Bibles in ancient languages
Old translations
Modern translations

Septante 2 Chroniques 36

Pentateuch
Historical books
Poetical Writings
Prophetic Books
Chapter
Verses
1
Καὶ ἔλαβεν ὁ λαὸς τῆς γῆς τὸν Ιωαχαζ υἱὸν Ιωσιου καὶ ἔχρισαν αὐτὸν καὶ κατέστησαν αὐτὸν εἰς βασιλέα ἀντὶ τοῦ πατρὸς αὐτοῦ ἐν Ιερουσαλημ.

Kaì élaben ho laòs tē̂s gē̂s tòn Iōachaz hyiòn Iōsiou kaì échrisan autòn kaì katéstēsan autòn eis basiléa antì toû patròs autoû en Ierousalēm.
2
υἱὸς εἴκοσι καὶ τριῶν ἐτῶν Ιωαχαζ ἐν τῷ βασιλεύειν αὐτὸν καὶ τρίμηνον ἐβασίλευσεν ἐν Ιερουσαλημ,

hyiòs eíkosi kaì triō̂n etō̂n Iōachaz en tō̂i basileúein autòn kaì trímēnon ebasíleusen en Ierousalēm,
2A
καὶ ὄνομα τῆς μητρὸς αὐτοῦ Αμιταλ θυγάτηρ Ιερεμιου ἐκ Λοβενα.

kaì ónoma tē̂s mētròs autoû Amital thygátēr Ieremiou ek Lobena.
2B
καὶ ἐποίησεν τὸ πονηρὸν ἐνώπιον κυρίου κατὰ πάντα, ἃ ἐποίησαν οἱ πατέρες αὐτοῦ.

kaì epoíēsen tò ponēròn enṓpion kyríou katà pánta, hà epoíēsan hoi patéres autoû.
2C
καὶ ἔδησεν αὐτὸν Φαραω Νεχαω ἐν Δεβλαθα ἐν γῇ Εμαθ τοῦ μὴ βασιλεύειν αὐτὸν ἐν Ιερουσαλημ,

kaì édēsen autòn Pharaō Nechaō en Deblatha en gē̂i Emath toû mḕ basileúein autòn en Ierousalēm,
3
καὶ μετήγαγεν αὐτὸν ὁ βασιλεὺς εἰς Αἴγυπτον, καὶ ἐπέβαλεν ϕόρον ἐπὶ τὴν γῆν ἑκατὸν τάλαντα ἀργυρίου καὶ τάλαντον χρυσίου.

kaì metḗgagen autòn ho basileùs eis Aígypton, kaì epébalen phóron epì tḕn gē̂n hekatòn tálanta argyríou kaì tálanton chrysíou.
4
καὶ κατέστησεν Φαραω Νεχαω τὸν Ελιακιμ υἱὸν Ιωσιου βασιλέα Ιουδα ἀντὶ Ιωσιου τοῦ πατρὸς αὐτοῦ καὶ μετέστρεψεν τὸ ὄνομα αὐτοῦ Ιωακιμ· καὶ τὸν Ιωαχαζ ἀδελϕὸν αὐτοῦ ἔλαβεν Φαραω Νεχαω καὶ εἰσήγαγεν αὐτὸν εἰς Αἴγυπτον, καὶ ἀπέθανεν ἐκεῖ.

kaì katéstēsen Pharaō Nechaō tòn Eliakim hyiòn Iōsiou basiléa Iouda antì Iōsiou toû patròs autoû kaì metéstrepsen tò ónoma autoû Iōakim: kaì tòn Iōachaz adelphòn autoû élaben Pharaō Nechaō kaì eisḗgagen autòn eis Aígypton, kaì apéthanen ekeî.
4A
καὶ τὸ ἀργύριον καὶ τὸ χρυσίον ἔδωκαν τῷ Φαραω· τότε ἤρξατο ἡ γῆ ϕορολογεῖσθαι τοῦ δοῦναι τὸ ἀργύριον ἐπὶ στόμα Φαραω, καὶ ἕκαστος κατὰ δύναμιν ἀπῄτει τὸ ἀργύριον καὶ τὸ χρυσίον παρὰ τοῦ λαοῦ τῆς γῆς δοῦναι τῷ Φαραω Νεχαω.

kaì tò argýrion kaì tò chrysíon édōkan tō̂i Pharaō: tóte ḗrxato hē gē̂ phorologeîsthai toû doûnai tò argýrion epì stóma Pharaō, kaì hékastos katà dýnamin apḗitei tò argýrion kaì tò chrysíon parà toû laoû tē̂s gē̂s doûnai tō̂i Pharaō Nechaō.
5
῍Ων εἴκοσι καὶ πέντε ἐτῶν Ιωακιμ ἐν τῷ βασιλεύειν αὐτὸν καὶ ἕνδεκα ἔτη ἐβασίλευσεν ἐν Ιερουσαλημ, καὶ ὄνομα τῆς μητρὸς αὐτοῦ Ζεχωρα θυγάτηρ Νηριου ἐκ Ραμα. καὶ ἐποίησεν τὸ πονηρὸν ἐναντίον κυρίου κατὰ πάντα, ὅσα ἐποίησαν οἱ πατέρες αὐτοῦ.

῍Ōn eíkosi kaì pénte etō̂n Iōakim en tō̂i basileúein autòn kaì héndeka étē ebasíleusen en Ierousalēm, kaì ónoma tē̂s mētròs autoû Zechōra thygátēr Nēriou ek Rama. kaì epoíēsen tò ponēròn enantíon kyríou katà pánta, hósa epoíēsan hoi patéres autoû.
5A
ἐν ταῖς ἡμέραις αὐτοῦ ἦλθεν Ναβουχοδονοσορ βασιλεὺς Βαβυλῶνος εἰς τὴν γῆν, καὶ ἦν αὐτῷ δουλεύων τρία ἔτη καὶ ἀπέστη ἀπ’ αὐτοῦ.

en taîs hēmérais autoû ē̂lthen Nabouchodonosor basileùs Babylō̂nos eis tḕn gē̂n, kaì ē̂n autō̂i douleúōn tría étē kaì apéstē ap’ autoû.
5B
καὶ ἀπέστειλεν κύριος ἐπ’ αὐτοὺς τοὺς Χαλδαίους καὶ λῃστήρια Σύρων καὶ λῃστήρια Μωαβιτῶν καὶ υἱῶν Αμμων καὶ τῆς Σαμαρείας, καὶ ἀπέστησαν μετὰ τὸν λόγον τοῦτον κατὰ τὸν λόγον κυρίου ἐν χειρὶ τῶν παίδων αὐτοῦ τῶν προϕητῶν.

kaì apésteilen kýrios ep’ autoùs toùs Chaldaíous kaì lēistḗria Sýrōn kaì lēistḗria Mōabitō̂n kaì hyiō̂n Ammōn kaì tē̂s Samareías, kaì apéstēsan metà tòn lógon toûton katà tòn lógon kyríou en cheirì tō̂n paídōn autoû tō̂n prophētō̂n.
5C
πλὴν θυμὸς κυρίου ἦν ἐπὶ Ιουδαν τοῦ ἀποστῆσαι αὐτὸν ἀπὸ προσώπου αὐτοῦ διὰ τὰς ἁμαρτίας Μανασση ἐν πᾶσιν, οἷς ἐποίησεν,

plḕn thymòs kyríou ē̂n epì Ioudan toû apostē̂sai autòn apò prosṓpou autoû dià tàs hamartías Manassē en pâsin, hoîs epoíēsen,
5D
καὶ ἐν αἵματι ἀθῴῳ, ᾧ ἐξέχεεν Ιωακιμ καὶ ἔπλησεν τὴν Ιερουσαλημ αἵματος ἀθῴου, καὶ οὐκ ἠθέλησεν κύριος ἐξολεθρεῦσαι αὐτούς.

kaì en haímati athṓiōi, hō̂i exécheen Iōakim kaì éplēsen tḕn Ierousalēm haímatos athṓiou, kaì ouk ēthélēsen kýrios exolethreûsai autoús.
6
καὶ ἀνέβη ἐπ’ αὐτὸν Ναβουχοδονοσορ βασιλεὺς Βαβυλῶνος καὶ ἔδησεν αὐτὸν ἐν χαλκαῖς πέδαις καὶ ἀπήγαγεν αὐτὸν εἰς Βαβυλῶνα.

kaì anébē ep’ autòn Nabouchodonosor basileùs Babylō̂nos kaì édēsen autòn en chalkaîs pédais kaì apḗgagen autòn eis Babylō̂na.
7
καὶ μέρος τῶν σκευῶν οἴκου κυρίου ἀπήνεγκεν εἰς Βαβυλῶνα καὶ ἔθηκεν αὐτὰ ἐν τῷ ναῷ αὐτοῦ ἐν Βαβυλῶνι.

kaì méros tō̂n skeuō̂n oíkou kyríou apḗnenken eis Babylō̂na kaì éthēken autà en tō̂i naō̂i autoû en Babylō̂ni.
8
καὶ τὰ λοιπὰ τῶν λόγων Ιωακιμ καὶ πάντα, ἃ ἐποίησεν, οὐκ ἰδοὺ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖς βασιλεῦσιν Ιουδα; καὶ ἐκοιμήθη Ιωακιμ μετὰ τῶν πατέρων αὐτοῦ καὶ ἐτάϕη ἐν Γανοζα μετὰ τῶν πατέρων αὐτοῦ, καὶ ἐβασίλευσεν Ιεχονιας υἱὸς αὐτοῦ ἀντ’ αὐτοῦ.

kaì tà loipà tō̂n lógōn Iōakim kaì pánta, hà epoíēsen, ouk idoù taûta gegramména epì biblíōi lógōn tō̂n hēmerō̂n toîs basileûsin Iouda? kaì ekoimḗthē Iōakim metà tō̂n patérōn autoû kaì etáphē en Ganoza metà tō̂n patérōn autoû, kaì ebasíleusen Iechonias hyiòs autoû ant’ autoû.
9
Υἱὸς ὀκτωκαίδεκα ἐτῶν Ιεχονιας ἐν τῷ βασιλεύειν αὐτὸν καὶ τρίμηνον καὶ δέκα ἡμέρας ἐβασίλευσεν ἐν Ιερουσαλημ. καὶ ἐποίησεν τὸ πονηρὸν ἐνώπιον κυρίου.

Hyiòs oktōkaídeka etō̂n Iechonias en tō̂i basileúein autòn kaì trímēnon kaì déka hēméras ebasíleusen en Ierousalēm. kaì epoíēsen tò ponēròn enṓpion kyríou.
10
καὶ ἐπιστρέϕοντος τοῦ ἐνιαυτοῦ ἀπέστειλεν ὁ βασιλεὺς Ναβουχοδονοσορ καὶ εἰσήνεγκεν αὐτὸν εἰς Βαβυλῶνα μετὰ τῶν σκευῶν τῶν ἐπιθυμητῶν οἴκου κυρίου καὶ ἐβασίλευσεν Σεδεκιαν ἀδελϕὸν τοῦ πατρὸς αὐτοῦ ἐπὶ Ιουδαν καὶ Ιερουσαλημ.

kaì epistréphontos toû eniautoû apésteilen ho basileùs Nabouchodonosor kaì eisḗnenken autòn eis Babylō̂na metà tō̂n skeuō̂n tō̂n epithymētō̂n oíkou kyríou kaì ebasíleusen Sedekian adelphòn toû patròs autoû epì Ioudan kaì Ierousalēm.
11
’Ετῶν εἴκοσι ἑνὸς Σεδεκιας ἐν τῷ βασιλεύειν αὐτὸν καὶ ἕνδεκα ἔτη ἐβασίλευσεν ἐν Ιερουσαλημ.

’Etō̂n eíkosi henòs Sedekias en tō̂i basileúein autòn kaì héndeka étē ebasíleusen en Ierousalēm.
12
καὶ ἐποίησεν τὸ πονηρὸν ἐνώπιον κυρίου θεοῦ αὐτοῦ, οὐκ ἐνετράπη ἀπὸ προσώπου Ιερεμιου τοῦ προϕήτου καὶ ἐκ στόματος κυρίου

kaì epoíēsen tò ponēròn enṓpion kyríou theoû autoû, ouk enetrápē apò prosṓpou Ieremiou toû prophḗtou kaì ek stómatos kyríou
13
ἐν τῷ τὰ πρὸς τὸν βασιλέα Ναβουχοδονοσορ ἀθετῆσαι ἃ ὥρκισεν αὐτὸν κατὰ τοῦ θεοῦ καὶ ἐσκλήρυνεν τὸν τράχηλον αὐτοῦ καὶ τὴν καρδίαν αὐτοῦ κατίσχυσεν τοῦ μὴ ἐπιστρέψαι πρὸς κύριον θεὸν Ισραηλ.

en tō̂i tà pròs tòn basiléa Nabouchodonosor athetē̂sai hà hṓrkisen autòn katà toû theoû kaì esklḗrynen tòn tráchēlon autoû kaì tḕn kardían autoû katíschysen toû mḕ epistrépsai pròs kýrion theòn Israēl.
14
καὶ πάντες οἱ ἔνδοξοι Ιουδα καὶ οἱ ἱερεῖς καὶ ὁ λαὸς τῆς γῆς ἐπλήθυναν τοῦ ἀθετῆσαι ἀθετήματα βδελυγμάτων ἐθνῶν καὶ ἐμίαναν τὸν οἶκον κυρίου τὸν ἐν Ιερουσαλημ.

kaì pántes hoi éndoxoi Iouda kaì hoi hiereîs kaì ho laòs tē̂s gē̂s eplḗthynan toû athetē̂sai athetḗmata bdelygmátōn ethnō̂n kaì emíanan tòn oîkon kyríou tòn en Ierousalēm.
15
καὶ ἐξαπέστειλεν κύριος ὁ θεὸς τῶν πατέρων αὐτῶν ἐν χειρὶ προϕητῶν ὀρθρίζων καὶ ἀποστέλλων τοὺς ἀγγέλους αὐτοῦ, ὅτι ἦν ϕειδόμενος τοῦ λαοῦ αὐτοῦ καὶ τοῦ ἁγιάσματος αὐτοῦ·

kaì exapésteilen kýrios ho theòs tō̂n patérōn autō̂n en cheirì prophētō̂n orthrízōn kaì apostéllōn toùs angélous autoû, hóti ē̂n pheidómenos toû laoû autoû kaì toû hagiásmatos autoû:
16
καὶ ἦσαν μυκτηρίζοντες τοὺς ἀγγέλους αὐτοῦ καὶ ἐξουδενοῦντες τοὺς λόγους αὐτοῦ καὶ ἐμπαίζοντες ἐν τοῖς προϕήταις αὐτοῦ, ἕως ἀνέβη ὁ θυμὸς κυρίου ἐν τῷ λαῷ αὐτοῦ, ἕως οὐκ ἦν ἴαμα.

kaì ē̂san myktērízontes toùs angélous autoû kaì exoudenoûntes toùs lógous autoû kaì empaízontes en toîs prophḗtais autoû, héōs anébē ho thymòs kyríou en tō̂i laō̂i autoû, héōs ouk ē̂n íama.
17
καὶ ἤγαγεν ἐπ’ αὐτοὺς βασιλέα Χαλδαίων, καὶ ἀπέκτεινεν τοὺς νεανίσκους αὐτῶν ἐν ῥομϕαίᾳ ἐν οἴκῳ ἁγιάσματος αὐτοῦ καὶ οὐκ ἐϕείσατο τοῦ Σεδεκιου καὶ τὰς παρθένους αὐτῶν οὐκ ἠλέησαν καὶ τοὺς πρεσβυτέρους αὐτῶν ἀπήγαγον· τὰ πάντα παρέδωκεν ἐν χερσὶν αὐτῶν.

kaì ḗgagen ep’ autoùs basiléa Chaldaíōn, kaì apékteinen toùs neanískous autō̂n en rhomphaíāi en oíkōi hagiásmatos autoû kaì ouk epheísato toû Sedekiou kaì tàs parthénous autō̂n ouk ēléēsan kaì toùs presbytérous autō̂n apḗgagon: tà pánta parédōken en chersìn autō̂n.
18
καὶ πάντα τὰ σκεύη οἴκου θεοῦ τὰ μεγάλα καὶ τὰ μικρὰ καὶ τοὺς θησαυροὺς καὶ πάντας τοὺς θησαυροὺς βασιλέως καὶ μεγιστάνων, πάντα εἰσήνεγκεν εἰς Βαβυλῶνα.

kaì pánta tà skeúē oíkou theoû tà megála kaì tà mikrà kaì toùs thēsauroùs kaì pántas toùs thēsauroùs basiléōs kaì megistánōn, pánta eisḗnenken eis Babylō̂na.
19
καὶ ἐνέπρησεν τὸν οἶκον κυρίου καὶ κατέσκαψεν τὸ τεῖχος Ιερουσαλημ καὶ τὰς βάρεις αὐτῆς ἐνέπρησεν ἐν πυρὶ καὶ πᾶν σκεῦος ὡραῖον εἰς ἀϕανισμόν.

kaì enéprēsen tòn oîkon kyríou kaì katéskapsen tò teîchos Ierousalēm kaì tàs báreis autē̂s enéprēsen en pyrì kaì pân skeûos hōraîon eis aphanismón.
20
καὶ ἀπῴκισεν τοὺς καταλοίπους εἰς Βαβυλῶνα, καὶ ἦσαν αὐτῷ καὶ τοῖς υἱοῖς αὐτοῦ εἰς δούλους ἕως βασιλείας Μήδων

kaì apṓikisen toùs kataloípous eis Babylō̂na, kaì ē̂san autō̂i kaì toîs hyioîs autoû eis doúlous héōs basileías Mḗdōn
21
τοῦ πληρωθῆναι λόγον κυρίου διὰ στόματος Ιερεμιου ἕως τοῦ προσδέξασθαι τὴν γῆν τὰ σάββατα αὐτῆς σαββατίσαι· πάσας τὰς ἡμέρας τῆς ἐρημώσεως αὐτῆς ἐσαββάτισεν εἰς συμπλήρωσιν ἐτῶν ἑβδομήκοντα.

toû plērōthē̂nai lógon kyríou dià stómatos Ieremiou héōs toû prosdéxasthai tḕn gē̂n tà sábbata autē̂s sabbatísai: pásas tàs hēméras tē̂s erēmṓseōs autē̂s esabbátisen eis symplḗrōsin etō̂n hebdomḗkonta.
22
῎Ετους πρώτου Κύρου βασιλέως Περσῶν μετὰ τὸ πληρωθῆναι ῥῆμα κυρίου διὰ στόματος Ιερεμιου ἐξήγειρεν κύριος τὸ πνεῦμα Κύρου βασιλέως Περσῶν, καὶ παρήγγειλεν κηρύξαι ἐν πάσῃ τῇ βασιλείᾳ αὐτοῦ ἐν γραπτῷ λέγων

῎Etous prṓtou Kýrou basiléōs Persō̂n metà tò plērōthē̂nai rhē̂ma kyríou dià stómatos Ieremiou exḗgeiren kýrios tò pneûma Kýrou basiléōs Persō̂n, kaì parḗngeilen kērýxai en pásēi tē̂i basileíāi autoû en graptō̂i légōn
23
Τάδε λέγει Κῦρος βασιλεὺς Περσῶν Πάσας τὰς βασιλείας τῆς γῆς ἔδωκέν μοι κύριος ὁ θεὸς τοῦ οὐρανοῦ, καὶ αὐτὸς ἐνετείλατό μοι οἰκοδομῆσαι αὐτῷ οἶκον ἐν Ιερουσαλημ ἐν τῇ Ιουδαίᾳ. τίς ἐξ ὑμῶν ἐκ παντὸς τοῦ λαοῦ αὐτοῦ; ἔσται ὁ θεὸς αὐτοῦ μετ’ αὐτοῦ, καὶ ἀναβήτω.

Táde légei Kŷros basileùs Persō̂n Pásas tàs basileías tē̂s gē̂s édōkén moi kýrios ho theòs toû ouranoû, kaì autòs eneteílató moi oikodomē̂sai autō̂i oîkon en Ierousalēm en tē̂i Ioudaíāi. tís ex hymō̂n ek pantòs toû laoû autoû? éstai ho theòs autoû met’ autoû, kaì anabḗtō.