Bibles in ancient languages
Old translations
Modern translations

Biblia Hebraica Stuttgartiensia Exodus 7

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֤אמֶר יְהוָה֙ אֶל־מֹשֶׁ֔ה רְאֵ֛ה נְתַתִּ֥יךָ אֱלֹהִ֖ים לְפַרְעֹ֑ה וְאַהֲרֹ֥ן אָחִ֖יךָ יִהְיֶ֥ה נְבִיאֶֽךָ׃

wayò֤̇ʼmer yĕhwáh֙ ʼel־mòşě֔h rĕʼé֛h nĕţaţi֥̇yká ʼèlòhi֖ym lĕparĕʻò֑h wĕʼahàrò֥n ʼáẖi֖yká yihĕye֥h nĕbiyʼeֽká׃

2
אַתָּ֣ה תְדַבֵּ֔ר אֵ֖ת כָּל־אֲשֶׁ֣ר אֲצַוֶּ֑ךָּ וְאַהֲרֹ֤ן אָחִ֨יךָ֙ יְדַבֵּ֣ר אֶל־פַּרְעֹ֔ה וְשִׁלַּ֥ח אֶת־בְּנֵֽי־יִשְׂרָאֵ֖ל מֵאַרְצֹֽו׃

ʼaţá֣̇h ţĕdabé̇֔r ʼé֖ţ ká̇l־ʼàşě֣r ʼàẕawė֑ká̇ wĕʼahàrò֤n ʼáẖi֨yká֙ yĕdabé֣̇r ʼel־pȧrĕʻò֔h wĕşǐlȧ֥ẖ ʼeţ־bĕ̇néֽy־yişĕ̂ráʼé֖l méʼarĕẕòֽw׃

3
וַאֲנִ֥י אַקְשֶׁ֖ה אֶת־לֵ֣ב פַּרְעֹ֑ה וְהִרְבֵּיתִ֧י אֶת־אֹתֹתַ֛י וְאֶת־מֹופְתַ֖י בְּאֶ֥רֶץ מִצְרָֽיִם׃

waʼàni֥y ʼaqĕşě֖h ʼeţ־lé֣b pȧrĕʻò֑h wĕhirĕbé̇yţi֧y ʼeţ־ʼòţòţa֛y wĕʼeţ־mòwpĕţa֖y bĕ̇ʼe֥reẕ miẕĕráֽyim׃

4
וְלֹֽא־יִשְׁמַ֤ע אֲלֵכֶם֙ פַּרְעֹ֔ה וְנָתַתִּ֥י אֶת־יָדִ֖י בְּמִצְרָ֑יִם וְהֹוצֵאתִ֨י אֶת־צִבְאֹתַ֜י אֶת־עַמִּ֤י בְנֵֽי־יִשְׂרָאֵל֙ מֵאֶ֣רֶץ מִצְרַ֔יִם בִּשְׁפָטִ֖ים גְּדֹלִֽים׃

wĕlòֽʼ־yişĕ̌ma֤ʻ ʼàlékem֙ pȧrĕʻò֔h wĕnáţaţi֥̇y ʼeţ־yádi֖y bĕ̇miẕĕrá֑yim wĕhòwẕéʼţi֨y ʼeţ־ẕibĕʼòţa֜y ʼeţ־ʻami֤̇y bĕnéֽy־yişĕ̂ráʼél֙ méʼe֣reẕ miẕĕra֔yim bi̇şĕ̌páti֖ym gĕ̇dòliֽym׃

5
וְיָדְע֤וּ מִצְרַ֨יִם֙ כִּֽי־אֲנִ֣י יְהוָ֔ה בִּנְטֹתִ֥י אֶת־יָדִ֖י עַל־מִצְרָ֑יִם וְהֹוצֵאתִ֥י אֶת־בְּנֵֽי־יִשְׂרָאֵ֖ל מִתֹּוכָֽם׃

wĕyádĕʻ֤ẇ miẕĕra֨yim֙ kiֽ̇y־ʼàni֣y yĕhwá֔h bi̇nĕtòţi֥y ʼeţ־yádi֖y ʻal־miẕĕrá֑yim wĕhòwẕéʼţi֥y ʼeţ־bĕ̇néֽy־yişĕ̂ráʼé֖l miţò̇wkáֽm׃

6
וַיַּ֥עַשׂ מֹשֶׁ֖ה וְאַהֲרֹ֑ן כַּאֲשֶׁ֨ר צִוָּ֧ה יְהוָ֛ה אֹתָ֖ם כֵּ֥ן עָשֽׂוּ׃

wayȧ֥ʻaş̂ mòşě֖h wĕʼahàrò֑n kȧʼàşě֨r ẕiwá֧̇h yĕhwá֛h ʼòţá֖m ké֥̇n ʻáşֽ̂ẇ׃

7
וּמֹשֶׁה֙ בֶּן־שְׁמֹנִ֣ים שָׁנָ֔ה וְאַֽהֲרֹ֔ן בֶּן־שָׁלֹ֥שׁ וּשְׁמֹנִ֖ים שָׁנָ֑ה בְּדַבְּרָ֖ם אֶל־פַּרְעֹֽה׃ פ

ẇmòşěh֙ bėn־şĕ̌mòni֣ym şá̌ná֔h wĕʼaֽhàrò֔n bėn־şá̌lò֥ş̌ ẇşĕ̌mòni֖ym şá̌ná֑h bĕ̇dabĕ̇rá֖m ʼel־pȧrĕʻòֽh׃ p

8
וַיֹּ֣אמֶר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

wayò֣̇ʼmer yĕhwá֔h ʼel־mòşě֥h wĕʼeֽl־ʼahàrò֖n léʼmòֽr׃

9
כִּי֩ יְדַבֵּ֨ר אֲלֵכֶ֤ם פַּרְעֹה֙ לֵאמֹ֔ר תְּנ֥וּ לָכֶ֖ם מֹופֵ֑ת וְאָמַרְתָּ֣ אֶֽל־אַהֲרֹ֗ן קַ֧ח אֶֽת־מַטְּךָ֛ וְהַשְׁלֵ֥ךְ לִפְנֵֽי־פַרְעֹ֖ה יְהִ֥י לְתַנִּֽין׃

ki̇y֩ yĕdabé̇֨r ʼàléke֤m pȧrĕʻòh֙ léʼmò֔r ţĕ̇n֥ẇ láke֖m mòwpé֑ţ wĕʼámarĕţá֣̇ ʼeֽl־ʼahàrò֗n qa֧ẖ ʼeֽţ־matĕ̇ká֛ wĕhaşĕ̌lé֥kĕ lipĕnéֽy־parĕʻò֖h yĕhi֥y lĕţaniֽ̇yn׃

10
וַיָּבֹ֨א מֹשֶׁ֤ה וְאַהֲרֹן֙ אֶל־פַּרְעֹ֔ה וַיַּ֣עַשׂוּ כֵ֔ן כַּאֲשֶׁ֖ר צִוָּ֣ה יְהוָ֑ה וַיַּשְׁלֵ֨ךְ אַהֲרֹ֜ן אֶת־מַטֵּ֗הוּ לִפְנֵ֥י פַרְעֹ֛ה וְלִפְנֵ֥י עֲבָדָ֖יו וַיְהִ֥י לְתַנִּֽין׃

wayá̇bò֨ʼ mòşě֤h wĕʼahàròn֙ ʼel־pȧrĕʻò֔h wayȧ֣ʻaş̂ẇ ké֔n kȧʼàşě֖r ẕiwá֣̇h yĕhwá֑h wayȧşĕ̌lé֨kĕ ʼahàrò֜n ʼeţ־maté̇֗hẇ lipĕné֥y parĕʻò֛h wĕlipĕné֥y ʻàbádá֖yw wayĕhi֥y lĕţaniֽ̇yn׃

11
וַיִּקְרָא֙ גַּם־פַּרְעֹ֔ה לַֽחֲכָמִ֖ים וְלַֽמְכַשְּׁפִ֑ים וַיַּֽעֲשׂ֨וּ גַם־הֵ֜ם חַרְטֻמֵּ֥י מִצְרַ֛יִם בְּלַהֲטֵיהֶ֖ם כֵּֽן׃

wayi̇qĕráʼ֙ gȧm־pȧrĕʻò֔h laֽẖàkámi֖ym wĕlaֽmĕkaşĕ̇̌pi֑ym wayȧֽʻàş̂֨ẇ gam־hé֜m ẖarĕtumé֥̇y miẕĕra֛yim bĕ̇lahàtéyhe֖m kéֽ̇n׃

12
וַיַּשְׁלִ֨יכוּ֙ אִ֣ישׁ מַטֵּ֔הוּ וַיִּהְי֖וּ לְתַנִּינִ֑ם וַיִּבְלַ֥ע מַטֵּֽה־אַהֲרֹ֖ן אֶת־מַטֹּתָֽם׃

wayȧşĕ̌li֨ykẇ֙ ʼi֣yş̌ maté̇֔hẇ wayi̇hĕy֖ẇ lĕţani̇yni֑m wayi̇bĕla֥ʻ matéֽ̇h־ʼahàrò֖n ʼeţ־matò̇ţáֽm׃

13
וַיֶּחֱזַק֙ לֵ֣ב פַּרְעֹ֔ה וְלֹ֥א שָׁמַ֖ע אֲלֵהֶ֑ם כַּאֲשֶׁ֖ר דִּבֶּ֥ר יְהוָֽה׃ פ

wayėẖèzaq֙ lé֣b pȧrĕʻò֔h wĕlò֥ʼ şá̌ma֖ʻ ʼàléhe֑m kȧʼàşě֖r di̇bė֥r yĕhwáֽh׃ p

14
וַיֹּ֤אמֶר יְהוָה֙ אֶל־מֹשֶׁ֔ה כָּבֵ֖ד לֵ֣ב פַּרְעֹ֑ה מֵאֵ֖ן לְשַׁלַּ֥ח הָעָֽם׃

wayò֤̇ʼmer yĕhwáh֙ ʼel־mòşě֔h ká̇bé֖d lé֣b pȧrĕʻò֑h méʼé֖n lĕşǎlȧ֥ẖ háʻáֽm׃

15
לֵ֣ךְ אֶל־פַּרְעֹ֞ה בַּבֹּ֗קֶר הִנֵּה֙ יֹצֵ֣א הַמַּ֔יְמָה וְנִצַּבְתָּ֥ לִקְרָאתֹ֖ו עַל־שְׂפַ֣ת הַיְאֹ֑ר וְהַמַּטֶּ֛ה אֲשֶׁר־נֶהְפַּ֥ךְ לְנָחָ֖שׁ תִּקַּ֥ח בְּיָדֶֽךָ׃

lé֣kĕ ʼel־pȧrĕʻò֞h bȧbò̇֗qer hiné̇h֙ yòẕé֣ʼ hamȧ֔yĕmáh wĕniẕȧbĕţá֥̇ liqĕráʼţò֖w ʻal־şĕ̂pa֣ţ hayĕʼò֑r wĕhamȧtė֛h ʼàşěr־nehĕpȧ֥kĕ lĕnáẖá֖ş̌ ţi̇qȧ֥ẖ bĕ̇yádeֽká׃

16
וְאָמַרְתָּ֣ אֵלָ֗יו יְהוָ֞ה אֱלֹהֵ֤י הָעִבְרִים֙ שְׁלָחַ֤נִי אֵלֶ֨יךָ֙ לֵאמֹ֔ר שַׁלַּח֙ אֶת־עַמִּ֔י וְיַֽעַבְדֻ֖נִי בַּמִּדְבָּ֑ר וְהִנֵּ֥ה לֹא־שָׁמַ֖עְתָּ עַד־כֹּֽה׃

wĕʼámarĕţá֣̇ ʼélá֗yw yĕhwá֞h ʼèlòhé֤y háʻibĕriym֙ şĕ̌láẖa֤niy ʼéle֨yká֙ léʼmò֔r şǎlȧẖ֙ ʼeţ־ʻami̇֔y wĕyaֽʻabĕdu֖niy bȧmi̇dĕbá֑̇r wĕhiné֥̇h lòʼ־şá̌ma֖ʻĕţá̇ ʻad־kòֽ̇h׃

17
כֹּ֚ה אָמַ֣ר יְהוָ֔ה בְּזֹ֣את תֵּדַ֔ע כִּ֖י אֲנִ֣י יְהוָ֑ה הִנֵּ֨ה אָנֹכִ֜י מַכֶּ֣ה׀ בַּמַּטֶּ֣ה אֲשֶׁר־בְּיָדִ֗י עַל־הַמַּ֛יִם אֲשֶׁ֥ר בַּיְאֹ֖ר וְנֶהֶפְכ֥וּ לְדָֽם׃

kò֚̇h ʼáma֣r yĕhwá֔h bĕ̇zò֣ʼţ ţé̇da֔ʻ ki֖̇y ʼàni֣y yĕhwá֑h hiné̇֨h ʼánòki֜y makė֣h׀ bȧmȧtė֣h ʼàşěr־bĕ̇yádi֗y ʻal־hamȧ֛yim ʼàşě֥r bȧyĕʼò֖r wĕnehepĕk֥ẇ lĕdáֽm׃

18
וְהַדָּגָ֧ה אֲשֶׁר־בַּיְאֹ֛ר תָּמ֖וּת וּבָאַ֣שׁ הַיְאֹ֑ר וְנִלְא֣וּ מִצְרַ֔יִם לִשְׁתֹּ֥ות מַ֖יִם מִן־הַיְאֹֽר׃ ס

wĕhadá̇gá֧h ʼàşěr־bȧyĕʼò֛r ţá̇m֖ẇţ ẇbáʼa֣ş̌ hayĕʼò֑r wĕnilĕʼ֣ẇ miẕĕra֔yim lişĕ̌ţò֥̇wţ ma֖yim min־hayĕʼòֽr׃ s

19
וַיֹּ֨אמֶר יְהוָ֜ה אֶל־מֹשֶׁ֗ה אֱמֹ֣ר אֶֽל־אַהֲרֹ֡ן קַ֣ח מַטְּךָ֣ וּנְטֵֽה־יָדְךָ֩ עַל־מֵימֵ֨י מִצְרַ֜יִם עַֽל־נַהֲרֹתָ֣ם׀ עַל־יְאֹרֵיהֶ֣ם וְעַל־אַגְמֵיהֶ֗ם וְעַ֛ל כָּל־מִקְוֵ֥ה מֵימֵיהֶ֖ם וְיִֽהְיוּ־דָ֑ם וְהָ֤יָה דָם֙ בְּכָל־אֶ֣רֶץ מִצְרַ֔יִם וּבָעֵצִ֖ים וּבָאֲבָנִֽים׃

wayò̇֨ʼmer yĕhwá֜h ʼel־mòşě֗h ʼèmò֣r ʼeֽl־ʼahàrò֡n qa֣ẖ matĕ̇ká֣ ẇnĕtéֽh־yádĕká֩ ʻal־méymé֨y miẕĕra֜yim ʻaֽl־nahàròţá֣m׀ ʻal־yĕʼòréyhe֣m wĕʻal־ʼagĕméyhe֗m wĕʻa֛l ká̇l־miqĕwé֥h méyméyhe֖m wĕyiֽhĕyẇ־dá֑m wĕhá֤yáh dám֙ bĕ̇kál־ʼe֣reẕ miẕĕra֔yim ẇbáʻéẕi֖ym ẇbáʼàbániֽym׃

20
וַיַּֽעֲשׂוּ־כֵן֩ מֹשֶׁ֨ה וְאַהֲרֹ֜ן כַּאֲשֶׁ֣ר׀ צִוָּ֣ה יְהוָ֗ה וַיָּ֤רֶם בַּמַּטֶּה֙ וַיַּ֤ךְ אֶת־הַמַּ֨יִם֙ אֲשֶׁ֣ר בַּיְאֹ֔ר לְעֵינֵ֣י פַרְעֹ֔ה וּלְעֵינֵ֖י עֲבָדָ֑יו וַיֵּהָֽפְכ֛וּ כָּל־הַמַּ֥יִם אֲשֶׁר־בַּיְאֹ֖ר לְדָֽם׃

wayȧֽʻàş̂ẇ־kén֩ mòşě֨h wĕʼahàrò֜n kȧʼàşě֣r׀ ẕiwá֣̇h yĕhwá֗h wayá֤̇rem bȧmȧtėh֙ wayȧ֤kĕ ʼeţ־hamȧ֨yim֙ ʼàşě֣r bȧyĕʼò֔r lĕʻéyné֣y parĕʻò֔h ẇlĕʻéyné֖y ʻàbádá֑yw wayé̇háֽpĕk֛ẇ ká̇l־hamȧ֥yim ʼàşěr־bȧyĕʼò֖r lĕdáֽm׃

21
וְהַדָּגָ֨ה אֲשֶׁר־בַּיְאֹ֥ר מֵ֨תָה֙ וַיִּבְאַ֣שׁ הַיְאֹ֔ר וְלֹא־יָכְל֣וּ מִצְרַ֔יִם לִשְׁתֹּ֥ות מַ֖יִם מִן־הַיְאֹ֑ר וַיְהִ֥י הַדָּ֖ם בְּכָל־אֶ֥רֶץ מִצְרָֽיִם׃

wĕhadá̇gá֨h ʼàşěr־bȧyĕʼò֥r mé֨ţáh֙ wayi̇bĕʼa֣ş̌ hayĕʼò֔r wĕlòʼ־yákĕl֣ẇ miẕĕra֔yim lişĕ̌ţò֥̇wţ ma֖yim min־hayĕʼò֑r wayĕhi֥y hadá֖̇m bĕ̇kál־ʼe֥reẕ miẕĕráֽyim׃

22
וַיַּֽעֲשׂוּ־כֵ֛ן חַרְטֻמֵּ֥י מִצְרַ֖יִם בְּלָטֵיהֶ֑ם וַיֶּחֱזַ֤ק לֵב־פַּרְעֹה֙ וְלֹא־שָׁמַ֣ע אֲלֵהֶ֔ם כַּאֲשֶׁ֖ר דִּבֶּ֥ר יְהוָֽה׃

wayȧֽʻàş̂ẇ־ké֛n ẖarĕtumé֥̇y miẕĕra֖yim bĕ̇látéyhe֑m wayėẖèza֤q léb־pȧrĕʻòh֙ wĕlòʼ־şá̌ma֣ʻ ʼàléhe֔m kȧʼàşě֖r di̇bė֥r yĕhwáֽh׃

23
וַיִּ֣פֶן פַּרְעֹ֔ה וַיָּבֹ֖א אֶל־בֵּיתֹ֑ו וְלֹא־שָׁ֥ת לִבֹּ֖ו גַּם־לָזֹֽאת׃

wayi֣̇pen pȧrĕʻò֔h wayá̇bò֖ʼ ʼel־bé̇yţò֑w wĕlòʼ־şá֥̌ţ libò֖̇w gȧm־lázòֽʼţ׃

24
וַיַּחְפְּר֧וּ כָל־מִצְרַ֛יִם סְבִיבֹ֥ת הַיְאֹ֖ר מַ֣יִם לִשְׁתֹּ֑ות כִּ֣י לֹ֤א יָֽכְלוּ֙ לִשְׁתֹּ֔ת מִמֵּימֵ֖י הַיְאֹֽר׃

wayȧẖĕpĕ̇r֧ẇ kál־miẕĕra֛yim sĕbiybò֥ţ hayĕʼò֖r ma֣yim lişĕ̌ţò֑̇wţ ki֣̇y lò֤ʼ yáֽkĕlẇ֙ lişĕ̌ţò̇֔ţ mimé̇ymé֖y hayĕʼòֽr׃

25
וַיִּמָּלֵ֖א שִׁבְעַ֣ת יָמִ֑ים אַחֲרֵ֥י הַכֹּות־יְהוָ֖ה אֶת־הַיְאֹֽר׃ פ

wayi̇má̇lé֖ʼ şǐbĕʻa֣ţ yámi֑ym ʼaẖàré֥y hakò̇wţ־yĕhwá֖h ʼeţ־hayĕʼòֽr׃ p

26
וַיֹּ֤אמֶר יְהוָה֙ אֶל־מֹשֶׁ֔ה בֹּ֖א אֶל־פַּרְעֹ֑ה וְאָמַרְתָּ֣ אֵלָ֗יו כֹּ֚ה אָמַ֣ר יְהוָ֔ה שַׁלַּ֥ח אֶת־עַמִּ֖י וְיַֽעַבְדֻֽנִי׃

wayò֤̇ʼmer yĕhwáh֙ ʼel־mòşě֔h bò֖̇ʼ ʼel־pȧrĕʻò֑h wĕʼámarĕţá֣̇ ʼélá֗yw kò֚̇h ʼáma֣r yĕhwá֔h şǎlȧ֥ẖ ʼeţ־ʻami֖̇y wĕyaֽʻabĕduֽniy׃

27
וְאִם־מָאֵ֥ן אַתָּ֖ה לְשַׁלֵּ֑חַ הִנֵּ֣ה אָנֹכִ֗י נֹגֵ֛ף אֶת־כָּל־גְּבוּלְךָ֖ בַּֽצְפַרְדְּעִֽים׃

wĕʼim־máʼé֥n ʼaţá֖̇h lĕşǎlé֑̇ẖa hiné֣̇h ʼánòki֗y nògé֛p ʼeţ־ká̇l־gĕ̇bẇlĕká֖ bȧֽẕĕparĕdĕ̇ʻiֽym׃

28
וְשָׁרַ֣ץ הַיְאֹר֮ צְפַרְדְּעִים֒ וְעָלוּ֙ וּבָ֣אוּ בְּבֵיתֶ֔ךָ וּבַחֲדַ֥ר מִשְׁכָּבְךָ֖ וְעַל־מִטָּתֶ֑ךָ וּבְבֵ֤ית עֲבָדֶ֨יךָ֙ וּבְעַמֶּ֔ךָ וּבְתַנּוּרֶ֖יךָ וּבְמִשְׁאֲרֹותֶֽיךָ׃

wĕşá̌ra֣ẕ hayĕʼòr֮ ẕĕparĕdĕ̇ʻiym֒ wĕʻálẇ֙ ẇbá֣ʼẇ bĕ̇béyţe֔ká ẇbaẖàda֥r mişĕ̌ká̇bĕká֖ wĕʻal־mitá̇ţe֑ká ẇbĕbé֤yţ ʻàbáde֨yká֙ ẇbĕʻamė֔ká ẇbĕţaṅẇre֖yká ẇbĕmişĕ̌ʼàròwţeֽyká׃

29
וּבְכָ֥ה וּֽבְעַמְּךָ֖ וּבְכָל־עֲבָדֶ֑יךָ יַעֲל֖וּ הַֽצְפַרְדְּעִֽים׃

ẇbĕká֥h ẇֽbĕʻamĕ̇ká֖ ẇbĕkál־ʻàbáde֑yká yaʻàl֖ẇ haֽẕĕparĕdĕ̇ʻiֽym׃