Bibles in ancient languages
Old translations
Modern translations

Septante 2 Chroniques 19

Pentateuch
Historical books
Poetical Writings
Prophetic Books
Chapter
Verses
1
Καὶ ἀπέστρεψεν Ιωσαϕατ βασιλεὺς Ιουδα εἰς τὸν οἶκον αὐτοῦ ἐν εἰρήνῃ εἰς Ιερουσαλημ.

Kaì apéstrepsen Iōsaphat basileùs Iouda eis tòn oîkon autoû en eirḗnēi eis Ierousalēm.
2
καὶ ἐξῆλθεν εἰς ἀπάντησιν αὐτοῦ Ιου ὁ τοῦ Ανανι ὁ προϕήτης καὶ εἶπεν αὐτῷ Βασιλεῦ Ιωσαϕατ, εἰ ἁμαρτωλῷ σὺ βοηθεῖς ἢ μισουμένῳ ὑπὸ κυρίου ϕιλιάζεις; διὰ τοῦτο ἐγένετο ἐπὶ σὲ ὀργὴ παρὰ κυρίου·

kaì exē̂lthen eis apántēsin autoû Iou ho toû Anani ho prophḗtēs kaì eîpen autō̂i Basileû Iōsaphat, ei hamartōlō̂i sỳ boētheîs ḕ misouménōi hypò kyríou philiázeis? dià toûto egéneto epì sè orgḕ parà kyríou:
3
ἀλλ’ ἢ λόγοι ἀγαθοὶ ηὑρέθησαν ἐν σοί, ὅτι ἐξῆρας τὰ ἄλση ἀπὸ τῆς γῆς Ιουδα καὶ κατηύθυνας τὴν καρδίαν σου ἐκζητῆσαι τὸν κύριον.

all’ ḕ lógoi agathoì hēyréthēsan en soí, hóti exē̂ras tà álsē apò tē̂s gē̂s Iouda kaì katēýthynas tḕn kardían sou ekzētē̂sai tòn kýrion.
4
καὶ κατῴκησεν Ιωσαϕατ ἐν Ιερουσαλημ καὶ πάλιν ἐξῆλθεν εἰς τὸν λαὸν ἀπὸ Βηρσαβεε ἕως ὄρους Εϕραιμ καὶ ἐπέστρεψεν αὐτοὺς ἐπὶ κύριον θεὸν τῶν πατέρων αὐτῶν.

kaì katṓikēsen Iōsaphat en Ierousalēm kaì pálin exē̂lthen eis tòn laòn apò Bērsabee héōs órous Ephraim kaì epéstrepsen autoùs epì kýrion theòn tō̂n patérōn autō̂n.
5
καὶ κατέστησεν κριτὰς ἐν πάσαις ταῖς πόλεσιν Ιουδα ταῖς ὀχυραῖς ἐν πόλει καὶ πόλει

kaì katéstēsen kritàs en pásais taîs pólesin Iouda taîs ochyraîs en pólei kaì pólei
6
καὶ εἶπεν τοῖς κριταῖς ῎Ιδετε τί ὑμεῖς ποιεῖτε, ὅτι οὐκ ἀνθρώπῳ ὑμεῖς κρίνετε, ἀλλ’ ἢ τῷ κυρίῳ, καὶ μεθ’ ὑμῶν λόγοι τῆς κρίσεως·

kaì eîpen toîs kritaîs ῎Idete tí hymeîs poieîte, hóti ouk anthrṓpōi hymeîs krínete, all’ ḕ tō̂i kyríōi, kaì meth’ hymō̂n lógoi tē̂s kríseōs:
7
καὶ νῦν γενέσθω ϕόβος κυρίου ἐϕ’ ὑμᾶς, καὶ ϕυλάσσετε καὶ ποιήσετε, ὅτι οὐκ ἔστιν μετὰ κυρίου θεοῦ ἡμῶν ἀδικία οὐδὲ θαυμάσαι πρόσωπον οὐδὲ λαβεῖν δῶρα.

kaì nŷn genésthō phóbos kyríou eph’ hymâs, kaì phylássete kaì poiḗsete, hóti ouk éstin metà kyríou theoû hēmō̂n adikía oudè thaumásai prósōpon oudè labeîn dō̂ra.
8
καὶ γὰρ ἐν Ιερουσαλημ κατέστησεν Ιωσαϕατ τῶν ἱερέων καὶ τῶν Λευιτῶν καὶ τῶν πατριαρχῶν Ισραηλ εἰς κρίσιν κυρίου καὶ κρίνειν τοὺς κατοικοῦντας ἐν Ιερουσαλημ.

kaì gàr en Ierousalēm katéstēsen Iōsaphat tō̂n hieréōn kaì tō̂n Leuitō̂n kaì tō̂n patriarchō̂n Israēl eis krísin kyríou kaì krínein toùs katoikoûntas en Ierousalēm.
9
καὶ ἐνετείλατο πρὸς αὐτοὺς λέγων Οὕτως ποιήσετε ἐν ϕόβῳ κυρίου, ἐν ἀληθείᾳ καὶ ἐν πλήρει καρδίᾳ·

kaì eneteílato pròs autoùs légōn Hoútōs poiḗsete en phóbōi kyríou, en alētheíāi kaì en plḗrei kardíāi:
10
πᾶς ἀνὴρ κρίσιν τὴν ἐλθοῦσαν ἐϕ’ ὑμᾶς τῶν ἀδελϕῶν ὑμῶν τῶν κατοικούντων ἐν ταῖς πόλεσιν αὐτῶν ἀνὰ μέσον αἵματος αἷμα καὶ ἀνὰ μέσον προστάγματος καὶ ἐντολῆς καὶ δικαιώματα καὶ κρίματα καὶ διαστελεῖσθε αὐτοῖς, καὶ οὐχ ἁμαρτήσονται τῷ κυρίῳ, καὶ οὐκ ἔσται ἐϕ’ ὑμᾶς ὀργὴ καὶ ἐπὶ τοὺς ἀδελϕοὺς ὑμῶν· οὕτως ποιήσετε καὶ οὐχ ἁμαρτήσεσθε.

pâs anḕr krísin tḕn elthoûsan eph’ hymâs tō̂n adelphō̂n hymō̂n tō̂n katoikoúntōn en taîs pólesin autō̂n anà méson haímatos haîma kaì anà méson prostágmatos kaì entolē̂s kaì dikaiṓmata kaì krímata kaì diasteleîsthe autoîs, kaì ouch hamartḗsontai tō̂i kyríōi, kaì ouk éstai eph’ hymâs orgḕ kaì epì toùs adelphoùs hymō̂n: hoútōs poiḗsete kaì ouch hamartḗsesthe.
11
καὶ ἰδοὺ Αμαριας ὁ ἱερεὺς ἡγούμενος ἐϕ’ ὑμᾶς εἰς πᾶν λόγον κυρίου καὶ Ζαβδιας υἱὸς Ισμαηλ ὁ ἡγούμενος εἰς οἶκον Ιουδα πρὸς πᾶν λόγον βασιλέως καὶ οἱ γραμματεῖς καὶ οἱ Λευῖται πρὸ προσώπου ὑμῶν· ἰσχύσατε καὶ ποιήσατε, καὶ ἔσται κύριος μετὰ τοῦ ἀγαθοῦ.

kaì idoù Amarias ho hiereùs hēgoúmenos eph’ hymâs eis pân lógon kyríou kaì Zabdias hyiòs Ismaēl ho hēgoúmenos eis oîkon Iouda pròs pân lógon basiléōs kaì hoi grammateîs kaì hoi Leuîtai prò prosṓpou hymō̂n: ischýsate kaì poiḗsate, kaì éstai kýrios metà toû agathoû.