Bibles in ancient languages
Ancient translations
Modern translations

Novum Testamentum Graecum 2 Peter 2

New Testament
Chapter
Verses
1
’Εγένοντο δὲ καὶ ψευδοπροφῆται ἐν τῷ λαῷ, ὡς καὶ ἐν ὑμῖν ἔσονται ψευδοδιδάσκαλοι, οἵτινες παρεισάξουσιν αἱρέσεις ἀπωλείας, καὶ τὸν ἀγοράσαντα αὐτοὺς δεσπότην ἀρνούμενοι, ἐπάγοντες ἑαυτοῖς ταχινὴν ἀπώλειαν.

’Egénonto dè kaì pseudoprophē̂tai en tō̂i laō̂i, hōs kaì en hymîn ésontai pseudodidáskaloi, hoítines pareisáxousin hairéseis apōleías, kaì tòn agorásanta autoùs despótēn arnoúmenoi, epágontes heautoîs tachinḕn apṓleian.

2
καὶ πολλοὶ ἐξακολουθήσουσιν αὐτῶν ταῖς ἀσελγείαις, δι’ οὓς ἡ ὁδὸς τῆς ἀληθείας βλασφημηθήσεται·

kaì polloì exakolouthḗsousin autō̂n taîs aselgeíais, di’ hoùs hē hodòs tē̂s alētheías blasphēmēthḗsetai:

3
καὶ ἐν πλεονεξίᾳ πλαστοῖς λόγοις ὑμᾶς ἐμπορεύσονται· οἷς τὸ κρίμα ἔκπαλαι οὐκ ἀργεῖ, καὶ ἡ ἀπώλεια αὐτῶν οὐ νυστάζει.

kaì en pleonexíāi plastoîs lógois hymâs emporeúsontai: hoîs tò kríma ékpalai ouk argeî, kaì hē apṓleia autō̂n ou nystázei.

4
Εἰ γὰρ ὁ θεὸς ἀγγέλων ἁμαρτησάντων οὐκ ἐφείσατο, ἀλλὰ σιραῖς ζόφου ταρταρώσας παρέδωκεν εἰς κρίσιν τηρουμένους,

Ei gàr ho theòs angélōn hamartēsántōn ouk epheísato, allà siraîs zóphou tartarṓsas parédōken eis krísin tērouménous,

5
καὶ ἀρχαίου κόσμου οὐκ ἐφείσατο, ἀλλὰ ὄγδοον Νῶε δικαιοσύνης κήρυκα ἐφύλαξεν, κατακλυσμὸν κόσμῳ ἀσεβῶν ἐπάξας,

kaì archaíou kósmou ouk epheísato, allà ógdoon Nō̂e dikaiosýnēs kḗryka ephýlaxen, kataklysmòn kósmōi asebō̂n epáxas,

6
καὶ πόλεις Σοδόμων καὶ Γομόρρας τεφρώσας κατέκρινεν, ὑπόδειγμα μελλόντων ἀσεβέσιν τεθεικώς,

kaì póleis Sodómōn kaì Gomórras tephrṓsas katékrinen, hypódeigma mellóntōn asebésin tetheikṓs,

7
καὶ δίκαιον Λὼτ καταπονούμενον ὑπὸ τῆς τῶν ἀθέσμων ἐν ἀσελγείᾳ ἀναστροφῆς ἐρρύσατο·

kaì díkaion Lṑt kataponoúmenon hypò tē̂s tō̂n athésmōn en aselgeíāi anastrophē̂s errýsato:

8
βλέμματι γὰρ καὶ ἀκοῇ ὁ δίκαιος ἐγκατοικῶν ἐν αὐτοῖς ἡμέραν ἐξ ἡμέρας ψυχὴν δικαίαν ἀνόμοις ἔργοις ἐβασάνιζεν·

blémmati gàr kaì akoē̂i ho díkaios enkatoikō̂n en autoîs hēméran ex hēméras psychḕn dikaían anómois érgois ebasánizen:

9
οἶδεν κύριος εὐσεβεῖς ἐκ πειρασμοῦ ῥύεσθαι, ἀδίκους δὲ εἰς ἡμέραν κρίσεως κολαζομένους τηρεῖν,

oîden kýrios eusebeîs ek peirasmoû rhýesthai, adíkous dè eis hēméran kríseōs kolazoménous tēreîn,

10
μάλιστα δὲ τοὺς ὀπίσω σαρκὸς ἐν ἐπιθυμίᾳ μιασμοῦ πορευομένους καὶ κυριότητος καταφρονοῦντας. Τολμηταί, αὐθάδεις, δόξας οὐ τρέμουσιν βλασφημοῦντες,

málista dè toùs opísō sarkòs en epithymíāi miasmoû poreuoménous kaì kyriótētos kataphronoûntas. Tolmētaí, authádeis, dóxas ou trémousin blasphēmoûntes,

11
ὅπου ἄγγελοι ἰσχύϊ καὶ δυνάμει μείζονες ὄντες οὐ φέρουσιν κατ’ αὐτῶν παρὰ κυρίῳ βλάσφημον κρίσιν.

hópou ángeloi ischýï kaì dynámei meízones óntes ou phérousin kat’ autō̂n parà kyríōi blásphēmon krísin.

12
οὗτοι δέ, ὡς ἄλογα ζῷα γεγεννημένα φυσικὰ εἰς ἅλωσιν καὶ φθοράν, ἐν οἷς ἀγνοοῦσιν βλασφημοῦντες, ἐν τῇ φθορᾷ αὐτῶν καὶ φθαρήσονται,

hoûtoi dé, hōs áloga zō̂ia gegennēména physikà eis hálōsin kaì phthorán, en hoîs agnooûsin blasphēmoûntes, en tē̂i phthorā̂i autō̂n kaì phtharḗsontai,

13
ἀδικούμενοι μισθὸν ἀδικίας· ἡδονὴν ἡγούμενοι τὴν ἐν ἡμέρᾳ τρυφήν, σπίλοι καὶ μῶμοι ἐντρυφῶντες ἐν ταῖς ἀπάταις αὐτῶν συνευωχούμενοι ὑμῖν,

adikoúmenoi misthòn adikías: hēdonḕn hēgoúmenoi tḕn en hēmérāi tryphḗn, spíloi kaì mō̂moi entryphō̂ntes en taîs apátais autō̂n syneuōchoúmenoi hymîn,

14
ὀφθαλμοὺς ἔχοντες μεστοὺς μοιχαλίδος καὶ ἀκαταπαύστους ἁμαρτίας, δελεάζοντες ψυχὰς ἀστηρίκτους, καρδίαν γεγυμνασμένην πλεονεξίας ἔχοντες, κατάρας τέκνα,

ophthalmoùs échontes mestoùs moichalídos kaì akatapaústous hamartías, deleázontes psychàs astēríktous, kardían gegymnasménēn pleonexías échontes, katáras tékna,

15
καταλείποντες εὐθεῖαν ὁδὸν ἐπλανήθησαν, ἐξακολουθήσαντες τῇ ὁδῷ τοῦ Βαλαὰμ τοῦ Βοσόρ, ὃς μισθὸν ἀδικίας ἠγάπησεν

kataleípontes eutheîan hodòn eplanḗthēsan, exakolouthḗsantes tē̂i hodō̂i toû Balaàm toû Bosór, hòs misthòn adikías ēgápēsen

16
ἔλεγξιν δὲ ἔσχεν ἰδίας παρανομίας· ὑποζύγιον ἄφωνον ἐν ἀνθρώπου φωνῇ φθεγξάμενον ἐκώλυσεν τὴν τοῦ προφήτου παραφρονίαν.

élenxin dè éschen idías paranomías: hypozýgion áphōnon en anthrṓpou phōnē̂i phthenxámenon ekṓlysen tḕn toû prophḗtou paraphronían.

17
Οὗτοί εἰσιν πηγαὶ ἄνυδροι καὶ ὁμίχλαι ὑπὸ λαίλαπος ἐλαυνόμεναι, οἷς ὁ ζόφος τοῦ σκότους τετήρηται.

Hoûtoí eisin pēgaì ánydroi kaì homíchlai hypò laílapos elaunómenai, hoîs ho zóphos toû skótous tetḗrētai.

18
ὑπέρογκα γὰρ ματαιότητος φθεγγόμενοι δελεάζουσιν ἐν ἐπιθυμίαις σαρκὸς ἀσελγείαις τοὺς ὀλίγως ἀποφεύγοντας τοὺς ἐν πλάνῃ ἀναστρεφομένους,

hypéronka gàr mataiótētos phthengómenoi deleázousin en epithymíais sarkòs aselgeíais toùs olígōs apopheúgontas toùs en plánēi anastrephoménous,

19
ἐλευθερίαν αὐτοῖς ἐπαγγελλόμενοι, αὐτοὶ δοῦλοι ὑπάρχοντες τῆς φθορᾶς· ᾧ γάρ τις ἥττηται, τούτῳ δεδούλωται.

eleutherían autoîs epangellómenoi, autoì doûloi hypárchontes tē̂s phthorâs: hō̂i gár tis hḗttētai, toútōi dedoúlōtai.

20
εἰ γὰρ ἀποφυγόντες τὰ μιάσματα τοῦ κόσμου ἐν ἐπιγνώσει τοῦ κυρίου ἡμῶν καὶ σωτῆρος ’Ιησοῦ Χριστοῦ τούτοις δὲ πάλιν ἐμπλακέντες ἡττῶνται, γέγονεν αὐτοῖς τὰ ἔσχατα χείρονα τῶν πρώτων.

ei gàr apophygóntes tà miásmata toû kósmou en epignṓsei toû kyríou hēmō̂n kaì sōtē̂ros ’Iēsoû Christoû toútois dè pálin emplakéntes hēttō̂ntai, gégonen autoîs tà éschata cheírona tō̂n prṓtōn.

21
κρεῖττον γὰρ ἦν αὐτοῖς μὴ ἐπεγνωκέναι τὴν ὁδὸν τῆς δικαιοσύνης ἢ ἐπιγνοῦσιν ὑποστρέψαι ἐκ τῆς παραδοθείσης αὐτοῖς ἁγίας ἐντολῆς.

kreîtton gàr ē̂n autoîs mḕ epegnōkénai tḕn hodòn tē̂s dikaiosýnēs ḕ epignoûsin hypostrépsai ek tē̂s paradotheísēs autoîs hagías entolē̂s.

22
συμβέβηκεν αὐτοῖς τὸ τῆς ἀληθοῦς παροιμίας, Κύων ἐπιστρέψας ἐπὶ τὸ ἴδιον ἐξέραμα, καί, ῟Υς λουσαμένη εἰς κυλισμὸν βορβόρου.

symbébēken autoîs tò tē̂s alēthoûs paroimías, Kýōn epistrépsas epì tò ídion exérama, kaí, ῾̂Ys lousaménē eis kylismòn borbórou.