Bibles in ancient languages
Old translations
Modern translations

Biblia Hebraica Stuttgartiensia Psalms 119

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אַשְׁרֵ֥י תְמִֽימֵי־דָ֑רֶךְ הַֽ֝הֹלְכִ֗ים בְּתֹורַ֥ת יְהוָֽה׃

ʼaşĕ̌ré֥y ţĕmiֽyméy־dá֑rekĕ haֽ֝hòlĕki֗ym bĕ̇ţòwra֥ţ yĕhwáֽh׃

2
אַ֭שְׁרֵי נֹצְרֵ֥י עֵדֹתָ֗יו בְּכָל־לֵ֥ב יִדְרְשֽׁוּהוּ׃

ʼa֭şĕ̌réy nòẕĕré֥y ʻédòţá֗yw bĕ̇kál־lé֥b yidĕrĕşֽ̌ẇhẇ׃

3
אַ֭ף לֹֽא־פָעֲל֣וּ עַוְלָ֑ה בִּדְרָכָ֥יו הָלָֽכוּ׃

ʼa֭p lòֽʼ־páʻàl֣ẇ ʻawĕlá֑h bi̇dĕráká֥yw háláֽkẇ׃

4
אַ֭תָּה צִוִּ֥יתָה פִקֻּדֶ֗יךָ לִשְׁמֹ֥ר מְאֹֽד׃

ʼa֭ţá̇h ẕiwi֥̇yţáh piqu̇de֗yká lişĕ̌mò֥r mĕʼòֽd׃

5
אַ֭חֲלַי יִכֹּ֥נוּ דְרָכָ֗י לִשְׁמֹ֥ר חֻקֶּֽיךָ׃

ʼa֭ẖàlay yikò֥̇nẇ dĕráká֗y lişĕ̌mò֥r ẖuqėֽyká׃

6
אָ֥ז לֹא־אֵבֹ֑ושׁ בְּ֝הַבִּיטִ֗י אֶל־כָּל־מִצְוֹתֶֽיךָ׃

ʼá֥z lòʼ־ʼébò֑wş̌ bĕ̇֝habi̇yti֗y ʼel־ká̇l־miẕĕwòţeֽyká׃

7
אֹ֭ודְךָ בְּיֹ֣שֶׁר לֵבָ֑ב בְּ֝לָמְדִ֗י מִשְׁפְּטֵ֥י צִדְקֶֽךָ׃

ʼò֭wdĕká bĕ̇yò֣şěr lébá֑b bĕ̇֝lámĕdi֗y mişĕ̌pĕ̇té֥y ẕidĕqeֽká׃

8
אֶת־חֻקֶּ֥יךָ אֶשְׁמֹ֑ר אַֽל־תַּעַזְבֵ֥נִי עַד־מְאֹֽד׃

ʼeţ־ẖuqė֥yká ʼeşĕ̌mò֑r ʼaֽl־ţȧʻazĕbé֥niy ʻad־mĕʼòֽd׃

9
בַּמֶּ֣ה יְזַכֶּה־נַּ֭עַר אֶת־אָרְחֹ֑ו לִ֝שְׁמֹ֗ר כִּדְבָרֶֽךָ׃

bȧmė֣h yĕzakėh־nȧ֭ʻar ʼeţ־ʼárĕẖò֑w li֝şĕ̌mò֗r ki̇dĕbáreֽká׃

10
בְּכָל־לִבִּ֥י דְרַשְׁתִּ֑יךָ אַל־תַּ֝שְׁגֵּ֗נִי מִמִּצְוֹתֶֽיךָ׃

bĕ̇kál־libi֥̇y dĕraşĕ̌ţi֑̇yká ʼal־ţȧ֝şĕ̌gé̇֗niy mimi̇ẕĕwòţeֽyká׃

11
בְּ֭לִבִּי צָפַ֣נְתִּי אִמְרָתֶ֑ךָ לְ֝מַ֗עַן לֹ֣א אֶֽחֱטָא־לָֽךְ׃

bĕ֭̇libi̇y ẕápa֣nĕţi̇y ʼimĕráţe֑ká lĕ֝ma֗ʻan lò֣ʼ ʼeֽẖètáʼ־láֽkĕ׃

12
בָּר֖וּךְ אַתָּ֥ה יְהוָ֗ה לַמְּדֵ֥נִי חֻקֶּֽיךָ׃

bá̇r֖ẇkĕ ʼaţá֥̇h yĕhwá֗h lamĕ̇dé֥niy ẖuqėֽyká׃

13
בִּשְׂפָתַ֥י סִפַּ֑רְתִּי כֹּ֝֗ל מִשְׁפְּטֵי־פִֽיךָ׃

bi̇şĕ̂páţa֥y sipȧ֑rĕţi̇y kò̇֝֗l mişĕ̌pĕ̇téy־piֽyká׃

14
בְּדֶ֖רֶךְ עֵדְוֹתֶ֥יךָ שַׂ֗שְׂתִּי כְּעַ֣ל כָּל־הֹֽון׃

bĕ̇de֖rekĕ ʻédĕwòţe֥yká şâ֗şĕ̂ţi̇y kĕ̇ʻa֣l ká̇l־hòֽwn׃

15
בְּפִקֻּדֶ֥יךָ אָשִׂ֑יחָה וְ֝אַבִּ֗יטָה אֹרְחֹתֶֽיךָ׃

bĕ̇piqu̇de֥yká ʼáşî֑yẖáh wĕ֝ʼabi̇֗ytáh ʼòrĕẖòţeֽyká׃

16
בְּחֻקֹּתֶ֥יךָ אֶֽשְׁתַּעֲשָׁ֑ע לֹ֭א אֶשְׁכַּ֣ח דְּבָרֶֽךָ׃

bĕ̇ẖuqò̇ţe֥yká ʼeֽşĕ̌ţȧʻàşá֑̌ʻ lò֭ʼ ʼeşĕ̌kȧ֣ẖ dĕ̇báreֽká׃

17
גְּמֹ֖ל עַֽל־עַבְדְּךָ֥ אֶֽחְיֶ֗ה וְאֶשְׁמְרָ֥ה דְבָרֶֽךָ׃

gĕ̇mò֖l ʻaֽl־ʻabĕdĕ̇ká֥ ʼeֽẖĕye֗h wĕʼeşĕ̌mĕrá֥h dĕbáreֽká׃

18
גַּל־עֵינַ֥י וְאַבִּ֑יטָה נִ֝פְלָאֹ֗ות מִתֹּורָתֶֽךָ׃

gȧl־ʻéyna֥y wĕʼabi֑̇ytáh ni֝pĕláʼò֗wţ miţò̇wráţeֽká׃

19
גֵּ֣ר אָנֹכִ֣י בָאָ֑רֶץ אַל־תַּסְתֵּ֥ר מִ֝מֶּ֗נִּי מִצְוֹתֶֽיךָ׃

gé֣̇r ʼánòki֣y báʼá֑reẕ ʼal־ţȧsĕţé֥̇r mi֝mė֗ni̇y miẕĕwòţeֽyká׃

20
גָּרְסָ֣ה נַפְשִׁ֣י לְתַאֲבָ֑ה אֶֽל־מִשְׁפָּטֶ֥יךָ בְכָל־עֵֽת׃

gá̇rĕsá֣h napĕşǐ֣y lĕţaʼàbá֑h ʼeֽl־mişĕ̌pá̇te֥yká bĕkál־ʻéֽţ׃

21
גָּ֭עַרְתָּ זֵדִ֣ים אֲרוּרִ֑ים הַ֝שֹּׁגִים מִמִּצְוֹתֶֽיךָ׃

gá֭̇ʻarĕţá̇ zédi֣ym ʼàrẇri֑ym ha֝şò̇̌giym mimi̇ẕĕwòţeֽyká׃

22
גַּ֣ל מֵֽ֭עָלַי חֶרְפָּ֣ה וָב֑וּז כִּ֖י עֵדֹתֶ֣יךָ נָצָֽרְתִּי׃

gȧ֣l méֽ֭ʻálay ẖerĕpá֣̇h wáb֑ẇz ki֖̇y ʻédòţe֣yká náẕáֽrĕţi̇y׃

23
גַּ֤ם יָֽשְׁב֣וּ שָׂ֭רִים בִּ֣י נִדְבָּ֑רוּ עַ֝בְדְּךָ֗ יָשִׂ֥יחַ בְּחֻקֶּֽיךָ׃

gȧ֤m yáֽşĕ̌b֣ẇ şá֭̂riym bi֣̇y nidĕbá֑̇rẇ ʻa֝bĕdĕ̇ká֗ yáşî֥yẖa bĕ̇ẖuqėֽyká׃

24
גַּֽם־עֵ֭דֹתֶיךָ שַׁעֲשֻׁעָ֗י אַנְשֵׁ֥י עֲצָתִֽי׃

gȧֽm־ʻé֭dòţeyká şǎʻàşǔʻá֗y ʼanĕşé֥̌y ʻàẕáţiֽy׃

25
דָּֽבְקָ֣ה לֶעָפָ֣ר נַפְשִׁ֑י חַ֝יֵּ֗נִי כִּדְבָרֶֽךָ׃

dáֽ̇bĕqá֣h leʻápá֣r napĕşǐ֑y ẖa֝yé̇֗niy ki̇dĕbáreֽká׃

26
דְּרָכַ֣י סִ֭פַּרְתִּי וַֽתַּעֲנֵ֗נִי לַמְּדֵ֥נִי חֻקֶּֽיךָ׃

dĕ̇ráka֣y si֭pȧrĕţi̇y waֽţȧʻàné֗niy lamĕ̇dé֥niy ẖuqėֽyká׃

27
דֶּֽרֶךְ־פִּקּוּדֶ֥יךָ הֲבִינֵ֑נִי וְ֝אָשִׂ֗יחָה בְּנִפְלְאֹותֶֽיךָ׃

dėֽrekĕ־pi̇q̇ẇde֥yká hàbiyné֑niy wĕ֝ʼáşî֗yẖáh bĕ̇nipĕlĕʼòwţeֽyká׃

28
דָּלְפָ֣ה נַ֭פְשִׁי מִתּוּגָ֑ה קַ֝יְּמֵ֗נִי כִּדְבָרֶֽךָ׃

dá̇lĕpá֣h na֭pĕşǐy miţ̇ẇgá֑h qa֝yĕ̇mé֗niy ki̇dĕbáreֽká׃

29
דֶּֽרֶךְ־שֶׁ֭קֶר הָסֵ֣ר מִמֶּ֑נִּי וְֽתֹורָתְךָ֥ חָנֵּֽנִי׃

dėֽrekĕ־şě֭qer hásé֣r mimė֑ni̇y wĕֽţòwráţĕká֥ ẖánéֽ̇niy׃

30
דֶּֽרֶךְ־אֱמוּנָ֥ה בָחָ֑רְתִּי מִשְׁפָּטֶ֥יךָ שִׁוִּֽיתִי׃

dėֽrekĕ־ʼèmẇná֥h báẖá֑rĕţi̇y mişĕ̌pá̇te֥yká şǐwiֽ̇yţiy׃

31
דָּבַ֥קְתִּי בְעֵֽדְוֹתֶ֑יךָ יְ֝הוָ֗ה אַל־תְּבִישֵֽׁנִי׃

dá̇ba֥qĕţi̇y bĕʻéֽdĕwòţe֑yká yĕ֝hwá֗h ʼal־ţĕ̇biyşéֽ̌niy׃

32
דֶּֽרֶךְ־מִצְוֹתֶ֥יךָ אָר֑וּץ כִּ֖י תַרְחִ֣יב לִבִּֽי׃

dėֽrekĕ־miẕĕwòţe֥yká ʼár֑ẇẕ ki֖̇y ţarĕẖi֣yb libiֽ̇y׃

33
הֹורֵ֣נִי יְ֭הוָה דֶּ֥רֶךְ חֻקֶּ֗יךָ וְאֶצְּרֶ֥נָּה עֵֽקֶב׃

hòwré֣niy yĕ֭hwáh dė֥rekĕ ẖuqė֗yká wĕʼeẕĕ̇re֥ná̇h ʻéֽqeb׃

34
הֲ֭בִינֵנִי וְאֶצְּרָ֥ה תֹֽורָתֶ֗ךָ וְאֶשְׁמְרֶ֥נָּה בְכָל־לֵֽב׃

hà֭biynéniy wĕʼeẕĕ̇rá֥h ţòֽwráţe֗ká wĕʼeşĕ̌mĕre֥ná̇h bĕkál־léֽb׃

35
הַ֭דְרִיכֵנִי בִּנְתִ֣יב מִצְוֹתֶ֑יךָ כִּי־בֹ֥ו חָפָֽצְתִּי׃

ha֭dĕriykéniy bi̇nĕţi֣yb miẕĕwòţe֑yká ki̇y־bò֥w ẖápáֽẕĕţi̇y׃

36
הַט־לִ֭בִּי אֶל־עֵדְוֹתֶ֗יךָ וְאַ֣ל אֶל־בָּֽצַע׃

hat־li֭bi̇y ʼel־ʻédĕwòţe֗yká wĕʼa֣l ʼel־báֽ̇ẕaʻ׃

37
הַעֲבֵ֣ר עֵ֭ינַי מֵרְאֹ֣ות שָׁ֑וְא בִּדְרָכֶ֥ךָ חַיֵּֽנִי׃

haʻàbé֣r ʻé֭ynay mérĕʼò֣wţ şá֑̌wĕʼ bi̇dĕráke֥ká ẖayéֽ̇niy׃

38
הָקֵ֣ם לְ֭עַבְדְּךָ אִמְרָתֶ֑ךָ אֲ֝שֶׁ֗ר לְיִרְאָתֶֽךָ׃

háqé֣m lĕ֭ʻabĕdĕ̇ká ʼimĕráţe֑ká ʼà֝şě֗r lĕyirĕʼáţeֽká׃

39
הַעֲבֵ֣ר חֶ֭רְפָּתִי אֲשֶׁ֣ר יָגֹ֑רְתִּי כִּ֖י מִשְׁפָּטֶ֣יךָ טֹובִֽים׃

haʻàbé֣r ẖe֭rĕpá̇ţiy ʼàşě֣r yágò֑rĕţi̇y ki֖̇y mişĕ̌pá̇te֣yká tòwbiֽym׃

40
הִ֭נֵּה תָּאַ֣בְתִּי לְפִקֻּדֶ֑יךָ בְּצִדְקָתְךָ֥ חַיֵּֽנִי׃

hi֭né̇h ţá̇ʼa֣bĕţi̇y lĕpiqu̇de֑yká bĕ̇ẕidĕqáţĕká֥ ẖayéֽ̇niy׃

41
וִֽיבֹאֻ֣נִי חֲסָדֶ֣ךָ יְהוָ֑ה תְּ֝שֽׁוּעָתְךָ֗ כְּאִמְרָתֶֽךָ׃

wiֽybòʼu֣niy ẖàsáde֣ká yĕhwá֑h ţĕ̇֝şֽ̌ẇʻáţĕká֗ kĕ̇ʼimĕráţeֽká׃

42
וְאֶֽעֱנֶ֣ה חֹרְפִ֣י דָבָ֑ר כִּֽי־בָ֝טַחְתִּי בִּדְבָרֶֽךָ׃

wĕʼeֽʻène֣h ẖòrĕpi֣y dábá֑r kiֽ̇y־bá֝taẖĕţi̇y bi̇dĕbáreֽká׃

43
וְֽאַל־תַּצֵּ֬ל מִפִּ֣י דְבַר־אֱמֶ֣ת עַד־מְאֹ֑ד כִּ֖י לְמִשְׁפָּטֶ֣ךָ יִחָֽלְתִּי׃

wĕֽʼal־ţȧẕé̇֬l mipi֣̇y dĕbar־ʼème֣ţ ʻad־mĕʼò֑d ki֖̇y lĕmişĕ̌pá̇te֣ká yiẖáֽlĕţi̇y׃

44
וְאֶשְׁמְרָ֖ה תֹורָתְךָ֥ תָמִ֗יד לְעֹולָ֥ם וָעֶֽד׃

wĕʼeşĕ̌mĕrá֖h ţòwráţĕká֥ ţámi֗yd lĕʻòwlá֥m wáʻeֽd׃

45
וְאֶתְהַלְּכָ֥ה בָרְחָבָ֑ה כִּ֖י פִקֻּדֶ֣יךָ דָרָֽשְׁתִּי׃

wĕʼeţĕhalĕ̇ká֥h bárĕẖábá֑h ki֖̇y piqu̇de֣yká dáráֽşĕ̌ţi̇y׃

46
וַאֲדַבְּרָ֣ה בְ֭עֵדֹתֶיךָ נֶ֥גֶד מְלָכִ֗ים וְלֹ֣א אֵבֹֽושׁ׃

waʼàdabĕ̇rá֣h bĕ֭ʻédòţeyká ne֥ged mĕláki֗ym wĕlò֣ʼ ʼébòֽwş̌׃

47
וְאֶשְׁתַּֽעֲשַׁ֥ע בְּמִצְוֹתֶ֗יךָ אֲשֶׁ֣ר אָהָֽבְתִּי׃

wĕʼeşĕ̌ţȧֽʻàşǎ֥ʻ bĕ̇miẕĕwòţe֗yká ʼàşě֣r ʼáháֽbĕţi̇y׃

48
וְאֶשָּֽׂא־כַפַּ֗י אֶֽל־מִ֭צְוֹתֶיךָ אֲשֶׁ֥ר אָהָ֗בְתִּי וְאָשִׂ֥יחָה בְחֻקֶּֽיךָ׃

wĕʼeşáֽ̇̂ʼ־kapȧ֗y ʼeֽl־mi֭ẕĕwòţeyká ʼàşě֥r ʼáhá֗bĕţi̇y wĕʼáşî֥yẖáh bĕẖuqėֽyká׃

49
זְכֹר־דָּבָ֥ר לְעַבְדֶּ֑ךָ עַ֝֗ל אֲשֶׁ֣ר יִֽחַלְתָּֽנִי׃

zĕkòr־dá̇bá֥r lĕʻabĕdė֑ká ʻa֝֗l ʼàşě֣r yiֽẖalĕţáֽ̇niy׃

50
זֹ֣את נֶחָמָתִ֣י בְעָנְיִ֑י כִּ֖י אִמְרָתְךָ֣ חִיָּֽתְנִי׃

zò֣ʼţ neẖámáţi֣y bĕʻánĕyi֑y ki֖̇y ʼimĕráţĕká֣ ẖiyáֽ̇ţĕniy׃

51
זֵ֭דִים הֱלִיצֻ֣נִי עַד־מְאֹ֑ד מִ֝תֹּֽורָתְךָ֗ לֹ֣א נָטִֽיתִי׃

zé֭diym hèliyẕu֣niy ʻad־mĕʼò֑d mi֝ţòֽ̇wráţĕká֗ lò֣ʼ nátiֽyţiy׃

52
זָ֘כַ֤רְתִּי מִשְׁפָּטֶ֖יךָ מֵעֹולָ֥ם׀ יְהוָ֗ה וָֽאֶתְנֶחָֽם׃

zá֘ka֤rĕţi̇y mişĕ̌pá̇te֖yká méʻòwlá֥m׀ yĕhwá֗h wáֽʼeţĕneẖáֽm׃

53
זַלְעָפָ֣ה אֲ֭חָזַתְנִי מֵרְשָׁעִ֑ים עֹ֝זְבֵ֗י תֹּורָתֶֽךָ׃

zalĕʻápá֣h ʼà֭ẖázaţĕniy mérĕşá̌ʻi֑ym ʻò֝zĕbé֗y ţò̇wráţeֽká׃

54
זְ֭מִרֹות הָֽיוּ־לִ֥י חֻקֶּ֗יךָ בְּבֵ֣ית מְגוּרָֽי׃

zĕ֭miròwţ háֽyẇ־li֥y ẖuqė֗yká bĕ̇bé֣yţ mĕgẇráֽy׃

55
זָ֘כַ֤רְתִּי בַלַּ֣יְלָה שִׁמְךָ֣ יְהוָ֑ה וָֽ֝אֶשְׁמְרָ֗ה תֹּורָתֶֽךָ׃

zá֘ka֤rĕţi̇y balȧ֣yĕláh şǐmĕká֣ yĕhwá֑h wáֽ֝ʼeşĕ̌mĕrá֗h ţò̇wráţeֽká׃

56
זֹ֥את הָֽיְתָה־לִּ֑י כִּ֖י פִקֻּדֶ֣יךָ נָצָֽרְתִּי׃

zò֥ʼţ háֽyĕţáh־li֑̇y ki֖̇y piqu̇de֣yká náẕáֽrĕţi̇y׃

57
חֶלְקִ֖י יְהוָ֥ה אָמַ֗רְתִּי לִשְׁמֹ֥ר דְּבָרֶֽיךָ׃

ẖelĕqi֖y yĕhwá֥h ʼáma֗rĕţi̇y lişĕ̌mò֥r dĕ̇báreֽyká׃

58
חִלִּ֣יתִי פָנֶ֣יךָ בְכָל־לֵ֑ב חָ֝נֵּ֗נִי כְּאִמְרָתֶֽךָ׃

ẖili֣̇yţiy páne֣yká bĕkál־lé֑b ẖá֝né̇֗niy kĕ̇ʼimĕráţeֽká׃

59
חִשַּׁ֥בְתִּי דְרָכָ֑י וָאָשִׁ֥יבָה רַ֝גְלַ֗י אֶל־עֵדֹתֶֽיךָ׃

ẖişȧ֥̌bĕţi̇y dĕráká֑y wáʼáşǐ֥ybáh ra֝gĕla֗y ʼel־ʻédòţeֽyká׃

60
חַ֭שְׁתִּי וְלֹ֣א הִתְמַהְמָ֑הְתִּי לִ֝שְׁמֹ֗ר מִצְוֹתֶֽיךָ׃

ẖa֭şĕ̌ţi̇y wĕlò֣ʼ hiţĕmahĕmá֑hĕţi̇y li֝şĕ̌mò֗r miẕĕwòţeֽyká׃

61
חֶבְלֵ֣י רְשָׁעִ֣ים עִוְּדֻ֑נִי תֹּֽ֝ורָתְךָ֗ לֹ֣א שָׁכָֽחְתִּי׃

ẖebĕlé֣y rĕşá̌ʻi֣ym ʻiwĕ̇du֑niy ţòֽ̇֝wráţĕká֗ lò֣ʼ şá̌káֽẖĕţi̇y׃

62
חֲצֹֽות־לַ֗יְלָה אָ֭קוּם לְהֹודֹ֣ות לָ֑ךְ עַ֝֗ל מִשְׁפְּטֵ֥י צִדְקֶֽךָ׃

ẖàẕòֽwţ־la֗yĕláh ʼá֭qẇm lĕhòwdò֣wţ lá֑kĕ ʻa֝֗l mişĕ̌pĕ̇té֥y ẕidĕqeֽká׃

63
חָבֵ֣ר אָ֭נִי לְכָל־אֲשֶׁ֣ר יְרֵא֑וּךָ וּ֝לְשֹׁמְרֵ֗י פִּקּוּדֶֽיךָ׃

ẖábé֣r ʼá֭niy lĕkál־ʼàşě֣r yĕréʼ֑ẇká ẇ֝lĕşò̌mĕré֗y pi̇q̇ẇdeֽyká׃

64
חַסְדְּךָ֣ יְ֭הוָה מָלְאָ֥ה הָאָ֗רֶץ חֻקֶּ֥יךָ לַמְּדֵֽנִי׃

ẖasĕdĕ̇ká֣ yĕ֭hwáh málĕʼá֥h háʼá֗reẕ ẖuqė֥yká lamĕ̇déֽniy׃

65
טֹ֭וב עָשִׂ֣יתָ עִֽם־עַבְדְּךָ֑ יְ֝הוָ֗ה כִּדְבָרֶֽךָ׃

tò֭wb ʻáşî֣yţá ʻiֽm־ʻabĕdĕ̇ká֑ yĕ֝hwá֗h ki̇dĕbáreֽká׃

66
ט֤וּב טַ֣עַם וָדַ֣עַת לַמְּדֵ֑נִי כִּ֖י בְמִצְוֹתֶ֣יךָ הֶאֱמָֽנְתִּי׃

t֤ẇb ta֣ʻam wáda֣ʻaţ lamĕ̇dé֑niy ki֖̇y bĕmiẕĕwòţe֣yká heʼèmáֽnĕţi̇y׃

67
טֶ֣רֶם אֶ֭עֱנֶה אֲנִ֣י שֹׁגֵ֑ג וְ֝עַתָּ֗ה אִמְרָתְךָ֥ שָׁמָֽרְתִּי׃

te֣rem ʼe֭ʻèneh ʼàni֣y şò̌gé֑g wĕ֝ʻaţá̇֗h ʼimĕráţĕká֥ şá̌máֽrĕţi̇y׃

68
טֹוב־אַתָּ֥ה וּמֵטִ֗יב לַמְּדֵ֥נִי חֻקֶּֽיךָ׃

tòwb־ʼaţá֥̇h ẇméti֗yb lamĕ̇dé֥niy ẖuqėֽyká׃

69
טָפְל֬וּ עָלַ֣י שֶׁ֣קֶר זֵדִ֑ים אֲ֝נִ֗י בְּכָל־לֵ֤ב׀ אֱצֹּ֬ר פִּקּוּדֶֽיךָ׃

tápĕl֬ẇ ʻála֣y şě֣qer zédi֑ym ʼà֝ni֗y bĕ̇kál־lé֤b׀ ʼèẕò̇֬r pi̇q̇ẇdeֽyká׃

70
טָפַ֣שׁ כַּחֵ֣לֶב לִבָּ֑ם אֲ֝נִ֗י תֹּורָתְךָ֥ שִֽׁעֲשָֽׁעְתִּי׃

tápa֣ş̌ kȧẖé֣leb libá֑̇m ʼà֝ni֗y ţò̇wráţĕká֥ şǐֽʻàşáֽ̌ʻĕţi̇y׃

71
טֹֽוב־לִ֥י כִֽי־עֻנֵּ֑יתִי לְ֝מַ֗עַן אֶלְמַ֥ד חֻקֶּֽיךָ׃

tòֽwb־li֥y kiֽy־ʻuné֑̇yţiy lĕ֝ma֗ʻan ʼelĕma֥d ẖuqėֽyká׃

72
טֹֽוב־לִ֥י תֹֽורַת־פִּ֑יךָ מֵ֝אַלְפֵ֗י זָהָ֥ב וָכָֽסֶף׃

tòֽwb־li֥y ţòֽwraţ־pi֑̇yká mé֝ʼalĕpé֗y záhá֥b wákáֽsep׃

73
יָדֶ֣יךָ עָ֭שׂוּנִי וַֽיְכֹונְנ֑וּנִי הֲ֝בִינֵ֗נִי וְאֶלְמְדָ֥ה מִצְוֹתֶֽיךָ׃

yáde֣yká ʻá֭ş̂ẇniy waֽyĕkòwnĕn֑ẇniy hà֝biyné֗niy wĕʼelĕmĕdá֥h miẕĕwòţeֽyká׃

74
יְ֭רֵאֶיךָ יִרְא֣וּנִי וְיִשְׂמָ֑חוּ כִּ֖י לִדְבָרְךָ֣ יִחָֽלְתִּי׃

yĕ֭réʼeyká yirĕʼ֣ẇniy wĕyişĕ̂má֑ẖẇ ki֖̇y lidĕbárĕká֣ yiẖáֽlĕţi̇y׃

75
יָדַ֣עְתִּי יְ֭הוָה כִּי־צֶ֣דֶק מִשְׁפָּטֶ֑יךָ וֶ֝אֱמוּנָ֗ה עִנִּיתָֽנִי׃

yáda֣ʻĕţi̇y yĕ֭hwáh ki̇y־ẕe֣deq mişĕ̌pá̇te֑yká we֝ʼèmẇná֗h ʻini̇yţáֽniy׃

76
יְהִי־נָ֣א חַסְדְּךָ֣ לְנַחֲמֵ֑נִי כְּאִמְרָתְךָ֥ לְעַבְדֶּֽךָ׃

yĕhiy־ná֣ʼ ẖasĕdĕ̇ká֣ lĕnaẖàmé֑niy kĕ̇ʼimĕráţĕká֥ lĕʻabĕdėֽká׃

77
יְבֹא֣וּנִי רַחֲמֶ֣יךָ וְאֶֽחְיֶ֑ה כִּי־תֹֽ֝ורָתְךָ֗ שַֽׁעֲשֻׁעָֽי׃

yĕbòʼ֣ẇniy raẖàme֣yká wĕʼeֽẖĕye֑h ki̇y־ţòֽ֝wráţĕká֗ şǎֽʻàşǔʻáֽy׃

78
יֵבֹ֣שׁוּ זֵ֭דִים כִּי־שֶׁ֣קֶר עִוְּת֑וּנִי אֲ֝נִ֗י אָשִׂ֥יחַ בְּפִקּוּדֶֽיךָ׃

yébò֣ş̌ẇ zé֭diym ki̇y־şě֣qer ʻiwĕ̇ţ֑ẇniy ʼà֝ni֗y ʼáşî֥yẖa bĕ̇piq̇ẇdeֽyká׃

79
יָשׁ֣וּבוּ לִ֣י יְרֵאֶ֑יךָ וְיָדְעוּ עֵדֹתֶֽיךָ׃

yáş֣̌ẇbẇ li֣y yĕréʼe֑yká wĕyádĕʻẇ ʻédòţeֽyká׃

80
יְהִֽי־לִבִּ֣י תָמִ֣ים בְּחֻקֶּ֑יךָ לְ֝מַ֗עַן לֹ֣א אֵבֹֽושׁ׃

yĕhiֽy־libi֣̇y ţámi֣ym bĕ̇ẖuqė֑yká lĕ֝ma֗ʻan lò֣ʼ ʼébòֽwş̌׃

81
כָּלְתָ֣ה לִתְשׁוּעָתְךָ֣ נַפְשִׁ֑י לִדְבָרְךָ֥ יִחָֽלְתִּי׃

ká̇lĕţá֣h liţĕş̌ẇʻáţĕká֣ napĕşǐ֑y lidĕbárĕká֥ yiẖáֽlĕţi̇y׃

82
כָּל֣וּ עֵ֭ינַי לְאִמְרָתֶ֑ךָ לֵ֝אמֹ֗ר מָתַ֥י תְּֽנַחֲמֵֽנִי׃

ká̇l֣ẇ ʻé֭ynay lĕʼimĕráţe֑ká lé֝ʼmò֗r máţa֥y ţĕֽ̇naẖàméֽniy׃

83
כִּֽי־הָ֭יִיתִי כְּנֹ֣אד בְּקִיטֹ֑ור חֻ֝קֶּ֗יךָ לֹ֣א שָׁכָֽחְתִּי׃

kiֽ̇y־há֭yiyţiy kĕ̇nò֣ʼd bĕ̇qiytò֑wr ẖu֝qė֗yká lò֣ʼ şá̌káֽẖĕţi̇y׃

84
כַּמָּ֥ה יְמֵֽי־עַבְדֶּ֑ךָ מָתַ֬י תַּעֲשֶׂ֖ה בְרֹדְפַ֣י מִשְׁפָּֽט׃

kȧmá֥̇h yĕméֽy־ʻabĕdė֑ká máţa֬y ţȧʻàşê֖h bĕròdĕpa֣y mişĕ̌páֽ̇t׃

85
כָּֽרוּ־לִ֣י זֵדִ֣ים שִׁיחֹ֑ות אֲ֝שֶׁ֗ר לֹ֣א כְתֹורָתֶֽךָ׃

káֽ̇rẇ־li֣y zédi֣ym şǐyẖò֑wţ ʼà֝şě֗r lò֣ʼ kĕţòwráţeֽká׃

86
כָּל־מִצְוֹתֶ֥יךָ אֱמוּנָ֑ה שֶׁ֖קֶר רְדָפ֣וּנִי עָזְרֵֽנִי׃

ká̇l־miẕĕwòţe֥yká ʼèmẇná֑h şě֖qer rĕdáp֣ẇniy ʻázĕréֽniy׃

87
כִּ֭מְעַט כִּלּ֣וּנִי בָאָ֑רֶץ וַ֝אֲנִ֗י לֹא־עָזַ֥בְתִּי פִקֻּודֶֽיךָ׃

ki֭̇mĕʻat ki̇l֣̇ẇniy báʼá֑reẕ wa֝ʼàni֗y lòʼ־ʻáza֥bĕţi̇y piqu̇wdeֽyká׃

88
כְּחַסְדְּךָ֥ חַיֵּ֑נִי וְ֝אֶשְׁמְרָ֗ה עֵד֥וּת פִּֽיךָ׃

kĕ̇ẖasĕdĕ̇ká֥ ẖayé֑̇niy wĕ֝ʼeşĕ̌mĕrá֗h ʻéd֥ẇţ piֽ̇yká׃

89
לְעֹולָ֥ם יְהוָ֑ה דְּ֝בָרְךָ֗ נִצָּ֥ב בַּשָּׁמָֽיִם׃

lĕʻòwlá֥m yĕhwá֑h dĕ̇֝bárĕká֗ niẕá֥̇b bȧşá̇̌máֽyim׃

90
לְדֹ֣ר וָ֭דֹר אֱמֽוּנָתֶ֑ךָ כֹּונַ֥נְתָּ אֶ֝֗רֶץ וַֽתַּעֲמֹֽד׃

lĕdò֣r wá֭dòr ʼèmֽẇnáţe֑ká kò̇wna֥nĕţá̇ ʼe֝֗reẕ waֽţȧʻàmòֽd׃

91
לְֽ֭מִשְׁפָּטֶיךָ עָמְד֣וּ הַיֹּ֑ום כִּ֖י הַכֹּ֣ל עֲבָדֶֽיךָ׃

lĕֽ֭mişĕ̌pá̇teyká ʻámĕd֣ẇ hayò֑̇wm ki֖̇y hakò֣̇l ʻàbádeֽyká׃

92
לוּלֵ֣י תֹ֭ורָתְךָ שַׁעֲשֻׁעָ֑י אָ֝֗ז אָבַ֥דְתִּי בְעָנְיִֽי׃

lẇlé֣y ţò֭wráţĕká şǎʻàşǔʻá֑y ʼá֝֗z ʼába֥dĕţi̇y bĕʻánĕyiֽy׃

93
לְ֭עֹולָם לֹא־אֶשְׁכַּ֣ח פִּקּוּדֶ֑יךָ כִּ֥י בָ֝֗ם חִיִּיתָֽנִי׃

lĕ֭ʻòwlám lòʼ־ʼeşĕ̌kȧ֣ẖ pi̇q̇ẇde֑yká ki֥̇y bá֝֗m ẖiyi̇yţáֽniy׃

94
לְֽךָ־אֲ֭נִי הֹושִׁיעֵ֑נִי כִּ֖י פִקּוּדֶ֣יךָ דָרָֽשְׁתִּי׃

lĕֽká־ʼà֭niy hòwşǐyʻé֑niy ki֖̇y piq̇ẇde֣yká dáráֽşĕ̌ţi̇y׃

95
לִ֤י קִוּ֣וּ רְשָׁעִ֣ים לְאַבְּדֵ֑נִי עֵ֝דֹתֶ֗יךָ אֶתְבֹּונָֽן׃

li֤y qiẇ֣ẇ rĕşá̌ʻi֣ym lĕʼabĕ̇dé֑niy ʻé֝dòţe֗yká ʼeţĕbò̇wnáֽn׃

96
לְֽכָל תִּ֭כְלָה רָאִ֣יתִי קֵ֑ץ רְחָבָ֖ה מִצְוָתְךָ֣ מְאֹֽד׃

lĕֽkál ţi֭̇kĕláh ráʼi֣yţiy qé֑ẕ rĕẖábá֖h miẕĕwáţĕká֣ mĕʼòֽd׃

97
מָֽה־אָהַ֥בְתִּי תֹורָתֶ֑ךָ כָּל־הַ֝יֹּ֗ום הִ֣יא שִׂיחָתִֽי׃

máֽh־ʼáha֥bĕţi̇y ţòwráţe֑ká ká̇l־ha֝yò̇֗wm hi֣yʼ şîyẖáţiֽy׃

98
מֵ֭אֹ֣יְבַי תְּחַכְּמֵ֣נִי מִצְוֹתֶ֑ךָ כִּ֖י לְעֹולָ֣ם הִיא־לִֽי׃

mé֭ʼò֣yĕbay ţĕ̇ẖakĕ̇mé֣niy miẕĕwòţe֑ká ki֖̇y lĕʻòwlá֣m hiyʼ־liֽy׃

99
מִכָּל־מְלַמְּדַ֥י הִשְׂכַּ֑לְתִּי כִּ֥י עֵ֝דְוֹתֶ֗יךָ שִׂ֣יחָה לִֽֿי׃

miká̇l־mĕlamĕ̇da֥y hişĕ̂kȧ֑lĕţi̇y ki֥̇y ʻé֝dĕwòţe֗yká şî֣yẖáh līֽy׃

100
מִזְּקֵנִ֥ים אֶתְבֹּונָ֑ן כִּ֖י פִקּוּדֶ֣יךָ נָצָֽרְתִּי׃

mizĕ̇qéni֥ym ʼeţĕbò̇wná֑n ki֖̇y piq̇ẇde֣yká náẕáֽrĕţi̇y׃

101
מִכָּל־אֹ֣רַח רָ֭ע כָּלִ֣אתִי רַגְלָ֑י לְ֝מַ֗עַן אֶשְׁמֹ֥ר דְּבָרֶֽךָ׃

miká̇l־ʼò֣raẖ rá֭ʻ ká̇li֣ʼţiy ragĕlá֑y lĕ֝ma֗ʻan ʼeşĕ̌mò֥r dĕ̇báreֽká׃

102
מִמִּשְׁפָּטֶ֥יךָ לֹא־סָ֑רְתִּי כִּֽי־אַ֝תָּ֗ה הֹורֵתָֽנִי׃

mimi̇şĕ̌pá̇te֥yká lòʼ־sá֑rĕţi̇y kiֽ̇y־ʼa֝ţá̇֗h hòwréţáֽniy׃

103
מַה־נִּמְלְצ֣וּ לְ֭חִכִּי אִמְרָתֶ֗ךָ מִדְּבַ֥שׁ לְפִֽי׃

mah־ni̇mĕlĕẕ֣ẇ lĕ֭ẖiki̇y ʼimĕráţe֗ká midĕ̇ba֥ş̌ lĕpiֽy׃

104
מִפִּקּוּדֶ֥יךָ אֶתְבֹּונָ֑ן עַל־כֵּ֝֗ן שָׂנֵ֤אתִי׀ כָּל־אֹ֬רַח שָֽׁקֶר׃

mipi̇q̇ẇde֥yká ʼeţĕbò̇wná֑n ʻal־ké̇֝֗n şá̂né֤ʼţiy׀ ká̇l־ʼò֬raẖ şáֽ̌qer׃

105
נֵר־לְרַגְלִ֥י דְבָרֶ֑ךָ וְ֝אֹ֗ור לִנְתִיבָתִֽי׃

nér־lĕragĕli֥y dĕbáre֑ká wĕ֝ʼò֗wr linĕţiybáţiֽy׃

106
נִשְׁבַּ֥עְתִּי וָאֲקַיֵּ֑מָה לִ֝שְׁמֹ֗ר מִשְׁפְּטֵ֥י צִדְקֶֽךָ׃

nişĕ̌bȧ֥ʻĕţi̇y wáʼàqayé֑̇máh li֝şĕ̌mò֗r mişĕ̌pĕ̇té֥y ẕidĕqeֽká׃

107
נַעֲנֵ֥יתִי עַד־מְאֹ֑ד יְ֝הוָ֗ה חַיֵּ֥נִי כִדְבָרֶֽךָ׃

naʻàné֥yţiy ʻad־mĕʼò֑d yĕ֝hwá֗h ẖayé֥̇niy kidĕbáreֽká׃

108
נִדְבֹ֣ות פִּ֭י רְצֵה־נָ֣א יְהוָ֑ה וּֽמִשְׁפָּטֶ֥יךָ לַמְּדֵֽנִי׃

nidĕbò֣wţ pi֭̇y rĕẕéh־ná֣ʼ yĕhwá֑h ẇֽmişĕ̌pá̇te֥yká lamĕ̇déֽniy׃

109
נַפְשִׁ֣י בְכַפִּ֣י תָמִ֑יד וְ֝תֹֽורָתְךָ֗ לֹ֣א שָׁכָֽחְתִּי׃

napĕşǐ֣y bĕkapi֣̇y ţámi֑yd wĕ֝ţòֽwráţĕká֗ lò֣ʼ şá̌káֽẖĕţi̇y׃

110
נָתְנ֬וּ רְשָׁעִ֣ים פַּ֣ח לִ֑י וּ֝מִפִּקּוּדֶ֗יךָ לֹ֣א תָעִֽיתִי׃

náţĕn֬ẇ rĕşá̌ʻi֣ym pȧ֣ẖ li֑y ẇ֝mipi̇q̇ẇde֗yká lò֣ʼ ţáʻiֽyţiy׃

111
נָחַ֣לְתִּי עֵדְוֹתֶ֣יךָ לְעֹולָ֑ם כִּֽי־שְׂשֹׂ֖ון לִבִּ֣י הֵֽמָּה׃

náẖa֣lĕţi̇y ʻédĕwòţe֣yká lĕʻòwlá֑m kiֽ̇y־şĕ̂şò֖̂wn libi֣̇y héֽmá̇h׃

112
נָטִ֣יתִי לִ֭בִּי לַעֲשֹׂ֥ות חֻקֶּ֗יךָ לְעֹולָ֥ם עֵֽקֶב׃

náti֣yţiy li֭bi̇y laʻàşò֥̂wţ ẖuqė֗yká lĕʻòwlá֥m ʻéֽqeb׃

113
סֵעֲפִ֥ים שָׂנֵ֑אתִי וְֽתֹורָתְךָ֥ אָהָֽבְתִּי׃

séʻàpi֥ym şá̂né֑ʼţiy wĕֽţòwráţĕká֥ ʼáháֽbĕţi̇y׃

114
סִתְרִ֣י וּמָגִנִּ֣י אָ֑תָּה לִדְבָרְךָ֥ יִחָֽלְתִּי׃

siţĕri֣y ẇmágini֣̇y ʼá֑ţá̇h lidĕbárĕká֥ yiẖáֽlĕţi̇y׃

115
סֽוּרוּ־מִמֶּ֥נִּי מְרֵעִ֑ים וְ֝אֶצְּרָ֗ה מִצְוֹ֥ת אֱלֹהָֽי׃

sֽẇrẇ־mimė֥ni̇y mĕréʻi֑ym wĕ֝ʼeẕĕ̇rá֗h miẕĕwò֥ţ ʼèlòháֽy׃

116
סָמְכֵ֣נִי כְאִמְרָתְךָ֣ וְאֶֽחְיֶ֑ה וְאַל־תְּ֝בִישֵׁ֗נִי מִשִּׂבְרִֽי׃

sámĕké֣niy kĕʼimĕráţĕká֣ wĕʼeֽẖĕye֑h wĕʼal־ţĕ̇֝biyşé̌֗niy mişi̇̂bĕriֽy׃

117
סְעָדֵ֥נִי וְאִוָּשֵׁ֑עָה וְאֶשְׁעָ֖ה בְחֻקֶּ֣יךָ תָמִֽיד׃

sĕʻádé֥niy wĕʼiwá̇şé֑̌ʻáh wĕʼeşĕ̌ʻá֖h bĕẖuqė֣yká ţámiֽyd׃

118
סָ֭לִיתָ כָּל־שֹׁוגִ֣ים מֵחֻקֶּ֑יךָ כִּי־שֶׁ֝֗קֶר תַּרְמִיתָֽם׃

sá֭liyţá ká̇l־şò̌wgi֣ym méẖuqė֑yká ki̇y־şě֝֗qer ţȧrĕmiyţáֽm׃

119
סִגִ֗ים הִשְׁבַּ֥תָּ כָל־רִשְׁעֵי־אָ֑רֶץ לָ֝כֵ֗ן אָהַ֥בְתִּי עֵדֹתֶֽיךָ׃

sigi֗ym hişĕ̌bȧ֥ţá̇ kál־rişĕ̌ʻéy־ʼá֑reẕ lá֝ké֗n ʼáha֥bĕţi̇y ʻédòţeֽyká׃

120
סָמַ֣ר מִפַּחְדְּךָ֣ בְשָׂרִ֑י וּֽמִמִּשְׁפָּטֶ֥יךָ יָרֵֽאתִי׃

sáma֣r mipȧẖĕdĕ̇ká֣ bĕşá̂ri֑y ẇֽmimi̇şĕ̌pá̇te֥yká yáréֽʼţiy׃

121
עָ֭שִׂיתִי מִשְׁפָּ֣ט וָצֶ֑דֶק בַּל־תַּ֝נִּיחֵ֗נִי לְעֹֽשְׁקָֽי׃

ʻá֭şîyţiy mişĕ̌pá֣̇t wáẕe֑deq bȧl־ţȧ֝ni̇yẖé֗niy lĕʻòֽşĕ̌qáֽy׃

122
עֲרֹ֣ב עַבְדְּךָ֣ לְטֹ֑וב אַֽל־יַעַשְׁקֻ֥נִי זֵדִֽים׃

ʻàrò֣b ʻabĕdĕ̇ká֣ lĕtò֑wb ʼaֽl־yaʻaşĕ̌qu֥niy zédiֽym׃

123
עֵ֭ינַי כָּל֣וּ לִֽישׁוּעָתֶ֑ךָ וּלְאִמְרַ֥ת צִדְקֶֽךָ׃

ʻé֭ynay ká̇l֣ẇ liֽyş̌ẇʻáţe֑ká ẇlĕʼimĕra֥ţ ẕidĕqeֽká׃

124
עֲשֵׂ֖ה עִם־עַבְדְּךָ֥ כְחַסְדֶּ֗ךָ וְחֻקֶּ֥יךָ לַמְּדֵֽנִי׃

ʻàşé֖̂h ʻim־ʻabĕdĕ̇ká֥ kĕẖasĕdė֗ká wĕẖuqė֥yká lamĕ̇déֽniy׃

125
עַבְדְּךָ־אָ֥נִי הֲבִינֵ֑נִי וְ֝אֵדְעָ֗ה עֵדֹתֶֽיךָ׃

ʻabĕdĕ̇ká־ʼá֥niy hàbiyné֑niy wĕ֝ʼédĕʻá֗h ʻédòţeֽyká׃

126
עֵ֭ת לַעֲשֹׂ֣ות לַיהוָ֑ה הֵ֝פֵ֗רוּ תֹּורָתֶֽךָ׃

ʻé֭ţ laʻàşò֣̂wţ layhwá֑h hé֝pé֗rẇ ţò̇wráţeֽká׃

127
עַל־כֵּ֭ן אָהַ֣בְתִּי מִצְוֹתֶ֑יךָ מִזָּהָ֥ב וּמִפָּֽז׃

ʻal־ké֭̇n ʼáha֣bĕţi̇y miẕĕwòţe֑yká mizá̇há֥b ẇmipáֽ̇z׃

128
עַל־כֵּ֤ן׀ כָּל־פִּקּ֣וּדֵי כֹ֣ל יִשָּׁ֑רְתִּי כָּל־אֹ֖רַח שֶׁ֣קֶר שָׂנֵֽאתִי׃

ʻal־ké֤̇n׀ ká̇l־pi̇q֣̇ẇdéy kò֣l yişá֑̇̌rĕţi̇y ká̇l־ʼò֖raẖ şě֣qer şá̂néֽʼţiy׃

129
פְּלָאֹ֥ות עֵדְוֹתֶ֑יךָ עַל־כֵּ֝֗ן נְצָרָ֥תַם נַפְשִֽׁי׃

pĕ̇láʼò֥wţ ʻédĕwòţe֑yká ʻal־ké̇֝֗n nĕẕárá֥ţam napĕşǐֽy׃

130
פֵּ֖תַח דְּבָרֶ֥יךָ יָאִ֗יר מֵבִ֥ין פְּתָיִֽים׃

pé֖̇ţaẖ dĕ̇báre֥yká yáʼi֗yr mébi֥yn pĕ̇ţáyiֽym׃

131
פִּֽי־פָ֭עַרְתִּי וָאֶשְׁאָ֑פָה כִּ֖י לְמִצְוֹתֶ֣יךָ יָאָֽבְתִּי׃

piֽ̇y־pá֭ʻarĕţi̇y wáʼeşĕ̌ʼá֑páh ki֖̇y lĕmiẕĕwòţe֣yká yáʼáֽbĕţi̇y׃

132
פְּנֵה־אֵלַ֥י וְחָנֵּ֑נִי כְּ֝מִשְׁפָּ֗ט לְאֹהֲבֵ֥י שְׁמֶֽךָ׃

pĕ̇néh־ʼéla֥y wĕẖáné֑̇niy kĕ̇֝mişĕ̌pá̇֗t lĕʼòhàbé֥y şĕ̌meֽká׃

133
פְּ֭עָמַי הָכֵ֣ן בְּאִמְרָתֶ֑ךָ וְֽאַל־תַּשְׁלֶט־בִּ֥י כָל־אָֽוֶן׃

pĕ֭̇ʻámay háké֣n bĕ̇ʼimĕráţe֑ká wĕֽʼal־ţȧşĕ̌let־bi֥̇y kál־ʼáֽwen׃

134
פְּ֭דֵנִי מֵעֹ֣שֶׁק אָדָ֑ם וְ֝אֶשְׁמְרָ֗ה פִּקּוּדֶֽיךָ׃

pĕ֭̇déniy méʻò֣şěq ʼádá֑m wĕ֝ʼeşĕ̌mĕrá֗h pi̇q̇ẇdeֽyká׃

135
פָּ֭נֶיךָ הָאֵ֣ר בְּעַבְדֶּ֑ךָ וְ֝לַמְּדֵ֗נִי אֶת־חֻקֶּֽיךָ׃

pá֭̇neyká háʼé֣r bĕ̇ʻabĕdė֑ká wĕ֝lamĕ̇dé֗niy ʼeţ־ẖuqėֽyká׃

136
פַּלְגֵי־מַ֭יִם יָרְד֣וּ עֵינָ֑י עַ֝֗ל לֹא־שָׁמְר֥וּ תֹורָתֶֽךָ׃

pȧlĕgéy־ma֭yim yárĕd֣ẇ ʻéyná֑y ʻa֝֗l lòʼ־şá̌mĕr֥ẇ ţòwráţeֽká׃

137
צַדִּ֣יק אַתָּ֣ה יְהוָ֑ה וְ֝יָשָׁ֗ר מִשְׁפָּטֶֽיךָ׃

ẕadi֣̇yq ʼaţá֣̇h yĕhwá֑h wĕ֝yáşá̌֗r mişĕ̌pá̇teֽyká׃

138
צִ֭וִּיתָ צֶ֣דֶק עֵדֹתֶ֑יךָ וֶֽאֱמוּנָ֥ה מְאֹֽד׃

ẕi֭wi̇yţá ẕe֣deq ʻédòţe֑yká weֽʼèmẇná֥h mĕʼòֽd׃

139
צִמְּתַ֥תְנִי קִנְאָתִ֑י כִּֽי־שָׁכְח֖וּ דְבָרֶ֣יךָ צָרָֽי׃

ẕimĕ̇ţa֥ţĕniy qinĕʼáţi֑y kiֽ̇y־şá̌kĕẖ֖ẇ dĕbáre֣yká ẕáráֽy׃

140
צְרוּפָ֖ה אִמְרָתְךָ֥ מְאֹ֗ד וְֽעַבְדְּךָ֥ אֲהֵבָֽהּ׃

ẕĕrẇpá֖h ʼimĕráţĕká֥ mĕʼò֗d wĕֽʻabĕdĕ̇ká֥ ʼàhébáֽḣ׃

141
צָעִ֣יר אָנֹכִ֣י וְנִבְזֶ֑ה פִּ֝קֻּדֶ֗יךָ לֹ֣א שָׁכָֽחְתִּי׃

ẕáʻi֣yr ʼánòki֣y wĕnibĕze֑h pi̇֝qu̇de֗yká lò֣ʼ şá̌káֽẖĕţi̇y׃

142
צִדְקָתְךָ֣ צֶ֣דֶק לְעֹולָ֑ם וְֽתֹורָתְךָ֥ אֱמֶֽת׃

ẕidĕqáţĕká֣ ẕe֣deq lĕʻòwlá֑m wĕֽţòwráţĕká֥ ʼèmeֽţ׃

143
צַר־וּמָצֹ֥וק מְצָא֑וּנִי מִ֝צְוֹתֶ֗יךָ שַׁעֲשֻׁעָֽי׃

ẕar־ẇmáẕò֥wq mĕẕáʼ֑ẇniy mi֝ẕĕwòţe֗yká şǎʻàşǔʻáֽy׃

144
צֶ֖דֶק עֵדְוֹתֶ֥יךָ לְעֹולָ֗ם הֲבִינֵ֥נִי וְאֶחְיֶֽה׃

ẕe֖deq ʻédĕwòţe֥yká lĕʻòwlá֗m hàbiyné֥niy wĕʼeẖĕyeֽh׃

145
קָרָ֣אתִי בְכָל־לֵ֭ב עֲנֵ֥נִי יְהוָ֗ה חֻקֶּ֥יךָ אֶצֹּֽרָה׃

qárá֣ʼţiy bĕkál־lé֭b ʻàné֥niy yĕhwá֗h ẖuqė֥yká ʼeẕòֽ̇ráh׃

146
קְרָאתִ֥יךָ הֹושִׁיעֵ֑נִי וְ֝אֶשְׁמְרָ֗ה עֵדֹתֶֽיךָ׃

qĕráʼţi֥yká hòwşǐyʻé֑niy wĕ֝ʼeşĕ̌mĕrá֗h ʻédòţeֽyká׃

147
קִדַּ֣מְתִּי בַ֭נֶּשֶׁף וָאֲשַׁוֵּ֑עָה לִדְבָרֶיךָ יִחָֽלְתִּי׃

qidȧ֣mĕţi̇y ba֭nėşěp wáʼàşǎwé֑̇ʻáh lidĕbáreyká yiẖáֽlĕţi̇y׃

148
קִדְּמ֣וּ עֵ֭ינַי אַשְׁמֻרֹ֑ות לָ֝שִׂ֗יחַ בְּאִמְרָתֶֽךָ׃

qidĕ̇m֣ẇ ʻé֭ynay ʼaşĕ̌murò֑wţ lá֝şî֗yẖa bĕ̇ʼimĕráţeֽká׃

149
קֹ֭ולִי שִׁמְעָ֣ה כְחַסְדֶּ֑ךָ יְ֝הוָ֗ה כְּֽמִשְׁפָּטֶ֥ךָ חַיֵּֽנִי׃

qò֭wliy şǐmĕʻá֣h kĕẖasĕdė֑ká yĕ֝hwá֗h kĕֽ̇mişĕ̌pá̇te֥ká ẖayéֽ̇niy׃

150
קָ֭רְבוּ רֹדְפֵ֣י זִמָּ֑ה מִתֹּורָתְךָ֥ רָחָֽקוּ׃

qá֭rĕbẇ ròdĕpé֣y zimá֑̇h miţò̇wráţĕká֥ ráẖáֽqẇ׃

151
קָרֹ֣וב אַתָּ֣ה יְהוָ֑ה וְֽכָל־מִצְוֹתֶ֥יךָ אֱמֶֽת׃

qárò֣wb ʼaţá֣̇h yĕhwá֑h wĕֽkál־miẕĕwòţe֥yká ʼèmeֽţ׃

152
קֶ֣דֶם יָ֭דַעְתִּי מֵעֵדֹתֶ֑יךָ כִּ֖י לְעֹולָ֣ם יְסַדְתָּֽם׃

qe֣dem yá֭daʻĕţi̇y méʻédòţe֑yká ki֖̇y lĕʻòwlá֣m yĕsadĕţáֽ̇m׃

153
רְאֵֽה־עָנְיִ֥י וְחַלְּצֵ֑נִי כִּי־תֹֽ֝ורָתְךָ֗ לֹ֣א שָׁכָֽחְתִּי׃

rĕʼéֽh־ʻánĕyi֥y wĕẖalĕ̇ẕé֑niy ki̇y־ţòֽ֝wráţĕká֗ lò֣ʼ şá̌káֽẖĕţi̇y׃

154
רִיבָ֣ה רִ֭יבִי וּגְאָלֵ֑נִי לְאִמְרָתְךָ֥ חַיֵּֽנִי׃

riybá֣h ri֭ybiy ẇgĕʼálé֑niy lĕʼimĕráţĕká֥ ẖayéֽ̇niy׃

155
רָחֹ֣וק מֵרְשָׁעִ֣ים יְשׁוּעָ֑ה כִּֽי־חֻ֝קֶּיךָ לֹ֣א דָרָֽשׁוּ׃

ráẖò֣wq mérĕşá̌ʻi֣ym yĕş̌ẇʻá֑h kiֽ̇y־ẖu֝qėyká lò֣ʼ dáráֽş̌ẇ׃

156
רַחֲמֶ֖יךָ רַבִּ֥ים׀ יְהוָ֑ה כְּֽמִשְׁפָּטֶ֥יךָ חַיֵּֽנִי׃

raẖàme֖yká rabi֥̇ym׀ yĕhwá֑h kĕֽ̇mişĕ̌pá̇te֥yká ẖayéֽ̇niy׃

157
רַ֭בִּים רֹדְפַ֣י וְצָרָ֑י מֵ֝עֵדְוֹתֶ֗יךָ לֹ֣א נָטִֽיתִי׃

ra֭bi̇ym ròdĕpa֣y wĕẕárá֑y mé֝ʻédĕwòţe֗yká lò֣ʼ nátiֽyţiy׃

158
רָאִ֣יתִי בֹ֭גְדִים וָֽאֶתְקֹוטָ֑טָה אֲשֶׁ֥ר אִ֝מְרָתְךָ֗ לֹ֣א שָׁמָֽרוּ׃

ráʼi֣yţiy bò֭gĕdiym wáֽʼeţĕqòwtá֑táh ʼàşě֥r ʼi֝mĕráţĕká֗ lò֣ʼ şá̌máֽrẇ׃

159
רְ֭אֵה כִּי־פִקּוּדֶ֣יךָ אָהָ֑בְתִּי יְ֝הוָ֗ה כְּֽחַסְדְּךָ֥ חַיֵּֽנִי׃

rĕ֭ʼéh ki̇y־piq̇ẇde֣yká ʼáhá֑bĕţi̇y yĕ֝hwá֗h kĕֽ̇ẖasĕdĕ̇ká֥ ẖayéֽ̇niy׃

160
רֹאשׁ־דְּבָרְךָ֥ אֱמֶ֑ת וּ֝לְעֹולָ֗ם כָּל־מִשְׁפַּ֥ט צִדְקֶֽךָ׃

ròʼş̌־dĕ̇bárĕká֥ ʼème֑ţ ẇ֝lĕʻòwlá֗m ká̇l־mişĕ̌pȧ֥t ẕidĕqeֽká׃

161
שָׂ֭רִים רְדָפ֣וּנִי חִנָּ֑ם וּמִדְּבָרֶיךָ פָּחַ֥ד לִבִּֽי׃

şá֭̂riym rĕdáp֣ẇniy ẖiná֑̇m ẇmidĕ̇báreyká pá̇ẖa֥d libiֽ̇y׃

162
שָׂ֣שׂ אָ֭נֹכִֽי עַל־אִמְרָתֶ֑ךָ כְּ֝מֹוצֵ֗א שָׁלָ֥ל רָֽב׃

şá֣̂ş̂ ʼá֭nòkiֽy ʻal־ʼimĕráţe֑ká kĕ̇֝mòwẕé֗ʼ şá̌lá֥l ráֽb׃

163
שֶׁ֣קֶר שָׂ֭נֵאתִי וַאֲתַעֵ֑בָה תֹּורָתְךָ֥ אָהָֽבְתִּי׃

şě֣qer şá֭̂néʼţiy waʼàţaʻé֑báh ţò̇wráţĕká֥ ʼáháֽbĕţi̇y׃

164
שֶׁ֣בַע בַּ֭יֹּום הִלַּלְתִּ֑יךָ עַ֝֗ל מִשְׁפְּטֵ֥י צִדְקֶֽךָ׃

şě֣baʻ bȧ֭yò̇wm hilȧlĕţi֑̇yká ʻa֝֗l mişĕ̌pĕ̇té֥y ẕidĕqeֽká׃

165
שָׁלֹ֣ום רָ֭ב לְאֹהֲבֵ֣י תֹורָתֶ֑ךָ וְאֵֽין־לָ֥מֹו מִכְשֹֽׁול׃

şá̌lò֣wm rá֭b lĕʼòhàbé֣y ţòwráţe֑ká wĕʼéֽyn־lá֥mòw mikĕşòֽ̌wl׃

166
שִׂבַּ֣רְתִּי לִֽישׁוּעָתְךָ֣ יְהוָ֑ה וּֽמִצְוֹתֶ֥יךָ עָשִֽׂיתִי׃

şîbȧ֣rĕţi̇y liֽyş̌ẇʻáţĕká֣ yĕhwá֑h ẇֽmiẕĕwòţe֥yká ʻáşîֽyţiy׃

167
שָֽׁמְרָ֣ה נַ֭פְשִׁי עֵדֹתֶ֑יךָ וָאֹהֲבֵ֥ם מְאֹֽד׃

şáֽ̌mĕrá֣h na֭pĕşǐy ʻédòţe֑yká wáʼòhàbé֥m mĕʼòֽd׃

168
שָׁמַ֣רְתִּי פִ֭קּוּדֶיךָ וְעֵדֹתֶ֑יךָ כִּ֖י כָל־דְּרָכַ֣י נֶגְדֶּֽךָ׃

şá̌ma֣rĕţi̇y pi֭q̇ẇdeyká wĕʻédòţe֑yká ki֖̇y kál־dĕ̇ráka֣y negĕdėֽká׃

169
תִּקְרַ֤ב רִנָּתִ֣י לְפָנֶ֣יךָ יְהוָ֑ה כִּדְבָרְךָ֥ הֲבִינֵֽנִי׃

ţi̇qĕra֤b riná̇ţi֣y lĕpáne֣yká yĕhwá֑h ki̇dĕbárĕká֥ hàbiynéֽniy׃

170
תָּבֹ֣וא תְּחִנָּתִ֣י לְפָנֶ֑יךָ כְּ֝אִמְרָתְךָ֗ הַצִּילֵֽנִי׃

ţá̇bò֣wʼ ţĕ̇ẖiná̇ţi֣y lĕpáne֑yká kĕ̇֝ʼimĕráţĕká֗ haẕi̇yléֽniy׃

171
תַּבַּ֣עְנָה שְׂפָתַ֣י תְּהִלָּ֑ה כִּ֖י תְלַמְּדֵ֣נִי חֻקֶּֽיךָ׃

ţȧbȧ֣ʻĕnáh şĕ̂páţa֣y ţĕ̇hilá֑̇h ki֖̇y ţĕlamĕ̇dé֣niy ẖuqėֽyká׃

172
תַּ֣עַן לְ֭שֹׁונִי אִמְרָתֶ֑ךָ כִּ֖י כָל־מִצְוֹתֶ֣יךָ צֶּֽדֶק׃

ţȧ֣ʻan lĕ֭şò̌wniy ʼimĕráţe֑ká ki֖̇y kál־miẕĕwòţe֣yká ẕėֽdeq׃

173
תְּהִֽי־יָדְךָ֥ לְעָזְרֵ֑נִי כִּ֖י פִקּוּדֶ֣יךָ בָחָֽרְתִּי׃

ţĕ̇hiֽy־yádĕká֥ lĕʻázĕré֑niy ki֖̇y piq̇ẇde֣yká báẖáֽrĕţi̇y׃

174
תָּאַ֣בְתִּי לִֽישׁוּעָתְךָ֣ יְהוָ֑ה וְ֝תֹֽורָתְךָ֗ שַׁעֲשֻׁעָֽי׃

ţá̇ʼa֣bĕţi̇y liֽyş̌ẇʻáţĕká֣ yĕhwá֑h wĕ֝ţòֽwráţĕká֗ şǎʻàşǔʻáֽy׃

175
תְּֽחִי־נַ֭פְשִׁי וּֽתְהַֽלְלֶ֑ךָּ וּֽמִשְׁפָּטֶ֥ךָ יַעֲזְרֻֽנִי׃

ţĕֽ̇ẖiy־na֭pĕşǐy ẇֽţĕhaֽlĕle֑ká̇ ẇֽmişĕ̌pá̇te֥ká yaʻàzĕruֽniy׃

176
תָּעִ֗יתִי כְּשֶׂ֣ה אֹ֭בֵד בַּקֵּ֣שׁ עַבְדֶּ֑ךָ כִּ֥י מִ֝צְוֹתֶ֗יךָ לֹ֣א שָׁכָֽחְתִּי׃

ţá̇ʻi֗yţiy kĕ̇şê֣h ʼò֭béd bȧqé֣̇ş̌ ʻabĕdė֑ká ki֥̇y mi֝ẕĕwòţe֗yká lò֣ʼ şá̌káֽẖĕţi̇y׃