Bibles in ancient languages
Old translations
Modern translations

Biblia Hebraica Stuttgartiensia Ezekiel 28

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
בֶּן־אָדָ֡ם אֱמֹר֩ לִנְגִ֨יד צֹ֜ר כֹּֽה־אָמַ֣ר׀ אֲדֹנָ֣י יְהֹוִ֗ה יַ֣עַן גָּבַ֤הּ לִבְּךָ֙ וַתֹּ֨אמֶר֙ אֵ֣ל אָ֔נִי מֹושַׁ֧ב אֱלֹהִ֛ים יָשַׁ֖בְתִּי בְּלֵ֣ב יַמִּ֑ים וְאַתָּ֤ה אָדָם֙ וְֽלֹא־אֵ֔ל וַתִּתֵּ֥ן לִבְּךָ֖ כְּלֵ֥ב אֱלֹהִֽים׃

bėn־ʼádá֡m ʼèmòr֩ linĕgi֨yd ẕò֜r kòֽ̇h־ʼáma֣r׀ ʼàdòná֣y yĕhòwi֗h ya֣ʻan gá̇ba֤ḣ libĕ̇ká֙ waţò̇֨ʼmer֙ ʼé֣l ʼá֔niy mòwşǎ֧b ʼèlòhi֛ym yáşǎ֖bĕţi̇y bĕ̇lé֣b yami֑̇ym wĕʼaţá֤̇h ʼádám֙ wĕֽlòʼ־ʼé֔l waţi̇ţé֥̇n libĕ̇ká֖ kĕ̇lé֥b ʼèlòhiֽym׃

3
הִנֵּ֥ה חָכָ֛ם אַתָּ֖ה מִדָּנִאֵל כָּל־סָת֖וּם לֹ֥א עֲמָמֽוּךָ׃

hiné֥̇h ẖáká֛m ʼaţá֖̇h midá̇niʼél ká̇l־sáţ֖ẇm lò֥ʼ ʻàmámֽẇká׃

4
בְּחָכְמָֽתְךָ֙ וּבִתְבוּנָ֣תְךָ֔ עָשִׂ֥יתָ לְּךָ֖ חָ֑יִל וַתַּ֛עַשׂ זָהָ֥ב וָכֶ֖סֶף בְּאֹוצְרֹותֶֽיךָ׃

bĕ̇ẖákĕmáֽţĕká֙ ẇbiţĕbẇná֣ţĕká֔ ʻáşî֥yţá lĕ̇ká֖ ẖá֑yil waţȧ֛ʻaş̂ záhá֥b wáke֖sep bĕ̇ʼòwẕĕròwţeֽyká׃

5
בְּרֹ֧ב חָכְמָתְךָ֛ בִּרְכֻלָּתְךָ֖ הִרְבִּ֣יתָ חֵילֶ֑ךָ וַיִּגְבַּ֥הּ לְבָבְךָ֖ בְּחֵילֶֽךָ׃ ס

bĕ̇rò֧b ẖákĕmáţĕká֛ bi̇rĕkulá̇ţĕká֖ hirĕbi֣̇yţá ẖéyle֑ká wayi̇gĕbȧ֥ḣ lĕbábĕká֖ bĕ̇ẖéyleֽká׃ s

6
לָכֵ֕ן כֹּ֥ה אָמַ֖ר אֲדֹנָ֣י יְהוִ֑ה יַ֛עַן תִּתְּךָ֥ אֶת־לְבָבְךָ֖ כְּלֵ֥ב אֱלֹהִֽים׃

láké֕n kò֥̇h ʼáma֖r ʼàdòná֣y yĕhwi֑h ya֛ʻan ţi̇ţĕ̇ká֥ ʼeţ־lĕbábĕká֖ kĕ̇lé֥b ʼèlòhiֽym׃

7
לָכֵ֗ן הִנְנִ֨י מֵבִ֤יא עָלֶ֨יךָ֙ זָרִ֔ים עָרִיצֵ֖י גֹּויִ֑ם וְהֵרִ֤יקוּ חַרְבֹותָם֙ עַל־יְפִ֣י חָכְמָתֶ֔ךָ וְחִלְּל֖וּ יִפְעָתֶֽךָ׃

láké֗n hinĕni֨y mébi֤yʼ ʻále֨yká֙ zári֔ym ʻáriyẕé֖y gò̇wyi֑m wĕhéri֤yqẇ ẖarĕbòwţám֙ ʻal־yĕpi֣y ẖákĕmáţe֔ká wĕẖilĕ̇l֖ẇ yipĕʻáţeֽká׃

8
לַשַּׁ֖חַת יֹֽורִד֑וּךָ וָמַ֛תָּה מְמֹותֵ֥י חָלָ֖ל בְּלֵ֥ב יַמִּֽים׃

laşȧ֖̌ẖaţ yòֽwrid֑ẇká wáma֛ţá̇h mĕmòwţé֥y ẖálá֖l bĕ̇lé֥b yamiֽ̇ym׃

9
הֶאָמֹ֤ר תֹּאמַר֙ לִפְנֵ֖י הֹֽרְגֶ֑ךָ אֱלֹהִ֣ים אָ֔נִי וְאַתָּ֥ה אָדָ֛ם וְלֹא־אֵ֖ל בְּיַ֥ד מְחַלְלֶֽיךָ׃

heʼámò֤r ţò̇ʼmar֙ lipĕné֖y hòֽrĕge֑ká ʼèlòhi֣ym ʼá֔niy wĕʼaţá֥̇h ʼádá֛m wĕlòʼ־ʼé֖l bĕ̇ya֥d mĕẖalĕleֽyká׃

10
מֹותֵ֧י עֲרֵלִ֛ים תָּמ֖וּת בְּיַד־זָרִ֑ים כִּ֚י אֲנִ֣י דִבַּ֔רְתִּי נְאֻ֖ם אֲדֹנָ֥י יְהוִֽה׃ ס

mòwţé֧y ʻàréli֛ym ţá̇m֖ẇţ bĕ̇yad־zári֑ym ki֚̇y ʼàni֣y dibȧ֔rĕţi̇y nĕʼu֖m ʼàdòná֥y yĕhwiֽh׃ s

11
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

12
בֶּן־אָדָ֕ם שָׂ֥א קִינָ֖ה עַל־מֶ֣לֶךְ צֹ֑ור וְאָמַ֣רְתָּ לֹּ֗ו כֹּ֤ה אָמַר֙ אֲדֹנָ֣י יְהוִ֔ה אַתָּה֙ חֹותֵ֣ם תָּכְנִ֔ית מָלֵ֥א חָכְמָ֖ה וּכְלִ֥יל יֹֽפִי׃

bėn־ʼádá֕m şá֥̂ʼ qiyná֖h ʻal־me֣lekĕ ẕò֑wr wĕʼáma֣rĕţá̇ lò̇֗w kò֤̇h ʼámar֙ ʼàdòná֣y yĕhwi֔h ʼaţá̇h֙ ẖòwţé֣m ţá̇kĕni֔yţ málé֥ʼ ẖákĕmá֖h ẇkĕli֥yl yòֽpiy׃

13
בְּעֵ֨דֶן גַּן־אֱלֹהִ֜ים הָיִ֗יתָ כָּל־אֶ֨בֶן יְקָרָ֤ה מְסֻכָתֶ֨ךָ֙ אֹ֣דֶם פִּטְדָ֞ה וְיָהֲלֹ֗ם תַּרְשִׁ֥ישׁ שֹׁ֨הַם֙ וְיָ֣שְׁפֵ֔ה סַפִּ֣יר נֹ֔פֶךְ וּבָרְקַ֖ת וְזָהָ֑ב מְלֶ֨אכֶת תֻּפֶּ֤יךָ וּנְקָבֶ֨יךָ֙ בָּ֔ךְ בְּיֹ֥ום הִבָּרַאֲךָ֖ כֹּונָֽנוּ׃

bĕ̇ʻé֨den gȧn־ʼèlòhi֜ym háyi֗yţá ká̇l־ʼe֨ben yĕqárá֤h mĕsukáţe֨ká֙ ʼò֣dem pi̇tĕdá֞h wĕyáhàlò֗m ţȧrĕşǐ֥yş̌ şò̌֨ham֙ wĕyá֣şĕ̌pé֔h sapi֣̇yr nò֔pekĕ ẇbárĕqa֖ţ wĕzáhá֑b mĕle֨ʼkeţ ţu̇pė֤yká ẇnĕqábe֨yká֙ bá̇֔kĕ bĕ̇yò֥wm hibá̇raʼàká֖ kò̇wnáֽnẇ׃

14
אַ֨תְּ־כְּר֔וּב מִמְשַׁ֖ח הַסֹּוכֵ֑ךְ וּנְתַתִּ֗יךָ בְּהַ֨ר קֹ֤דֶשׁ אֱלֹהִים֙ הָיִ֔יתָ בְּתֹ֥וךְ אַבְנֵי־אֵ֖שׁ הִתְהַלָּֽכְתָּ׃

ʼa֨ţĕ̇־kĕ̇r֔ẇb mimĕşǎ֖ẖ hasò̇wké֑kĕ ẇnĕţaţi̇֗yká bĕ̇ha֨r qò֤deş̌ ʼèlòhiym֙ háyi֔yţá bĕ̇ţò֥wkĕ ʼabĕnéy־ʼé֖ş̌ hiţĕhaláֽ̇kĕţá̇׃

15
תָּמִ֤ים אַתָּה֙ בִּדְרָכֶ֔יךָ מִיֹּ֖ום הִבָּֽרְאָ֑ךְ עַד־נִמְצָ֥א עַוְלָ֖תָה בָּֽךְ׃

ţá̇mi֤ym ʼaţá̇h֙ bi̇dĕráke֔yká miyò֖̇wm hibáֽ̇rĕʼá֑kĕ ʻad־nimĕẕá֥ʼ ʻawĕlá֖ţáh báֽ̇kĕ׃

16
בְּרֹ֣ב רְכֻלָּתְךָ֗ מָל֧וּ תֹוכְךָ֛ חָמָ֖ס וַֽתֶּחֱטָ֑א וָאֶחַלֶּלְךָ֩ מֵהַ֨ר אֱלֹהִ֤ים וָֽאַבֶּדְךָ֙ כְּר֣וּב הַסֹּכֵ֔ךְ מִתֹּ֖וךְ אַבְנֵי־אֵֽשׁ׃

bĕ̇rò֣b rĕkulá̇ţĕká֗ mál֧ẇ ţòwkĕká֛ ẖámá֖s waֽţėẖètá֑ʼ wáʼeẖalėlĕká֩ méha֨r ʼèlòhi֤ym wáֽʼabėdĕká֙ kĕ̇r֣ẇb hasò̇ké֔kĕ miţò֖̇wkĕ ʼabĕnéy־ʼéֽş̌׃

17
גָּבַ֤הּ לִבְּךָ֙ בְּיָפְיֶ֔ךָ שִׁחַ֥תָּ חָכְמָתְךָ֖ עַל־יִפְעָתֶ֑ךָ עַל־אֶ֣רֶץ הִשְׁלַכְתִּ֗יךָ לִפְנֵ֧י מְלָכִ֛ים נְתַתִּ֖יךָ לְרַ֥אֲוָה בָֽךְ׃

gá̇ba֤ḣ libĕ̇ká֙ bĕ̇yápĕye֔ká şǐẖa֥ţá̇ ẖákĕmáţĕká֖ ʻal־yipĕʻáţe֑ká ʻal־ʼe֣reẕ hişĕ̌lakĕţi̇֗yká lipĕné֧y mĕláki֛ym nĕţaţi֖̇yká lĕra֥ʼàwáh báֽkĕ׃

18
מֵרֹ֣ב עֲוֹנֶ֗יךָ בְּעֶ֨וֶל֙ רְכֻלָּ֣תְךָ֔ חִלַּ֖לְתָּ מִקְדָּשֶׁ֑יךָ וָֽאֹוצִא־אֵ֤שׁ מִתֹּֽוכְךָ֙ הִ֣יא אֲכָלַ֔תְךָ וָאֶתֶּנְךָ֤ לְאֵ֨פֶר֙ עַל־הָאָ֔רֶץ לְעֵינֵ֖י כָּל־רֹאֶֽיךָ׃

mérò֣b ʻàwòne֗yká bĕ̇ʻe֨wel֙ rĕkulá֣̇ţĕká֔ ẖilȧ֖lĕţá̇ miqĕdá̇şě֑yká wáֽʼòwẕiʼ־ʼé֤ş̌ miţòֽ̇wkĕká֙ hi֣yʼ ʼàkála֔ţĕká wáʼeţėnĕká֤ lĕʼé֨per֙ ʻal־háʼá֔reẕ lĕʻéyné֖y ká̇l־ròʼeֽyká׃

19
כָּל־יֹודְעֶ֨יךָ֙ בָּֽעַמִּ֔ים שָׁמְמ֖וּ עָלֶ֑יךָ בַּלָּהֹ֣ות הָיִ֔יתָ וְאֵינְךָ֖ עַד־עֹולָֽם׃ פ

ká̇l־yòwdĕʻe֨yká֙ báֽ̇ʻami̇֔ym şá̌mĕm֖ẇ ʻále֑yká bȧlá̇hò֣wţ háyi֔yţá wĕʼéynĕká֖ ʻad־ʻòwláֽm׃ p

20
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

21
בֶּן־אָדָ֕ם שִׂ֥ים פָּנֶ֖יךָ אֶל־צִידֹ֑ון וְהִנָּבֵ֖א עָלֶֽיהָ׃

bėn־ʼádá֕m şî֥ym pá̇ne֖yká ʼel־ẕiydò֑wn wĕhiná̇bé֖ʼ ʻáleֽyhá׃

22
וְאָמַרְתָּ֗ כֹּ֤ה אָמַר֙ אֲדֹנָ֣י יְהוִ֔ה הִנְנִ֤י עָלַ֨יִךְ֙ צִידֹ֔ון וְנִכְבַּדְתִּ֖י בְּתֹוכֵ֑ךְ וְֽיָדְע֞וּ כִּֽי־אֲנִ֣י יְהוָ֗ה בַּעֲשֹׂ֥ותִי בָ֛הּ שְׁפָטִ֖ים וְנִקְדַּ֥שְׁתִּי בָֽהּ׃

wĕʼámarĕţá̇֗ kò֤̇h ʼámar֙ ʼàdòná֣y yĕhwi֔h hinĕni֤y ʻála֨yikĕ֙ ẕiydò֔wn wĕnikĕbȧdĕţi֖̇y bĕ̇ţòwké֑kĕ wĕֽyádĕʻ֞ẇ kiֽ̇y־ʼàni֣y yĕhwá֗h bȧʻàşò֥̂wţiy bá֛ḣ şĕ̌páti֖ym wĕniqĕdȧ֥şĕ̌ţi̇y báֽḣ׃

23
וְשִׁלַּחְתִּי־בָ֞הּ דֶּ֤בֶר וָדָם֙ בְּח֣וּצֹותֶ֔יהָ וְנִפְלַ֤ל חָלָל֙ בְּתֹוכָ֔הּ בְּחֶ֥רֶב עָלֶ֖יהָ מִסָּבִ֑יב וְיָדְע֖וּ כִּֽי־אֲנִ֥י יְהוָֽה׃

wĕşǐlȧẖĕţi̇y־bá֞ḣ dė֤ber wádám֙ bĕ̇ẖ֣ẇẕòwţe֔yhá wĕnipĕla֤l ẖálál֙ bĕ̇ţòwká֔ḣ bĕ̇ẖe֥reb ʻále֖yhá misá̇bi֑yb wĕyádĕʻ֖ẇ kiֽ̇y־ʼàni֥y yĕhwáֽh׃

24
וְלֹֽא־יִהְיֶ֨ה עֹ֜וד לְבֵ֣ית יִשְׂרָאֵ֗ל סִלֹּ֤ון מַמְאִיר֙ וְקֹ֣וץ מַכְאִ֔ב מִכֹּל֙ סְבִ֣יבֹתָ֔ם הַשָּׁאטִ֖ים אֹותָ֑ם וְיָ֣דְע֔וּ כִּ֥י אֲנִ֖י אֲדֹנָ֥י יְהוִֽה׃ ס

wĕlòֽʼ־yihĕye֨h ʻò֜wd lĕbé֣yţ yişĕ̂ráʼé֗l silò֤̇wn mamĕʼiyr֙ wĕqò֣wẕ makĕʼi֔b mikò̇l֙ sĕbi֣ybòţá֔m haşá̇̌ʼti֖ym ʼòwţá֑m wĕyá֣dĕʻ֔ẇ ki֥̇y ʼàni֖y ʼàdòná֥y yĕhwiֽh׃ s

25
כֹּֽה־אָמַר֮ אֲדֹנָ֣י יְהוִה֒ בְּקַבְּצִ֣י׀ אֶת־בֵּ֣ית יִשְׂרָאֵ֗ל מִן־הָֽעַמִּים֙ אֲשֶׁ֣ר נָפֹ֣צוּ בָ֔ם וְנִקְדַּ֥שְׁתִּי בָ֖ם לְעֵינֵ֣י הַגֹּויִ֑ם וְיָֽשְׁבוּ֙ עַל־אַדְמָתָ֔ם אֲשֶׁ֥ר נָתַ֖תִּי לְעַבְדִּ֥י לְיַעֲקֹֽב׃

kòֽ̇h־ʼámar֮ ʼàdòná֣y yĕhwih֒ bĕ̇qabĕ̇ẕi֣y׀ ʼeţ־bé֣̇yţ yişĕ̂ráʼé֗l min־háֽʻami̇ym֙ ʼàşě֣r nápò֣ẕẇ bá֔m wĕniqĕdȧ֥şĕ̌ţi̇y bá֖m lĕʻéyné֣y hagò̇wyi֑m wĕyáֽşĕ̌bẇ֙ ʻal־ʼadĕmáţá֔m ʼàşě֥r náţa֖ţi̇y lĕʻabĕdi֥̇y lĕyaʻàqòֽb׃

26
וְיָשְׁב֣וּ עָלֶיהָ֮ לָבֶטַח֒ וּבָנ֤וּ בָתִּים֙ וְנָטְע֣וּ כְרָמִ֔ים וְיָשְׁב֖וּ לָבֶ֑טַח בַּעֲשֹׂותִ֣י שְׁפָטִ֗ים בְּכֹ֨ל הַשָּׁאטִ֤ים אֹתָם֙ מִסְּבִ֣יבֹותָ֔ם וְיָ֣דְע֔וּ כִּ֛י אֲנִ֥י יְהוָ֖ה אֱלֹהֵיהֶֽם׃ ס

wĕyáşĕ̌b֣ẇ ʻáleyhá֮ lábetaẖ֒ ẇbán֤ẇ báţi̇ym֙ wĕnátĕʻ֣ẇ kĕrámi֔ym wĕyáşĕ̌b֖ẇ lábe֑taẖ bȧʻàşò̂wţi֣y şĕ̌páti֗ym bĕ̇kò֨l haşá̇̌ʼti֤ym ʼòţám֙ misĕ̇bi֣ybòwţá֔m wĕyá֣dĕʻ֔ẇ ki֛̇y ʼàni֥y yĕhwá֖h ʼèlòhéyheֽm׃ s