Bibles in ancient languages
Old translations
Modern translations

Biblia Hebraica Stuttgartiensia Haggai 2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בַּשְּׁבִיעִ֕י בְּעֶשְׂרִ֥ים וְאֶחָ֖ד לַחֹ֑דֶשׁ הָיָה֙ דְּבַר־יְהוָ֔ה בְּיַד־חַגַּ֥י הַנָּבִ֖יא לֵאמֹֽר׃

bȧşĕ̇̌biyʻi֕y bĕ̇ʻeşĕ̂ri֥ym wĕʼeẖá֖d laẖò֑deş̌ háyáh֙ dĕ̇bar־yĕhwá֔h bĕ̇yad־ẖagȧ֥y haná̇bi֖yʼ léʼmòֽr׃

2
אֱמָר־נָ֗א אֶל־זְרֻבָּבֶ֤ל בֶּן־שַׁלְתִּיאֵל֙ פַּחַ֣ת יְהוּדָ֔ה וְאֶל־יְהֹושֻׁ֥עַ בֶּן־יְהֹוצָדָ֖ק הַכֹּהֵ֣ן הַגָּדֹ֑ול וְאֶל־שְׁאֵרִ֥ית הָעָ֖ם לֵאמֹֽר׃

ʼèmár־ná֗ʼ ʼel־zĕrubá̇be֤l bėn־şǎlĕţi̇yʼél֙ pȧẖa֣ţ yĕhẇdá֔h wĕʼel־yĕhòwşǔ֥ʻa bėn־yĕhòwẕádá֖q hakò̇hé֣n hagá̇dò֑wl wĕʼel־şĕ̌ʼéri֥yţ háʻá֖m léʼmòֽr׃

3
מִ֤י בָכֶם֙ הַנִּשְׁאָ֔ר אֲשֶׁ֤ר רָאָה֙ אֶת־הַבַּ֣יִת הַזֶּ֔ה בִּכְבֹודֹ֖ו הָרִאשֹׁ֑ון וּמָ֨ה אַתֶּ֜ם רֹאִ֤ים אֹתֹו֙ עַ֔תָּה הֲלֹ֥וא כָמֹ֛הוּ כְּאַ֖יִן בְּעֵינֵיכֶֽם׃

mi֤y bákem֙ hani̇şĕ̌ʼá֔r ʼàşě֤r ráʼáh֙ ʼeţ־habȧ֣yiţ hazė֔h bi̇kĕbòwdò֖w háriʼşò֑̌wn ẇmá֨h ʼaţė֜m ròʼi֤ym ʼòţòw֙ ʻa֔ţá̇h hàlò֥wʼ kámò֛hẇ kĕ̇ʼa֖yin bĕ̇ʻéynéykeֽm׃

4
וְעַתָּ֣ה חֲזַ֣ק זְרֻבָּבֶ֣ל׀ נְאֻם־יְהוָ֡ה וַחֲזַ֣ק יְהֹושֻׁ֣עַ בֶּן־יְהֹוצָדָק֩ הַכֹּהֵ֨ן הַגָּדֹ֜ול וַחֲזַ֨ק כָּל־עַ֥ם הָאָ֛רֶץ נְאֻם־יְהוָ֖ה וַֽעֲשׂ֑וּ כִּֽי־אֲנִ֣י אִתְּכֶ֔ם נְאֻ֖ם יְהוָ֥ה צְבָאֹֽות׃

wĕʻaţá֣̇h ẖàza֣q zĕrubá̇be֣l׀ nĕʼum־yĕhwá֡h waẖàza֣q yĕhòwşǔ֣ʻa bėn־yĕhòwẕádáq֩ hakò̇hé֨n hagá̇dò֜wl waẖàza֨q ká̇l־ʻa֥m háʼá֛reẕ nĕʼum־yĕhwá֖h waֽʻàş֑̂ẇ kiֽ̇y־ʼàni֣y ʼiţĕ̇ke֔m nĕʼu֖m yĕhwá֥h ẕĕbáʼòֽwţ׃

5
אֶֽת־הַדָּבָ֞ר אֲשֶׁר־כָּרַ֤תִּי אִתְּכֶם֙ בְּצֵאתְכֶ֣ם מִמִּצְרַ֔יִם וְרוּחִ֖י עֹמֶ֣דֶת בְּתֹוכְכֶ֑ם אַל־תִּירָֽאוּ׃ ס

ʼeֽţ־hadá̇bá֞r ʼàşěr־ká̇ra֤ţi̇y ʼiţĕ̇kem֙ bĕ̇ẕéʼţĕke֣m mimi̇ẕĕra֔yim wĕrẇẖi֖y ʻòme֣deţ bĕ̇ţòwkĕke֑m ʼal־ţi̇yráֽʼẇ׃ s

6
כִּ֣י כֹ֤ה אָמַר֙ יְהוָ֣ה צְבָאֹ֔ות עֹ֥וד אַחַ֖ת מְעַ֣ט הִ֑יא וַאֲנִ֗י מַרְעִישׁ֙ אֶת־הַשָּׁמַ֣יִם וְאֶת־הָאָ֔רֶץ וְאֶת־הַיָּ֖ם וְאֶת־הֶחָרָבָֽה׃

ki֣̇y kò֤h ʼámar֙ yĕhwá֣h ẕĕbáʼò֔wţ ʻò֥wd ʼaẖa֖ţ mĕʻa֣t hi֑yʼ waʼàni֗y marĕʻiyş̌֙ ʼeţ־haşá̇̌ma֣yim wĕʼeţ־háʼá֔reẕ wĕʼeţ־hayá֖̇m wĕʼeţ־heẖárábáֽh׃

7
וְהִרְעַשְׁתִּי֙ אֶת־כָּל־הַגֹּויִ֔ם וּבָ֖אוּ חֶמְדַּ֣ת כָּל־הַגֹּויִ֑ם וּמִלֵּאתִ֞י אֶת־הַבַּ֤יִת הַזֶּה֙ כָּבֹ֔וד אָמַ֖ר יְהוָ֥ה צְבָאֹֽות׃

wĕhirĕʻaşĕ̌ţi̇y֙ ʼeţ־ká̇l־hagò̇wyi֔m ẇbá֖ʼẇ ẖemĕdȧ֣ţ ká̇l־hagò̇wyi֑m ẇmilé̇ʼţi֞y ʼeţ־habȧ֤yiţ hazėh֙ ká̇bò֔wd ʼáma֖r yĕhwá֥h ẕĕbáʼòֽwţ׃

8
לִ֥י הַכֶּ֖סֶף וְלִ֣י הַזָּהָ֑ב נְאֻ֖ם יְהוָ֥ה צְבָאֹֽות׃

li֥y hakė֖sep wĕli֣y hazá̇há֑b nĕʼu֖m yĕhwá֥h ẕĕbáʼòֽwţ׃

9
גָּדֹ֣ול יִֽהְיֶ֡ה כְּבֹוד֩ הַבַּ֨יִת הַזֶּ֤ה הָאַֽחֲרֹון֙ מִן־הָ֣רִאשֹׁ֔ון אָמַ֖ר יְהוָ֣ה צְבָאֹ֑ות וּבַמָּקֹ֤ום הַזֶּה֙ אֶתֵּ֣ן שָׁלֹ֔ום נְאֻ֖ם יְהוָ֥ה צְבָאֹֽות׃ פ

gá̇dò֣wl yiֽhĕye֡h kĕ̇bòwd֩ habȧ֨yiţ hazė֤h háʼaֽẖàròwn֙ min־há֣riʼşò̌֔wn ʼáma֖r yĕhwá֣h ẕĕbáʼò֑wţ ẇbamá̇qò֤wm hazėh֙ ʼeţé֣̇n şá̌lò֔wm nĕʼu֖m yĕhwá֥h ẕĕbáʼòֽwţ׃ p

10
בְּעֶשְׂרִ֤ים וְאַרְבָּעָה֙ לַתְּשִׁיעִ֔י בִּשְׁנַ֥ת שְׁתַּ֖יִם לְדָרְיָ֑וֶשׁ הָיָה֙ דְּבַר־יְהוָ֔ה אֶל־חַגַּ֥י הַנָּבִ֖יא לֵאמֹֽר׃

bĕ̇ʻeşĕ̂ri֤ym wĕʼarĕbá̇ʻáh֙ laţĕ̇şǐyʻi֔y bi̇şĕ̌na֥ţ şĕ̌ţȧ֖yim lĕdárĕyá֑weş̌ háyáh֙ dĕ̇bar־yĕhwá֔h ʼel־ẖagȧ֥y haná̇bi֖yʼ léʼmòֽr׃

11
כֹּ֥ה אָמַ֖ר יְהוָ֣ה צְבָאֹ֑ות שְׁאַל־נָ֧א אֶת־הַכֹּהֲנִ֛ים תֹּורָ֖ה לֵאמֹֽר׃

kò֥̇h ʼáma֖r yĕhwá֣h ẕĕbáʼò֑wţ şĕ̌ʼal־ná֧ʼ ʼeţ־hakò̇hàni֛ym ţò̇wrá֖h léʼmòֽr׃

12
הֵ֣ן׀ יִשָּׂא־אִ֨ישׁ בְּשַׂר־קֹ֜דֶשׁ בִּכְנַ֣ף בִּגְדֹ֗ו וְנָגַ֣ע בִּ֠כְנָפֹו אֶל־הַלֶּ֨חֶם וְאֶל־הַנָּזִ֜יד וְאֶל־הַיַּ֧יִן וְאֶל־שֶׁ֛מֶן וְאֶל־כָּל־מַאֲכָ֖ל הֲיִקְדָּ֑שׁ וַיַּעֲנ֧וּ הַכֹּהֲנִ֛ים וַיֹּאמְר֖וּ לֹֽא׃

hé֣n׀ yişá̇̂ʼ־ʼi֨yş̌ bĕ̇şâr־qò֜deş̌ bi̇kĕna֣p bi̇gĕdò֗w wĕnága֣ʻ bi̇֠kĕnápòw ʼel־halė֨ẖem wĕʼel־haná̇zi֜yd wĕʼel־hayȧ֧yin wĕʼel־şě֛men wĕʼel־ká̇l־maʼàká֖l hàyiqĕdá֑̇ş̌ wayȧʻàn֧ẇ hakò̇hàni֛ym wayò̇ʼmĕr֖ẇ lòֽʼ׃

13
וַיֹּ֣אמֶר חַגַּ֔י אִם־יִגַּ֧ע טְמֵא־נֶ֛פֶשׁ בְּכָל־אֵ֖לֶּה הֲיִטְמָ֑א וַיַּעֲנ֧וּ הַכֹּהֲנִ֛ים וַיֹּאמְר֖וּ יִטְמָֽא׃

wayò֣̇ʼmer ẖagȧ֔y ʼim־yigȧ֧ʻ tĕméʼ־ne֛peş̌ bĕ̇kál־ʼé֖lėh hàyitĕmá֑ʼ wayȧʻàn֧ẇ hakò̇hàni֛ym wayò̇ʼmĕr֖ẇ yitĕmáֽʼ׃

14
וַיַּ֨עַן חַגַּ֜י וַיֹּ֗אמֶר כֵּ֣ן הָֽעָם־הַ֠זֶּה וְכֵן־הַגֹּ֨וי הַזֶּ֤ה לְפָנַי֙ נְאֻם־יְהוָ֔ה וְכֵ֖ן כָּל־מַעֲשֵׂ֣ה יְדֵיהֶ֑ם וַאֲשֶׁ֥ר יַקְרִ֛יבוּ שָׁ֖ם טָמֵ֥א הֽוּא׃

wayȧ֨ʻan ẖagȧ֜y wayò̇֗ʼmer ké֣̇n háֽʻám־ha֠zėh wĕkén־hagò̇֨wy hazė֤h lĕpánay֙ nĕʼum־yĕhwá֔h wĕké֖n ká̇l־maʻàşé֣̂h yĕdéyhe֑m waʼàşě֥r yaqĕri֛ybẇ şá֖̌m támé֥ʼ hֽẇʼ׃

15
וְעַתָּה֙ שִֽׂימוּ־נָ֣א לְבַבְכֶ֔ם מִן־הַיֹּ֥ום הַזֶּ֖ה וָמָ֑עְלָה מִטֶּ֧רֶם שֽׂוּם־אֶ֛בֶן אֶל־אֶ֖בֶן בְּהֵיכַ֥ל יְהוָֽה׃

wĕʻaţá̇h֙ şîֽymẇ־ná֣ʼ lĕbabĕke֔m min־hayò֥̇wm hazė֖h wámá֑ʻĕláh mitė֧rem şֽ̂ẇm־ʼe֛ben ʼel־ʼe֖ben bĕ̇héyka֥l yĕhwáֽh׃

16
מִֽהְיֹותָ֥ם בָּא֙ אֶל־עֲרֵמַ֣ת עֶשְׂרִ֔ים וְהָיְתָ֖ה עֲשָׂרָ֑ה בָּ֣א אֶל־הַיֶּ֗קֶב לַחְשֹׂף֙ חֲמִשִּׁ֣ים פּוּרָ֔ה וְהָיְתָ֖ה עֶשְׂרִֽים׃

miֽhĕyòwţá֥m bá̇ʼ֙ ʼel־ʻàréma֣ţ ʻeşĕ̂ri֔ym wĕháyĕţá֖h ʻàşá̂rá֑h bá֣̇ʼ ʼel־hayė֗qeb laẖĕşò̂p֙ ẖàmişi֣̇̌ym ṗẇrá֔h wĕháyĕţá֖h ʻeşĕ̂riֽym׃

17
הִכֵּ֨יתִי אֶתְכֶ֜ם בַּשִּׁדָּפֹ֤ון וּבַיֵּֽרָקֹון֙ וּבַבָּרָ֔ד אֵ֖ת כָּל־מַעֲשֵׂ֣ה יְדֵיכֶ֑ם וְאֵין־אֶתְכֶ֥ם אֵלַ֖י נְאֻם־יְהוָֽה׃

hiké̇֨yţiy ʼeţĕke֜m bȧşi̇̌dá̇pò֤wn ẇbayéֽ̇ráqòwn֙ ẇbabá̇rá֔d ʼé֖ţ ká̇l־maʻàşé֣̂h yĕdéyke֑m wĕʼéyn־ʼeţĕke֥m ʼéla֖y nĕʼum־yĕhwáֽh׃

18
שִׂימוּ־נָ֣א לְבַבְכֶ֔ם מִן־הַיֹּ֥ום הַזֶּ֖ה וָמָ֑עְלָה מִיֹּום֩ עֶשְׂרִ֨ים וְאַרְבָּעָ֜ה לַתְּשִׁיעִ֗י לְמִן־הַיֹּ֛ום אֲשֶׁר־יֻסַּ֥ד הֵֽיכַל־יְהוָ֖ה שִׂ֥ימוּ לְבַבְכֶֽם׃

şîymẇ־ná֣ʼ lĕbabĕke֔m min־hayò֥̇wm hazė֖h wámá֑ʻĕláh miyò̇wm֩ ʻeşĕ̂ri֨ym wĕʼarĕbá̇ʻá֜h laţĕ̇şǐyʻi֗y lĕmin־hayò֛̇wm ʼàşěr־yusȧ֥d héֽykal־yĕhwá֖h şî֥ymẇ lĕbabĕkeֽm׃

19
הַעֹ֤וד הַזֶּ֨רַע֙ בַּמְּגוּרָ֔ה וְעַד־הַגֶּ֨פֶן וְהַתְּאֵנָ֧ה וְהָרִמֹּ֛ון וְעֵ֥ץ הַזַּ֖יִת לֹ֣א נָשָׂ֑א מִן־הַיֹּ֥ום הַזֶּ֖ה אֲבָרֵֽךְ׃ ס

haʻò֤wd hazė֨raʻ֙ bȧmĕ̇gẇrá֔h wĕʻad־hagė֨pen wĕhaţĕ̇ʼéná֧h wĕhárimò֛̇wn wĕʻé֥ẕ hazȧ֖yiţ lò֣ʼ náşá֑̂ʼ min־hayò֥̇wm hazė֖h ʼàbáréֽkĕ׃ s

20
וַיְהִ֨י דְבַר־יְהוָ֤ה׀ שֵׁנִית֙ אֶל־חַגַּ֔י בְּעֶשְׂרִ֧ים וְאַרְבָּעָ֛ה לַחֹ֖דֶשׁ לֵאמֹֽר׃

wayĕhi֨y dĕbar־yĕhwá֤h׀ şé̌niyţ֙ ʼel־ẖagȧ֔y bĕ̇ʻeşĕ̂ri֧ym wĕʼarĕbá̇ʻá֛h laẖò֖deş̌ léʼmòֽr׃

21
אֱמֹ֕ר אֶל־זְרֻבָּבֶ֥ל פַּֽחַת־יְהוּדָ֖ה לֵאמֹ֑ר אֲנִ֣י מַרְעִ֔ישׁ אֶת־הַשָּׁמַ֖יִם וְאֶת־הָאָֽרֶץ׃

ʼèmò֕r ʼel־zĕrubá̇be֥l pȧֽẖaţ־yĕhẇdá֖h léʼmò֑r ʼàni֣y marĕʻi֔yş̌ ʼeţ־haşá̇̌ma֖yim wĕʼeţ־háʼáֽreẕ׃

22
וְהָֽפַכְתִּי֙ כִּסֵּ֣א מַמְלָכֹ֔ות וְהִ֨שְׁמַדְתִּ֔י חֹ֖זֶק מַמְלְכֹ֣ות הַגֹּויִ֑ם וְהָפַכְתִּ֤י מֶרְכָּבָה֙ וְרֹ֣כְבֶ֔יהָ וְיָרְד֤וּ סוּסִים֙ וְרֹ֣כְבֵיהֶ֔ם אִ֖ישׁ בְּחֶ֥רֶב אָחִֽיו׃

wĕháֽpakĕţi̇y֙ ki̇sé֣̇ʼ mamĕlákò֔wţ wĕhi֨şĕ̌madĕţi̇֔y ẖò֖zeq mamĕlĕkò֣wţ hagò̇wyi֑m wĕhápakĕţi֤̇y merĕká̇báh֙ wĕrò֣kĕbe֔yhá wĕyárĕd֤ẇ sẇsiym֙ wĕrò֣kĕbéyhe֔m ʼi֖yş̌ bĕ̇ẖe֥reb ʼáẖiֽyw׃

23
בַּיֹּ֣ום הַה֣וּא נְאֻם־יְהוָ֣ה צְבָאֹ֡ות אֶ֠קָּחֲךָ זְרֻבָּבֶ֨ל בֶּן־שְׁאַלְתִּיאֵ֤ל עַבְדִּי֙ נְאֻם־יְהוָ֔ה וְשַׂמְתִּ֖יךָ כַּֽחֹותָ֑ם כִּֽי־בְךָ֣ בָחַ֔רְתִּי נְאֻ֖ם יְהוָ֥ה צְבָאֹֽות׃

bȧyò֣̇wm hah֣ẇʼ nĕʼum־yĕhwá֣h ẕĕbáʼò֡wţ ʼe֠qá̇ẖàká zĕrubá̇be֨l bėn־şĕ̌ʼalĕţi̇yʼé֤l ʻabĕdi̇y֙ nĕʼum־yĕhwá֔h wĕşâmĕţi֖̇yká kȧֽẖòwţá֑m kiֽ̇y־bĕká֣ báẖa֔rĕţi̇y nĕʼu֖m yĕhwá֥h ẕĕbáʼòֽwţ׃