Bibles in ancient languages
Old translations
Modern translations

Biblia Hebraica Stuttgartiensia Leviticus 8

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
קַ֤ח אֶֽת־אַהֲרֹן֙ וְאֶת־בָּנָ֣יו אִתֹּ֔ו וְאֵת֙ הַבְּגָדִ֔ים וְאֵ֖ת שֶׁ֣מֶן הַמִּשְׁחָ֑ה וְאֵ֣ת׀ פַּ֣ר הַֽחַטָּ֗את וְאֵת֙ שְׁנֵ֣י הָֽאֵילִ֔ים וְאֵ֖ת סַ֥ל הַמַּצֹּֽות׃

qa֤ẖ ʼeֽţ־ʼahàròn֙ wĕʼeţ־bá̇ná֣yw ʼiţò̇֔w wĕʼéţ֙ habĕ̇gádi֔ym wĕʼé֖ţ şě֣men hami̇şĕ̌ẖá֑h wĕʼé֣ţ׀ pȧ֣r haֽẖatá̇֗ʼţ wĕʼéţ֙ şĕ̌né֣y háֽʼéyli֔ym wĕʼé֖ţ sa֥l hamȧẕòֽ̇wţ׃

3
וְאֵ֥ת כָּל־הָעֵדָ֖ה הַקְהֵ֑ל אֶל־פֶּ֖תַח אֹ֥הֶל מֹועֵֽד׃

wĕʼé֥ţ ká̇l־háʻédá֖h haqĕhé֑l ʼel־pė֖ţaẖ ʼò֥hel mòwʻéֽd׃

4
וַיַּ֣עַשׂ מֹשֶׁ֔ה כַּֽאֲשֶׁ֛ר צִוָּ֥ה יְהוָ֖ה אֹתֹ֑ו וַתִּקָּהֵל֙ הָֽעֵדָ֔ה אֶל־פֶּ֖תַח אֹ֥הֶל מֹועֵֽד׃

wayȧ֣ʻaş̂ mòşě֔h kȧֽʼàşě֛r ẕiwá֥̇h yĕhwá֖h ʼòţò֑w waţi̇qá̇hél֙ háֽʻédá֔h ʼel־pė֖ţaẖ ʼò֥hel mòwʻéֽd׃

5
וַיֹּ֥אמֶר מֹשֶׁ֖ה אֶל־הָעֵדָ֑ה זֶ֣ה הַדָּבָ֔ר אֲשֶׁר־צִוָּ֥ה יְהוָ֖ה לַעֲשֹֽׂות׃

wayò֥̇ʼmer mòşě֖h ʼel־háʻédá֑h ze֣h hadá̇bá֔r ʼàşěr־ẕiwá֥̇h yĕhwá֖h laʻàşòֽ̂wţ׃

6
וַיַּקְרֵ֣ב מֹשֶׁ֔ה אֶֽת־אַהֲרֹ֖ן וְאֶת־בָּנָ֑יו וַיִּרְחַ֥ץ אֹתָ֖ם בַּמָּֽיִם׃

wayȧqĕré֣b mòşě֔h ʼeֽţ־ʼahàrò֖n wĕʼeţ־bá̇ná֑yw wayi̇rĕẖa֥ẕ ʼòţá֖m bȧmáֽ̇yim׃

7
וַיִּתֵּ֨ן עָלָ֜יו אֶת־הַכֻּתֹּ֗נֶת וַיַּחְגֹּ֤ר אֹתֹו֙ בָּֽאַבְנֵ֔ט וַיַּלְבֵּ֤שׁ אֹתֹו֙ אֶֽת־הַמְּעִ֔יל וַיִּתֵּ֥ן עָלָ֖יו אֶת־הָאֵפֹ֑ד וַיַּחְגֹּ֣ר אֹתֹ֗ו בְּחֵ֨שֶׁב֙ הָֽאֵפֹ֔ד וַיֶּאְפֹּ֥ד לֹ֖ו בֹּֽו׃

wayi̇ţé̇֨n ʻálá֜yw ʼeţ־haku̇ţò̇֗neţ wayȧẖĕgò֤̇r ʼòţòw֙ báֽ̇ʼabĕné֔t wayȧlĕbé֤̇ş̌ ʼòţòw֙ ʼeֽţ־hamĕ̇ʻi֔yl wayi̇ţé֥̇n ʻálá֖yw ʼeţ־háʼépò֑d wayȧẖĕgò֣̇r ʼòţò֗w bĕ̇ẖé֨şěb֙ háֽʼépò֔d wayėʼĕpò֥̇d lò֖w bòֽ̇w׃

8
וַיָּ֥שֶׂם עָלָ֖יו אֶת־הַחֹ֑שֶׁן וַיִּתֵּן֙ אֶל־הַחֹ֔שֶׁן אֶת־הָאוּרִ֖ים וְאֶת־הַתֻּמִּֽים׃

wayá֥̇şêm ʻálá֖yw ʼeţ־haẖò֑şěn wayi̇ţé̇n֙ ʼel־haẖò֔şěn ʼeţ־háʼẇri֖ym wĕʼeţ־haţu̇miֽ̇ym׃

9
וַיָּ֥שֶׂם אֶת־הַמִּצְנֶ֖פֶת עַל־רֹאשֹׁ֑ו וַיָּ֨שֶׂם עַֽל־הַמִּצְנֶ֜פֶת אֶל־מ֣וּל פָּנָ֗יו אֵ֣ת צִ֤יץ הַזָּהָב֙ נֵ֣זֶר הַקֹּ֔דֶשׁ כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

wayá֥̇şêm ʼeţ־hami̇ẕĕne֖peţ ʻal־ròʼşò֑̌w wayá̇֨şêm ʻaֽl־hami̇ẕĕne֜peţ ʼel־m֣ẇl pá̇ná֗yw ʼé֣ţ ẕi֤yẕ hazá̇háb֙ né֣zer haqò̇֔deş̌ kȧʼàşě֛r ẕiwá֥̇h yĕhwá֖h ʼeţ־mòşěֽh׃

10
וַיִּקַּ֤ח מֹשֶׁה֙ אֶת־שֶׁ֣מֶן הַמִּשְׁחָ֔ה וַיִּמְשַׁ֥ח אֶת־הַמִּשְׁכָּ֖ן וְאֶת־כָּל־אֲשֶׁר־בֹּ֑ו וַיְקַדֵּ֖שׁ אֹתָֽם׃

wayi̇qȧ֤ẖ mòşěh֙ ʼeţ־şě֣men hami̇şĕ̌ẖá֔h wayi̇mĕşǎ֥ẖ ʼeţ־hami̇şĕ̌ká֖̇n wĕʼeţ־ká̇l־ʼàşěr־bò֑̇w wayĕqadé֖̇ş̌ ʼòţáֽm׃

11
וַיַּ֥ז מִמֶּ֛נּוּ עַל־הַמִּזְבֵּ֖חַ שֶׁ֣בַע פְּעָמִ֑ים וַיִּמְשַׁ֨ח אֶת־הַמִּזְבֵּ֜חַ וְאֶת־כָּל־כֵּלָ֗יו וְאֶת־הַכִּיֹּ֛ר וְאֶת־כַּנֹּ֖ו לְקַדְּשָֽׁם׃

wayȧ֥z mimė֛ṅẇ ʻal־hami̇zĕbé֖̇ẖa şě֣baʻ pĕ̇ʻámi֑ym wayi̇mĕşǎ֨ẖ ʼeţ־hami̇zĕbé̇֜ẖa wĕʼeţ־ká̇l־ké̇lá֗yw wĕʼeţ־haki̇yò֛̇r wĕʼeţ־kȧnò֖̇w lĕqadĕ̇şáֽ̌m׃

12
וַיִּצֹק֙ מִשֶּׁ֣מֶן הַמִּשְׁחָ֔ה עַ֖ל רֹ֣אשׁ אַהֲרֹ֑ן וַיִּמְשַׁ֥ח אֹתֹ֖ו לְקַדְּשֹֽׁו׃

wayi̇ẕòq֙ mişė֣̌men hami̇şĕ̌ẖá֔h ʻa֖l rò֣ʼş̌ ʼahàrò֑n wayi̇mĕşǎ֥ẖ ʼòţò֖w lĕqadĕ̇şòֽ̌w׃

13
וַיַּקְרֵ֨ב מֹשֶׁ֜ה אֶת־בְּנֵ֣י אַהֲרֹ֗ן וַיַּלְבִּשֵׁ֤ם כֻּתֳּנֹת֙ וַיַּחְגֹּ֤ר אֹתָם֙ אַבְנֵ֔ט וַיַּחֲבֹ֥שׁ לָהֶ֖ם מִגְבָּעֹ֑ות כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

wayȧqĕré֨b mòşě֜h ʼeţ־bĕ̇né֣y ʼahàrò֗n wayȧlĕbi̇şé֤̌m ku̇ţȯnòţ֙ wayȧẖĕgò֤̇r ʼòţám֙ ʼabĕné֔t wayȧẖàbò֥ş̌ láhe֖m migĕbá̇ʻò֑wţ kȧʼàşě֛r ẕiwá֥̇h yĕhwá֖h ʼeţ־mòşěֽh׃

14
וַיַּגֵּ֕שׁ אֵ֖ת פַּ֣ר הַֽחַטָּ֑את וַיִּסְמֹ֨ךְ אַהֲרֹ֤ן וּבָנָיו֙ אֶת־יְדֵיהֶ֔ם עַל־רֹ֖אשׁ פַּ֥ר הַֽחַטָּֽאת׃

wayȧgé̇֕ş̌ ʼé֖ţ pȧ֣r haֽẖatá֑̇ʼţ wayi̇sĕmò֨kĕ ʼahàrò֤n ẇbánáyw֙ ʼeţ־yĕdéyhe֔m ʻal־rò֖ʼş̌ pȧ֥r haֽẖatáֽ̇ʼţ׃

15
וַיִּשְׁחָ֗ט וַיִּקַּ֨ח מֹשֶׁ֤ה אֶת־הַדָּם֙ וַ֠יִּתֵּן עַל־קַרְנֹ֨ות הַמִּזְבֵּ֤חַ סָבִיב֙ בְּאֶצְבָּעֹ֔ו וַיְחַטֵּ֖א אֶת־הַמִּזְבֵּ֑חַ וְאֶת־הַדָּ֗ם יָצַק֙ אֶל־יְסֹ֣וד הַמִּזְבֵּ֔חַ וַֽיְקַדְּשֵׁ֖הוּ לְכַפֵּ֥ר עָלָֽיו׃

wayi̇şĕ̌ẖá֗t wayi̇qȧ֨ẖ mòşě֤h ʼeţ־hadá̇m֙ wa֠yi̇ţé̇n ʻal־qarĕnò֨wţ hami̇zĕbé֤̇ẖa sábiyb֙ bĕ̇ʼeẕĕbá̇ʻò֔w wayĕẖaté֖̇ʼ ʼeţ־hami̇zĕbé֑̇ẖa wĕʼeţ־hadá̇֗m yáẕaq֙ ʼel־yĕsò֣wd hami̇zĕbé̇֔ẖa waֽyĕqadĕ̇şé֖̌hẇ lĕkapé֥̇r ʻáláֽyw׃

16
וַיִּקַּ֗ח אֶֽת־כָּל־הַחֵלֶב֮ אֲשֶׁ֣ר עַל־הַקֶּרֶב֒ וְאֵת֙ יֹתֶ֣רֶת הַכָּבֵ֔ד וְאֶת־שְׁתֵּ֥י הַכְּלָיֹ֖ת וְאֶֽת־חֶלְבְּהֶ֑ן וַיַּקְטֵ֥ר מֹשֶׁ֖ה הַמִּזְבֵּֽחָה׃

wayi̇qȧ֗ẖ ʼeֽţ־ká̇l־haẖéleb֮ ʼàşě֣r ʻal־haqėreb֒ wĕʼéţ֙ yòţe֣reţ haká̇bé֔d wĕʼeţ־şĕ̌ţé֥̇y hakĕ̇láyò֖ţ wĕʼeֽţ־ẖelĕbĕ̇he֑n wayȧqĕté֥r mòşě֖h hami̇zĕbéֽ̇ẖáh׃

17
וְאֶת־הַפָּ֤ר וְאֶת־עֹרֹו֙ וְאֶת־בְּשָׂרֹ֣ו וְאֶת־פִּרְשֹׁ֔ו שָׂרַ֣ף בָּאֵ֔שׁ מִח֖וּץ לַֽמַּחֲנֶ֑ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

wĕʼeţ־hapá֤̇r wĕʼeţ־ʻòròw֙ wĕʼeţ־bĕ̇şá̂rò֣w wĕʼeţ־pi̇rĕşò̌֔w şá̂ra֣p bá̇ʼé֔ş̌ miẖ֖ẇẕ laֽmȧẖàne֑h kȧʼàşě֛r ẕiwá֥̇h yĕhwá֖h ʼeţ־mòşěֽh׃

18
וַיַּקְרֵ֕ב אֵ֖ת אֵ֣יל הָעֹלָ֑ה וַֽיִּסְמְכ֞וּ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

wayȧqĕré֕b ʼé֖ţ ʼé֣yl háʻòlá֑h waֽyi̇sĕmĕk֞ẇ ʼahàrò֧n ẇbáná֛yw ʼeţ־yĕdéyhe֖m ʻal־rò֥ʼş̌ háʼáֽyil׃

19
וַיִּשְׁחָ֑ט וַיִּזְרֹ֨ק מֹשֶׁ֧ה אֶת־הַדָּ֛ם עַל־הַמִּזְבֵּ֖חַ סָבִֽיב׃

wayi̇şĕ̌ẖá֑t wayi̇zĕrò֨q mòşě֧h ʼeţ־hadá֛̇m ʻal־hami̇zĕbé֖̇ẖa sábiֽyb׃

20
וְאֶת־הָאַ֔יִל נִתַּ֖ח לִנְתָחָ֑יו וַיַּקְטֵ֤ר מֹשֶׁה֙ אֶת־הָרֹ֔אשׁ וְאֶת־הַנְּתָחִ֖ים וְאֶת־הַפָּֽדֶר׃

wĕʼeţ־háʼa֔yil niţȧ֖ẖ linĕţáẖá֑yw wayȧqĕté֤r mòşěh֙ ʼeţ־hárò֔ʼş̌ wĕʼeţ־hanĕ̇ţáẖi֖ym wĕʼeţ־hapáֽ̇der׃

21
וְאֶת־הַקֶּ֥רֶב וְאֶת־הַכְּרָעַ֖יִם רָחַ֣ץ בַּמָּ֑יִם וַיַּקְטֵר֩ מֹשֶׁ֨ה אֶת־כָּל־הָאַ֜יִל הַמִּזְבֵּ֗חָה עֹלָ֨ה ה֤וּא לְרֵֽיחַ־נִיחֹ֨חַ֙ אִשֶּׁ֥ה הוּא֙ לַיהוָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

wĕʼeţ־haqė֥reb wĕʼeţ־hakĕ̇ráʻa֖yim ráẖa֣ẕ bȧmá֑̇yim wayȧqĕtér֩ mòşě֨h ʼeţ־ká̇l־háʼa֜yil hami̇zĕbé̇֗ẖáh ʻòlá֨h h֤ẇʼ lĕréֽyẖa־niyẖò֨ẖa֙ ʼişė֥̌h hẇʼ֙ layhwá֔h kȧʼàşě֛r ẕiwá֥̇h yĕhwá֖h ʼeţ־mòşěֽh׃

22
וַיַּקְרֵב֙ אֶת־הָאַ֣יִל הַשֵּׁנִ֔י אֵ֖יל הַמִּלֻּאִ֑ים וַֽיִּסְמְכ֞וּ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

wayȧqĕréb֙ ʼeţ־háʼa֣yil haşé̇̌ni֔y ʼé֖yl hami̇lu̇ʼi֑ym waֽyi̇sĕmĕk֞ẇ ʼahàrò֧n ẇbáná֛yw ʼeţ־yĕdéyhe֖m ʻal־rò֥ʼş̌ háʼáֽyil׃

23
וַיִּשְׁחָ֓ט׀ וַיִּקַּ֤ח מֹשֶׁה֙ מִדָּמֹ֔ו וַיִּתֵּ֛ן עַל־תְּנ֥וּךְ אֹֽזֶן־אַהֲרֹ֖ן הַיְמָנִ֑ית וְעַל־בֹּ֤הֶן יָדֹו֙ הַיְמָנִ֔ית וְעַל־בֹּ֥הֶן רַגְלֹ֖ו הַיְמָנִֽית׃

wayi̇şĕ̌ẖá֓t׀ wayi̇qȧ֤ẖ mòşěh֙ midá̇mò֔w wayi̇ţé֛̇n ʻal־ţĕ̇n֥ẇkĕ ʼòֽzen־ʼahàrò֖n hayĕmáni֑yţ wĕʻal־bò֤̇hen yádòw֙ hayĕmáni֔yţ wĕʻal־bò֥̇hen ragĕlò֖w hayĕmániֽyţ׃

24
וַיַּקְרֵ֞ב אֶת־בְּנֵ֣י אַהֲרֹ֗ן וַיִּתֵּ֨ן מֹשֶׁ֤ה מִן־הַדָּם֙ עַל־תְּנ֤וּךְ אָזְנָם֙ הַיְמָנִ֔ית וְעַל־בֹּ֤הֶן יָדָם֙ הַיְמָנִ֔ית וְעַל־בֹּ֥הֶן רַגְלָ֖ם הַיְמָנִ֑ית וַיִּזְרֹ֨ק מֹשֶׁ֧ה אֶת־הַדָּ֛ם עַל־הַֽמִּזְבֵּ֖חַ סָבִֽיב׃

wayȧqĕré֞b ʼeţ־bĕ̇né֣y ʼahàrò֗n wayi̇ţé̇֨n mòşě֤h min־hadá̇m֙ ʻal־ţĕ̇n֤ẇkĕ ʼázĕnám֙ hayĕmáni֔yţ wĕʻal־bò֤̇hen yádám֙ hayĕmáni֔yţ wĕʻal־bò֥̇hen ragĕlá֖m hayĕmáni֑yţ wayi̇zĕrò֨q mòşě֧h ʼeţ־hadá֛̇m ʻal־haֽmi̇zĕbé֖̇ẖa sábiֽyb׃

25
וַיִּקַּ֞ח אֶת־הַחֵ֣לֶב וְאֶת־הָֽאַלְיָ֗ה וְאֶֽת־כָּל־הַחֵלֶב֮ אֲשֶׁ֣ר עַל־הַקֶּרֶב֒ וְאֵת֙ יֹתֶ֣רֶת הַכָּבֵ֔ד וְאֶת־שְׁתֵּ֥י הַכְּלָיֹ֖ת וְאֶֽת־חֶלְבְּהֶ֑ן וְאֵ֖ת שֹׁ֥וק הַיָּמִֽין׃

wayi̇qȧ֞ẖ ʼeţ־haẖé֣leb wĕʼeţ־háֽʼalĕyá֗h wĕʼeֽţ־ká̇l־haẖéleb֮ ʼàşě֣r ʻal־haqėreb֒ wĕʼéţ֙ yòţe֣reţ haká̇bé֔d wĕʼeţ־şĕ̌ţé֥̇y hakĕ̇láyò֖ţ wĕʼeֽţ־ẖelĕbĕ̇he֑n wĕʼé֖ţ şò֥̌wq hayá̇miֽyn׃

26
וּמִסַּ֨ל הַמַּצֹּ֜ות אֲשֶׁ֣ר׀ לִפְנֵ֣י יְהוָ֗ה לָ֠קַח חַלַּ֨ת מַצָּ֤ה אַחַת֙ וְֽחַלַּ֨ת לֶ֥חֶם שֶׁ֛מֶן אַחַ֖ת וְרָקִ֣יק אֶחָ֑ד וַיָּ֨שֶׂם֙ עַל־הַ֣חֲלָבִ֔ים וְעַ֖ל שֹׁ֥וק הַיָּמִֽין׃

ẇmisȧ֨l hamȧẕò̇֜wţ ʼàşě֣r׀ lipĕné֣y yĕhwá֗h lá֠qaẖ ẖalȧ֨ţ maẕá֤̇h ʼaẖaţ֙ wĕֽẖalȧ֨ţ le֥ẖem şě֛men ʼaẖa֖ţ wĕráqi֣yq ʼeẖá֑d wayá̇֨şêm֙ ʻal־ha֣ẖàlábi֔ym wĕʻa֖l şò֥̌wq hayá̇miֽyn׃

27
וַיִּתֵּ֣ן אֶת־הַכֹּ֔ל עַ֚ל כַּפֵּ֣י אַהֲרֹ֔ן וְעַ֖ל כַּפֵּ֣י בָנָ֑יו וַיָּ֧נֶף אֹתָ֛ם תְּנוּפָ֖ה לִפְנֵ֥י יְהוָֽה׃

wayi̇ţé֣̇n ʼeţ־hakò̇֔l ʻa֚l kȧpé֣̇y ʼahàrò֔n wĕʻa֖l kȧpé֣̇y báná֑yw wayá֧̇nep ʼòţá֛m ţĕ̇nẇpá֖h lipĕné֥y yĕhwáֽh׃

28
וַיִּקַּ֨ח מֹשֶׁ֤ה אֹתָם֙ מֵעַ֣ל כַּפֵּיהֶ֔ם וַיַּקְטֵ֥ר הַמִּזְבֵּ֖חָה עַל־הָעֹלָ֑ה מִלֻּאִ֥ים הֵם֙ לְרֵ֣יחַ נִיחֹ֔חַ אִשֶּׁ֥ה ה֖וּא לַיהוָֽה׃

wayi̇qȧ֨ẖ mòşě֤h ʼòţám֙ méʻa֣l kȧpé̇yhe֔m wayȧqĕté֥r hami̇zĕbé֖̇ẖáh ʻal־háʻòlá֑h milu̇ʼi֥ym hém֙ lĕré֣yẖa niyẖò֔ẖa ʼişė֥̌h h֖ẇʼ layhwáֽh׃

29
וַיִּקַּ֤ח מֹשֶׁה֙ אֶת־הֶ֣חָזֶ֔ה וַיְנִיפֵ֥הוּ תְנוּפָ֖ה לִפְנֵ֣י יְהוָ֑ה מֵאֵ֣יל הַמִּלֻּאִ֗ים לְמֹשֶׁ֤ה הָיָה֙ לְמָנָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

wayi̇qȧ֤ẖ mòşěh֙ ʼeţ־he֣ẖáze֔h wayĕniypé֥hẇ ţĕnẇpá֖h lipĕné֣y yĕhwá֑h méʼé֣yl hami̇lu̇ʼi֗ym lĕmòşě֤h háyáh֙ lĕmáná֔h kȧʼàşě֛r ẕiwá֥̇h yĕhwá֖h ʼeţ־mòşěֽh׃

30
וַיִּקַּ֨ח מֹשֶׁ֜ה מִשֶּׁ֣מֶן הַמִּשְׁחָ֗ה וּמִן־הַדָּם֮ אֲשֶׁ֣ר עַל־הַמִּזְבֵּחַ֒ וַיַּ֤ז עַֽל־אַהֲרֹן֙ עַל־בְּגָדָ֔יו וְעַל־בָּנָ֛יו וְעַל־בִּגְדֵ֥י בָנָ֖יו אִתֹּ֑ו וַיְקַדֵּ֤שׁ אֶֽת־אַהֲרֹן֙ אֶת־בְּגָדָ֔יו וְאֶת־בָּנָ֛יו וְאֶת־בִּגְדֵ֥י בָנָ֖יו אִתֹּֽו׃

wayi̇qȧ֨ẖ mòşě֜h mişė֣̌men hami̇şĕ̌ẖá֗h ẇmin־hadá̇m֮ ʼàşě֣r ʻal־hami̇zĕbé̇ẖa֒ wayȧ֤z ʻaֽl־ʼahàròn֙ ʻal־bĕ̇gádá֔yw wĕʻal־bá̇ná֛yw wĕʻal־bi̇gĕdé֥y báná֖yw ʼiţò֑̇w wayĕqadé֤̇ş̌ ʼeֽţ־ʼahàròn֙ ʼeţ־bĕ̇gádá֔yw wĕʼeţ־bá̇ná֛yw wĕʼeţ־bi̇gĕdé֥y báná֖yw ʼiţòֽ̇w׃

31
וַיֹּ֨אמֶר מֹשֶׁ֜ה אֶל־אַהֲרֹ֣ן וְאֶל־בָּנָ֗יו בַּשְּׁל֣וּ אֶת־הַבָּשָׂר֮ פֶּ֣תַח אֹ֣הֶל מֹועֵד֒ וְשָׁם֙ תֹּאכְל֣וּ אֹתֹ֔ו וְאֶ֨ת־הַלֶּ֔חֶם אֲשֶׁ֖ר בְּסַ֣ל הַמִּלֻּאִ֑ים כַּאֲשֶׁ֤ר צִוֵּ֨יתִי֙ לֵאמֹ֔ר אַהֲרֹ֥ן וּבָנָ֖יו יֹאכְלֻֽהוּ׃

wayò̇֨ʼmer mòşě֜h ʼel־ʼahàrò֣n wĕʼel־bá̇ná֗yw bȧşĕ̇̌l֣ẇ ʼeţ־habá̇şá̂r֮ pė֣ţaẖ ʼò֣hel mòwʻéd֒ wĕşá̌m֙ ţò̇ʼkĕl֣ẇ ʼòţò֔w wĕʼe֨ţ־halė֔ẖem ʼàşě֖r bĕ̇sa֣l hami̇lu̇ʼi֑ym kȧʼàşě֤r ẕiwé̇֨yţiy֙ léʼmò֔r ʼahàrò֥n ẇbáná֖yw yòʼkĕluֽhẇ׃

32
וְהַנֹּותָ֥ר בַּבָּשָׂ֖ר וּבַלָּ֑חֶם בָּאֵ֖שׁ תִּשְׂרֹֽפוּ׃

wĕhanò̇wţá֥r bȧbá̇şá֖̂r ẇbalá֑̇ẖem bá̇ʼé֖ş̌ ţi̇şĕ̂ròֽpẇ׃

33
וּמִפֶּתַח֩ אֹ֨הֶל מֹועֵ֜ד לֹ֤א תֵֽצְאוּ֙ שִׁבְעַ֣ת יָמִ֔ים עַ֚ד יֹ֣ום מְלֹ֔את יְמֵ֖י מִלֻּאֵיכֶ֑ם כִּ֚י שִׁבְעַ֣ת יָמִ֔ים יְמַלֵּ֖א אֶת־יֶדְכֶֽם׃

ẇmipėţaẖ֩ ʼò֨hel mòwʻé֜d lò֤ʼ ţéֽẕĕʼẇ֙ şǐbĕʻa֣ţ yámi֔ym ʻa֚d yò֣wm mĕlò֔ʼţ yĕmé֖y milu̇ʼéyke֑m ki֚̇y şǐbĕʻa֣ţ yámi֔ym yĕmalé֖̇ʼ ʼeţ־yedĕkeֽm׃

34
כַּאֲשֶׁ֥ר עָשָׂ֖ה בַּיֹּ֣ום הַזֶּ֑ה צִוָּ֧ה יְהוָ֛ה לַעֲשֹׂ֖ת לְכַפֵּ֥ר עֲלֵיכֶֽם׃

kȧʼàşě֥r ʻáşá֖̂h bȧyò֣̇wm hazė֑h ẕiwá֧̇h yĕhwá֛h laʻàşò֖̂ţ lĕkapé֥̇r ʻàléykeֽm׃

35
וּפֶתַח֩ אֹ֨הֶל מֹועֵ֜ד תֵּשְׁב֨וּ יֹומָ֤ם וָלַ֨יְלָה֙ שִׁבְעַ֣ת יָמִ֔ים וּשְׁמַרְתֶּ֛ם אֶת־מִשְׁמֶ֥רֶת יְהוָ֖ה וְלֹ֣א תָמ֑וּתוּ כִּי־כֵ֖ן צֻוֵּֽיתִי׃

ẇpeţaẖ֩ ʼò֨hel mòwʻé֜d ţé̇şĕ̌b֨ẇ yòwmá֤m wála֨yĕláh֙ şǐbĕʻa֣ţ yámi֔ym ẇşĕ̌marĕţė֛m ʼeţ־mişĕ̌me֥reţ yĕhwá֖h wĕlò֣ʼ ţám֑ẇţẇ ki̇y־ké֖n ẕuwéֽ̇yţiy׃

36
וַיַּ֥עַשׂ אַהֲרֹ֖ן וּבָנָ֑יו אֵ֚ת כָּל־הַדְּבָרִ֔ים אֲשֶׁר־צִוָּ֥ה יְהוָ֖ה בְּיַד־מֹשֶֽׁה׃ ס

wayȧ֥ʻaş̂ ʼahàrò֖n ẇbáná֑yw ʼé֚ţ ká̇l־hadĕ̇bári֔ym ʼàşěr־ẕiwá֥̇h yĕhwá֖h bĕ̇yad־mòşěֽh׃ s