̇bò֕ʼnáh ʼel־rĕʻẇʼé֖l ʼàbiyhe֑n wayò̇֕ʼmer maḋ֛ẇʻa miharĕţė֥n bò֖̇ʼ hayòֽ̇wm׃

19
וַתֹּאמַ֕רְןָ אִ֣ישׁ מִצְרִ֔י הִצִּילָ֖נוּ מִיַּ֣ד הָרֹעִ֑ים וְגַם־דָּלֹ֤ה דָלָה֙ לָ֔נוּ וַיַּ֖שְׁקְ אֶת־הַצֹּֽאן׃

waţò̇ʼma֕rĕná ʼi֣yş̌ miẕĕri֔y hiẕi̇ylá֖nẇ miyȧ֣d háròʻi֑ym wĕgam־dá̇lò֤h dáláh֙ lá֔nẇ wayȧ֖şĕ̌qĕ ʼeţ־haẕòֽ̇ʼn׃

20
וַיֹּ֥אמֶר אֶל־בְּנֹתָ֖יו וְאַיֹּ֑ו לָ֤מָּה זֶּה֙ עֲזַבְתֶּ֣ן אֶת־הָאִ֔ישׁ קִרְאֶ֥ן לֹ֖ו וְיֹ֥אכַל לָֽחֶם׃

wayò֥̇ʼmer ʼel־bĕ̇nòţá֖yw wĕʼayò֑̇w lá֤má̇h zėh֙ ʻàzabĕţė֣n ʼeţ־háʼi֔yş̌ qirĕʼe֥n lò֖w wĕyò֥ʼkal láֽẖem׃

21
וַיֹּ֥ואֶל מֹשֶׁ֖ה לָשֶׁ֣בֶת אֶת־הָאִ֑ישׁ וַיִּתֵּ֛ן אֶת־צִפֹּרָ֥ה בִתֹּ֖ו לְמֹשֶֽׁה׃

wayò֥̇wʼel mòşě֖h láşě֣beţ ʼeţ־háʼi֑yş̌ wayi̇ţé֛̇n ʼeţ־ẕipò̇rá֥h biţò֖̇w lĕmòşěֽh׃

22
וַתֵּ֣לֶד בֵּ֔ן וַיִּקְרָ֥א אֶת־שְׁמֹ֖ו גֵּרְשֹׁ֑ם כִּ֣י אָמַ֔ר גֵּ֣ר הָיִ֔יתִי בְּאֶ֖רֶץ נָכְרִיָּֽה׃ פ

waţé֣̇led bé̇֔n wayi̇qĕrá֥ʼ ʼeţ־şĕ̌mò֖w gé̇rĕşò֑̌m ki֣̇y ʼáma֔r gé֣̇r háyi֔yţiy bĕ̇ʼe֖reẕ nákĕriyáֽ̇h׃ p

23
וַיְהִי֩ בַיָּמִ֨ים הָֽרַבִּ֜ים הָהֵ֗ם וַיָּ֨מָת֙ מֶ֣לֶךְ מִצְרַ֔יִם וַיֵּאָנְח֧וּ בְנֵֽי־יִשְׂרָאֵ֛ל מִן־הָעֲבֹדָ֖ה וַיִּזְעָ֑קוּ וַתַּ֧עַל שַׁוְעָתָ֛ם אֶל־הָאֱלֹהִ֖ים מִן־הָעֲבֹדָֽה׃

wayĕhiy֩ bayá̇mi֨ym háֽrabi̇֜ym háhé֗m wayá̇֨máţ֙ me֣lekĕ miẕĕra֔yim wayé̇ʼánĕẖ֧ẇ bĕnéֽy־yişĕ̂ráʼé֛l min־háʻàbòdá֖h wayi̇zĕʻá֑qẇ waţȧ֧ʻal şǎwĕʻáţá֛m ʼel־háʼèlòhi֖ym min־háʻàbòdáֽh׃

24
וַיִּשְׁמַ֥ע אֱלֹהִ֖ים אֶת־נַאֲקָתָ֑ם וַיִּזְכֹּ֤ר אֱלֹהִים֙ אֶת־בְּרִיתֹ֔ו אֶת־אַבְרָהָ֖ם אֶת־יִצְחָ֥ק וְאֶֽת־יַעֲקֹֽב׃

wayi̇şĕ̌ma֥ʻ ʼèlòhi֖ym ʼeţ־naʼàqáţá֑m wayi̇zĕkò֤̇r ʼèlòhiym֙ ʼeţ־bĕ̇riyţò֔w ʼeţ־ʼabĕráhá֖m ʼeţ־yiẕĕẖá֥q wĕʼeֽţ־yaʻàqòֽb׃

25
וַיַּ֥רְא אֱלֹהִ֖ים אֶת־בְּנֵ֣י יִשְׂרָאֵ֑ל וַיֵּ֖דַע אֱלֹהִֽים׃ ס

wayȧ֥rĕʼ ʼèlòhi֖ym ʼeţ־bĕ̇né֣y yişĕ̂ráʼé֑l wayé֖̇daʻ ʼèlòhiֽym׃ s