Bibles in ancient languages
Ancient translations
Modern translations

Novum Testamentum Graecum 2 Thessalonians 1

New Testament
Chapter
Verses
1
Παῦλος καὶ Σιλουανὸς καὶ Τιμόθεος τῇ ἐκκλησίᾳ θεσσαλονικέων ἐν θεῷ πατρὶ ἡμῶν καὶ κυρίῳ ’Ιησοῦ Χριστῷ·

Paûlos kaì Silouanòs kaì Timótheos tē̂i ekklēsíāi thessalonikéōn en theō̂i patrì hēmō̂n kaì kyríōi ’Iēsoû Christō̂i:

2
χάρις ὑμῖν καὶ εἰρήνη ἀπὸ θεοῦ πατρὸς καὶ κυρίου ’Ιησοῦ Χριστοῦ.

cháris hymîn kaì eirḗnē apò theoû patròs kaì kyríou ’Iēsoû Christoû.

3
Εὐχαριστεῖν ὀφείλομεν τῷ θεῷ πάντοτε περὶ ὑμῶν, ἀδελφοί, καθὼς ἄξιόν ἐστιν, ὅτι ὑπεραυξάνει ἡ πίστις ὑμῶν καὶ πλεονάζει ἡ ἀγάπη ἑνὸς ἑκάστου πάντων ὑμῶν εἰς ἀλλήλους,

Eucharisteîn opheílomen tō̂i theō̂i pántote perì hymō̂n, adelphoí, kathṑs áxión estin, hóti hyperauxánei hē pístis hymō̂n kaì pleonázei hē agápē henòs hekástou pántōn hymō̂n eis allḗlous,

4
ὥστε αὐτοὺς ἡμᾶς ἐν ὑμῖν ἐγκαυχᾶσθαι ἐν ταῖς ἐκκλησίαις τοῦ θεοῦ ὑπὲρ τῆς ὑπομονῆς ὑμῶν καὶ πίστεως ἐν πᾶσιν τοῖς διωγμοῖς ὑμῶν καὶ ταῖς θλίψεσιν αἷς ἀνέχεσθε,

hṓste autoùs hēmâs en hymîn enkauchâsthai en taîs ekklēsíais toû theoû hypèr tē̂s hypomonē̂s hymō̂n kaì písteōs en pâsin toîs diōgmoîs hymō̂n kaì taîs thlípsesin haîs anéchesthe,

5
ἔνδειγμα τῆς δικαίας κρίσεως τοῦ θεοῦ, εἰς τὸ καταξιωθῆναι ὑμᾶς τῆς βασιλείας τοῦ θεοῦ, ὑπὲρ ἧς καὶ πάσχετε,

éndeigma tē̂s dikaías kríseōs toû theoû, eis tò kataxiōthē̂nai hymâs tē̂s basileías toû theoû, hypèr hē̂s kaì páschete,

6
εἴπερ δίκαιον παρὰ θεῷ ἀνταποδοῦναι τοῖς θλίβουσιν ὑμᾶς θλῖψιν

eíper díkaion parà theō̂i antapodoûnai toîs thlíbousin hymâs thlîpsin

7
καὶ ὑμῖν τοῖς θλιβομένοις ἄνεσιν μεθ’ ἡμῶν ἐν τῇ ἀποκαλύψει τοῦ κυρίου ’Ιησοῦ ἀπ’ οὐρανοῦ μετ’ ἀγγέλων δυνάμεως αὐτοῦ

kaì hymîn toîs thliboménois ánesin meth’ hēmō̂n en tē̂i apokalýpsei toû kyríou ’Iēsoû ap’ ouranoû met’ angélōn dynámeōs autoû

8
ἐν πυρὶ φλογός, διδόντος ἐκδίκησιν τοῖς μὴ εἰδόσιν θεὸν καὶ τοῖς μὴ ὑπακούουσιν τῷ εὐαγγελίῳ τοῦ κυρίου ἡμῶν ’Ιησοῦ,

en pyrì phlogós, didóntos ekdíkēsin toîs mḕ eidósin theòn kaì toîs mḕ hypakoúousin tō̂i euangelíōi toû kyríou hēmō̂n ’Iēsoû,

9
οἵτινες δίκην τίσουσιν ὄλεθρον αἰώνιον ἀπὸ προσώπου τοῦ κυρίου καὶ ἀπὸ τῆς δόξης τῆς ἰσχύος αὐτοῦ,

hoítines díkēn tísousin ólethron aiṓnion apò prosṓpou toû kyríou kaì apò tē̂s dóxēs tē̂s ischýos autoû,

10
ὅταν ἔλθῃ ἐνδοξασθῆναι ἐν τοῖς ἁγίοις αὐτοῦ καὶ θαυμασθῆναι ἐν πᾶσιν τοῖς πιστεύσασιν, ὅτι ἐπιστεύθη τὸ μαρτύριον ἡμῶν ἐφ’ ὑμᾶς, ἐν τῇ ἡμέρᾳ ἐκείνῃ.

hótan élthēi endoxasthē̂nai en toîs hagíois autoû kaì thaumasthē̂nai en pâsin toîs pisteúsasin, hóti episteúthē tò martýrion hēmō̂n eph’ hymâs, en tē̂i hēmérāi ekeínēi.

11
εἰς ὃ καὶ προσευχόμεθα πάντοτε περὶ ὑμῶν, ἵνα ὑμᾶς ἀξιώσῃ τῆς κλήσεως ὁ θεὸς ἡμῶν καὶ πληρώσῃ πᾶσαν εὐδοκίαν ἀγαθωσύνης καὶ ἔργον πίστεως ἐν δυνάμει,

eis hò kaì proseuchómetha pántote perì hymō̂n, hína hymâs axiṓsēi tē̂s klḗseōs ho theòs hēmō̂n kaì plērṓsēi pâsan eudokían agathōsýnēs kaì érgon písteōs en dynámei,

12
ὅπως ἐνδοξασθῇ τὸ ὄνομα τοῦ κυρίου ἡμῶν ’Ιησοῦ ἐν ὑμῖν, καὶ ὑμεῖς ἐν αὐτῷ, κατὰ τὴν χάριν τοῦ θεοῦ ἡμῶν καὶ κυρίου ’Ιησοῦ Χριστοῦ.

hópōs endoxasthē̂i tò ónoma toû kyríou hēmō̂n ’Iēsoû en hymîn, kaì hymeîs en autō̂i, katà tḕn chárin toû theoû hēmō̂n kaì kyríou ’Iēsoû Christoû.