Bibles in ancient languages
Ancient translations
Modern translations

Novum Testamentum Graecum Acts 28

New Testament
Chapter
Verses
1
Καὶ διασωθέντες τότε ἐπέγνωμεν ὅτι Μελίτη ἡ νῆσος καλεῖται.

Kaì diasōthéntes tóte epégnōmen hóti Melítē hē nē̂sos kaleîtai.

2
οἵ τε βάρβαροι παρεῖχον οὐ τὴν τυχοῦσαν φιλανθρωπίαν ἡμῖν, ἅψαντες γὰρ πυρὰν προσελάβοντο πάντας ἡμᾶς διὰ τὸν ὑετὸν τὸν ἐφεστῶτα καὶ διὰ τὸ ψῦχος.

hoí te bárbaroi pareîchon ou tḕn tychoûsan philanthrōpían hēmîn, hápsantes gàr pyràn proselábonto pántas hēmâs dià tòn hyetòn tòn ephestō̂ta kaì dià tò psŷchos.

3
συστρέψαντος δὲ τοῦ Παύλου φρυγάνων τι πλῆθος καὶ ἐπιθέντος ἐπὶ τὴν πυράν, ἔχιδνα ἀπὸ τῆς θέρμης ἐξελθοῦσα καθῆψεν τῆς χειρὸς αὐτοῦ.

systrépsantos dè toû Paúlou phrygánōn ti plē̂thos kaì epithéntos epì tḕn pyrán, échidna apò tē̂s thérmēs exelthoûsa kathē̂psen tē̂s cheiròs autoû.

4
ὡς δὲ εἶδον οἱ βάρβαροι κρεμάμενον τὸ θηρίον ἐκ τῆς χειρὸς αὐτοῦ, πρὸς ἀλλήλους ἔλεγον, Πάντως φονεύς ἐστιν ὁ ἄνθρωπος οὗτος ὃν διασωθέντα ἐκ τῆς θαλάσσης ἡ δίκη ζῆν οὐκ εἴασεν.

hōs dè eîdon hoi bárbaroi kremámenon tò thēríon ek tē̂s cheiròs autoû, pròs allḗlous élegon, Pántōs phoneús estin ho ánthrōpos hoûtos hòn diasōthénta ek tē̂s thalássēs hē díkē zē̂n ouk eíasen.

5
ὁ μὲν οὖν ἀποτινάξας τὸ θηρίον εἰς τὸ πῦρ ἔπαθεν οὐδὲν κακόν·

ho mèn oûn apotináxas tò thēríon eis tò pŷr épathen oudèn kakón:

6
οἱ δὲ προσεδόκων αὐτὸν μέλλειν πίμπρασθαι ἢ καταπίπτειν ἄφνω νεκρόν. ἐπὶ πολὺ δὲ αὐτῶν προσδοκώντων καὶ θεωρούντων μηδὲν ἄτοπον εἰς αὐτὸν γινόμενον, μεταβαλόμενοι ἔλεγον αὐτὸν εἶναι θεόν.

hoi dè prosedókōn autòn méllein pímprasthai ḕ katapíptein áphnō nekrón. epì polỳ dè autō̂n prosdokṓntōn kaì theōroúntōn mēdèn átopon eis autòn ginómenon, metabalómenoi élegon autòn eînai theón.

7
’Εν δὲ τοῖς περὶ τὸν τόπον ἐκεῖνον ὑπῆρχεν χωρία τῷ πρώτῳ τῆς νήσου ὀνόματι Ποπλίῳ, ὃς ἀναδεξάμενος ἡμᾶς τρεῖς ἡμέρας φιλοφρόνως ἐξένισεν.

’En dè toîs perì tòn tópon ekeînon hypē̂rchen chōría tō̂i prṓtōi tē̂s nḗsou onómati Poplíōi, hòs anadexámenos hēmâs treîs hēméras philophrónōs exénisen.

8
ἐγένετο δὲ τὸν πατέρα τοῦ Ποπλίου πυρετοῖς καὶ δυσεντερίῳ συνεχόμενον κατακεῖσθαι, πρὸς ὃν ὁ Παῦλος εἰσελθὼν καὶ προσευξάμενος ἐπιθεὶς τὰς χεῖρας αὐτῷ ἰάσατο αὐτόν.

egéneto dè tòn patéra toû Poplíou pyretoîs kaì dysenteríōi synechómenon katakeîsthai, pròs hòn ho Paûlos eiselthṑn kaì proseuxámenos epitheìs tàs cheîras autō̂i iásato autón.

9
τούτου δὲ γενομένου καὶ οἱ λοιποὶ οἱ ἐν τῇ νήσῳ ἔχοντες ἀσθενείας προσήρχοντο καὶ ἐθεραπεύοντο,

toútou dè genoménou kaì hoi loipoì hoi en tē̂i nḗsōi échontes astheneías prosḗrchonto kaì etherapeúonto,

10
οἳ καὶ πολλαῖς τιμαῖς ἐτίμησαν ἡμᾶς καὶ ἀναγομένοις ἐπέθεντο τὰ πρὸς τὰς χρείας.

hoì kaì pollaîs timaîs etímēsan hēmâs kaì anagoménois epéthento tà pròs tàs chreías.

11
Μετὰ δὲ τρεῖς μῆνας ἀνήχθημεν ἐν πλοίῳ παρακεχειμακότι ἐν τῇ νήσῳ ’Αλεξανδρίνῳ, παρασήμῳ Διοσκούροις.

Metà dè treîs mē̂nas anḗchthēmen en ploíōi parakecheimakóti en tē̂i nḗsōi ’Alexandrínōi, parasḗmōi Dioskoúrois.

12
καὶ καταχθέντες εἰς Συρακούσας ἐπεμείναμεν ἡμέρας τρεῖς,

kaì katachthéntes eis Syrakoúsas epemeínamen hēméras treîs,

13
ὅθεν περιελόντες κατηντήσαμεν εἰς ‘Ρήγιον. καὶ μετὰ μίαν ἡμέραν ἐπιγενομένου νότου δευτεραῖοι ἤλθομεν εἰς Ποτιόλους,

hóthen perielóntes katēntḗsamen eis ‘Rḗgion. kaì metà mían hēméran epigenoménou nótou deuteraîoi ḗlthomen eis Potiólous,

14
οὗ εὑρόντες ἀδελφοὺς παρεκλήθημεν παρ’ αὐτοῖς ἐπιμεῖναι ἡμέρας ἑπτά· καὶ οὕτως εἰς τὴν ‘Ρώμην ἤλθαμεν.

hoû heuróntes adelphoùs pareklḗthēmen par’ autoîs epimeînai hēméras heptá: kaì hoútōs eis tḕn ‘Rṓmēn ḗlthamen.

15
κἀκεῖθεν οἱ ἀδελφοὶ ἀκούσαντες τὰ περὶ ἡμῶν ἦλθαν εἰς ἀπάντησιν ἡμῖν ἄχρι ’Αππίου Φόρου καὶ Τριῶν Ταβερνῶν, οὓς ἰδὼν ὁ Παῦλος εὐχαριστήσας τῷ θεῷ ἔλαβε θάρσος.

kakeîthen hoi adelphoì akoúsantes tà perì hēmō̂n ē̂lthan eis apántēsin hēmîn áchri ’Appíou Phórou kaì Triō̂n Tabernō̂n, hoùs idṑn ho Paûlos eucharistḗsas tō̂i theō̂i élabe thársos.

16
῞Οτε δὲ εἰσήλθομεν εἰς ‘Ρώμην, ἐπετράπη τῷ Παύλῳ μένειν καθ’ ἑαυτὸν σὺν τῷ φυλάσσοντι αὐτὸν στρατιώτῃ.

῞Ote dè eisḗlthomen eis ‘Rṓmēn, epetrápē tō̂i Paúlōi ménein kath’ heautòn sỳn tō̂i phylássonti autòn stratiṓtēi.

17
’Εγένετο δὲ μετὰ ἡμέρας τρεῖς συγκαλέσασθαι αὐτὸν τοὺς ὄντας τῶν ’Ιουδαίων πρώτους· συνελθόντων δὲ αὐτῶν ἔλεγεν πρὸς αὐτούς, ’Εγώ, ἄνδρες ἀδελφοί, οὐδὲν ἐναντίον ποιήσας τῷ λαῷ ἢ τοῖς ἔθεσι τοῖς πατρῴοις δέσμιος ἐξ ‘Ιεροσολύμων παρεδόθην εἰς τὰς χεῖρας τῶν ‘Ρωμαίων,

’Egéneto dè metà hēméras treîs synkalésasthai autòn toùs óntas tō̂n ’Ioudaíōn prṓtous: synelthóntōn dè autō̂n élegen pròs autoús, ’Egṓ, ándres adelphoí, oudèn enantíon poiḗsas tō̂i laō̂i ḕ toîs éthesi toîs patrṓiois désmios ex ‘Ierosolýmōn paredóthēn eis tàs cheîras tō̂n ‘Rōmaíōn,

18
οἵτινες ἀνακρίναντές με ἐβούλοντο ἀπολῦσαι διὰ τὸ μηδεμίαν αἰτίαν θανάτου ὑπάρχειν ἐν ἐμοί·

hoítines anakrínantés me eboúlonto apolŷsai dià tò mēdemían aitían thanátou hypárchein en emoí:

19
ἀντιλεγόντων δὲ τῶν ’Ιουδαίων ἠναγκάσθην ἐπικαλέσασθαι Καίσαρα, οὐχ ὡς τοῦ ἔθνους μου ἔχων τι κατηγορεῖν.

antilegóntōn dè tō̂n ’Ioudaíōn ēnankásthēn epikalésasthai Kaísara, ouch hōs toû éthnous mou échōn ti katēgoreîn.

20
διὰ ταύτην οὖν τὴν αἰτίαν παρεκάλεσα ὑμᾶς ἰδεῖν καὶ προσλαλῆσαι, ἕνεκεν γὰρ τῆς ἐλπίδος τοῦ ’Ισραὴλ τὴν ἅλυσιν ταύτην περίκειμαι.

dià taútēn oûn tḕn aitían parekálesa hymâs ideîn kaì proslalē̂sai, héneken gàr tē̂s elpídos toû ’Israḕl tḕn hálysin taútēn períkeimai.

21
οἱ δὲ πρὸς αὐτὸν εἶπαν, ‘Ημεῖς οὔτε γράμματα περὶ σοῦ ἐδεξάμεθα ἀπὸ τῆς ’Ιουδαίας, οὔτε παραγενόμενός τις τῶν ἀδελφῶν ἀπήγγειλεν ἢ ἐλάλησέν τι περὶ σοῦ πονηρόν.

hoi dè pròs autòn eîpan, ‘Ēmeîs oúte grámmata perì soû edexámetha apò tē̂s ’Ioudaías, oúte paragenómenós tis tō̂n adelphō̂n apḗngeilen ḕ elálēsén ti perì soû ponērón.

22
ἀξιοῦμεν δὲ παρὰ σοῦ ἀκοῦσαι ἃ φρονεῖς, περὶ μὲν γὰρ τῆς αἱρέσεως ταύτης γνωστὸν ἡμῖν ἐστιν ὅτι πανταχοῦ ἀντιλέγεται.

axioûmen dè parà soû akoûsai hà phroneîs, perì mèn gàr tē̂s hairéseōs taútēs gnōstòn hēmîn estin hóti pantachoû antilégetai.

23
Ταξάμενοι δὲ αὐτῷ ἡμέραν ἦλθον πρὸς αὐτὸν εἰς τὴν ξενίαν πλείονες, οἷς ἐξετίθετο διαμαρτυρόμενος τὴν βασιλείαν τοῦ θεοῦ πείθων τε αὐτοὺς περὶ τοῦ ’Ιησοῦ ἀπό τε τοῦ νόμου Μωϋσέως καὶ τῶν προφητῶν ἀπὸ πρωῒ ἕως ἑσπέρας.

Taxámenoi dè autō̂i hēméran ē̂lthon pròs autòn eis tḕn xenían pleíones, hoîs exetítheto diamartyrómenos tḕn basileían toû theoû peíthōn te autoùs perì toû ’Iēsoû apó te toû nómou Mōÿséōs kaì tō̂n prophētō̂n apò prōï̀ héōs hespéras.

24
καὶ οἱ μὲν ἐπείθοντο τοῖς λεγομένοις, οἱ δὲ ἠπίστουν·

kaì hoi mèn epeíthonto toîs legoménois, hoi dè ēpístoun:

25
ἀσύμφωνοι δὲ ὄντες πρὸς ἀλλήλους ἀπελύοντο, εἰπόντος τοῦ Παύλου ῥῆμα ἓν ὅτι Καλῶς τὸ πνεῦμα τὸ ἅγιον ἐλάλησεν διὰ ’Ησαΐου τοῦ προφήτου πρὸς τοὺς πατέρας ὑμῶν

asýmphōnoi dè óntes pròs allḗlous apelýonto, eipóntos toû Paúlou rhē̂ma hèn hóti Kalō̂s tò pneûma tò hágion elálēsen dià ’Ēsaḯou toû prophḗtou pròs toùs patéras hymō̂n

26
λέγων, Πορεύθητι πρὸς τὸν λαὸν τοῦτον καὶ εἰπόν, ’Ακοῇ ἀκούσετε καὶ οὐ μὴ συνῆτε, καὶ βλέποντες βλέψετε καὶ οὐ μὴ ἴδητε·

légōn, Poreúthēti pròs tòn laòn toûton kaì eipón, ’Akoē̂i akoúsete kaì ou mḕ synē̂te, kaì blépontes blépsete kaì ou mḕ ídēte:

27
ἐπαχύνθη γὰρ ἡ καρδία τοῦ λαοῦ τούτου, καὶ τοῖς ὠσὶν βαρέως ἤκουσαν, καὶ τοὺς ὀφθαλμοὺς αὐτῶν ἐκάμμυσαν· μήποτε ἴδωσιν τοῖς ὀφθαλμοῖς καὶ τοῖς ὠσὶν ἀκούσωσιν καὶ τῇ καρδίᾳ συνῶσιν καὶ ἐπιστρέψωσιν, καὶ ἰάσομαι αὐτούς.

epachýnthē gàr hē kardía toû laoû toútou, kaì toîs ōsìn baréōs ḗkousan, kaì toùs ophthalmoùs autō̂n ekámmysan: mḗpote ídōsin toîs ophthalmoîs kaì toîs ōsìn akoúsōsin kaì tē̂i kardíāi synō̂sin kaì epistrépsōsin, kaì iásomai autoús.

28
γνωστὸν οὖν ἔστω ὑμῖν ὅτι τοῖς ἔθνεσιν ἀπεστάλη τοῦτο τὸ σωτήριον τοῦ θεοῦ· αὐτοὶ καὶ ἀκούσονται.

gnōstòn oûn éstō hymîn hóti toîs éthnesin apestálē toûto tò sōtḗrion toû theoû: autoì kaì akoúsontai.

30
’Ενέμεινεν δὲ διετίαν ὅλην ἐν ἰδίῳ μισθώματι, καὶ ἀπεδέχετο πάντας τοὺς εἰσπορευομένους πρὸς αὐτόν,

’Enémeinen dè dietían hólēn en idíōi misthṓmati, kaì apedécheto pántas toùs eisporeuoménous pròs autón,

31
κηρύσσων τὴν βασιλείαν τοῦ θεοῦ καὶ διδάσκων τὰ περὶ τοῦ κυρίου ’Ιησοῦ Χριστοῦ μετὰ πάσης παρρησίας ἀκωλύτως.

kērýssōn tḕn basileían toû theoû kaì didáskōn tà perì toû kyríou ’Iēsoû Christoû metà pásēs parrēsías akōlýtōs.