Bibles in ancient languages
Old translations
Modern translations

Biblia Hebraica Stuttgartiensia Numbers 27

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַתִּקְרַ֜בְנָה בְּנֹ֣ות צְלָפְחָ֗ד בֶּן־חֵ֤פֶר בֶּן־גִּלְעָד֙ בֶּן־מָכִ֣יר בֶּן־מְנַשֶּׁ֔ה לְמִשְׁפְּחֹ֖ת מְנַשֶּׁ֣ה בֶן־יֹוסֵ֑ף וְאֵ֨לֶּה֙ שְׁמֹ֣ות בְּנֹתָ֔יו מַחְלָ֣ה נֹעָ֔ה וְחָגְלָ֥ה וּמִלְכָּ֖ה וְתִרְצָֽה׃

waţi̇qĕra֜bĕnáh bĕ̇nò֣wţ ẕĕlápĕẖá֗d bėn־ẖé֤per bėn־gi̇lĕʻád֙ bėn־máki֣yr bėn־mĕnaşė̌֔h lĕmişĕ̌pĕ̇ẖò֖ţ mĕnaşė֣̌h ben־yòwsé֑p wĕʼé֨lėh֙ şĕ̌mò֣wţ bĕ̇nòţá֔yw maẖĕlá֣h nòʻá֔h wĕẖágĕlá֥h ẇmilĕká֖̇h wĕţirĕẕáֽh׃

2
וַֽתַּעֲמֹ֜דְנָה לִפְנֵ֣י מֹשֶׁ֗ה וְלִפְנֵי֙ אֶלְעָזָ֣ר הַכֹּהֵ֔ן וְלִפְנֵ֥י הַנְּשִׂיאִ֖ם וְכָל־הָעֵדָ֑ה פֶּ֥תַח אֹֽהֶל־מֹועֵ֖ד לֵאמֹֽר׃

waֽţȧʻàmò֜dĕnáh lipĕné֣y mòşě֗h wĕlipĕnéy֙ ʼelĕʻázá֣r hakò̇hé֔n wĕlipĕné֥y hanĕ̇şîyʼi֖m wĕkál־háʻédá֑h pė֥ţaẖ ʼòֽhel־mòwʻé֖d léʼmòֽr׃

3
אָבִינוּ֮ מֵ֣ת בַּמִּדְבָּר֒ וְה֨וּא לֹא־הָיָ֜ה בְּתֹ֣וךְ הָעֵדָ֗ה הַנֹּועָדִ֛ים עַל־יְהוָ֖ה בַּעֲדַת־קֹ֑רַח כִּֽי־בְחֶטְאֹ֣ו מֵ֔ת וּבָנִ֖ים לֹא־הָ֥יוּ לֹֽו׃

ʼábiynẇ֮ mé֣ţ bȧmi̇dĕbá̇r֒ wĕh֨ẇʼ lòʼ־háyá֜h bĕ̇ţò֣wkĕ háʻédá֗h hanò̇wʻádi֛ym ʻal־yĕhwá֖h bȧʻàdaţ־qò֑raẖ kiֽ̇y־bĕẖetĕʼò֣w mé֔ţ ẇbáni֖ym lòʼ־há֥yẇ lòֽw׃

4
לָ֣מָּה יִגָּרַ֤ע שֵׁם־אָבִ֨ינוּ֙ מִתֹּ֣וךְ מִשְׁפַּחְתֹּ֔ו כִּ֛י אֵ֥ין לֹ֖ו בֵּ֑ן תְּנָה־לָּ֣נוּ אֲחֻזָּ֔ה בְּתֹ֖וךְ אֲחֵ֥י אָבִֽינוּ׃

lá֣má̇h yigá̇ra֤ʻ şé̌m־ʼábi֨ynẇ֙ miţò֣̇wkĕ mişĕ̌pȧẖĕţò̇֔w ki֛̇y ʼé֥yn lò֖w bé֑̇n ţĕ̇náh־lá֣̇nẇ ʼàẖuzá̇֔h bĕ̇ţò֖wkĕ ʼàẖé֥y ʼábiֽynẇ׃

5
וַיַּקְרֵ֥ב מֹשֶׁ֛ה אֶת־מִשְׁפָּטָ֖ן לִפְנֵ֥י יְהוָֽה׃ ס

wayȧqĕré֥b mòşě֛h ʼeţ־mişĕ̌pá̇tá֖n lipĕné֥y yĕhwáֽh׃ s

6
וַיֹּ֥אמֶר יְהוָ֖ה אֶל־מֹשֶׁ֥ה לֵּאמֹֽר׃

wayò֥̇ʼmer yĕhwá֖h ʼel־mòşě֥h lé̇ʼmòֽr׃

7
כֵּ֗ן בְּנֹ֣ות צְלָפְחָד֮ דֹּבְרֹת֒ נָתֹ֨ן תִּתֵּ֤ן לָהֶם֙ אֲחֻזַּ֣ת נַחֲלָ֔ה בְּתֹ֖וךְ אֲחֵ֣י אֲבִיהֶ֑ם וְהַֽעֲבַרְתָּ֛ אֶת־נַחֲלַ֥ת אֲבִיהֶ֖ן לָהֶֽן׃

ké̇֗n bĕ̇nò֣wţ ẕĕlápĕẖád֮ dò̇bĕròţ֒ náţò֨n ţi̇ţé֤̇n láhem֙ ʼàẖuzȧ֣ţ naẖàlá֔h bĕ̇ţò֖wkĕ ʼàẖé֣y ʼàbiyhe֑m wĕhaֽʻàbarĕţá֛̇ ʼeţ־naẖàla֥ţ ʼàbiyhe֖n láheֽn׃

8
וְאֶל־בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר אִ֣ישׁ כִּֽי־יָמ֗וּת וּבֵן֙ אֵ֣ין לֹ֔ו וְהַֽעֲבַרְתֶּ֥ם אֶת־נַחֲלָתֹ֖ו לְבִתֹּֽו׃

wĕʼel־bĕ̇né֥y yişĕ̂ráʼé֖l ţĕ̇dabé֣̇r léʼmò֑r ʼi֣yş̌ kiֽ̇y־yám֗ẇţ ẇbén֙ ʼé֣yn lò֔w wĕhaֽʻàbarĕţė֥m ʼeţ־naẖàláţò֖w lĕbiţòֽ̇w׃

9
וְאִם־אֵ֥ין לֹ֖ו בַּ֑ת וּנְתַתֶּ֥ם אֶת־נַחֲלָתֹ֖ו לְאֶחָיו׃

wĕʼim־ʼé֥yn lò֖w bȧ֑ţ ẇnĕţaţė֥m ʼeţ־naẖàláţò֖w lĕʼeẖáyw׃

10
וְאִם־אֵ֥ין לֹ֖ו אַחִ֑ים וּנְתַתֶּ֥ם אֶת־נַחֲלָתֹ֖ו לַאֲחֵ֥י אָבִֽיו׃

wĕʼim־ʼé֥yn lò֖w ʼaẖi֑ym ẇnĕţaţė֥m ʼeţ־naẖàláţò֖w laʼàẖé֥y ʼábiֽyw׃

11
וְאִם־אֵ֣ין אַחִים֮ לְאָבִיו֒ וּנְתַתֶּ֣ם אֶת־נַחֲלָתֹ֗ו לִשְׁאֵרֹ֞ו הַקָּרֹ֥ב אֵלָ֛יו מִמִּשְׁפַּחְתֹּ֖ו וְיָרַ֣שׁ אֹתָ֑הּ וְֽהָ֨יְתָ֜ה לִבְנֵ֤י יִשְׂרָאֵל֙ לְחֻקַּ֣ת מִשְׁפָּ֔ט כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

wĕʼim־ʼé֣yn ʼaẖiym֮ lĕʼábiyw֒ ẇnĕţaţė֣m ʼeţ־naẖàláţò֗w lişĕ̌ʼérò֞w haqá̇rò֥b ʼélá֛yw mimi̇şĕ̌pȧẖĕţò֖̇w wĕyára֣ş̌ ʼòţá֑ḣ wĕֽhá֨yĕţá֜h libĕné֤y yişĕ̂ráʼél֙ lĕẖuqȧ֣ţ mişĕ̌pá̇֔t kȧʼàşě֛r ẕiwá֥̇h yĕhwá֖h ʼeţ־mòşěֽh׃ s

12
וַיֹּ֤אמֶר יְהוָה֙ אֶל־מֹשֶׁ֔ה עֲלֵ֛ה אֶל־הַ֥ר הָעֲבָרִ֖ים הַזֶּ֑ה וּרְאֵה֙ אֶת־הָאָ֔רֶץ אֲשֶׁ֥ר נָתַ֖תִּי לִבְנֵ֥י יִשְׂרָאֵֽל׃

wayò֤̇ʼmer yĕhwáh֙ ʼel־mòşě֔h ʻàlé֛h ʼel־ha֥r háʻàbári֖ym hazė֑h ẇrĕʼéh֙ ʼeţ־háʼá֔reẕ ʼàşě֥r náţa֖ţi̇y libĕné֥y yişĕ̂ráʼéֽl׃

13
וְרָאִ֣יתָה אֹתָ֔הּ וְנֶאֱסַפְתָּ֥ אֶל־עַמֶּ֖יךָ גַּם־אָ֑תָּה כַּאֲשֶׁ֥ר נֶאֱסַ֖ף אַהֲרֹ֥ן אָחִֽיךָ׃

wĕráʼi֣yţáh ʼòţá֔ḣ wĕneʼèsapĕţá֥̇ ʼel־ʻamė֖yká gȧm־ʼá֑ţá̇h kȧʼàşě֥r neʼèsa֖p ʼahàrò֥n ʼáẖiֽyká׃

14
כַּאֲשֶׁר֩ מְרִיתֶ֨ם פִּ֜י בְּמִדְבַּר־צִ֗ן בִּמְרִיבַת֙ הָֽעֵדָ֔ה לְהַקְדִּישֵׁ֥נִי בַמַּ֖יִם לְעֵינֵיהֶ֑ם הֵ֛ם מֵֽי־מְרִיבַ֥ת קָדֵ֖שׁ מִדְבַּר־צִֽן׃ פ

kȧʼàşěr֩ mĕriyţe֨m pi̇֜y bĕ̇midĕbȧr־ẕi֗n bi̇mĕriybaţ֙ háֽʻédá֔h lĕhaqĕdi̇yşé֥̌niy bamȧ֖yim lĕʻéynéyhe֑m hé֛m méֽy־mĕriyba֥ţ qádé֖ş̌ midĕbȧr־ẕiֽn׃ p

15
וַיְדַבֵּ֣ר מֹשֶׁ֔ה אֶל־יְהוָ֖ה לֵאמֹֽר׃

wayĕdabé֣̇r mòşě֔h ʼel־yĕhwá֖h léʼmòֽr׃

16
יִפְקֹ֣ד יְהוָ֔ה אֱלֹהֵ֥י הָרוּחֹ֖ת לְכָל־בָּשָׂ֑ר אִ֖ישׁ עַל־הָעֵדָֽה׃

yipĕqò֣d yĕhwá֔h ʼèlòhé֥y hárẇẖò֖ţ lĕkál־bá̇şá֑̂r ʼi֖yş̌ ʻal־háʻédáֽh׃

17
אֲשֶׁר־יֵצֵ֣א לִפְנֵיהֶ֗ם וַאֲשֶׁ֤ר יָבֹא֙ לִפְנֵיהֶ֔ם וַאֲשֶׁ֥ר יֹוצִיאֵ֖ם וַאֲשֶׁ֣ר יְבִיאֵ֑ם וְלֹ֤א תִהְיֶה֙ עֲדַ֣ת יְהוָ֔ה כַּצֹּ֕אן אֲשֶׁ֥ר אֵין־לָהֶ֖ם רֹעֶֽה׃

ʼàşěr־yéẕé֣ʼ lipĕnéyhe֗m waʼàşě֤r yábòʼ֙ lipĕnéyhe֔m waʼàşě֥r yòwẕiyʼé֖m waʼàşě֣r yĕbiyʼé֑m wĕlò֤ʼ ţihĕyeh֙ ʻàda֣ţ yĕhwá֔h kȧẕò̇֕ʼn ʼàşě֥r ʼéyn־láhe֖m ròʻeֽh׃

18
וַיֹּ֨אמֶר יְהוָ֜ה אֶל־מֹשֶׁ֗ה קַח־לְךָ֙ אֶת־יְהֹושֻׁ֣עַ בִּן־נ֔וּן אִ֖ישׁ אֲשֶׁר־ר֣וּחַ בֹּ֑ו וְסָמַכְתָּ֥ אֶת־יָדְךָ֖ עָלָֽיו׃

wayò̇֨ʼmer yĕhwá֜h ʼel־mòşě֗h qaẖ־lĕká֙ ʼeţ־yĕhòwşǔ֣ʻa bi̇n־n֔ẇn ʼi֖yş̌ ʼàşěr־r֣ẇẖa bò֑̇w wĕsámakĕţá֥̇ ʼeţ־yádĕká֖ ʻáláֽyw׃

19
וְהַֽעֲמַדְתָּ֣ אֹתֹ֗ו לִפְנֵי֙ אֶלְעָזָ֣ר הַכֹּהֵ֔ן וְלִפְנֵ֖י כָּל־הָעֵדָ֑ה וְצִוִּיתָ֥ה אֹתֹ֖ו לְעֵינֵיהֶֽם׃

wĕhaֽʻàmadĕţá֣̇ ʼòţò֗w lipĕnéy֙ ʼelĕʻázá֣r hakò̇hé֔n wĕlipĕné֖y ká̇l־háʻédá֑h wĕẕiwi̇yţá֥h ʼòţò֖w lĕʻéynéyheֽm׃

20
וְנָתַתָּ֥ה מֵהֹֽודְךָ֖ עָלָ֑יו לְמַ֣עַן יִשְׁמְע֔וּ כָּל־עֲדַ֖ת בְּנֵ֥י יִשְׂרָאֵֽל׃

wĕnáţaţá֥̇h méhòֽwdĕká֖ ʻálá֑yw lĕma֣ʻan yişĕ̌mĕʻ֔ẇ ká̇l־ʻàda֖ţ bĕ̇né֥y yişĕ̂ráʼéֽl׃

21
וְלִפְנֵ֨י אֶלְעָזָ֤ר הַכֹּהֵן֙ יַעֲמֹ֔ד וְשָׁ֥אַל לֹ֛ו בְּמִשְׁפַּ֥ט הָאוּרִ֖ים לִפְנֵ֣י יְהוָ֑ה עַל־פִּ֨יו יֵצְא֜וּ וְעַל־פִּ֣יו יָבֹ֗אוּ ה֛וּא וְכָל־בְּנֵי־יִשְׂרָאֵ֥ל אִתֹּ֖ו וְכָל־הָעֵדָֽה׃

wĕlipĕné֨y ʼelĕʻázá֤r hakò̇hén֙ yaʻàmò֔d wĕşá֥̌ʼal lò֛w bĕ̇mişĕ̌pȧ֥t háʼẇri֖ym lipĕné֣y yĕhwá֑h ʻal־pi̇֨yw yéẕĕʼ֜ẇ wĕʻal־pi֣̇yw yábò֗ʼẇ h֛ẇʼ wĕkál־bĕ̇néy־yişĕ̂ráʼé֥l ʼiţò֖̇w wĕkál־háʻédáֽh׃

22
וַיַּ֣עַשׂ מֹשֶׁ֔ה כַּאֲשֶׁ֛ר צִוָּ֥ה יְהוָ֖ה אֹתֹ֑ו וַיִּקַּ֣ח אֶת־יְהֹושֻׁ֗עַ וַיַּֽעֲמִדֵ֨הוּ֙ לִפְנֵי֙ אֶלְעָזָ֣ר הַכֹּהֵ֔ן וְלִפְנֵ֖י כָּל־הָעֵדָֽה׃

wayȧ֣ʻaş̂ mòşě֔h kȧʼàşě֛r ẕiwá֥̇h yĕhwá֖h ʼòţò֑w wayi̇qȧ֣ẖ ʼeţ־yĕhòwşǔ֗ʻa wayȧֽʻàmidé֨hẇ֙ lipĕnéy֙ ʼelĕʻázá֣r hakò̇hé֔n wĕlipĕné֖y ká̇l־háʻédáֽh׃

23
וַיִּסְמֹ֧ךְ אֶת־יָדָ֛יו עָלָ֖יו וַיְצַוֵּ֑הוּ כַּאֲשֶׁ֛ר דִּבֶּ֥ר יְהוָ֖ה בְּיַד־מֹשֶֽׁה׃ פ

wayi̇sĕmò֧kĕ ʼeţ־yádá֛yw ʻálá֖yw wayĕẕawé֑̇hẇ kȧʼàşě֛r di̇bė֥r yĕhwá֖h bĕ̇yad־mòşěֽh׃ p