Bibles in ancient languages
Old translations
Modern translations

Biblia Hebraica Stuttgartiensia Numbers 34

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
צַ֞ו אֶת־בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם כִּֽי־אַתֶּ֥ם בָּאִ֖ים אֶל־הָאָ֣רֶץ כְּנָ֑עַן זֹ֣את הָאָ֗רֶץ אֲשֶׁ֨ר תִּפֹּ֤ל לָכֶם֙ בְּֽנַחֲלָ֔ה אֶ֥רֶץ כְּנַ֖עַן לִגְבֻלֹתֶֽיהָ׃

ẕa֞w ʼeţ־bĕ̇né֤y yişĕ̂ráʼél֙ wĕʼámarĕţá֣̇ ʼàléhe֔m kiֽ̇y־ʼaţė֥m bá̇ʼi֖ym ʼel־háʼá֣reẕ kĕ̇ná֑ʻan zò֣ʼţ háʼá֗reẕ ʼàşě֨r ţi̇pò֤̇l lákem֙ bĕֽ̇naẖàlá֔h ʼe֥reẕ kĕ̇na֖ʻan ligĕbulòţeֽyhá׃

3
וְהָיָ֨ה לָכֶ֧ם פְּאַת־נֶ֛גֶב מִמִּדְבַּר־צִ֖ן עַל־יְדֵ֣י אֱדֹ֑ום וְהָיָ֤ה לָכֶם֙ גְּב֣וּל נֶ֔גֶב מִקְצֵ֥ה יָם־הַמֶּ֖לַח קֵֽדְמָה׃

wĕháyá֨h láke֧m pĕ̇ʼaţ־ne֛geb mimi̇dĕbȧr־ẕi֖n ʻal־yĕdé֣y ʼèdò֑wm wĕháyá֤h lákem֙ gĕ̇b֣ẇl ne֔geb miqĕẕé֥h yám־hamė֖laẖ qéֽdĕmáh׃

4
וְנָסַ֣ב לָכֶם֩ הַגְּב֨וּל מִנֶּ֜גֶב לְמַעֲלֵ֤ה עַקְרַבִּים֙ וְעָ֣בַר צִ֔נָה וְהָיָה תֹּֽוצְאֹתָ֔יו מִנֶּ֖גֶב לְקָדֵ֣שׁ בַּרְנֵ֑עַ וְיָצָ֥א חֲצַר־אַדָּ֖ר וְעָבַ֥ר עַצְמֹֽנָה׃

wĕnása֣b lákem֩ hagĕ̇b֨ẇl minė֜geb lĕmaʻàlé֤h ʻaqĕrabi̇ym֙ wĕʻá֣bar ẕi֔náh wĕháyáh ţòֽ̇wẕĕʼòţá֔yw minė֖geb lĕqádé֣ş̌ bȧrĕné֑ʻa wĕyáẕá֥ʼ ẖàẕar־ʼadá֖̇r wĕʻába֥r ʻaẕĕmòֽnáh׃

5
וְנָסַ֧ב הַגְּב֛וּל מֵעַצְמֹ֖ון נַ֣חְלָה מִצְרָ֑יִם וְהָי֥וּ תֹוצְאֹתָ֖יו הַיָּֽמָּה׃

wĕnása֧b hagĕ̇b֛ẇl méʻaẕĕmò֖wn na֣ẖĕláh miẕĕrá֑yim wĕháy֥ẇ ţòwẕĕʼòţá֖yw hayáֽ̇má̇h׃

6
וּגְב֣וּל יָ֔ם וְהָיָ֥ה לָכֶ֛ם הַיָּ֥ם הַגָּדֹ֖ול וּגְב֑וּל זֶֽה־יִהְיֶ֥ה לָכֶ֖ם גְּב֥וּל יָֽם׃

ẇgĕb֣ẇl yá֔m wĕháyá֥h láke֛m hayá֥̇m hagá̇dò֖wl ẇgĕb֑ẇl zeֽh־yihĕye֥h láke֖m gĕ̇b֥ẇl yáֽm׃

7
וְזֶֽה־יִהְיֶ֥ה לָכֶ֖ם גְּב֣וּל צָפֹ֑ון מִן־הַיָּם֙ הַגָּדֹ֔ל תְּתָא֥וּ לָכֶ֖ם הֹ֥ר הָהָֽר׃

wĕzeֽh־yihĕye֥h láke֖m gĕ̇b֣ẇl ẕápò֑wn min־hayá̇m֙ hagá̇dò֔l ţĕ̇ţáʼ֥ẇ láke֖m hò֥r háháֽr׃

8
מֵהֹ֣ר הָהָ֔ר תְּתָא֖וּ לְבֹ֣א חֲמָ֑ת וְהָי֛וּ תֹּוצְאֹ֥ת הַגְּבֻ֖ל צְדָֽדָה׃

méhò֣r háhá֔r ţĕ̇ţáʼ֖ẇ lĕbò֣ʼ ẖàmá֑ţ wĕháy֛ẇ ţò̇wẕĕʼò֥ţ hagĕ̇bu֖l ẕĕdáֽdáh׃

9
וְיָצָ֤א הַגְּבֻל֙ זִפְרֹ֔נָה וְהָי֥וּ תֹוצְאֹתָ֖יו חֲצַ֣ר עֵינָ֑ן זֶֽה־יִהְיֶ֥ה לָכֶ֖ם גְּב֥וּל צָפֹֽון׃

wĕyáẕá֤ʼ hagĕ̇bul֙ zipĕrò֔náh wĕháy֥ẇ ţòwẕĕʼòţá֖yw ẖàẕa֣r ʻéyná֑n zeֽh־yihĕye֥h láke֖m gĕ̇b֥ẇl ẕápòֽwn׃

10
וְהִתְאַוִּיתֶ֥ם לָכֶ֖ם לִגְב֣וּל קֵ֑דְמָה מֵחֲצַ֥ר עֵינָ֖ן שְׁפָֽמָה׃

wĕhiţĕʼawi̇yţe֥m láke֖m ligĕb֣ẇl qé֑dĕmáh méẖàẕa֥r ʻéyná֖n şĕ̌páֽmáh׃

11
וְיָרַ֨ד הַגְּבֻ֧ל מִשְּׁפָ֛ם הָרִבְלָ֖ה מִקֶּ֣דֶם לָעָ֑יִן וְיָרַ֣ד הַגְּב֔וּל וּמָחָ֛ה עַל־כֶּ֥תֶף יָם־כִּנֶּ֖רֶת קֵֽדְמָה׃

wĕyára֨d hagĕ̇bu֧l mişĕ̇̌pá֛m háribĕlá֖h miqė֣dem láʻá֑yin wĕyára֣d hagĕ̇b֔ẇl ẇmáẖá֛h ʻal־kė֥ţep yám־ki̇nė֖reţ qéֽdĕmáh׃

12
וְיָרַ֤ד הַגְּבוּל֙ הַיַּרְדֵּ֔נָה וְהָי֥וּ תֹוצְאֹתָ֖יו יָ֣ם הַמֶּ֑לַח זֹאת֩ תִּהְיֶ֨ה לָכֶ֥ם הָאָ֛רֶץ לִגְבֻלֹתֶ֖יהָ סָבִֽיב׃

wĕyára֤d hagĕ̇bẇl֙ hayȧrĕdé̇֔náh wĕháy֥ẇ ţòwẕĕʼòţá֖yw yá֣m hamė֑laẖ zòʼţ֩ ţi̇hĕye֨h láke֥m háʼá֛reẕ ligĕbulòţe֖yhá sábiֽyb׃

13
וַיְצַ֣ו מֹשֶׁ֔ה אֶת־בְּנֵ֥י יִשְׂרָאֵ֖ל לֵאמֹ֑ר זֹ֣את הָאָ֗רֶץ אֲשֶׁ֨ר תִּתְנַחֲל֤וּ אֹתָהּ֙ בְּגֹורָ֔ל אֲשֶׁר֙ צִוָּ֣ה יְהוָ֔ה לָתֵ֛ת לְתִשְׁעַ֥ת הַמַּטֹּ֖ות וַחֲצִ֥י הַמַּטֶּֽה׃

wayĕẕa֣w mòşě֔h ʼeţ־bĕ̇né֥y yişĕ̂ráʼé֖l léʼmò֑r zò֣ʼţ háʼá֗reẕ ʼàşě֨r ţi̇ţĕnaẖàl֤ẇ ʼòţáḣ֙ bĕ̇gòwrá֔l ʼàşěr֙ ẕiwá֣̇h yĕhwá֔h láţé֛ţ lĕţişĕ̌ʻa֥ţ hamȧtò֖̇wţ waẖàẕi֥y hamȧtėֽh׃

14
כִּ֣י לָקְח֞וּ מַטֵּ֨ה בְנֵ֤י הָראוּבֵנִי֙ לְבֵ֣ית אֲבֹתָ֔ם וּמַטֵּ֥ה בְנֵֽי־הַגָּדִ֖י לְבֵ֣ית אֲבֹתָ֑ם וַחֲצִי֙ מַטֵּ֣ה מְנַשֶּׁ֔ה לָקְח֖וּ נַחֲלָתָֽם׃

ki֣̇y láqĕẖ֞ẇ maté̇֨h bĕné֤y hárʼẇbéniy֙ lĕbé֣yţ ʼàbòţá֔m ẇmaté֥̇h bĕnéֽy־hagá̇di֖y lĕbé֣yţ ʼàbòţá֑m waẖàẕiy֙ maté֣̇h mĕnaşė̌֔h láqĕẖ֖ẇ naẖàláţáֽm׃

15
שְׁנֵ֥י הַמַּטֹּ֖ות וַחֲצִ֣י הַמַּטֶּ֑ה לָקְח֣וּ נַחֲלָתָ֗ם מֵעֵ֛בֶר לְיַרְדֵּ֥ן יְרֵחֹ֖ו קֵ֥דְמָה מִזְרָֽחָה׃ פ

şĕ̌né֥y hamȧtò֖̇wţ waẖàẕi֣y hamȧtė֑h láqĕẖ֣ẇ naẖàláţá֗m méʻé֛ber lĕyarĕdé֥̇n yĕréẖò֖w qé֥dĕmáh mizĕráֽẖáh׃ p

16
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

17
אֵ֚לֶּה שְׁמֹ֣ות הָֽאֲנָשִׁ֔ים אֲשֶׁר־יִנְחֲל֥וּ לָכֶ֖ם אֶת־הָאָ֑רֶץ אֶלְעָזָר֙ הַכֹּהֵ֔ן וִיהֹושֻׁ֖עַ בִּן־נֽוּן׃

ʼé֚lėh şĕ̌mò֣wţ háֽʼànáşǐ֔ym ʼàşěr־yinĕẖàl֥ẇ láke֖m ʼeţ־háʼá֑reẕ ʼelĕʻázár֙ hakò̇hé֔n wiyhòwşǔ֖ʻa bi̇n־nֽẇn׃

18
וְנָשִׂ֥יא אֶחָ֛ד נָשִׂ֥יא אֶחָ֖ד מִמַּטֶּ֑ה תִּקְח֖וּ לִנְחֹ֥ל אֶת־הָאָֽרֶץ׃

wĕnáşî֥yʼ ʼeẖá֛d náşî֥yʼ ʼeẖá֖d mimȧtė֑h ţi̇qĕẖ֖ẇ linĕẖò֥l ʼeţ־háʼáֽreẕ׃

19
וְאֵ֖לֶּה שְׁמֹ֣ות הָאֲנָשִׁ֑ים לְמַטֵּ֣ה יְהוּדָ֔ה כָּלֵ֖ב בֶּן־יְפֻנֶּֽה׃

wĕʼé֖lėh şĕ̌mò֣wţ háʼànáşǐ֑ym lĕmaté֣̇h yĕhẇdá֔h ká̇lé֖b bėn־yĕpunėֽh׃

20
וּלְמַטֵּה֙ בְּנֵ֣י שִׁמְעֹ֔ון שְׁמוּאֵ֖ל בֶּן־עַמִּיהֽוּד׃

ẇlĕmaté̇h֙ bĕ̇né֣y şǐmĕʻò֔wn şĕ̌mẇʼé֖l bėn־ʻami̇yhֽẇd׃

21
לְמַטֵּ֣ה בִנְיָמִ֔ן אֱלִידָ֖ד בֶּן־כִּסְלֹֽון׃

lĕmaté֣̇h binĕyámi֔n ʼèliydá֖d bėn־ki̇sĕlòֽwn׃

22
וּלְמַטֵּ֥ה בְנֵי־דָ֖ן נָשִׂ֑יא בֻּקִּ֖י בֶּן־יָגְלִֽי׃

ẇlĕmaté֥̇h bĕnéy־dá֖n náşî֑yʼ bu̇qi֖̇y bėn־yágĕliֽy׃

23
לִבְנֵ֣י יֹוסֵ֔ף לְמַטֵּ֥ה בְנֵֽי־מְנַשֶּׁ֖ה נָשִׂ֑יא חַנִּיאֵ֖ל בֶּן־אֵפֹֽד׃

libĕné֣y yòwsé֔p lĕmaté֥̇h bĕnéֽy־mĕnaşė֖̌h náşî֑yʼ ẖani̇yʼé֖l bėn־ʼépòֽd׃

24
וּלְמַטֵּ֥ה בְנֵֽי־אֶפְרַ֖יִם נָשִׂ֑יא קְמוּאֵ֖ל בֶּן־שִׁפְטָֽן׃

ẇlĕmaté֥̇h bĕnéֽy־ʼepĕra֖yim náşî֑yʼ qĕmẇʼé֖l bėn־şǐpĕtáֽn׃

25
וּלְמַטֵּ֥ה בְנֵֽי־זְבוּלֻ֖ן נָשִׂ֑יא אֱלִיצָפָ֖ן בֶּן־פַּרְנָֽךְ׃

ẇlĕmaté֥̇h bĕnéֽy־zĕbẇlu֖n náşî֑yʼ ʼèliyẕápá֖n bėn־pȧrĕnáֽkĕ׃

26
וּלְמַטֵּ֥ה בְנֵֽי־יִשָׂשכָ֖ר נָשִׂ֑יא פַּלְטִיאֵ֖ל בֶּן־עַזָּֽן׃

ẇlĕmaté֥̇h bĕnéֽy־yişá̂şká֖r náşî֑yʼ pȧlĕtiyʼé֖l bėn־ʻazáֽ̇n׃

27
וּלְמַטֵּ֥ה בְנֵי־אָשֵׁ֖ר נָשִׂ֑יא אֲחִיה֖וּד בֶּן־שְׁלֹמִֽי׃

ẇlĕmaté֥̇h bĕnéy־ʼáşé֖̌r náşî֑yʼ ʼàẖiyh֖ẇd bėn־şĕ̌lòmiֽy׃

28
וּלְמַטֵּ֥ה בְנֵֽי־נַפְתָּלִ֖י נָשִׂ֑יא פְּדַהְאֵ֖ל בֶּן־עַמִּיהֽוּד׃

ẇlĕmaté֥̇h bĕnéֽy־napĕţá̇li֖y náşî֑yʼ pĕ̇dahĕʼé֖l bėn־ʻami̇yhֽẇd׃

29
אֵ֕לֶּה אֲשֶׁ֖ר צִוָּ֣ה יְהוָ֑ה לְנַחֵ֥ל אֶת־בְּנֵֽי־יִשְׂרָאֵ֖ל בְּאֶ֥רֶץ כְּנָֽעַן׃ פ

ʼé֕lėh ʼàşě֖r ẕiwá֣̇h yĕhwá֑h lĕnaẖé֥l ʼeţ־bĕ̇néֽy־yişĕ̂ráʼé֖l bĕ̇ʼe֥reẕ kĕ̇náֽʻan׃ p