Bibles in ancient languages
Old translations
Modern translations

Biblia Hebraica Stuttgartiensia Jonah 4

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֵּ֥רַע אֶל־יֹונָ֖ה רָעָ֣ה גְדֹולָ֑ה וַיִּ֖חַר לֹֽו׃

wayé֥̇raʻ ʼel־yòwná֖h ráʻá֣h gĕdòwlá֑h wayi֖̇ẖar lòֽw׃

2
וַיִּתְפַּלֵּ֨ל אֶל־יְהוָ֜ה וַיֹּאמַ֗ר אָנָּ֤ה יְהוָה֙ הֲלֹוא־זֶ֣ה דְבָרִ֗י עַד־הֱיֹותִי֙ עַל־אַדְמָתִ֔י עַל־כֵּ֥ן קִדַּ֖מְתִּי לִבְרֹ֣חַ תַּרְשִׁ֑ישָׁה כִּ֣י יָדַ֗עְתִּי כִּ֤י אַתָּה֙ אֵֽל־חַנּ֣וּן וְרַח֔וּם אֶ֤רֶךְ אַפַּ֨יִם֙ וְרַב־חֶ֔סֶד וְנִחָ֖ם עַל־הָרָעָֽה׃

wayi̇ţĕpȧlé̇֨l ʼel־yĕhwá֜h wayò̇ʼma֗r ʼáná֤̇h yĕhwáh֙ hàlòwʼ־ze֣h dĕbári֗y ʻad־hèyòwţiy֙ ʻal־ʼadĕmáţi֔y ʻal־ké֥̇n qidȧ֖mĕţi̇y libĕrò֣ẖa ţȧrĕşǐ֑yşá̌h ki֣̇y yáda֗ʻĕţi̇y ki֤̇y ʼaţá̇h֙ ʼéֽl־ẖaṅ֣ẇn wĕraẖ֔ẇm ʼe֤rekĕ ʼapȧ֨yim֙ wĕrab־ẖe֔sed wĕniẖá֖m ʻal־háráʻáֽh׃

3
וְעַתָּ֣ה יְהוָ֔ה קַח־נָ֥א אֶת־נַפְשִׁ֖י מִמֶּ֑נִּי כִּ֛י טֹ֥וב מֹותִ֖י מֵחַיָּֽי׃ ס

wĕʻaţá֣̇h yĕhwá֔h qaẖ־ná֥ʼ ʼeţ־napĕşǐ֖y mimė֑ni̇y ki֛̇y tò֥wb mòwţi֖y méẖayáֽ̇y׃ s

4
וַיֹּ֣אמֶר יְהוָ֔ה הַהֵיטֵ֖ב חָ֥רָה לָֽךְ׃

wayò֣̇ʼmer yĕhwá֔h hahéyté֖b ẖá֥ráh láֽkĕ׃

5
וַיֵּצֵ֤א יֹונָה֙ מִן־הָעִ֔יר וַיֵּ֖שֶׁב מִקֶּ֣דֶם לָעִ֑יר וַיַּעַשׂ֩ לֹ֨ו שָׁ֜ם סֻכָּ֗ה וַיֵּ֤שֶׁב תַּחְתֶּ֨יהָ֙ בַּצֵּ֔ל עַ֚ד אֲשֶׁ֣ר יִרְאֶ֔ה מַה־יִּהְיֶ֖ה בָּעִֽיר׃

wayé̇ẕé֤ʼ yòwnáh֙ min־háʻi֔yr wayé֖̇şěb miqė֣dem láʻi֑yr wayȧʻaş̂֩ lò֨w şá̌֜m suká̇֗h wayé֤̇şěb ţȧẖĕţė֨yhá֙ bȧẕé̇֔l ʻa֚d ʼàşě֣r yirĕʼe֔h mah־yi̇hĕye֖h bá̇ʻiֽyr׃

6
וַיְמַ֣ן יְהוָֽה־אֱ֠לֹהִים קִיקָיֹ֞ון וַיַּ֣עַל׀ מֵעַ֣ל לְיֹונָ֗ה לִֽהְיֹ֥ות צֵל֙ עַל־רֹאשֹׁ֔ו לְהַצִּ֥יל לֹ֖ו מֵרָֽעָתֹ֑ו וַיִּשְׂמַ֥ח יֹונָ֛ה עַל־הַקִּֽיקָיֹ֖ון שִׂמְחָ֥ה גְדֹולָֽה׃

wayĕma֣n yĕhwáֽh־ʼè֠lòhiym qiyqáyò֞wn wayȧ֣ʻal׀ méʻa֣l lĕyòwná֗h liֽhĕyò֥wţ ẕél֙ ʻal־ròʼşò̌֔w lĕhaẕi֥̇yl lò֖w méráֽʻáţò֑w wayi̇şĕ̂ma֥ẖ yòwná֛h ʻal־haqiֽ̇yqáyò֖wn şîmĕẖá֥h gĕdòwláֽh׃

7
וַיְמַ֤ן הָֽאֱלֹהִים֙ תֹּולַ֔עַת בַּעֲלֹ֥ות הַשַּׁ֖חַר לַֽמָּחֳרָ֑ת וַתַּ֥ךְ אֶת־הַקִּֽיקָיֹ֖ון וַיִּיבָֽשׁ׃

wayĕma֤n háֽʼèlòhiym֙ ţò̇wla֔ʻaţ bȧʻàlò֥wţ haşȧ֖̌ẖar laֽmá̇ẖorá֑ţ waţȧ֥kĕ ʼeţ־haqiֽ̇yqáyò֖wn wayi̇ybáֽş̌׃

8
וַיְהִ֣י׀ כִּזְרֹ֣חַ הַשֶּׁ֗מֶשׁ וַיְמַ֨ן אֱלֹהִ֜ים ר֤וּחַ קָדִים֙ חֲרִישִׁ֔ית וַתַּ֥ךְ הַשֶּׁ֛מֶשׁ עַל־רֹ֥אשׁ יֹונָ֖ה וַיִּתְעַלָּ֑ף וַיִּשְׁאַ֤ל אֶת־נַפְשֹׁו֙ לָמ֔וּת וַיֹּ֕אמֶר טֹ֥וב מֹותִ֖י מֵחַיָּֽי׃

wayĕhi֣y׀ ki̇zĕrò֣ẖa haşė̌֗meş̌ wayĕma֨n ʼèlòhi֜ym r֤ẇẖa qádiym֙ ẖàriyşǐ֔yţ waţȧ֥kĕ haşė֛̌meş̌ ʻal־rò֥ʼş̌ yòwná֖h wayi̇ţĕʻalá֑̇p wayi̇şĕ̌ʼa֤l ʼeţ־napĕşò̌w֙ lám֔ẇţ wayò̇֕ʼmer tò֥wb mòwţi֖y méẖayáֽ̇y׃

9
וַיֹּ֤אמֶר אֱלֹהִים֙ אֶל־יֹונָ֔ה הַהֵיטֵ֥ב חָרָֽה־לְךָ֖ עַל־הַקִּֽיקָיֹ֑ון וַיֹּ֕אמֶר הֵיטֵ֥ב חָֽרָה־לִ֖י עַד־מָֽוֶת׃

wayò֤̇ʼmer ʼèlòhiym֙ ʼel־yòwná֔h hahéyté֥b ẖáráֽh־lĕká֖ ʻal־haqiֽ̇yqáyò֑wn wayò̇֕ʼmer héyté֥b ẖáֽráh־li֖y ʻad־máֽweţ׃

10
וַיֹּ֣אמֶר יְהוָ֔ה אַתָּ֥ה חַ֨סְתָּ֙ עַל־הַקִּ֣יקָיֹ֔ון אֲשֶׁ֛ר לֹא־עָמַ֥לְתָּ בֹּ֖ו וְלֹ֣א גִדַּלְתֹּ֑ו שֶׁבִּן־לַ֥יְלָה הָיָ֖ה וּבִן־לַ֥יְלָה אָבָֽד׃

wayò֣̇ʼmer yĕhwá֔h ʼaţá֥̇h ẖa֨sĕţá̇֙ ʻal־haqi֣̇yqáyò֔wn ʼàşě֛r lòʼ־ʻáma֥lĕţá̇ bò֖̇w wĕlò֣ʼ gidȧlĕţò֑̇w şěbi̇n־la֥yĕláh háyá֖h ẇbin־la֥yĕláh ʼábáֽd׃

11
וַֽאֲנִי֙ לֹ֣א אָח֔וּס עַל־נִינְוֵ֖ה הָעִ֣יר הַגְּדֹולָ֑ה אֲשֶׁ֣ר יֶשׁ־בָּ֡הּ הַרְבֵּה֩ מִֽשְׁתֵּים־עֶשְׂרֵ֨ה רִבֹּ֜ו אָדָ֗ם אֲשֶׁ֤ר לֹֽא־יָדַע֙ בֵּין־יְמִינֹ֣ו לִשְׂמֹאלֹ֔ו וּבְהֵמָ֖ה רַבָּֽה׃

waֽʼàniy֙ lò֣ʼ ʼáẖ֔ẇs ʻal־niynĕwé֖h háʻi֣yr hagĕ̇dòwlá֑h ʼàşě֣r yeş̌־bá̇֡ḣ harĕbé̇h֩ miֽşĕ̌ţé̇ym־ʻeşĕ̂ré֨h ribò̇֜w ʼádá֗m ʼàşě֤r lòֽʼ־yádaʻ֙ bé̇yn־yĕmiynò֣w lişĕ̂mòʼlò֔w ẇbĕhémá֖h rabáֽ̇h׃