Bibles in ancient languages
Old translations
Modern translations

Septante 1 Chronicles 15

Pentateuch
Historical books
Poetical Writings
Prophetic Books
Chapter
Verses
1
Καὶ ἐποίησεν αὐτῷ οἰκίας ἐν πόλει Δαυιδ· καὶ ἡτοίμασεν τὸν τόπον τῇ κιβωτῷ τοῦ θεοῦ καὶ ἐποίησεν αὐτῇ σκηνήν.

Kaì epoíēsen autō̂i oikías en pólei Dauid: kaì hētoímasen tòn tópon tē̂i kibōtō̂i toû theoû kaì epoíēsen autē̂i skēnḗn.

2
Τότε εἶπεν Δαυιδ Οὐκ ἔστιν ἆραι τὴν κιβωτὸν τοῦ θεοῦ ἀλλ’ ἢ τοὺς Λευίτας, ὅτι αὐτοὺς ἐξελέξατο κύριος αἴρειν τὴν κιβωτὸν κυρίου καὶ λειτουργεῖν αὐτῷ ἕως αἰῶνος.

Tóte eîpen Dauid Ouk éstin ârai tḕn kibōtòn toû theoû all’ ḕ toùs Leuítas, hóti autoùs exeléxato kýrios aírein tḕn kibōtòn kyríou kaì leitourgeîn autō̂i héōs aiō̂nos.

3
καὶ ἐξεκκλησίασεν Δαυιδ τὸν πάντα Ισραηλ εἰς Ιερουσαλημ τοῦ ἀνενέγκαι τὴν κιβωτὸν κυρίου εἰς τὸν τόπον, ὃν ἡτοίμασεν αὐτῇ.

kaì exekklēsíasen Dauid tòn pánta Israēl eis Ierousalēm toû anenénkai tḕn kibōtòn kyríou eis tòn tópon, hòn hētoímasen autē̂i.

4
καὶ συνήγαγεν Δαυιδ τοὺς υἱοὺς Ααρων καὶ τοὺς Λευίτας.

kaì synḗgagen Dauid toùs hyioùs Aarōn kaì toùs Leuítas.

5
τῶν υἱῶν Κααθ· Ουριηλ ὁ ἄρχων καὶ οἱ ἀδελϕοὶ αὐτοῦ, ἑκατὸν εἴκοσι.

tō̂n hyiō̂n Kaath: Ouriēl ho árchōn kaì hoi adelphoì autoû, hekatòn eíkosi.

6
τῶν υἱῶν Μεραρι· Ασαια ὁ ἄρχων καὶ οἱ ἀδελϕοὶ αὐτοῦ, διακόσιοι πεντήκοντα.

tō̂n hyiō̂n Merari: Asaia ho árchōn kaì hoi adelphoì autoû, diakósioi pentḗkonta.

7
τῶν υἱῶν Γηρσαμ· Ιωηλ ὁ ἄρχων καὶ οἱ ἀδελϕοὶ αὐτοῦ, ἑκατὸν πεντήκοντα.

tō̂n hyiō̂n Gērsam: Iōēl ho árchōn kaì hoi adelphoì autoû, hekatòn pentḗkonta.

8
τῶν υἱῶν Ελισαϕαν· Σαμαιας ὁ ἄρχων καὶ οἱ ἀδελϕοὶ αὐτοῦ, διακόσιοι.

tō̂n hyiō̂n Elisaphan: Samaias ho árchōn kaì hoi adelphoì autoû, diakósioi.

9
τῶν υἱῶν Χεβρων· Ελιηλ ὁ ἄρχων καὶ οἱ ἀδελϕοὶ αὐτοῦ, ὀγδοήκοντα.

tō̂n hyiō̂n Chebrōn: Eliēl ho árchōn kaì hoi adelphoì autoû, ogdoḗkonta.

10
τῶν υἱῶν Οζιηλ· Αμιναδαβ ὁ ἄρχων καὶ οἱ ἀδελϕοὶ αὐτοῦ, ἑκατὸν δέκα δύο.

tō̂n hyiō̂n Oziēl: Aminadab ho árchōn kaì hoi adelphoì autoû, hekatòn déka dýo.

11
καὶ ἐκάλεσεν Δαυιδ τὸν Σαδωκ καὶ Αβιαθαρ τοὺς ἱερεῖς καὶ τοὺς Λευίτας, τὸν Ουριηλ, Ασαια, Ιωηλ, Σαμαιαν, Ελιηλ, Αμιναδαβ,

kaì ekálesen Dauid tòn Sadōk kaì Abiathar toùs hiereîs kaì toùs Leuítas, tòn Ouriēl, Asaia, Iōēl, Samaian, Eliēl, Aminadab,

12
καὶ εἶπεν αὐτοῖς ‘Υμεῖς ἄρχοντες πατριῶν τῶν Λευιτῶν, ἁγνίσθητε ὑμεῖς καὶ οἱ ἀδελϕοὶ ὑμῶν καὶ ἀνοίσετε τὴν κιβωτὸν τοῦ θεοῦ Ισραηλ οὗ ἡτοίμασα αὐτῇ·

kaì eîpen autoîs ‘Ymeîs árchontes patriō̂n tō̂n Leuitō̂n, hagnísthēte hymeîs kaì hoi adelphoì hymō̂n kaì anoísete tḕn kibōtòn toû theoû Israēl hoû hētoímasa autē̂i:

13
ὅτι οὐκ ἐν τῷ πρότερον ὑμᾶς εἶναι διέκοψεν ὁ θεὸς ἡμῶν ἐν ἡμῖν, ὅτι οὐκ ἐζητήσαμεν ἐν κρίματι.

hóti ouk en tō̂i próteron hymâs eînai diékopsen ho theòs hēmō̂n en hēmîn, hóti ouk ezētḗsamen en krímati.

14
καὶ ἡγνίσθησαν οἱ ἱερεῖς καὶ οἱ Λευῖται τοῦ ἀνενέγκαι τὴν κιβωτὸν θεοῦ Ισραηλ.

kaì hēgnísthēsan hoi hiereîs kaì hoi Leuîtai toû anenénkai tḕn kibōtòn theoû Israēl.

15
καὶ ἔλαβον οἱ υἱοὶ τῶν Λευιτῶν τὴν κιβωτὸν τοῦ θεοῦ, ὡς ἐνετείλατο Μωυσῆς ἐν λόγῳ θεοῦ κατὰ τὴν γραϕήν, ἐν ἀναϕορεῦσιν ἐπ’ αὐτούς.

kaì élabon hoi hyioì tō̂n Leuitō̂n tḕn kibōtòn toû theoû, hōs eneteílato Mōysē̂s en lógōi theoû katà tḕn graphḗn, en anaphoreûsin ep’ autoús.

16
καὶ εἶπεν Δαυιδ τοῖς ἄρχουσιν τῶν Λευιτῶν Στήσατε τοὺς ἀδελϕοὺς αὐτῶν τοὺς ψαλτῳδοὺς ἐν ὀργάνοις ᾠδῶν, νάβλαις καὶ κινύραις καὶ κυμβάλοις, τοῦ ϕωνῆσαι εἰς ὕψος ἐν ϕωνῇ εὐϕροσύνης.

kaì eîpen Dauid toîs árchousin tō̂n Leuitō̂n Stḗsate toùs adelphoùs autō̂n toùs psaltōidoùs en orgánois ōidō̂n, náblais kaì kinýrais kaì kymbálois, toû phōnē̂sai eis hýpsos en phōnē̂i euphrosýnēs.

17
καὶ ἔστησαν οἱ Λευῖται τὸν Αιμαν υἱὸν Ιωηλ· ἐκ τῶν ἀδελϕῶν αὐτοῦ Ασαϕ υἱὸς Βαραχια, καὶ ἐκ τῶν υἱῶν Μεραρι ἀδελϕῶν αὐτοῦ Αιθαν υἱὸς Κισαιου.

kaì éstēsan hoi Leuîtai tòn Aiman hyiòn Iōēl: ek tō̂n adelphō̂n autoû Asaph hyiòs Barachia, kaì ek tō̂n hyiō̂n Merari adelphō̂n autoû Aithan hyiòs Kisaiou.

18
καὶ μετ’ αὐτῶν ἀδελϕοὶ αὐτῶν οἱ δεύτεροι, Ζαχαριας καὶ Οζιηλ καὶ Σεμιραμωθ καὶ Ιιηλ καὶ Ωνι καὶ Ελιαβ καὶ Βαναια καὶ Μαασαια καὶ Ματταθια καὶ Ελιϕαλια καὶ Μακενια καὶ Αβδεδομ καὶ Ιιηλ καὶ Οζιας, οἱ πυλωροί.

kaì met’ autō̂n adelphoì autō̂n hoi deúteroi, Zacharias kaì Oziēl kaì Semiramōth kaì Iiēl kaì Ōni kaì Eliab kaì Banaia kaì Maasaia kaì Mattathia kaì Eliphalia kaì Makenia kaì Abdedom kaì Iiēl kaì Ozias, hoi pylōroí.

19
καὶ οἱ ψαλτῳδοί· Αιμαν, Ασαϕ καὶ Αιθαν ἐν κυμβάλοις χαλκοῖς τοῦ ἀκουσθῆναι ποιῆσαι·

kaì hoi psaltōidoí: Aiman, Asaph kaì Aithan en kymbálois chalkoîs toû akousthē̂nai poiē̂sai:

20
Ζαχαριας καὶ Οζιηλ, Σεμιραμωθ, Ιιηλ, Ωνι, Ελιαβ, Μασαιας, Βαναιας ἐν νάβλαις ἐπὶ αλαιμωθ·

Zacharias kaì Oziēl, Semiramōth, Iiēl, Ōni, Eliab, Masaias, Banaias en náblais epì alaimōth:

21
καὶ Ματταθιας καὶ Ελιϕαλιας καὶ Μακενιας καὶ Αβδεδομ καὶ Ιιηλ καὶ Οζιας ἐν κινύραις αμασενιθ τοῦ ἐνισχῦσαι.

kaì Mattathias kaì Eliphalias kaì Makenias kaì Abdedom kaì Iiēl kaì Ozias en kinýrais amasenith toû enischŷsai.

22
καὶ Χωνενια ἄρχων τῶν Λευιτῶν ἄρχων τῶν ᾠδῶν, ὅτι συνετὸς ἦν.

kaì Chōnenia árchōn tō̂n Leuitō̂n árchōn tō̂n ōidō̂n, hóti synetòs ē̂n.

23
καὶ Βαραχια καὶ Ηλκανα πυλωροὶ τῆς κιβωτοῦ.

kaì Barachia kaì Ēlkana pylōroì tē̂s kibōtoû.

24
καὶ Σοβνια καὶ Ιωσαϕατ καὶ Ναθαναηλ καὶ Αμασαι καὶ Ζαχαρια καὶ Βαναι καὶ Ελιεζερ οἱ ἱερεῖς σαλπίζοντες ταῖς σάλπιγξιν ἔμπροσθεν τῆς κιβωτοῦ τοῦ θεοῦ. καὶ Αβδεδομ καὶ Ιια πυλωροὶ τῆς κιβωτοῦ τοῦ θεοῦ.

kaì Sobnia kaì Iōsaphat kaì Nathanaēl kaì Amasai kaì Zacharia kaì Banai kaì Eliezer hoi hiereîs salpízontes taîs sálpinxin émprosthen tē̂s kibōtoû toû theoû. kaì Abdedom kaì Iia pylōroì tē̂s kibōtoû toû theoû.

25
Καὶ ἦν Δαυιδ καὶ οἱ πρεσβύτεροι Ισραηλ καὶ οἱ χιλίαρχοι οἱ πορευόμενοι τοῦ ἀναγαγεῖν τὴν κιβωτὸν τῆς διαθήκης κυρίου ἐξ οἴκου Αβδεδομ ἐν εὐϕροσύνῃ.

Kaì ē̂n Dauid kaì hoi presbýteroi Israēl kaì hoi chilíarchoi hoi poreuómenoi toû anagageîn tḕn kibōtòn tē̂s diathḗkēs kyríou ex oíkou Abdedom en euphrosýnēi.

26
καὶ ἐγένετο ἐν τῷ κατισχῦσαι τὸν θεὸν τοὺς Λευίτας αἴροντας τὴν κιβωτὸν τῆς διαθήκης κυρίου καὶ ἔθυσαν ἑπτὰ μόσχους καὶ ἑπτὰ κριούς.

kaì egéneto en tō̂i katischŷsai tòn theòn toùs Leuítas aírontas tḕn kibōtòn tē̂s diathḗkēs kyríou kaì éthysan heptà móschous kaì heptà krioús.

27
καὶ Δαυιδ περιεζωσμένος ἐν στολῇ βυσσίνῃ καὶ πάντες οἱ Λευῖται αἴροντες τὴν κιβωτὸν διαθήκης κυρίου καὶ οἱ ψαλτῳδοὶ καὶ Χωνενιας ὁ ἄρχων τῶν ᾠδῶν τῶν ᾀδόντων, καὶ ἐπὶ Δαυιδ στολὴ βυσσίνη.

kaì Dauid periezōsménos en stolē̂i byssínēi kaì pántes hoi Leuîtai aírontes tḕn kibōtòn diathḗkēs kyríou kaì hoi psaltōidoì kaì Chōnenias ho árchōn tō̂n ōidō̂n tō̂n āidóntōn, kaì epì Dauid stolḕ byssínē.

28
καὶ πᾶς Ισραηλ ἀνάγοντες τὴν κιβωτὸν διαθήκης κυρίου ἐν σημασίᾳ καὶ ἐν ϕωνῇ σωϕερ καὶ ἐν σάλπιγξιν καὶ ἐν κυμβάλοις, ἀναϕωνοῦντες νάβλαις καὶ ἐν κινύραις.

kaì pâs Israēl anágontes tḕn kibōtòn diathḗkēs kyríou en sēmasíāi kaì en phōnē̂i sōpher kaì en sálpinxin kaì en kymbálois, anaphōnoûntes náblais kaì en kinýrais.

29
καὶ ἐγένετο κιβωτὸς διαθήκης κυρίου καὶ ἦλθεν ἕως πόλεως Δαυιδ, καὶ Μελχολ θυγάτηρ Σαουλ παρέκυψεν διὰ τῆς θυρίδος καὶ εἶδεν τὸν βασιλέα Δαυιδ ὀρχούμενον καὶ παίζοντα καὶ ἐξουδένωσεν αὐτὸν ἐν τῇ ψυχῇ αὐτῆς.

kaì egéneto kibōtòs diathḗkēs kyríou kaì ē̂lthen héōs póleōs Dauid, kaì Melchol thygátēr Saoul parékypsen dià tē̂s thyrídos kaì eîden tòn basiléa Dauid orchoúmenon kaì paízonta kaì exoudénōsen autòn en tē̂i psychē̂i autē̂s.