Bibles in ancient languages
Old translations
Modern translations

Biblia Hebraica Stuttgartensia Genèse 38

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַֽיְהִי֙ בָּעֵ֣ת הַהִ֔וא וַיֵּ֥רֶד יְהוּדָ֖ה מֵאֵ֣ת אֶחָ֑יו וַיֵּ֛ט עַד־אִ֥ישׁ עֲדֻלָּמִ֖י וּשְׁמֹ֥ו חִירָֽה׃

waֽyĕhiy֙ bá̇ʻé֣ţ hahi֔wʼ wayé֥̇red yĕhẇdá֖h méʼé֣ţ ʼeẖá֑yw wayé֛̇t ʻad־ʼi֥yş̌ ʻàdulá̇mi֖y ẇşĕ̌mò֥w ẖiyráֽh׃

2
וַיַּרְא־שָׁ֧ם יְהוּדָ֛ה בַּת־אִ֥ישׁ כְּנַעֲנִ֖י וּשְׁמֹ֣ו שׁ֑וּעַ וַיִּקָּחֶ֖הָ וַיָּבֹ֥א אֵלֶֽיהָ׃

wayȧrĕʼ־şá֧̌m yĕhẇdá֛h bȧţ־ʼi֥yş̌ kĕ̇naʻàni֖y ẇşĕ̌mò֣w ş֑̌ẇʻa wayi̇qá̇ẖe֖há wayá̇bò֥ʼ ʼéleֽyhá׃

3
וַתַּ֖הַר וַתֵּ֣לֶד בֵּ֑ן וַיִּקְרָ֥א אֶת־שְׁמֹ֖ו עֵֽר׃

waţȧ֖har waţé֣̇led bé֑̇n wayi̇qĕrá֥ʼ ʼeţ־şĕ̌mò֖w ʻéֽr׃

4
וַתַּ֥הַר עֹ֖וד וַתֵּ֣לֶד בֵּ֑ן וַתִּקְרָ֥א אֶת־שְׁמֹ֖ו אֹונָֽן׃

waţȧ֥har ʻò֖wd waţé֣̇led bé֑̇n waţi̇qĕrá֥ʼ ʼeţ־şĕ̌mò֖w ʼòwnáֽn׃

5
וַתֹּ֤סֶף עֹוד֙ וַתֵּ֣לֶד בֵּ֔ן וַתִּקְרָ֥א אֶת־שְׁמֹ֖ו שֵׁלָ֑ה וְהָיָ֥ה בִכְזִ֖יב בְּלִדְתָּ֥הּ אֹתֹֽו׃

waţò֤̇sep ʻòwd֙ waţé֣̇led bé̇֔n waţi̇qĕrá֥ʼ ʼeţ־şĕ̌mò֖w şé̌lá֑h wĕháyá֥h bikĕzi֖yb bĕ̇lidĕţá֥̇ḣ ʼòţòֽw׃

6
וַיִּקַּ֧ח יְהוּדָ֛ה אִשָּׁ֖ה לְעֵ֣ר בְּכֹורֹ֑ו וּשְׁמָ֖הּ תָּמָֽר׃

wayi̇qȧ֧ẖ yĕhẇdá֛h ʼişá֖̇̌h lĕʻé֣r bĕ̇kòwrò֑w ẇşĕ̌má֖ḣ ţá̇máֽr׃

7
וַיְהִ֗י עֵ֚ר בְּכֹ֣ור יְהוּדָ֔ה רַ֖ע בְּעֵינֵ֣י יְהוָ֑ה וַיְמִתֵ֖הוּ יְהוָֽה׃

wayĕhi֗y ʻé֚r bĕ̇kò֣wr yĕhẇdá֔h ra֖ʻ bĕ̇ʻéyné֣y yĕhwá֑h wayĕmiţé֖hẇ yĕhwáֽh׃

8
וַיֹּ֤אמֶר יְהוּדָה֙ לְאֹונָ֔ן בֹּ֛א אֶל־אֵ֥שֶׁת אָחִ֖יךָ וְיַבֵּ֣ם אֹתָ֑הּ וְהָקֵ֥ם זֶ֖רַע לְאָחִֽיךָ׃

wayò֤̇ʼmer yĕhẇdáh֙ lĕʼòwná֔n bò֛̇ʼ ʼel־ʼé֥şěţ ʼáẖi֖yká wĕyabé֣̇m ʼòţá֑ḣ wĕháqé֥m ze֖raʻ lĕʼáẖiֽyká׃

9
וַיֵּ֣דַע אֹונָ֔ן כִּ֛י לֹּ֥א לֹ֖ו יִהְיֶ֣ה הַזָּ֑רַע וְהָיָ֞ה אִם־בָּ֨א אֶל־אֵ֤שֶׁת אָחִיו֙ וְשִׁחֵ֣ת אַ֔רְצָה לְבִלְתִּ֥י נְתָן־זֶ֖רַע לְאָחִֽיו׃

wayé֣̇daʻ ʼòwná֔n ki֛̇y lò֥̇ʼ lò֖w yihĕye֣h hazá֑̇raʻ wĕháyá֞h ʼim־bá̇֨ʼ ʼel־ʼé֤şěţ ʼáẖiyw֙ wĕşǐẖé֣ţ ʼa֔rĕẕáh lĕbilĕţi֥̇y nĕţán־ze֖raʻ lĕʼáẖiֽyw׃

10
וַיֵּ֛רַע בְּעֵינֵ֥י יְהוָ֖ה אֲשֶׁ֣ר עָשָׂ֑ה וַיָּ֖מֶת גַּם־אֹתֹֽו׃

wayé֛̇raʻ bĕ̇ʻéyné֥y yĕhwá֖h ʼàşě֣r ʻáşá֑̂h wayá֖̇meţ gȧm־ʼòţòֽw׃

11
וַיֹּ֣אמֶר יְהוּדָה֩ לְתָמָ֨ר כַּלָּתֹ֜ו שְׁבִ֧י אַלְמָנָ֣ה בֵית־אָבִ֗יךְ עַד־יִגְדַּל֙ שֵׁלָ֣ה בְנִ֔י כִּ֣י אָמַ֔ר פֶּן־יָמ֥וּת גַּם־ה֖וּא כְּאֶחָ֑יו וַתֵּ֣לֶךְ תָּמָ֔ר וַתֵּ֖שֶׁב בֵּ֥ית אָבִֽיהָ׃

wayò֣̇ʼmer yĕhẇdáh֩ lĕţámá֨r kȧlá̇ţò֜w şĕ̌bi֧y ʼalĕmáná֣h béyţ־ʼábi֗ykĕ ʻad־yigĕdȧl֙ şé̌lá֣h bĕni֔y ki֣̇y ʼáma֔r pėn־yám֥ẇţ gȧm־h֖ẇʼ kĕ̇ʼeẖá֑yw waţé֣̇lekĕ ţá̇má֔r waţé֖̇şěb bé֥̇yţ ʼábiֽyhá׃

12
וַיִּרְבּוּ֙ הַיָּמִ֔ים וַתָּ֖מָת בַּת־שׁ֣וּעַ אֵֽשֶׁת־יְהוּדָ֑ה וַיִּנָּ֣חֶם יְהוּדָ֗ה וַיַּ֜עַל עַל־גֹּֽזֲזֵ֤י צֹאנֹו֙ ה֗וּא וְחִירָ֛ה רֵעֵ֥הוּ הָעֲדֻלָּמִ֖י תִּמְנָֽתָה׃

wayi̇rĕḃẇ֙ hayá̇mi֔ym waţá֖̇máţ bȧţ־ş֣̌ẇʻa ʼéֽşěţ־yĕhẇdá֑h wayi̇ná֣̇ẖem yĕhẇdá֗h wayȧ֜ʻal ʻal־gòֽ̇zàzé֤y ẕòʼnòw֙ h֗ẇʼ wĕẖiyrá֛h réʻé֥hẇ háʻàdulá̇mi֖y ţi̇mĕnáֽţáh׃

13
וַיֻּגַּ֥ד לְתָמָ֖ר לֵאמֹ֑ר הִנֵּ֥ה חָמִ֛יךְ עֹלֶ֥ה תִמְנָ֖תָה לָגֹ֥ז צֹאנֹֽו׃

wayu̇gȧ֥d lĕţámá֖r léʼmò֑r hiné֥̇h ẖámi֛ykĕ ʻòle֥h ţimĕná֖ţáh lágò֥z ẕòʼnòֽw׃

14
וַתָּסַר֩ בִּגְדֵ֨י אַלְמְנוּתָ֜הּ מֵֽעָלֶ֗יהָ וַתְּכַ֤ס בַּצָּעִיף֙ וַתִּתְעַלָּ֔ף וַתֵּ֨שֶׁב֙ בְּפֶ֣תַח עֵינַ֔יִם אֲשֶׁ֖ר עַל־דֶּ֣רֶךְ תִּמְנָ֑תָה כִּ֤י רָאֲתָה֙ כִּֽי־גָדַ֣ל שֵׁלָ֔ה וְהִ֕וא לֹֽא־נִתְּנָ֥ה לֹ֖ו לְאִשָּֽׁה׃

waţá̇sar֩ bi̇gĕdé֨y ʼalĕmĕnẇţá֜ḣ méֽʻále֗yhá waţĕ̇ka֤s bȧẕá̇ʻiyp֙ waţi̇ţĕʻalá̇֔p waţé̇֨şěb֙ bĕ̇pe֣ţaẖ ʻéyna֔yim ʼàşě֖r ʻal־dė֣rekĕ ţi̇mĕná֑ţáh ki֤̇y ráʼàţáh֙ kiֽ̇y־gáda֣l şé̌lá֔h wĕhi֕wʼ lòֽʼ־niţĕ̇ná֥h lò֖w lĕʼişáֽ̇̌h׃

15
וַיִּרְאֶ֣הָ יְהוּדָ֔ה וַֽיַּחְשְׁבֶ֖הָ לְזֹונָ֑ה כִּ֥י כִסְּתָ֖ה פָּנֶֽיהָ׃

wayi̇rĕʼe֣há yĕhẇdá֔h waֽyȧẖĕşĕ̌be֖há lĕzòwná֑h ki֥̇y kisĕ̇ţá֖h pá̇neֽyhá׃

16
וַיֵּ֨ט אֵלֶ֜יהָ אֶל־הַדֶּ֗רֶךְ וַיֹּ֨אמֶר֙ הָֽבָה־נָּא֙ אָבֹ֣וא אֵלַ֔יִךְ כִּ֚י לֹ֣א יָדַ֔ע כִּ֥י כַלָּתֹ֖ו הִ֑וא וַתֹּ֨אמֶר֙ מַה־תִּתֶּן־לִּ֔י כִּ֥י תָבֹ֖וא אֵלָֽי׃

wayé̇֨t ʼéle֜yhá ʼel־hadė֗rekĕ wayò̇֨ʼmer֙ háֽbáh־ná̇ʼ֙ ʼábò֣wʼ ʼéla֔yikĕ ki֚̇y lò֣ʼ yáda֔ʻ ki֥̇y kalá̇ţò֖w hi֑wʼ waţò̇֨ʼmer֙ mah־ţi̇ţėn־li̇֔y ki֥̇y ţábò֖wʼ ʼéláֽy׃

17
וַיֹּ֕אמֶר אָנֹכִ֛י אֲשַׁלַּ֥ח גְּדִֽי־עִזִּ֖ים מִן־הַצֹּ֑אן וַתֹּ֕אמֶר אִם־תִּתֵּ֥ן עֵרָבֹ֖ון עַ֥ד שָׁלְחֶֽךָ׃

wayò̇֕ʼmer ʼánòki֛y ʼàşǎlȧ֥ẖ gĕ̇diֽy־ʻizi֖̇ym min־haẕò֑̇ʼn waţò̇֕ʼmer ʼim־ţi̇ţé֥̇n ʻérábò֖wn ʻa֥d şá̌lĕẖeֽká׃

18
וַיֹּ֗אמֶר מָ֣ה הָֽעֵרָבֹון֮ אֲשֶׁ֣ר אֶתֶּן־לָּךְ֒ וַתֹּ֗אמֶר חֹתָֽמְךָ֙ וּפְתִילֶ֔ךָ וּמַטְּךָ֖ אֲשֶׁ֣ר בְּיָדֶ֑ךָ וַיִּתֶּן־לָּ֛הּ וַיָּבֹ֥א אֵלֶ֖יהָ וַתַּ֥הַר לֹֽו׃

wayò̇֗ʼmer má֣h háֽʻérábòwn֮ ʼàşě֣r ʼeţėn־lá̇kĕ֒ waţò̇֗ʼmer ẖòţáֽmĕká֙ ẇpĕţiyle֔ká ẇmatĕ̇ká֖ ʼàşě֣r bĕ̇yáde֑ká wayi̇ţėn־lá֛̇ḣ wayá̇bò֥ʼ ʼéle֖yhá waţȧ֥har lòֽw׃

19
וַתָּ֣קָם וַתֵּ֔לֶךְ וַתָּ֥סַר צְעִיפָ֖הּ מֵעָלֶ֑יהָ וַתִּלְבַּ֖שׁ בִּגְדֵ֥י אַלְמְנוּתָֽהּ׃

waţá֣̇qám waţé̇֔lekĕ waţá֥̇sar ẕĕʻiypá֖ḣ méʻále֑yhá waţi̇lĕbȧ֖ş̌ bi̇gĕdé֥y ʼalĕmĕnẇţáֽḣ׃

20
וַיִּשְׁלַ֨ח יְהוּדָ֜ה אֶת־גְּדִ֣י הָֽעִזִּ֗ים בְּיַד֙ רֵעֵ֣הוּ הָֽעֲדֻלָּמִ֔י לָקַ֥חַת הָעֵרָבֹ֖ון מִיַּ֣ד הָאִשָּׁ֑ה וְלֹ֖א מְצָאָֽהּ׃

wayi̇şĕ̌la֨ẖ yĕhẇdá֜h ʼeţ־gĕ̇di֣y háֽʻizi̇֗ym bĕ̇yad֙ réʻé֣hẇ háֽʻàdulá̇mi֔y láqa֥ẖaţ háʻérábò֖wn miyȧ֣d háʼişá֑̇̌h wĕlò֖ʼ mĕẕáʼáֽḣ׃

21
וַיִּשְׁאַ֞ל אֶת־אַנְשֵׁ֤י מְקֹמָהּ֙ לֵאמֹ֔ר אַיֵּ֧ה הַקְּדֵשָׁ֛ה הִ֥וא בָעֵינַ֖יִם עַל־הַדָּ֑רֶךְ וַיֹּ֣אמְר֔וּ לֹא־הָיְתָ֥ה בָזֶ֖ה קְדֵשָֽׁה׃

wayi̇şĕ̌ʼa֞l ʼeţ־ʼanĕşé֤̌y mĕqòmáḣ֙ léʼmò֔r ʼayé֧̇h haqĕ̇déşá֛̌h hi֥wʼ báʻéyna֖yim ʻal־hadá֑̇rekĕ wayò֣̇ʼmĕr֔ẇ lòʼ־háyĕţá֥h báze֖h qĕdéşáֽ̌h׃

22
וַיָּ֨שָׁב֙ אֶל־יְהוּדָ֔ה וַיֹּ֖אמֶר לֹ֣א מְצָאתִ֑יהָ וְגַ֨ם אַנְשֵׁ֤י הַמָּקֹום֙ אָֽמְר֔וּ לֹא־הָיְתָ֥ה בָזֶ֖ה קְדֵשָֽׁה׃

wayá̇֨şá̌b֙ ʼel־yĕhẇdá֔h wayò֖̇ʼmer lò֣ʼ mĕẕáʼţi֑yhá wĕga֨m ʼanĕşé֤̌y hamá̇qòwm֙ ʼáֽmĕr֔ẇ lòʼ־háyĕţá֥h báze֖h qĕdéşáֽ̌h׃

23
וַיֹּ֤אמֶר יְהוּדָה֙ תִּֽקַּֽח־לָ֔הּ פֶּ֖ן נִהְיֶ֣ה לָב֑וּז הִנֵּ֤ה שָׁלַ֨חְתִּי֙ הַגְּדִ֣י הַזֶּ֔ה וְאַתָּ֖ה לֹ֥א מְצָאתָֽהּ׃

wayò֤̇ʼmer yĕhẇdáh֙ ţiֽ̇qȧֽẖ־lá֔ḣ pė֖n nihĕye֣h láb֑ẇz hiné֤̇h şá̌la֨ẖĕţi̇y֙ hagĕ̇di֣y hazė֔h wĕʼaţá֖̇h lò֥ʼ mĕẕáʼţáֽḣ׃

24
וַיְהִ֣י׀ כְּמִשְׁלֹ֣שׁ חֳדָשִׁ֗ים וַיֻּגַּ֨ד לִֽיהוּדָ֤ה לֵֽאמֹר֙ זָֽנְתָה֙ תָּמָ֣ר כַּלָּתֶ֔ךָ וְגַ֛ם הִנֵּ֥ה הָרָ֖ה לִזְנוּנִ֑ים וַיֹּ֣אמֶר יְהוּדָ֔ה הֹוצִיא֖וּהָ וְתִשָּׂרֵֽף׃

wayĕhi֣y׀ kĕ̇mişĕ̌lò֣ş̌ ẖodáşǐ֗ym wayu̇gȧ֨d liֽyhẇdá֤h léֽʼmòr֙ záֽnĕţáh֙ ţá̇má֣r kȧlá̇ţe֔ká wĕga֛m hiné֥̇h hárá֖h lizĕnẇni֑ym wayò֣̇ʼmer yĕhẇdá֔h hòwẕiyʼ֖ẇhá wĕţişá̇̂réֽp׃

25
הִ֣וא מוּצֵ֗את וְהִ֨יא שָׁלְחָ֤ה אֶל־חָמִ֨יהָ֙ לֵאמֹ֔ר לְאִישׁ֙ אֲשֶׁר־אֵ֣לֶּה לֹּ֔ו אָנֹכִ֖י הָרָ֑ה וַתֹּ֨אמֶר֙ הַכֶּר־נָ֔א לְמִ֞י הַחֹתֶ֧מֶת וְהַפְּתִילִ֛ים וְהַמַּטֶּ֖ה הָאֵֽלֶּה׃

hi֣wʼ mẇẕé֗ʼţ wĕhi֨yʼ şá̌lĕẖá֤h ʼel־ẖámi֨yhá֙ léʼmò֔r lĕʼiyş̌֙ ʼàşěr־ʼé֣lėh lò̇֔w ʼánòki֖y hárá֑h waţò̇֨ʼmer֙ hakėr־ná֔ʼ lĕmi֞y haẖòţe֧meţ wĕhapĕ̇ţiyli֛ym wĕhamȧtė֖h háʼéֽlėh׃

26
וַיַּכֵּ֣ר יְהוּדָ֗ה וַיֹּ֨אמֶר֙ צָֽדְקָ֣ה מִמֶּ֔נִּי כִּֽי־עַל־כֵּ֥ן לֹא־נְתַתִּ֖יהָ לְשֵׁלָ֣ה בְנִ֑י וְלֹֽא־יָסַ֥ף עֹ֖וד לְדַעְתָּֽה׃

wayȧké֣̇r yĕhẇdá֗h wayò̇֨ʼmer֙ ẕáֽdĕqá֣h mimė֔ni̇y kiֽ̇y־ʻal־ké֥̇n lòʼ־nĕţaţi֖̇yhá lĕşé̌lá֣h bĕni֑y wĕlòֽʼ־yása֥p ʻò֖wd lĕdaʻĕţáֽ̇h׃

27
וַיְהִ֖י בְּעֵ֣ת לִדְתָּ֑הּ וְהִנֵּ֥ה תְאֹומִ֖ים בְּבִטְנָֽהּ׃

wayĕhi֖y bĕ̇ʻé֣ţ lidĕţá֑̇ḣ wĕhiné֥̇h ţĕʼòwmi֖ym bĕ̇bitĕnáֽḣ׃

28
וַיְהִ֥י בְלִדְתָּ֖הּ וַיִּתֶּן־יָ֑ד וַתִּקַּ֣ח הַמְיַלֶּ֗דֶת וַתִּקְשֹׁ֨ר עַל־יָדֹ֤ו שָׁנִי֙ לֵאמֹ֔ר זֶ֖ה יָצָ֥א רִאשֹׁנָֽה׃

wayĕhi֥y bĕlidĕţá֖̇ḣ wayi̇ţėn־yá֑d waţi̇qȧ֣ẖ hamĕyalė֗deţ waţi̇qĕşò̌֨r ʻal־yádò֤w şá̌niy֙ léʼmò֔r ze֖h yáẕá֥ʼ riʼşò̌náֽh׃

29
וַיְהִ֣י׀ כְּמֵשִׁ֣יב יָדֹ֗ו וְהִנֵּה֙ יָצָ֣א אָחִ֔יו וַתֹּ֕אמֶר מַה־פָּרַ֖צְתָּ עָלֶ֣יךָ פָּ֑רֶץ וַיִּקְרָ֥א שְׁמֹ֖ו פָּֽרֶץ׃

wayĕhi֣y׀ kĕ̇méşǐ֣yb yádò֗w wĕhiné̇h֙ yáẕá֣ʼ ʼáẖi֔yw waţò̇֕ʼmer mah־pá̇ra֖ẕĕţá̇ ʻále֣yká pá֑̇reẕ wayi̇qĕrá֥ʼ şĕ̌mò֖w páֽ̇reẕ׃

30
וְאַחַר֙ יָצָ֣א אָחִ֔יו אֲשֶׁ֥ר עַל־יָדֹ֖ו הַשָּׁנִ֑י וַיִּקְרָ֥א שְׁמֹ֖ו זָֽרַח׃ ס

wĕʼaẖar֙ yáẕá֣ʼ ʼáẖi֔yw ʼàşě֥r ʻal־yádò֖w haşá̇̌ni֑y wayi̇qĕrá֥ʼ şĕ̌mò֖w záֽraẖ׃ s