Bibles in ancient languages
Old translations
Modern translations

Biblia Hebraica Stuttgartiensia Leviticus 4

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
דַּבֵּ֞ר אֶל־בְּנֵ֣י יִשְׂרָאֵל֮ לֵאמֹר֒ נֶ֗פֶשׁ כִּֽי־תֶחֱטָ֤א בִשְׁגָגָה֙ מִכֹּל֙ מִצְוֹ֣ת יְהוָ֔ה אֲשֶׁ֖ר לֹ֣א תֵעָשֶׂ֑ינָה וְעָשָׂ֕ה מֵאַחַ֖ת מֵהֵֽנָּה׃

dȧbé̇֞r ʼel־bĕ̇né֣y yişĕ̂ráʼél֮ léʼmòr֒ ne֗peş̌ kiֽ̇y־ţeẖètá֤ʼ bişĕ̌gágáh֙ mikò̇l֙ miẕĕwò֣ţ yĕhwá֔h ʼàşě֖r lò֣ʼ ţéʻáşê֑ynáh wĕʻáşá̂֕h méʼaẖa֖ţ méhéֽná̇h׃

3
אִ֣ם הַכֹּהֵ֧ן הַמָּשִׁ֛יחַ יֶחֱטָ֖א לְאַשְׁמַ֣ת הָעָ֑ם וְהִקְרִ֡יב עַ֣ל חַטָּאתֹו֩ אֲשֶׁ֨ר חָטָ֜א פַּ֣ר בֶּן־בָּקָ֥ר תָּמִ֛ים לַיהוָ֖ה לְחַטָּֽאת׃

ʼi֣m hakò̇hé֧n hamá̇şǐ֛yẖa yeẖètá֖ʼ lĕʼaşĕ̌ma֣ţ háʻá֑m wĕhiqĕri֡yb ʻa֣l ẖatá̇ʼţòw֩ ʼàşě֨r ẖátá֜ʼ pȧ֣r bėn־bá̇qá֥r ţá̇mi֛ym layhwá֖h lĕẖatáֽ̇ʼţ׃

4
וְהֵבִ֣יא אֶת־הַפָּ֗ר אֶל־פֶּ֛תַח אֹ֥הֶל מֹועֵ֖ד לִפְנֵ֣י יְהוָ֑ה וְסָמַ֤ךְ אֶת־יָדֹו֙ עַל־רֹ֣אשׁ הַפָּ֔ר וְשָׁחַ֥ט אֶת־הַפָּ֖ר לִפְנֵ֥י יְהוָֽה׃

wĕhébi֣yʼ ʼeţ־hapá̇֗r ʼel־pė֛ţaẖ ʼò֥hel mòwʻé֖d lipĕné֣y yĕhwá֑h wĕsáma֤kĕ ʼeţ־yádòw֙ ʻal־rò֣ʼş̌ hapá̇֔r wĕşá̌ẖa֥t ʼeţ־hapá֖̇r lipĕné֥y yĕhwáֽh׃

5
וְלָקַ֛ח הַכֹּהֵ֥ן הַמָּשִׁ֖יחַ מִדַּ֣ם הַפָּ֑ר וְהֵבִ֥יא אֹתֹ֖ו אֶל־אֹ֥הֶל מֹועֵֽד׃

wĕláqa֛ẖ hakò̇hé֥n hamá̇şǐ֖yẖa midȧ֣m hapá֑̇r wĕhébi֥yʼ ʼòţò֖w ʼel־ʼò֥hel mòwʻéֽd׃

6
וְטָבַ֧ל הַכֹּהֵ֛ן אֶת־אֶצְבָּעֹ֖ו בַּדָּ֑ם וְהִזָּ֨ה מִן־הַדָּ֜ם שֶׁ֤בַע פְּעָמִים֙ לִפְנֵ֣י יְהוָ֔ה אֶת־פְּנֵ֖י פָּרֹ֥כֶת הַקֹּֽדֶשׁ׃

wĕtába֧l hakò̇hé֛n ʼeţ־ʼeẕĕbá̇ʻò֖w bȧdá֑̇m wĕhizá̇֨h min־hadá̇֜m şě֤baʻ pĕ̇ʻámiym֙ lipĕné֣y yĕhwá֔h ʼeţ־pĕ̇né֖y pá̇rò֥keţ haqòֽ̇deş̌׃

7
וְנָתַן֩ הַכֹּהֵ֨ן מִן־הַדָּ֜ם עַל־קַ֠רְנֹות מִזְבַּ֨ח קְטֹ֤רֶת הַסַּמִּים֙ לִפְנֵ֣י יְהוָ֔ה אֲשֶׁ֖ר בְּאֹ֣הֶל מֹועֵ֑ד וְאֵ֣ת׀ כָּל־דַּ֣ם הַפָּ֗ר יִשְׁפֹּךְ֙ אֶל־יְסֹוד֙ מִזְבַּ֣ח הָעֹלָ֔ה אֲשֶׁר־פֶּ֖תַח אֹ֥הֶל מֹועֵֽד׃

wĕnáţan֩ hakò̇hé֨n min־hadá̇֜m ʻal־qa֠rĕnòwţ mizĕbȧ֨ẖ qĕtò֤reţ hasȧmi̇ym֙ lipĕné֣y yĕhwá֔h ʼàşě֖r bĕ̇ʼò֣hel mòwʻé֑d wĕʼé֣ţ׀ ká̇l־dȧ֣m hapá̇֗r yişĕ̌pò̇kĕ֙ ʼel־yĕsòwd֙ mizĕbȧ֣ẖ háʻòlá֔h ʼàşěr־pė֖ţaẖ ʼò֥hel mòwʻéֽd׃

8
וְאֶת־כָּל־חֵ֛לֶב פַּ֥ר הַֽחַטָּ֖את יָרִ֣ים מִמֶּ֑נּוּ אֶת־הַחֵ֨לֶב֙ הַֽמְכַסֶּ֣ה עַל־הַקֶּ֔רֶב וְאֵת֙ כָּל־הַחֵ֔לֶב אֲשֶׁ֖ר עַל־הַקֶּֽרֶב׃

wĕʼeţ־ká̇l־ẖé֛leb pȧ֥r haֽẖatá֖̇ʼţ yári֣ym mimė֑ṅẇ ʼeţ־haẖé֨leb֙ haֽmĕkasė֣h ʻal־haqė֔reb wĕʼéţ֙ ká̇l־haẖé֔leb ʼàşě֖r ʻal־haqėֽreb׃

9
וְאֵת֙ שְׁתֵּ֣י הַכְּלָיֹ֔ת וְאֶת־הַחֵ֨לֶב֙ אֲשֶׁ֣ר עֲלֵיהֶ֔ן אֲשֶׁ֖ר עַל־הַכְּסָלִ֑ים וְאֶת־הַיֹּתֶ֨רֶת֙ עַל־הַכָּבֵ֔ד עַל־הַכְּלָיֹ֖ות יְסִירֶֽנָּה׃

wĕʼéţ֙ şĕ̌ţé֣̇y hakĕ̇láyò֔ţ wĕʼeţ־haẖé֨leb֙ ʼàşě֣r ʻàléyhe֔n ʼàşě֖r ʻal־hakĕ̇sáli֑ym wĕʼeţ־hayò̇ţe֨reţ֙ ʻal־haká̇bé֔d ʻal־hakĕ̇láyò֖wţ yĕsiyreֽná̇h׃

10
כַּאֲשֶׁ֣ר יוּרַ֔ם מִשֹּׁ֖ור זֶ֣בַח הַשְּׁלָמִ֑ים וְהִקְטִירָם֙ הַכֹּהֵ֔ן עַ֖ל מִזְבַּ֥ח הָעֹלָֽה׃

kȧʼàşě֣r yẇra֔m mişò֖̇̌wr ze֣baẖ haşĕ̇̌lámi֑ym wĕhiqĕtiyrám֙ hakò̇hé֔n ʻa֖l mizĕbȧ֥ẖ háʻòláֽh׃

11
וְאֶת־עֹ֤ור הַפָּר֙ וְאֶת־כָּל־בְּשָׂרֹ֔ו עַל־רֹאשֹׁ֖ו וְעַל־כְּרָעָ֑יו וְקִרְבֹּ֖ו וּפִרְשֹֽׁו׃

wĕʼeţ־ʻò֤wr hapá̇r֙ wĕʼeţ־ká̇l־bĕ̇şá̂rò֔w ʻal־ròʼşò֖̌w wĕʻal־kĕ̇ráʻá֑yw wĕqirĕbò֖̇w ẇpirĕşòֽ̌w׃

12
וְהֹוצִ֣יא אֶת־כָּל־הַ֠פָּר אֶל־מִח֨וּץ לַֽמַּחֲנֶ֜ה אֶל־מָקֹ֤ום טָהֹור֙ אֶל־שֶׁ֣פֶךְ הַדֶּ֔שֶׁן וְשָׂרַ֥ף אֹתֹ֛ו עַל־עֵצִ֖ים בָּאֵ֑שׁ עַל־שֶׁ֥פֶךְ הַדֶּ֖שֶׁן יִשָּׂרֵֽף׃ פ

wĕhòwẕi֣yʼ ʼeţ־ká̇l־ha֠pá̇r ʼel־miẖ֨ẇẕ laֽmȧẖàne֜h ʼel־máqò֤wm táhòwr֙ ʼel־şě֣pekĕ hadė֔şěn wĕşá̂ra֥p ʼòţò֛w ʻal־ʻéẕi֖ym bá̇ʼé֑ş̌ ʻal־şě֥pekĕ hadė֖şěn yişá̇̂réֽp׃ p

13
וְאִ֨ם כָּל־עֲדַ֤ת יִשְׂרָאֵל֙ יִשְׁגּ֔וּ וְנֶעְלַ֣ם דָּבָ֔ר מֵעֵינֵ֖י הַקָּהָ֑ל וְ֠עָשׂוּ אַחַ֨ת מִכָּל־מִצְוֹ֧ת יְהוָ֛ה אֲשֶׁ֥ר לֹא־תֵעָשֶׂ֖ינָה וְאָשֵֽׁמוּ׃

wĕʼi֨m ká̇l־ʻàda֤ţ yişĕ̂ráʼél֙ yişĕ̌ġ֔ẇ wĕneʻĕla֣m dá̇bá֔r méʻéyné֖y haqá̇há֑l wĕ֠ʻáş̂ẇ ʼaẖa֨ţ miká̇l־miẕĕwò֧ţ yĕhwá֛h ʼàşě֥r lòʼ־ţéʻáşê֖ynáh wĕʼáşéֽ̌mẇ׃

14
וְנֹֽודְעָה֙ הַֽחַטָּ֔את אֲשֶׁ֥ר חָטְא֖וּ עָלֶ֑יהָ וְהִקְרִ֨יבוּ הַקָּהָ֜ל פַּ֤ר בֶּן־בָּקָר֙ לְחַטָּ֔את וְהֵבִ֣יאוּ אֹתֹ֔ו לִפְנֵ֖י אֹ֥הֶל מֹועֵֽד׃

wĕnòֽwdĕʻáh֙ haֽẖatá̇֔ʼţ ʼàşě֥r ẖátĕʼ֖ẇ ʻále֑yhá wĕhiqĕri֨ybẇ haqá̇há֜l pȧ֤r bėn־bá̇qár֙ lĕẖatá̇֔ʼţ wĕhébi֣yʼẇ ʼòţò֔w lipĕné֖y ʼò֥hel mòwʻéֽd׃

15
וְ֠סָמְכוּ זִקְנֵ֨י הָעֵדָ֧ה אֶת־יְדֵיהֶ֛ם עַל־רֹ֥אשׁ הַפָּ֖ר לִפְנֵ֣י יְהוָ֑ה וְשָׁחַ֥ט אֶת־הַפָּ֖ר לִפְנֵ֥י יְהוָֽה׃

wĕ֠sámĕkẇ ziqĕné֨y háʻédá֧h ʼeţ־yĕdéyhe֛m ʻal־rò֥ʼş̌ hapá֖̇r lipĕné֣y yĕhwá֑h wĕşá̌ẖa֥t ʼeţ־hapá֖̇r lipĕné֥y yĕhwáֽh׃

16
וְהֵבִ֛יא הַכֹּהֵ֥ן הַמָּשִׁ֖יחַ מִדַּ֣ם הַפָּ֑ר אֶל־אֹ֖הֶל מֹועֵֽד׃

wĕhébi֛yʼ hakò̇hé֥n hamá̇şǐ֖yẖa midȧ֣m hapá֑̇r ʼel־ʼò֖hel mòwʻéֽd׃

17
וְטָבַ֧ל הַכֹּהֵ֛ן אֶצְבָּעֹ֖ו מִן־הַדָּ֑ם וְהִזָּ֞ה שֶׁ֤בַע פְּעָמִים֙ לִפְנֵ֣י יְהוָ֔ה אֵ֖ת פְּנֵ֥י הַפָּרֹֽכֶת׃

wĕtába֧l hakò̇hé֛n ʼeẕĕbá̇ʻò֖w min־hadá֑̇m wĕhizá̇֞h şě֤baʻ pĕ̇ʻámiym֙ lipĕné֣y yĕhwá֔h ʼé֖ţ pĕ̇né֥y hapá̇ròֽkeţ׃

18
וּמִן־הַדָּ֞ם יִתֵּ֣ן׀ עַל־קַרְנֹ֣ת הַמִּזְבֵּ֗חַ אֲשֶׁר֙ לִפְנֵ֣י יְהוָ֔ה אֲשֶׁ֖ר בְּאֹ֣הֶל מֹועֵ֑ד וְאֵ֣ת כָּל־הַדָּ֗ם יִשְׁפֹּךְ֙ אֶל־יְסֹוד֙ מִזְבַּ֣ח הָעֹלָ֔ה אֲשֶׁר־פֶּ֖תַח אֹ֥הֶל מֹועֵֽד׃

ẇmin־hadá̇֞m yiţé֣̇n׀ ʻal־qarĕnò֣ţ hami̇zĕbé̇֗ẖa ʼàşěr֙ lipĕné֣y yĕhwá֔h ʼàşě֖r bĕ̇ʼò֣hel mòwʻé֑d wĕʼé֣ţ ká̇l־hadá̇֗m yişĕ̌pò̇kĕ֙ ʼel־yĕsòwd֙ mizĕbȧ֣ẖ háʻòlá֔h ʼàşěr־pė֖ţaẖ ʼò֥hel mòwʻéֽd׃

19
וְאֵ֥ת כָּל־חֶלְבֹּ֖ו יָרִ֣ים מִמֶּ֑נּוּ וְהִקְטִ֖יר הַמִּזְבֵּֽחָה׃

wĕʼé֥ţ ká̇l־ẖelĕbò֖̇w yári֣ym mimė֑ṅẇ wĕhiqĕti֖yr hami̇zĕbéֽ̇ẖáh׃

20
וְעָשָׂ֣ה לַפָּ֔ר כַּאֲשֶׁ֤ר עָשָׂה֙ לְפַ֣ר הַֽחַטָּ֔את כֵּ֖ן יַעֲשֶׂה־לֹּ֑ו וְכִפֶּ֧ר עֲלֵהֶ֛ם הַכֹּהֵ֖ן וְנִסְלַ֥ח לָהֶֽם׃

wĕʻáşá֣̂h lapá̇֔r kȧʼàşě֤r ʻáşá̂h֙ lĕpa֣r haֽẖatá̇֔ʼţ ké֖̇n yaʻàşêh־lò֑̇w wĕkipė֧r ʻàléhe֛m hakò̇hé֖n wĕnisĕla֥ẖ láheֽm׃

21
וְהֹוצִ֣יא אֶת־הַפָּ֗ר אֶל־מִחוּץ֙ לַֽמַּחֲנֶ֔ה וְשָׂרַ֣ף אֹתֹ֔ו כַּאֲשֶׁ֣ר שָׂרַ֔ף אֵ֖ת הַפָּ֣ר הָרִאשֹׁ֑ון חַטַּ֥את הַקָּהָ֖ל הֽוּא׃ פ

wĕhòwẕi֣yʼ ʼeţ־hapá̇֗r ʼel־miẖẇẕ֙ laֽmȧẖàne֔h wĕşá̂ra֣p ʼòţò֔w kȧʼàşě֣r şá̂ra֔p ʼé֖ţ hapá֣̇r háriʼşò֑̌wn ẖatȧ֥ʼţ haqá̇há֖l hֽẇʼ׃ p

22
אֲשֶׁ֥ר נָשִׂ֖יא יֶֽחֱטָ֑א וְעָשָׂ֡ה אַחַ֣ת מִכָּל־מִצְוֹת֩ יְהוָ֨ה אֱלֹהָ֜יו אֲשֶׁ֧ר לֹא־תֵעָשֶׂ֛ינָה בִּשְׁגָגָ֖ה וְאָשֵֽׁם׃

ʼàşě֥r náşî֖yʼ yeֽẖètá֑ʼ wĕʻáşá̂֡h ʼaẖa֣ţ miká̇l־miẕĕwòţ֩ yĕhwá֨h ʼèlòhá֜yw ʼàşě֧r lòʼ־ţéʻáşê֛ynáh bi̇şĕ̌gágá֖h wĕʼáşéֽ̌m׃

23
אֹֽו־הֹודַ֤ע אֵלָיו֙ חַטָּאתֹ֔ו אֲשֶׁ֥ר חָטָ֖א בָּ֑הּ וְהֵבִ֧יא אֶת־קָרְבָּנֹ֛ו שְׂעִ֥יר עִזִּ֖ים זָכָ֥ר תָּמִֽים׃

ʼòֽw־hòwda֤ʻ ʼéláyw֙ ẖatá̇ʼţò֔w ʼàşě֥r ẖátá֖ʼ bá֑̇ḣ wĕhébi֧yʼ ʼeţ־qárĕbá̇nò֛w şĕ̂ʻi֥yr ʻizi֖̇ym záká֥r ţá̇miֽym׃

24
וְסָמַ֤ךְ יָדֹו֙ עַל־רֹ֣אשׁ הַשָּׂעִ֔יר וְשָׁחַ֣ט אֹתֹ֔ו בִּמְקֹ֛ום אֲשֶׁר־יִשְׁחַ֥ט אֶת־הָעֹלָ֖ה לִפְנֵ֣י יְהוָ֑ה חַטָּ֖את הֽוּא׃

wĕsáma֤kĕ yádòw֙ ʻal־rò֣ʼş̌ haşá̇̂ʻi֔yr wĕşá̌ẖa֣t ʼòţò֔w bi̇mĕqò֛wm ʼàşěr־yişĕ̌ẖa֥t ʼeţ־háʻòlá֖h lipĕné֣y yĕhwá֑h ẖatá֖̇ʼţ hֽẇʼ׃

25
וְלָקַ֨ח הַכֹּהֵ֜ן מִדַּ֤ם הַֽחַטָּאת֙ בְּאֶצְבָּעֹ֔ו וְנָתַ֕ן עַל־קַרְנֹ֖ת מִזְבַּ֣ח הָעֹלָ֑ה וְאֶת־דָּמֹ֣ו יִשְׁפֹּ֔ךְ אֶל־יְסֹ֖וד מִזְבַּ֥ח הָעֹלָֽה׃

wĕláqa֨ẖ hakò̇hé֜n midȧ֤m haֽẖatá̇ʼţ֙ bĕ̇ʼeẕĕbá̇ʻò֔w wĕnáţa֕n ʻal־qarĕnò֖ţ mizĕbȧ֣ẖ háʻòlá֑h wĕʼeţ־dá̇mò֣w yişĕ̌pò̇֔kĕ ʼel־yĕsò֖wd mizĕbȧ֥ẖ háʻòláֽh׃

26
וְאֶת־כָּל־חֶלְבֹּו֙ יַקְטִ֣יר הַמִּזְבֵּ֔חָה כְּחֵ֖לֶב זֶ֣בַח הַשְּׁלָמִ֑ים וְכִפֶּ֨ר עָלָ֧יו הַכֹּהֵ֛ן מֵחַטָּאתֹ֖ו וְנִסְלַ֥ח לֹֽו׃ פ

wĕʼeţ־ká̇l־ẖelĕbò̇w֙ yaqĕti֣yr hami̇zĕbé̇֔ẖáh kĕ̇ẖé֖leb ze֣baẖ haşĕ̇̌lámi֑ym wĕkipė֨r ʻálá֧yw hakò̇hé֛n méẖatá̇ʼţò֖w wĕnisĕla֥ẖ lòֽw׃ p

27
וְאִם־נֶ֧פֶשׁ אַחַ֛ת תֶּחֱטָ֥א בִשְׁגָגָ֖ה מֵעַ֣ם הָאָ֑רֶץ בַּ֠עֲשֹׂתָהּ אַחַ֨ת מִמִּצְוֹ֧ת יְהוָ֛ה אֲשֶׁ֥ר לֹא־תֵעָשֶׂ֖ינָה וְאָשֵֽׁם׃

wĕʼim־ne֧peş̌ ʼaẖa֛ţ ţėẖètá֥ʼ bişĕ̌gágá֖h méʻa֣m háʼá֑reẕ bȧ֠ʻàşò̂ţáḣ ʼaẖa֨ţ mimi̇ẕĕwò֧ţ yĕhwá֛h ʼàşě֥r lòʼ־ţéʻáşê֖ynáh wĕʼáşéֽ̌m׃

28
אֹ֚ו הֹודַ֣ע אֵלָ֔יו חַטָּאתֹ֖ו אֲשֶׁ֣ר חָטָ֑א וְהֵבִ֨יא קָרְבָּנֹ֜ו שְׂעִירַ֤ת עִזִּים֙ תְּמִימָ֣ה נְקֵבָ֔ה עַל־חַטָּאתֹ֖ו אֲשֶׁ֥ר חָטָֽא׃

ʼò֚w hòwda֣ʻ ʼélá֔yw ẖatá̇ʼţò֖w ʼàşě֣r ẖátá֑ʼ wĕhébi֨yʼ qárĕbá̇nò֜w şĕ̂ʻiyra֤ţ ʻizi̇ym֙ ţĕ̇miymá֣h nĕqébá֔h ʻal־ẖatá̇ʼţò֖w ʼàşě֥r ẖátáֽʼ׃

29
וְסָמַךְ֙ אֶת־יָדֹ֔ו עַ֖ל רֹ֣אשׁ הַֽחַטָּ֑את וְשָׁחַט֙ אֶת־הַ֣חַטָּ֔את בִּמְקֹ֖ום הָעֹלָֽה׃

wĕsámakĕ֙ ʼeţ־yádò֔w ʻa֖l rò֣ʼş̌ haֽẖatá֑̇ʼţ wĕşá̌ẖat֙ ʼeţ־ha֣ẖatá̇֔ʼţ bi̇mĕqò֖wm háʻòláֽh׃

30
וְלָקַ֨ח הַכֹּהֵ֤ן מִדָּמָהּ֙ בְּאֶצְבָּעֹ֔ו וְנָתַ֕ן עַל־קַרְנֹ֖ת מִזְבַּ֣ח הָעֹלָ֑ה וְאֶת־כָּל־דָּמָ֣הּ יִשְׁפֹּ֔ךְ אֶל־יְסֹ֖וד הַמִּזְבֵּֽחַ׃

wĕláqa֨ẖ hakò̇hé֤n midá̇máḣ֙ bĕ̇ʼeẕĕbá̇ʻò֔w wĕnáţa֕n ʻal־qarĕnò֖ţ mizĕbȧ֣ẖ háʻòlá֑h wĕʼeţ־ká̇l־dá̇má֣ḣ yişĕ̌pò̇֔kĕ ʼel־yĕsò֖wd hami̇zĕbéֽ̇ẖa׃

31
וְאֶת־כָּל־חֶלְבָּ֣הּ יָסִ֗יר כַּאֲשֶׁ֨ר הוּסַ֣ר חֵלֶב֮ מֵעַ֣ל זֶ֣בַח הַשְּׁלָמִים֒ וְהִקְטִ֤יר הַכֹּהֵן֙ הַמִּזְבֵּ֔חָה לְרֵ֥יחַ נִיחֹ֖חַ לַיהוָ֑ה וְכִפֶּ֥ר עָלָ֛יו הַכֹּהֵ֖ן וְנִסְלַ֥ח לֹֽו׃ פ

wĕʼeţ־ká̇l־ẖelĕbá֣̇ḣ yási֗yr kȧʼàşě֨r hẇsa֣r ẖéleb֮ méʻa֣l ze֣baẖ haşĕ̇̌lámiym֒ wĕhiqĕti֤yr hakò̇hén֙ hami̇zĕbé̇֔ẖáh lĕré֥yẖa niyẖò֖ẖa layhwá֑h wĕkipė֥r ʻálá֛yw hakò̇hé֖n wĕnisĕla֥ẖ lòֽw׃ p

32
וְאִם־כֶּ֛בֶשׂ יָבִ֥יא קָרְבָּנֹ֖ו לְחַטָּ֑את נְקֵבָ֥ה תְמִימָ֖ה יְבִיאֶֽנָּה׃

wĕʼim־kė֛beş̂ yábi֥yʼ qárĕbá̇nò֖w lĕẖatá֑̇ʼţ nĕqébá֥h ţĕmiymá֖h yĕbiyʼeֽná̇h׃

33
וְסָמַךְ֙ אֶת־יָדֹ֔ו עַ֖ל רֹ֣אשׁ הַֽחַטָּ֑את וְשָׁחַ֤ט אֹתָהּ֙ לְחַטָּ֔את בִּמְקֹ֕ום אֲשֶׁ֥ר יִשְׁחַ֖ט אֶת־הָעֹלָֽה׃

wĕsámakĕ֙ ʼeţ־yádò֔w ʻa֖l rò֣ʼş̌ haֽẖatá֑̇ʼţ wĕşá̌ẖa֤t ʼòţáḣ֙ lĕẖatá̇֔ʼţ bi̇mĕqò֕wm ʼàşě֥r yişĕ̌ẖa֖t ʼeţ־háʻòláֽh׃

34
וְלָקַ֨ח הַכֹּהֵ֜ן מִדַּ֤ם הַֽחַטָּאת֙ בְּאֶצְבָּעֹ֔ו וְנָתַ֕ן עַל־קַרְנֹ֖ת מִזְבַּ֣ח הָעֹלָ֑ה וְאֶת־כָּל־דָּמָ֣הּ יִשְׁפֹּ֔ךְ אֶל־יְסֹ֖וד הַמִּזְבֵּֽחַ׃

wĕláqa֨ẖ hakò̇hé֜n midȧ֤m haֽẖatá̇ʼţ֙ bĕ̇ʼeẕĕbá̇ʻò֔w wĕnáţa֕n ʻal־qarĕnò֖ţ mizĕbȧ֣ẖ háʻòlá֑h wĕʼeţ־ká̇l־dá̇má֣ḣ yişĕ̌pò̇֔kĕ ʼel־yĕsò֖wd hami̇zĕbéֽ̇ẖa׃

35
וְאֶת־כָּל־חֶלְבָּ֣ה יָסִ֗יר כַּאֲשֶׁ֨ר יוּסַ֥ר חֵֽלֶב־הַכֶּשֶׂב֮ מִזֶּ֣בַח הַשְּׁלָמִים֒ וְהִקְטִ֨יר הַכֹּהֵ֤ן אֹתָם֙ הַמִּזְבֵּ֔חָה עַ֖ל אִשֵּׁ֣י יְהוָ֑ה וְכִפֶּ֨ר עָלָ֧יו הַכֹּהֵ֛ן עַל־חַטָּאתֹ֥ו אֲשֶׁר־חָטָ֖א וְנִסְלַ֥ח לֹֽו׃ פ

wĕʼeţ־ká̇l־ẖelĕbá֣̇h yási֗yr kȧʼàşě֨r yẇsa֥r ẖéֽleb־hakėşêb֮ mizė֣baẖ haşĕ̇̌lámiym֒ wĕhiqĕti֨yr hakò̇hé֤n ʼòţám֙ hami̇zĕbé̇֔ẖáh ʻa֖l ʼişé֣̇̌y yĕhwá֑h wĕkipė֨r ʻálá֧yw hakò̇hé֛n ʻal־ẖatá̇ʼţò֥w ʼàşěr־ẖátá֖ʼ wĕnisĕla֥ẖ lòֽw׃ p