Bibles in ancient languages
Ancient translations
Modern translations

Novum Testamentum Graecum Galatians 5

New Testament
Chapter
Verses
1
τῇ ἐλευθερίᾳ ἡμᾶς Χριστὸς ἠλευθέρωσεν· στήκετε οὖν καὶ μὴ πάλιν ζυγῷ δουλείας ἐνέχεσθε.

tē̂i eleutheríāi hēmâs Christòs ēleuthérōsen: stḗkete oûn kaì mḕ pálin zygō̂i douleías enéchesthe.

2
῎Ιδε ἐγὼ Παῦλος λέγω ὑμῖν ὅτι ἐὰν περιτέμνησθε Χριστὸς ὑμᾶς οὐδὲν ὠφελήσει.

῎Ide egṑ Paûlos légō hymîn hóti eàn peritémnēsthe Christòs hymâs oudèn ōphelḗsei.

3
μαρτύρομαι δὲ πάλιν παντὶ ἀνθρώπῳ περιτεμνομένῳ ὅτι ὀφειλέτης ἐστὶν ὅλον τὸν νόμον ποιῆσαι.

martýromai dè pálin pantì anthrṓpōi peritemnoménōi hóti opheilétēs estìn hólon tòn nómon poiē̂sai.

4
κατηργήθητε ἀπὸ Χριστοῦ οἵτινες ἐν νόμῳ δικαιοῦσθε, τῆς χάριτος ἐξεπέσατε.

katērgḗthēte apò Christoû hoítines en nómōi dikaioûsthe, tē̂s cháritos exepésate.

5
ἡμεῖς γὰρ πνεύματι ἐκ πίστεως ἐλπίδα δικαιοσύνης ἀπεκδεχόμεθα.

hēmeîs gàr pneúmati ek písteōs elpída dikaiosýnēs apekdechómetha.

6
ἐν γὰρ Χριστῷ ’Ιησοῦ οὔτε περιτομή τι ἰσχύει οὔτε ἀκροβυστία, ἀλλὰ πίστις δι’ ἀγάπης ἐνεργουμένη.

en gàr Christō̂i ’Iēsoû oúte peritomḗ ti ischýei oúte akrobystía, allà pístis di’ agápēs energouménē.

7
’Ετρέχετε καλῶς· τίς ὑμᾶς ἐνέκοψεν [τῇ] ἀληθείᾳ μὴ πείθεσθαι;

’Etréchete kalō̂s: tís hymâs enékopsen [tē̂i] alētheíāi mḕ peíthesthai?

8
ἡ πεισμονὴ οὐκ ἐκ τοῦ καλοῦντος ὑμᾶς.

hē peismonḕ ouk ek toû kaloûntos hymâs.

9
μικρὰ ζύμη ὅλον τὸ φύραμα ζυμοῖ.

mikrà zýmē hólon tò phýrama zymoî.

10
ἐγὼ πέποιθα εἰς ὑμᾶς ἐν κυρίῳ ὅτι οὐδὲν ἄλλο φρονήσετε· ὁ δὲ ταράσσων ὑμᾶς βαστάσει τὸ κρίμα, ὅστις ἐὰν ᾖ.

egṑ pépoitha eis hymâs en kyríōi hóti oudèn állo phronḗsete: ho dè tarássōn hymâs bastásei tò kríma, hóstis eàn ē̂i.

11
ἐγὼ δέ, ἀδελφοί, εἰ περιτομὴν ἔτι κηρύσσω, τί ἔτι διώκομαι; ἄρα κατήργηται τὸ σκάνδαλον τοῦ σταυροῦ.

egṑ dé, adelphoí, ei peritomḕn éti kērýssō, tí éti diṓkomai? ára katḗrgētai tò skándalon toû stauroû.

12
ὄφελον καὶ ἀποκόψονται οἱ ἀναστατοῦντες ὑμᾶς.

óphelon kaì apokópsontai hoi anastatoûntes hymâs.

13
‘Υμεῖς γὰρ ἐπ’ ἐλευθερίᾳ ἐκλήθητε, ἀδελφοί· μόνον μὴ τὴν ἐλευθερίαν εἰς ἀφορμὴν τῇ σαρκί, ἀλλὰ διὰ τῆς ἀγάπης δουλεύετε ἀλλήλοις.

‘Ymeîs gàr ep’ eleutheríāi eklḗthēte, adelphoí: mónon mḕ tḕn eleutherían eis aphormḕn tē̂i sarkí, allà dià tē̂s agápēs douleúete allḗlois.

14
ὁ γὰρ πᾶς νόμος ἐν ἑνὶ λόγῳ πεπλήρωται, ἐν τῷ ’Αγαπήσεις τὸν πλησίον σου ὡς σεαυτόν.

ho gàr pâs nómos en henì lógōi peplḗrōtai, en tō̂i ’Agapḗseis tòn plēsíon sou hōs seautón.

15
εἰ δὲ ἀλλήλους δάκνετε καὶ κατεσθίετε, βλέπετε μὴ ὑπ’ ἀλλήλων ἀναλωθῆτε.

ei dè allḗlous dáknete kaì katesthíete, blépete mḕ hyp’ allḗlōn analōthē̂te.

16
Λέγω δέ, πνεύματι περιπατεῖτε καὶ ἐπιθυμίαν σαρκὸς οὐ μὴ τελέσητε.

Légō dé, pneúmati peripateîte kaì epithymían sarkòs ou mḕ telésēte.

17
ἡ γὰρ σὰρξ ἐπιθυμεῖ κατὰ τοῦ πνεύματος, τὸ δὲ πνεῦμα κατὰ τῆς σαρκός· ταῦτα γὰρ ἀλλήλοις ἀντίκειται, ἵνα μὴ ἃ ἐὰν θέλητε ταῦτα ποιῆτε.

hē gàr sàrx epithymeî katà toû pneúmatos, tò dè pneûma katà tē̂s sarkós: taûta gàr allḗlois antíkeitai, hína mḕ hà eàn thélēte taûta poiē̂te.

18
εἰ δὲ πνεύματι ἄγεσθε, οὐκ ἐστὲ ὑπὸ νόμον.

ei dè pneúmati ágesthe, ouk estè hypò nómon.

19
φανερὰ δέ ἐστιν τὰ ἔργα τῆς σαρκός, ἅτινά ἐστιν πορνεία, ἀκαθαρσία, ἀσέλγεια,

phanerà dé estin tà érga tē̂s sarkós, hátiná estin porneía, akatharsía, asélgeia,

20
εἰδωλολατρία, φαρμακεία, ἔχθραι, ἔρις, ζῆλος, θυμοί, ἐριθείαι, διχοστασίαι, αἱρέσεις,

eidōlolatría, pharmakeía, échthrai, éris, zē̂los, thymoí, eritheíai, dichostasíai, hairéseis,

21
φθόνοι, μέθαι, κῶμοι, καὶ τὰ ὅμοια τούτοις, ἃ προλέγω ὑμῖν καθὼς προεῖπον ὅτι οἱ τὰ τοιαῦτα πράσσοντες βασιλείαν θεοῦ οὐ κληρονομήσουσιν.

phthónoi, méthai, kō̂moi, kaì tà hómoia toútois, hà prolégō hymîn kathṑs proeîpon hóti hoi tà toiaûta prássontes basileían theoû ou klēronomḗsousin.

22
‘Ο δὲ καρπὸς τοῦ πνεύματός ἐστιν ἀγάπη, χαρά, εἰρήνη, μακροθυμία, χρηστότης, ἀγαθωσύνη, πίστις,

‘O dè karpòs toû pneúmatós estin agápē, chará, eirḗnē, makrothymía, chrēstótēs, agathōsýnē, pístis,

23
πραΰτης, ἐγκράτεια· κατὰ τῶν τοιούτων οὐκ ἔστιν νόμος.

praǘtēs, enkráteia: katà tō̂n toioútōn ouk éstin nómos.

24
οἱ δὲ τοῦ Χριστοῦ [’Ιησοῦ] τὴν σάρκα ἐσταύρωσαν σὺν τοῖς παθήμασιν καὶ ταῖς ἐπιθυμίαις.

hoi dè toû Christoû [’Iēsoû] tḕn sárka estaúrōsan sỳn toîs pathḗmasin kaì taîs epithymíais.

25
εἰ ζῶμεν πνεύματι, πνεύματι καὶ στοιχῶμεν.

ei zō̂men pneúmati, pneúmati kaì stoichō̂men.

26
μὴ γινώμεθα κενόδοξοι, ἀλλήλους προκαλούμενοι, ἀλλήλοις φθονοῦντες.

mḕ ginṓmetha kenódoxoi, allḗlous prokaloúmenoi, allḗlois phthonoûntes.