Bibles in ancient languages
Old translations
Modern translations

Septante 1 Kings 6

Pentateuch
Historical books
Poetical Writings
Prophetic Books
Chapter
Verses
1
Καὶ ἐγενήθη ἐν τῷ τεσσαρακοστῷ καὶ τετρακοσιοστῷ ἔτει τῆς ἐξόδου υἱῶν Ισραηλ ἐξ Αἰγύπτου, τῷ ἔτει τῷ τετάρτῳ ἐν μηνὶ τῷ δευτέρῳ βασιλεύοντος τοῦ βασιλέως Σαλωμων ἐπὶ Ισραηλ,

Kaì egenḗthē en tō̂i tessarakostō̂i kaì tetrakosiostō̂i étei tē̂s exódou hyiō̂n Israēl ex Aigýptou, tō̂i étei tō̂i tetártōi en mēnì tō̂i deutérōi basileúontos toû basiléōs Salōmōn epì Israēl,

1A
καὶ ἐνετείλατο ὁ βασιλεὺς καὶ αἴρουσιν λίθους μεγάλους τιμίους εἰς τὸν θεμέλιον τοῦ οἴκου καὶ λίθους ἀπελεκήτους·

kaì eneteílato ho basileùs kaì aírousin líthous megálous timíous eis tòn themélion toû oíkou kaì líthous apelekḗtous:

1B
καὶ ἐπελέκησαν οἱ υἱοὶ Σαλωμων καὶ οἱ υἱοὶ Χιραμ καὶ ἔβαλαν αὐτούς.

kaì epelékēsan hoi hyioì Salōmōn kaì hoi hyioì Chiram kaì ébalan autoús.

1C
ἐν τῷ ἔτει τῷ τετάρτῳ ἐθεμελίωσεν τὸν οἶκον κυρίου ἐν μηνὶ Νισω τῷ δευτέρῳ μηνί·

en tō̂i étei tō̂i tetártōi ethemelíōsen tòn oîkon kyríou en mēnì Nisō tō̂i deutérōi mēní:

1D
ἐν ἑνδεκάτῳ ἐνιαυτῷ ἐν μηνὶ Βααλ (οὗτος ὁ μὴν ὁ ὄγδοος) συνετελέσθη ὁ οἶκος εἰς πάντα λόγον αὐτοῦ καὶ εἰς πᾶσαν διάταξιν αὐτοῦ.

en hendekátōi eniautō̂i en mēnì Baal (hoûtos ho mḕn ho ógdoos) synetelésthē ho oîkos eis pánta lógon autoû kaì eis pâsan diátaxin autoû.

2
καὶ ὁ οἶκος, ὃν ᾠκοδόμησεν ὁ βασιλεὺς Σαλωμων τῷ κυρίῳ, τεσσαράκοντα πήχεων μῆκος αὐτοῦ καὶ εἴκοσι ἐν πήχει πλάτος αὐτοῦ καὶ πέντε καὶ εἴκοσι ἐν πήχει τὸ ὕψος αὐτοῦ.

kaì ho oîkos, hòn ōikodómēsen ho basileùs Salōmōn tō̂i kyríōi, tessarákonta pḗcheōn mē̂kos autoû kaì eíkosi en pḗchei plátos autoû kaì pénte kaì eíkosi en pḗchei tò hýpsos autoû.

3
καὶ τὸ αιλαμ κατὰ πρόσωπον τοῦ ναοῦ, εἴκοσι ἐν πήχει μῆκος αὐτοῦ εἰς τὸ πλάτος τοῦ οἴκου καὶ δέκα ἐν πήχει τὸ πλάτος αὐτοῦ κατὰ πρόσωπον τοῦ οἴκου. καὶ ᾠκοδόμησεν τὸν οἶκον καὶ συνετέλεσεν αὐτόν.

kaì tò ailam katà prósōpon toû naoû, eíkosi en pḗchei mē̂kos autoû eis tò plátos toû oíkou kaì déka en pḗchei tò plátos autoû katà prósōpon toû oíkou. kaì ōikodómēsen tòn oîkon kaì synetélesen autón.

4
καὶ ἐποίησεν τῷ οἴκῳ θυρίδας παρακυπτομένας κρυπτάς.

kaì epoíēsen tō̂i oíkōi thyrídas parakyptoménas kryptás.

5
καὶ ἔδωκεν ἐπὶ τὸν τοῖχον τοῦ οἴκου μέλαθρα κυκλόθεν τῷ ναῷ καὶ τῷ δαβιρ καὶ ἐποίησεν πλευρὰς κυκλόθεν.

kaì édōken epì tòn toîchon toû oíkou mélathra kyklóthen tō̂i naō̂i kaì tō̂i dabir kaì epoíēsen pleuràs kyklóthen.

6
ἡ πλευρὰ ἡ ὑποκάτω πέντε πήχεων τὸ πλάτος αὐτῆς, καὶ τὸ μέσον ἕξ, καὶ ἡ τρίτη ἑπτὰ ἐν πήχει τὸ πλάτος αὐτῆς· ὅτι διάστημα ἔδωκεν τῷ οἴκῳ κυκλόθεν ἔξωθεν τοῦ οἴκου, ὅπως μὴ ἐπιλαμβάνωνται τῶν τοίχων τοῦ οἴκου.

hē pleurà hē hypokátō pénte pḗcheōn tò plátos autē̂s, kaì tò méson héx, kaì hē trítē heptà en pḗchei tò plátos autē̂s: hóti diástēma édōken tō̂i oíkōi kyklóthen éxōthen toû oíkou, hópōs mḕ epilambánōntai tō̂n toíchōn toû oíkou.

7
καὶ ὁ οἶκος ἐν τῷ οἰκοδομεῖσθαι αὐτὸν λίθοις ἀκροτόμοις ἀργοῖς ᾠκοδομήθη, καὶ σϕῦρα καὶ πέλεκυς καὶ πᾶν σκεῦος σιδηροῦν οὐκ ἠκούσθη ἐν τῷ οἴκῳ ἐν τῷ οἰκοδομεῖσθαι αὐτόν.

kaì ho oîkos en tō̂i oikodomeîsthai autòn líthois akrotómois argoîs ōikodomḗthē, kaì sphŷra kaì pélekys kaì pân skeûos sidēroûn ouk ēkoústhē en tō̂i oíkōi en tō̂i oikodomeîsthai autón.

8
καὶ ὁ πυλὼν τῆς πλευρᾶς τῆς ὑποκάτωθεν ὑπὸ τὴν ὠμίαν τοῦ οἴκου τὴν δεξιάν, καὶ ἑλικτὴ ἀνάβασις εἰς τὸ μέσον καὶ ἐκ τῆς μέσης ἐπὶ τὰ τριώροϕα.

kaì ho pylṑn tē̂s pleurâs tē̂s hypokátōthen hypò tḕn ōmían toû oíkou tḕn dexián, kaì heliktḕ anábasis eis tò méson kaì ek tē̂s mésēs epì tà triṓropha.

9
καὶ ᾠκοδόμησεν τὸν οἶκον καὶ συνετέλεσεν αὐτόν· καὶ ἐκοιλοστάθμησεν τὸν οἶκον κέδροις.

kaì ōikodómēsen tòn oîkon kaì synetélesen autón: kaì ekoilostáthmēsen tòn oîkon kédrois.

10
καὶ ᾠκοδόμησεν τοὺς ἐνδέσμους δι’ ὅλου τοῦ οἴκου, πέντε ἐν πήχει τὸ ὕψος αὐτοῦ, καὶ συνέσχεν τὸν ἔνδεσμον ἐν ξύλοις κεδρίνοις.

kaì ōikodómēsen toùs endésmous di’ hólou toû oíkou, pénte en pḗchei tò hýpsos autoû, kaì synéschen tòn éndesmon en xýlois kedrínois.

15
Καὶ ᾠκοδόμησεν τοὺς τοίχους τοῦ οἴκου διὰ ξύλων κεδρίνων ἀπὸ τοῦ ἐδάϕους τοῦ οἴκου καὶ ἕως τῶν δοκῶν καὶ ἕως τῶν τοίχων· ἐκοιλοστάθμησεν συνεχόμενα ξύλοις ἔσωθεν καὶ περιέσχεν τὸ ἔσω τοῦ οἴκου ἐν πλευραῖς πευκίναις.

Kaì ōikodómēsen toùs toíchous toû oíkou dià xýlōn kedrínōn apò toû edáphous toû oíkou kaì héōs tō̂n dokō̂n kaì héōs tō̂n toíchōn: ekoilostáthmēsen synechómena xýlois ésōthen kaì periéschen tò ésō toû oíkou en pleuraîs peukínais.

16
καὶ ᾠκοδόμησεν τοὺς εἴκοσι πήχεις ἀπ’ ἄκρου τοῦ οἴκου, τὸ πλευρὸν τὸ ἓν ἀπὸ τοῦ ἐδάϕους ἕως τῶν δοκῶν, καὶ ἐποίησεν ἐκ τοῦ δαβιρ εἰς τὸ ἅγιον τῶν ἁγίων.

kaì ōikodómēsen toùs eíkosi pḗcheis ap’ ákrou toû oíkou, tò pleuròn tò hèn apò toû edáphous héōs tō̂n dokō̂n, kaì epoíēsen ek toû dabir eis tò hágion tō̂n hagíōn.

17
καὶ τεσσαράκοντα πηχῶν ἦν ὁ ναὸς κατὰ πρόσωπον

kaì tessarákonta pēchō̂n ē̂n ho naòs katà prósōpon

19
τοῦ δαβιρ ἐν μέσῳ τοῦ οἴκου ἔσωθεν δοῦναι ἐκεῖ τὴν κιβωτὸν διαθήκης κυρίου.

toû dabir en mésōi toû oíkou ésōthen doûnai ekeî tḕn kibōtòn diathḗkēs kyríou.

20
εἴκοσι πήχεις μῆκος καὶ εἴκοσι πήχεις πλάτος καὶ εἴκοσι πήχεις τὸ ὕψος αὐτοῦ, καὶ περιέσχεν αὐτὸν χρυσίῳ συγκεκλεισμένῳ. καὶ ἐποίησεν θυσιαστήριον

eíkosi pḗcheis mē̂kos kaì eíkosi pḗcheis plátos kaì eíkosi pḗcheis tò hýpsos autoû, kaì periéschen autòn chrysíōi synkekleisménōi. kaì epoíēsen thysiastḗrion

21
κατὰ πρόσωπον τοῦ δαβιρ καὶ περιέσχεν αὐτὸ χρυσίῳ.

katà prósōpon toû dabir kaì periéschen autò chrysíōi.

22
καὶ ὅλον τὸν οἶκον περιέσχεν χρυσίῳ ἕως συντελείας παντὸς τοῦ οἴκου.

kaì hólon tòn oîkon periéschen chrysíōi héōs synteleías pantòs toû oíkou.

23
Καὶ ἐποίησεν ἐν τῷ δαβιρ δύο χερουβιν δέκα πήχεων μέγεθος ἐσταθμωμένον.

Kaì epoíēsen en tō̂i dabir dýo cheroubin déka pḗcheōn mégethos estathmōménon.

24
καὶ πέντε πήχεων πτερύγιον τοῦ χερουβ τοῦ ἑνός, καὶ πέντε πήχεων πτερύγιον αὐτοῦ τὸ δεύτερον, ἐν πήχει δέκα ἀπὸ μέρους πτερυγίου αὐτοῦ εἰς μέρος πτερυγίου αὐτοῦ·

kaì pénte pḗcheōn pterýgion toû cheroub toû henós, kaì pénte pḗcheōn pterýgion autoû tò deúteron, en pḗchei déka apò mérous pterygíou autoû eis méros pterygíou autoû:

25
οὕτως τῷ χερουβ τῷ δευτέρῳ, ἐν μέτρῳ ἑνὶ συντέλεια μία ἀμϕοτέροις.

hoútōs tō̂i cheroub tō̂i deutérōi, en métrōi henì syntéleia mía amphotérois.

26
καὶ τὸ ὕψος τοῦ χερουβ τοῦ ἑνὸς δέκα ἐν πήχει, καὶ οὕτως τὸ χερουβ τὸ δεύτερον.

kaì tò hýpsos toû cheroub toû henòs déka en pḗchei, kaì hoútōs tò cheroub tò deúteron.

27
καὶ ἀμϕότερα τὰ χερουβιν ἐν μέσῳ τοῦ οἴκου τοῦ ἐσωτάτου· καὶ διεπέτασεν τὰς πτέρυγας αὐτῶν, καὶ ἥπτετο πτέρυξ μία τοῦ τοίχου, καὶ πτέρυξ ἥπτετο τοῦ τοίχου τοῦ δευτέρου, καὶ αἱ πτέρυγες αὐτῶν αἱ ἐν μέσῳ τοῦ οἴκου ἥπτοντο πτέρυξ πτέρυγος.

kaì amphótera tà cheroubin en mésōi toû oíkou toû esōtátou: kaì diepétasen tàs ptérygas autō̂n, kaì hḗpteto ptéryx mía toû toíchou, kaì ptéryx hḗpteto toû toíchou toû deutérou, kaì hai ptéryges autō̂n hai en mésōi toû oíkou hḗptonto ptéryx ptérygos.

28
καὶ περιέσχεν τὰ χερουβιν χρυσίῳ.

kaì periéschen tà cheroubin chrysíōi.

29
καὶ πάντας τοὺς τοίχους τοῦ οἴκου κύκλῳ ἐγκολαπτὰ ἔγραψεν γραϕίδι χερουβιν, καὶ ϕοίνικες τῷ ἐσωτέρῳ καὶ τῷ ἐξωτέρῳ.

kaì pántas toùs toíchous toû oíkou kýklōi enkolaptà égrapsen graphídi cheroubin, kaì phoínikes tō̂i esōtérōi kaì tō̂i exōtérōi.

30
καὶ τὸ ἔδαϕος τοῦ οἴκου περιέσχεν χρυσίῳ, τοῦ ἐσωτάτου καὶ τοῦ ἐξωτάτου.

kaì tò édaphos toû oíkou periéschen chrysíōi, toû esōtátou kaì toû exōtátou.

31
Καὶ τῷ θυρώματι τοῦ δαβιρ ἐποίησεν θύρας ξύλων ἀρκευθίνων καὶ ϕλιὰς πενταπλᾶς

Kaì tō̂i thyrṓmati toû dabir epoíēsen thýras xýlōn arkeuthínōn kaì phliàs pentaplâs

32
καὶ δύο θύρας ξύλων πευκίνων καὶ ἐγκολαπτὰ ἐπ’ αὐτῶν ἐγκεκολαμμένα χερουβιν καὶ ϕοίνικας καὶ πέταλα διαπεπετασμένα· καὶ περιέσχεν χρυσίῳ, καὶ κατέβαινεν ἐπὶ τὰ χερουβιν καὶ ἐπὶ τοὺς ϕοίνικας τὸ χρυσίον.

kaì dýo thýras xýlōn peukínōn kaì enkolaptà ep’ autō̂n enkekolamména cheroubin kaì phoínikas kaì pétala diapepetasména: kaì periéschen chrysíōi, kaì katébainen epì tà cheroubin kaì epì toùs phoínikas tò chrysíon.

33
καὶ οὕτως ἐποίησεν τῷ πυλῶνι τοῦ ναοῦ, ϕλιαὶ ξύλων ἀρκευθίνων, στοαὶ τετραπλῶς.

kaì hoútōs epoíēsen tō̂i pylō̂ni toû naoû, phliaì xýlōn arkeuthínōn, stoaì tetraplō̂s.

34
καὶ ἐν ἀμϕοτέραις ταῖς θύραις ξύλα πεύκινα· δύο πτυχαὶ ἡ θύρα ἡ μία καὶ στροϕεῖς αὐτῶν, καὶ δύο πτυχαὶ ἡ θύρα ἡ δευτέρα, στρεϕόμενα·

kaì en amphotérais taîs thýrais xýla peúkina: dýo ptychaì hē thýra hē mía kaì stropheîs autō̂n, kaì dýo ptychaì hē thýra hē deutéra, strephómena:

35
ἐγκεκολαμμένα χερουβιν καὶ ϕοίνικες καὶ διαπεπετασμένα πέταλα καὶ περιεχόμενα χρυσίῳ καταγομένῳ ἐπὶ τὴν ἐκτύπωσιν.

enkekolamména cheroubin kaì phoínikes kaì diapepetasména pétala kaì periechómena chrysíōi katagoménōi epì tḕn ektýpōsin.

36
καὶ ᾠκοδόμησεν τὴν αὐλὴν τὴν ἐσωτάτην, τρεῖς στίχους ἀπελεκήτων, καὶ στίχος κατειργασμένης κέδρου κυκλόθεν.

kaì ōikodómēsen tḕn aulḕn tḕn esōtátēn, treîs stíchous apelekḗtōn, kaì stíchos kateirgasménēs kédrou kyklóthen.

36A
καὶ ᾠκοδόμησε καταπέτασμα τῆς αὐλῆς τοῦ αιλαμ τοῦ οἴκου τοῦ κατὰ πρόσωπον τοῦ ναοῦ.

kaì ōikodómēse katapétasma tē̂s aulē̂s toû ailam toû oíkou toû katà prósōpon toû naoû.