Bibles in ancient languages
Old translations
Modern translations

Biblia Hebraica Stuttgartiensia Ezekiel 25

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
בֶּן־אָדָ֕ם שִׂ֥ים פָּנֶ֖יךָ אֶל־בְּנֵ֣י עַמֹּ֑ון וְהִנָּבֵ֖א עֲלֵיהֶֽם׃

bėn־ʼádá֕m şî֥ym pá̇ne֖yká ʼel־bĕ̇né֣y ʻamò֑̇wn wĕhiná̇bé֖ʼ ʻàléyheֽm׃

3
וְאָֽמַרְתָּ֙ לִבְנֵ֣י עַמֹּ֔ון שִׁמְע֖וּ דְּבַר־אֲדֹנָ֣י יְהוִ֑ה כֹּה־אָמַ֣ר אֲדֹנָ֣י יְהוִ֡ה יַעַן֩ אָמְרֵ֨ךְ הֶאָ֜ח אֶל־מִקְדָּשִׁ֣י כִֽי־נִחָ֗ל וְאֶל־אַדְמַ֤ת יִשְׂרָאֵל֙ כִּ֣י נָשַׁ֔מָּה וְאֶל־בֵּ֣ית יְהוּדָ֔ה כִּ֥י הָלְכ֖וּ בַּגֹּולָֽה׃

wĕʼáֽmarĕţá̇֙ libĕné֣y ʻamò̇֔wn şǐmĕʻ֖ẇ dĕ̇bar־ʼàdòná֣y yĕhwi֑h kò̇h־ʼáma֣r ʼàdòná֣y yĕhwi֡h yaʻan֩ ʼámĕré֨kĕ heʼá֜ẖ ʼel־miqĕdá̇şǐ֣y kiֽy־niẖá֗l wĕʼel־ʼadĕma֤ţ yişĕ̂ráʼél֙ ki֣̇y náşǎ֔má̇h wĕʼel־bé֣̇yţ yĕhẇdá֔h ki֥̇y hálĕk֖ẇ bȧgò̇wláֽh׃

4
לָכֵ֡ן הִנְנִי֩ נֹתְנָ֨ךְ לִבְנֵי־קֶ֜דֶם לְמֹֽורָשָׁ֗ה וְיִשְּׁב֤וּ טִירֹֽותֵיהֶם֙ בָּ֔ךְ וְנָ֥תְנוּ בָ֖ךְ מִשְׁכְּנֵיהֶ֑ם הֵ֚מָּה יֹאכְל֣וּ פִרְיֵ֔ךְ וְהֵ֖מָּה יִשְׁתּ֥וּ חֲלָבֵֽךְ׃

láké֡n hinĕniy֩ nòţĕná֨kĕ libĕnéy־qe֜dem lĕmòֽwráşá̌֗h wĕyişĕ̇̌b֤ẇ tiyròֽwţéyhem֙ bá̇֔kĕ wĕná֥ţĕnẇ bá֖kĕ mişĕ̌kĕ̇néyhe֑m hé֚má̇h yòʼkĕl֣ẇ pirĕyé֔kĕ wĕhé֖má̇h yişĕ̌ţ֥̇ẇ ẖàlábéֽkĕ׃

5
וְנָתַתִּ֤י אֶת־רַבָּה֙ לִנְוֵ֣ה גְמַלִּ֔ים וְאֶת־בְּנֵ֥י עַמֹּ֖ון לְמִרְבַּץ־צֹ֑אן וִֽידַעְתֶּ֖ם כִּֽי־אֲנִ֥י יְהוָֽה׃ ס

wĕnáţaţi֤̇y ʼeţ־rabá̇h֙ linĕwé֣h gĕmali̇֔ym wĕʼeţ־bĕ̇né֥y ʻamò֖̇wn lĕmirĕbȧẕ־ẕò֑ʼn wiֽydaʻĕţė֖m kiֽ̇y־ʼàni֥y yĕhwáֽh׃ s

6
כִּ֣י כֹ֤ה אָמַר֙ אֲדֹנָ֣י יְהוִ֔ה יַ֚עַן מַחְאֲךָ֣ יָ֔ד וְרַקְעֲךָ֖ בְּרָ֑גֶל וַתִּשְׂמַ֤ח בְּכָל־שָֽׁאטְךָ֙ בְּנֶ֔פֶשׁ אֶל־אַדְמַ֖ת יִשְׂרָאֵֽל׃

ki֣̇y kò֤h ʼámar֙ ʼàdòná֣y yĕhwi֔h ya֚ʻan maẖĕʼàká֣ yá֔d wĕraqĕʻàká֖ bĕ̇rá֑gel waţi̇şĕ̂ma֤ẖ bĕ̇kál־şáֽ̌ʼtĕká֙ bĕ̇ne֔peş̌ ʼel־ʼadĕma֖ţ yişĕ̂ráʼéֽl׃

7
לָכֵ֡ן הִנְנִי֩ נָטִ֨יתִי אֶת־יָדִ֜י עָלֶ֗יךָ וּנְתַתִּ֤יךָ־לְבַג לַגֹּויִ֔ם וְהִכְרַתִּ֨יךָ֙ מִן־הָ֣עַמִּ֔ים וְהַאֲבַדְתִּ֖יךָ מִן־הָאֲרָצֹ֑ות אַשְׁמִ֣ידְךָ֔ וְיָדַעְתָּ֖ כִּֽי־אֲנִ֥י יְהוָֽה׃ ס

láké֡n hinĕniy֩ náti֨yţiy ʼeţ־yádi֜y ʻále֗yká ẇnĕţaţi֤̇yká־lĕbag lagò̇wyi֔m wĕhikĕraţi̇֨yká֙ min־há֣ʻami̇֔ym wĕhaʼàbadĕţi֖̇yká min־háʼàráẕò֑wţ ʼaşĕ̌mi֣ydĕká֔ wĕyádaʻĕţá֖̇ kiֽ̇y־ʼàni֥y yĕhwáֽh׃ s

8
כֹּ֥ה אָמַ֖ר אֲדֹנָ֣י יְהוִ֑ה יַ֗עַן אֲמֹ֤ר מֹואָב֙ וְשֵׂעִ֔יר הִנֵּ֥ה כְּכָֽל־הַגֹּויִ֖ם בֵּ֥ית יְהוּדָֽה׃

kò֥̇h ʼáma֖r ʼàdòná֣y yĕhwi֑h ya֗ʻan ʼàmò֤r mòwʼáb֙ wĕşé̂ʻi֔yr hiné֥̇h kĕ̇káֽl־hagò̇wyi֖m bé֥̇yţ yĕhẇdáֽh׃

9
לָכֵן֩ הִנְנִ֨י פֹתֵ֜חַ אֶת־כֶּ֤תֶף מֹואָב֙ מֵהֶ֣עָרִ֔ים מֵֽעָרָ֖יו מִקָּצֵ֑הוּ צְבִ֗י אֶ֚רֶץ בֵּ֣ית הַיְשִׁימֹ֔ת בַּ֥עַל מְעֹ֖ון וְקִרְיָתְמָה

lákén֩ hinĕni֨y pòţé֜ẖa ʼeţ־kė֤ţep mòwʼáb֙ méhe֣ʻári֔ym méֽʻárá֖yw miqá̇ẕé֑hẇ ẕĕbi֗y ʼe֚reẕ bé֣̇yţ hayĕşǐymò֔ţ bȧ֥ʻal mĕʻò֖wn wĕqirĕyáţĕmáh

10
לִבְנֵי־קֶ֨דֶם֙ עַל־בְּנֵ֣י עַמֹּ֔ון וּנְתַתִּ֖יהָ לְמֹֽורָשָׁ֑ה לְמַ֛עַן לֹֽא־תִזָּכֵ֥ר בְּנֵֽי־עַמֹּ֖ון בַּגֹּויִֽם׃

libĕnéy־qe֨dem֙ ʻal־bĕ̇né֣y ʻamò̇֔wn ẇnĕţaţi֖̇yhá lĕmòֽwráşá֑̌h lĕma֛ʻan lòֽʼ־ţizá̇ké֥r bĕ̇néֽy־ʻamò֖̇wn bȧgò̇wyiֽm׃

11
וּבְמֹואָ֖ב אֶעֱשֶׂ֣ה שְׁפָטִ֑ים וְיָדְע֖וּ כִּֽי־אֲנִ֥י יְהוָֽה׃ ס

ẇbĕmòwʼá֖b ʼeʻèşê֣h şĕ̌páti֑ym wĕyádĕʻ֖ẇ kiֽ̇y־ʼàni֥y yĕhwáֽh׃ s

12
כֹּ֤ה אָמַר֙ אֲדֹנָ֣י יְהוִ֔ה יַ֣עַן עֲשֹׂ֥ות אֱדֹ֛ום בִּנְקֹ֥ם נָקָ֖ם לְבֵ֣ית יְהוּדָ֑ה וַיֶּאְשְׁמ֥וּ אָשֹׁ֖ום וְנִקְּמ֥וּ בָהֶֽם׃

kò֤̇h ʼámar֙ ʼàdòná֣y yĕhwi֔h ya֣ʻan ʻàşò֥̂wţ ʼèdò֛wm bi̇nĕqò֥m náqá֖m lĕbé֣yţ yĕhẇdá֑h wayėʼĕşĕ̌m֥ẇ ʼáşò֖̌wm wĕniqĕ̇m֥ẇ báheֽm׃

13
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה וְנָטִ֤תִי יָדִי֙ עַל־אֱדֹ֔ום וְהִכְרַתִּ֥י מִמֶּ֖נָּה אָדָ֣ם וּבְהֵמָ֑ה וּנְתַתִּ֤יהָ חָרְבָּה֙ מִתֵּימָ֔ן וּדְדָ֖נֶה בַּחֶ֥רֶב יִפֹּֽלוּ׃

láké֗n kò֤̇h ʼámar֙ ʼàdòná֣y yĕhwi֔h wĕnáti֤ţiy yádiy֙ ʻal־ʼèdò֔wm wĕhikĕraţi֥̇y mimė֖ná̇h ʼádá֣m ẇbĕhémá֑h ẇnĕţaţi֤̇yhá ẖárĕbá̇h֙ miţé̇ymá֔n ẇdĕdá֖neh bȧẖe֥reb yipòֽ̇lẇ׃

14
וְנָתַתִּ֨י אֶת־נִקְמָתִ֜י בֶּאֱדֹ֗ום בְּיַד֙ עַמִּ֣י יִשְׂרָאֵ֔ל וְעָשׂ֣וּ בֶאֱדֹ֔ום כְּאַפִּ֖י וְכַחֲמָתִ֑י וְיָֽדְעוּ֙ אֶת־נִקְמָתִ֔י נְאֻ֖ם אֲדֹנָ֥י יְהוִֽה׃ פ

wĕnáţaţi̇֨y ʼeţ־niqĕmáţi֜y bėʼèdò֗wm bĕ̇yad֙ ʻami֣̇y yişĕ̂ráʼé֔l wĕʻáş֣̂ẇ beʼèdò֔wm kĕ̇ʼapi֖̇y wĕkaẖàmáţi֑y wĕyáֽdĕʻẇ֙ ʼeţ־niqĕmáţi֔y nĕʼu֖m ʼàdòná֥y yĕhwiֽh׃ p

15
כֹּ֤ה אָמַר֙ אֲדֹנָ֣י יְהוִ֔ה יַ֛עַן עֲשֹׂ֥ות פְּלִשְׁתִּ֖ים בִּנְקָמָ֑ה וַיִּנָּקְמ֤וּ נָקָם֙ בִּשְׁאָ֣ט בְּנֶ֔פֶשׁ לְמַשְׁחִ֖ית אֵיבַ֥ת עֹולָֽם׃

kò֤̇h ʼámar֙ ʼàdòná֣y yĕhwi֔h ya֛ʻan ʻàşò֥̂wţ pĕ̇lişĕ̌ţi֖̇ym bi̇nĕqámá֑h wayi̇ná̇qĕm֤ẇ náqám֙ bi̇şĕ̌ʼá֣t bĕ̇ne֔peş̌ lĕmaşĕ̌ẖi֖yţ ʼéyba֥ţ ʻòwláֽm׃

16
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֨י נֹוטֶ֤ה יָדִי֙ עַל־פְּלִשְׁתִּ֔ים וְהִכְרַתִּ֖י אֶת־כְּרֵתִ֑ים וְהַ֣אֲבַדְתִּ֔י אֶת־שְׁאֵרִ֖ית חֹ֥וף הַיָּֽם׃

láké֗n kò֤̇h ʼámar֙ ʼàdòná֣y yĕhwi֔h hinĕni֨y nòwte֤h yádiy֙ ʻal־pĕ̇lişĕ̌ţi̇֔ym wĕhikĕraţi֖̇y ʼeţ־kĕ̇réţi֑ym wĕha֣ʼàbadĕţi̇֔y ʼeţ־şĕ̌ʼéri֖yţ ẖò֥wp hayáֽ̇m׃

17
וְעָשִׂ֤יתִי בָם֙ נְקָמֹ֣ות גְּדֹלֹ֔ות בְּתֹוכְחֹ֖ות חֵמָ֑ה וְיָֽדְעוּ֙ כִּֽי־אֲנִ֣י יְהוָ֔ה בְּתִתִּ֥י אֶת־נִקְמָתִ֖י בָּֽם׃ ס

wĕʻáşî֤yţiy bám֙ nĕqámò֣wţ gĕ̇dòlò֔wţ bĕ̇ţòwkĕẖò֖wţ ẖémá֑h wĕyáֽdĕʻẇ֙ kiֽ̇y־ʼàni֣y yĕhwá֔h bĕ̇ţiţi֥̇y ʼeţ־niqĕmáţi֖y báֽ̇m׃ s