Bibles in ancient languages
Old translations
Modern translations

Septante 2 Maccabées 10

Pentateuch
Historical books
Poetical Writings
Prophetic Books
Chapter
Verses
1
Μακκαβαῖος δὲ καὶ οἱ σὺν αὐτῷ τοῦ κυρίου προάγοντος αὐτοὺς τὸ μὲν ἱερὸν ἐκομίσαντο καὶ τὴν πόλιν,

Makkabaîos dè kaì hoi sỳn autō̂i toû kyríou proágontos autoùs tò mèn hieròn ekomísanto kaì tḕn pólin,

2
τοὺς δὲ κατὰ τὴν ἀγορὰν βωμοὺς ὑπὸ τῶν ἀλλοϕύλων δεδημιουργημένους, ἔτι δὲ τεμένη καθεῖλαν

toùs dè katà tḕn agoràn bōmoùs hypò tō̂n allophýlōn dedēmiourgēménous, éti dè teménē katheîlan

3
καὶ τὸν νεὼ καθαρίσαντες ἕτερον θυσιαστήριον ἐποίησαν καὶ πυρώσαντες λίθους καὶ πῦρ ἐκ τούτων λαβόντες ἀνήνεγκαν θυσίας μετὰ διετῆ χρόνον καὶ θυμίαμα καὶ λύχνους καὶ τῶν ἄρτων τὴν πρόθεσιν ἐποιήσαντο.

kaì tòn neṑ katharísantes héteron thysiastḗrion epoíēsan kaì pyrṓsantes líthous kaì pŷr ek toútōn labóntes anḗnenkan thysías metà dietē̂ chrónon kaì thymíama kaì lýchnous kaì tō̂n ártōn tḕn próthesin epoiḗsanto.

4
ταῦτα δὲ ποιήσαντες ἠξίωσαν τὸν κύριον πεσόντες ἐπὶ κοιλίαν μηκέτι περιπεσεῖν τοιούτοις κακοῖς, ἀλλ’ ἐάν ποτε καὶ ἁμάρτωσιν, ὑπ’ αὐτοῦ μετὰ ἐπιεικείας παιδεύεσθαι καὶ μὴ βλασϕήμοις καὶ βαρβάροις ἔθνεσιν παραδίδοσθαι.

taûta dè poiḗsantes ēxíōsan tòn kýrion pesóntes epì koilían mēkéti peripeseîn toioútois kakoîs, all’ eán pote kaì hamártōsin, hyp’ autoû metà epieikeías paideúesthai kaì mḕ blasphḗmois kaì barbárois éthnesin paradídosthai.

5
ἐν ᾗ δὲ ἡμέρᾳ ὁ νεὼς ὑπὸ ἀλλοϕύλων ἐβεβηλώθη, συνέβη κατὰ τὴν αὐτὴν ἡμέραν τὸν καθαρισμὸν γενέσθαι τοῦ ναοῦ, τῇ πέμπτῃ καὶ εἰκάδι τοῦ αὐτοῦ μηνός, ὅς ἐστιν Χασελευ.

en hē̂i dè hēmérāi ho neṑs hypò allophýlōn ebebēlṓthē, synébē katà tḕn autḕn hēméran tòn katharismòn genésthai toû naoû, tē̂i pémptēi kaì eikádi toû autoû mēnós, hós estin Chaseleu.

6
καὶ μετ’ εὐϕροσύνης ἦγον ἡμέρας ὀκτὼ σκηνωμάτων τρόπον μνημονεύοντες ὡς πρὸ μικροῦ χρόνου τὴν τῶν σκηνῶν ἑορτὴν ἐν τοῖς ὄρεσιν καὶ ἐν τοῖς σπηλαίοις θηρίων τρόπον ἦσαν νεμόμενοι.

kaì met’ euphrosýnēs ē̂gon hēméras oktṑ skēnōmátōn trópon mnēmoneúontes hōs prò mikroû chrónou tḕn tō̂n skēnō̂n heortḕn en toîs óresin kaì en toîs spēlaíois thēríōn trópon ē̂san nemómenoi.

7
διὸ θύρσους καὶ κλάδους ὡραίους, ἔτι δὲ καὶ ϕοίνικας ἔχοντες ὕμνους ἀνέϕερον τῷ εὐοδώσαντι καθαρισθῆναι τὸν ἑαυτοῦ τόπον.

diò thýrsous kaì kládous hōraíous, éti dè kaì phoínikas échontes hýmnous anépheron tō̂i euodṓsanti katharisthē̂nai tòn heautoû tópon.

8
ἐδογμάτισαν δὲ μετὰ κοινοῦ προστάγματος καὶ ψηϕίσματος παντὶ τῷ τῶν Ιουδαίων ἔθνει κατ’ ἐνιαυτὸν ἄγειν τάσδε τὰς ἡμέρας.

edogmátisan dè metà koinoû prostágmatos kaì psēphísmatos pantì tō̂i tō̂n Ioudaíōn éthnei kat’ eniautòn ágein tásde tàs hēméras.

9
καὶ τὰ μὲν τῆς ’Αντιόχου τοῦ προσαγορευθέντος ’Επιϕανοῦς τελευτῆς οὕτως εἶχεν.

kaì tà mèn tē̂s ’Antióchou toû prosagoreuthéntos ’Epiphanoûs teleutē̂s hoútōs eîchen.

10
Νυνὶ δὲ τὰ κατὰ τὸν Εὐπάτορα ’Αντίοχον, υἱὸν δὲ τοῦ ἀσεβοῦς γενόμενον, δηλώσομεν αὐτὰ συντέμνοντες τὰ συνέχοντα τῶν πολέμων κακά.

Nynì dè tà katà tòn Eupátora ’Antíochon, hyiòn dè toû aseboûs genómenon, dēlṓsomen autà syntémnontes tà synéchonta tō̂n polémōn kaká.

11
οὗτος γὰρ παραλαβὼν τὴν βασιλείαν ἀνέδειξεν ἐπὶ τῶν πραγμάτων Λυσίαν τινά, Κοίλης δὲ Συρίας καὶ Φοινίκης στρατηγὸν πρώταρχον.

hoûtos gàr paralabṑn tḕn basileían anédeixen epì tō̂n pragmátōn Lysían tiná, Koílēs dè Syrías kaì Phoiníkēs stratēgòn prṓtarchon.

12
Πτολεμαῖος γὰρ ὁ καλούμενος Μάκρων τὸ δίκαιον συντηρεῖν προηγούμενος πρὸς τοὺς Ιουδαίους διὰ τὴν γεγονυῖαν εἰς αὐτοὺς ἀδικίαν ἐπειρᾶτο τὰ πρὸς αὐτοὺς εἰρηνικῶς διεξάγειν·

Ptolemaîos gàr ho kaloúmenos Mákrōn tò díkaion syntēreîn proēgoúmenos pròs toùs Ioudaíous dià tḕn gegonyîan eis autoùs adikían epeirâto tà pròs autoùs eirēnikō̂s diexágein:

13
ὅθεν κατηγορούμενος ὑπὸ τῶν ϕίλων πρὸς τὸν Εὐπάτορα καὶ προδότης παρ’ ἕκαστα ἀκούων διὰ τὸ τὴν Κύπρον ἐμπιστευθέντα ὑπὸ τοῦ Φιλομήτορος ἐκλιπεῖν καὶ πρὸς ’Αντίοχον τὸν ’Επιϕανῆ ἀναχωρῆσαι μήτε εὐγενῆ τὴν ἐξουσίαν εὐγενίσας ϕαρμακεύσας ἑαυτὸν ἐξέλιπεν τὸν βίον.

hóthen katēgoroúmenos hypò tō̂n phílōn pròs tòn Eupátora kaì prodótēs par’ hékasta akoúōn dià tò tḕn Kýpron empisteuthénta hypò toû Philomḗtoros eklipeîn kaì pròs ’Antíochon tòn ’Epiphanē̂ anachōrē̂sai mḗte eugenē̂ tḕn exousían eugenísas pharmakeúsas heautòn exélipen tòn bíon.

14
Γοργίας δὲ γενόμενος στρατηγὸς τῶν τόπων ἐξενοτρόϕει καὶ παρ’ ἕκαστα πρὸς τοὺς Ιουδαίους ἐπολεμοτρόϕει.

Gorgías dè genómenos stratēgòs tō̂n tópōn exenotróphei kaì par’ hékasta pròs toùs Ioudaíous epolemotróphei.

15
ὁμοῦ δὲ τούτῳ καὶ οἱ Ιδουμαῖοι ἐγκρατεῖς ἐπικαίρων ὀχυρωμάτων ὄντες ἐγύμναζον τοὺς Ιουδαίους καὶ τοὺς ϕυγαδεύσαντας ἀπὸ Ιεροσολύμων προσλαβόμενοι πολεμοτροϕεῖν ἐπεχείρουν.

homoû dè toútōi kaì hoi Idoumaîoi enkrateîs epikaírōn ochyrōmátōn óntes egýmnazon toùs Ioudaíous kaì toùs phygadeúsantas apò Ierosolýmōn proslabómenoi polemotropheîn epecheíroun.

16
οἱ δὲ περὶ τὸν Μακκαβαῖον ποιησάμενοι λιτανείαν καὶ ἀξιώσαντες τὸν θεὸν σύμμαχον αὐτοῖς γενέσθαι ἐπὶ τὰ τῶν Ιδουμαίων ὀχυρώματα ὥρμησαν,

hoi dè perì tòn Makkabaîon poiēsámenoi litaneían kaì axiṓsantes tòn theòn sýmmachon autoîs genésthai epì tà tō̂n Idoumaíōn ochyrṓmata hṓrmēsan,

17
οἷς καὶ προσβαλόντες εὐρώστως ἐγκρατεῖς ἐγένοντο τῶν τόπων πάντας τε τοὺς ἐπὶ τῷ τείχει μαχομένους ἠμύναντο κατέσϕαζόν τε τοὺς ἐμπίπτοντας, ἀνεῖλον δὲ οὐχ ἧττον τῶν δισμυρίων.

hoîs kaì prosbalóntes eurṓstōs enkrateîs egénonto tō̂n tópōn pántas te toùs epì tō̂i teíchei machoménous ēmýnanto katésphazón te toùs empíptontas, aneîlon dè ouch hē̂tton tō̂n dismyríōn.

18
συμϕυγόντων δὲ οὐκ ἔλαττον τῶν ἐνακισχιλίων εἰς δύο πύργους ὀχυροὺς εὖ μάλα καὶ πάντα τὰ πρὸς πολιορκίαν ἔχοντας

symphygóntōn dè ouk élatton tō̂n enakischilíōn eis dýo pýrgous ochyroùs eû mála kaì pánta tà pròs poliorkían échontas

19
ὁ Μακκαβαῖος εἰς ἐπείγοντας τόπους ἀπολιπὼν Σιμωνα καὶ Ιωσηπον, ἔτι δὲ καὶ Ζακχαῖον καὶ τοὺς σὺν αὐτῷ ἱκανοὺς πρὸς τὴν τούτων πολιορκίαν αὐτὸς ἐχωρίσθη.

ho Makkabaîos eis epeígontas tópous apolipṑn Simōna kaì Iōsēpon, éti dè kaì Zakchaîon kaì toùs sỳn autō̂i hikanoùs pròs tḕn toútōn poliorkían autòs echōrísthē.

20
οἱ δὲ περὶ τὸν Σιμωνα ϕιλαργυρήσαντες ὑπό τινων τῶν ἐν τοῖς πύργοις ἐπείσθησαν ἀργυρίῳ, ἑπτάκις δὲ μυρίας δραχμὰς λαβόντες εἴασάν τινας διαρρυῆναι.

hoi dè perì tòn Simōna philargyrḗsantes hypó tinōn tō̂n en toîs pýrgois epeísthēsan argyríōi, heptákis dè myrías drachmàs labóntes eíasán tinas diarryē̂nai.

21
προσαγγελέντος δὲ τῷ Μακκαβαίῳ περὶ τοῦ γεγονότος συναγαγὼν τοὺς ἡγουμένους τοῦ λαοῦ κατηγόρησεν ὡς ἀργυρίου πέπρακαν τοὺς ἀδελϕοὺς τοὺς πολεμίους κατ’ αὐτῶν ἀπολύσαντες.

prosangeléntos dè tō̂i Makkabaíōi perì toû gegonótos synagagṑn toùs hēgouménous toû laoû katēgórēsen hōs argyríou péprakan toùs adelphoùs toùs polemíous kat’ autō̂n apolýsantes.

22
τούτους μὲν οὖν προδότας γενομένους ἀπέκτεινεν, καὶ παραχρῆμα τοὺς δύο πύργους κατελάβετο.

toútous mèn oûn prodótas genoménous apékteinen, kaì parachrē̂ma toùs dýo pýrgous katelábeto.

23
τοῖς δὲ ὅπλοις τὰ πάντα ἐν ταῖς χερσὶν εὐοδούμενος ἀπώλεσεν ἐν τοῖς δυσὶν ὀχυρώμασιν πλείους τῶν δισμυρίων.

toîs dè hóplois tà pánta en taîs chersìn euodoúmenos apṓlesen en toîs dysìn ochyrṓmasin pleíous tō̂n dismyríōn.

24
Τιμόθεος δὲ ὁ πρότερον ἡττηθεὶς ὑπὸ τῶν Ιουδαίων συναγαγὼν ξένας δυνάμεις παμπληθεῖς καὶ τοὺς τῆς ’Ασίας γενομένους ἵππους συναθροίσας οὐκ ὀλίγους παρῆν ὡς δοριάλωτον λημψόμενος τὴν Ιουδαίαν.

Timótheos dè ho próteron hēttētheìs hypò tō̂n Ioudaíōn synagagṑn xénas dynámeis pamplētheîs kaì toùs tē̂s ’Asías genoménous híppous synathroísas ouk olígous parē̂n hōs doriálōton lēmpsómenos tḕn Ioudaían.

25
οἱ δὲ περὶ τὸν Μακκαβαῖον συνεγγίζοντος αὐτοῦ πρὸς ἱκετείαν τοῦ θεοῦ γῇ τὰς κεϕαλὰς καταπάσαντες καὶ τὰς ὀσϕύας σάκκοις ζώσαντες

hoi dè perì tòn Makkabaîon synengízontos autoû pròs hiketeían toû theoû gē̂i tàs kephalàs katapásantes kaì tàs osphýas sákkois zṓsantes

26
ἐπὶ τὴν ἀπέναντι τοῦ θυσιαστηρίου κρηπῖδα προσπεσόντες ἠξίουν ἵλεως αὐτοῖς γενόμενον ἐχθρεῦσαι τοῖς ἐχθροῖς αὐτῶν καὶ ἀντικεῖσθαι τοῖς ἀντικειμένοις, καθὼς ὁ νόμος διασαϕεῖ.

epì tḕn apénanti toû thysiastēríou krēpîda prospesóntes ēxíoun híleōs autoîs genómenon echthreûsai toîs echthroîs autō̂n kaì antikeîsthai toîs antikeiménois, kathṑs ho nómos diasapheî.

27
γενόμενοι δὲ ἀπὸ τῆς δεήσεως ἀναλαβόντες τὰ ὅπλα προῆγον ἀπὸ τῆς πόλεως ἐπὶ πλεῖον· συνεγγίσαντες δὲ τοῖς πολεμίοις ἐϕ’ ἑαυτῶν ἦσαν.

genómenoi dè apò tē̂s deḗseōs analabóntes tà hópla proē̂gon apò tē̂s póleōs epì pleîon: synengísantes dè toîs polemíois eph’ heautō̂n ē̂san.

28
ἄρτι δὲ τῆς ἀνατολῆς διαχεομένης προσέβαλον ἑκάτεροι, οἱ μὲν ἔγγυον ἔχοντες εὐημερίας καὶ νίκης μετὰ ἀρετῆς τὴν ἐπὶ τὸν κύριον καταϕυγήν, οἱ δὲ καθηγεμόνα τῶν ἀγώνων ταττόμενοι τὸν θυμόν.

árti dè tē̂s anatolē̂s diacheoménēs prosébalon hekáteroi, hoi mèn éngyon échontes euēmerías kaì níkēs metà aretē̂s tḕn epì tòn kýrion kataphygḗn, hoi dè kathēgemóna tō̂n agṓnōn tattómenoi tòn thymón.

29
γενομένης δὲ καρτερᾶς μάχης ἐϕάνησαν τοῖς ὑπεναντίοις ἐξ οὐρανοῦ ἐϕ’ ἵππων χρυσοχαλίνων ἄνδρες πέντε διαπρεπεῖς, καὶ ἀϕηγούμενοι τῶν Ιουδαίων,

genoménēs dè karterâs máchēs ephánēsan toîs hypenantíois ex ouranoû eph’ híppōn chrysochalínōn ándres pénte diaprepeîs, kaì aphēgoúmenoi tō̂n Ioudaíōn,

30
οἳ καὶ τὸν Μακκαβαῖον μέσον λαβόντες καὶ σκεπάζοντες ταῖς ἑαυτῶν πανοπλίαις ἄτρωτον διεϕύλαττον, εἰς δὲ τοὺς ὑπεναντίους τοξεύματα καὶ κεραυνοὺς ἐξερρίπτουν, διὸ συγχυθέντες ἀορασίᾳ διεκόπτοντο ταραχῆς πεπληρωμένοι.

hoì kaì tòn Makkabaîon méson labóntes kaì skepázontes taîs heautō̂n panoplíais átrōton diephýlatton, eis dè toùs hypenantíous toxeúmata kaì keraunoùs exerríptoun, diò synchythéntes aorasíāi diekóptonto tarachē̂s peplērōménoi.

31
κατεσϕάγησαν δὲ δισμύριοι πρὸς τοῖς πεντακοσίοις, ἱππεῖς δὲ ἑξακόσιοι.

katesphágēsan dè dismýrioi pròs toîs pentakosíois, hippeîs dè hexakósioi.

32
αὐτὸς δὲ ὁ Τιμόθεος συνέϕυγεν εἰς Γαζαρα λεγόμενον ὀχύρωμα, εὖ μάλα ϕρούριον, στρατηγοῦντος ἐκεῖ Χαιρεου.

autòs dè ho Timótheos synéphygen eis Gazara legómenon ochýrōma, eû mála phroúrion, stratēgoûntos ekeî Chaireou.

33
οἱ δὲ περὶ τὸν Μακκαβαῖον ἄσμενοι περιεκάθισαν τὸ ϕρούριον ἡμέρας τέσσαρας.

hoi dè perì tòn Makkabaîon ásmenoi periekáthisan tò phroúrion hēméras téssaras.

34
οἱ δὲ ἔνδον τῇ ἐρυμνότητι τοῦ τόπου πεποιθότες ὑπεράγαν ἐβλασϕήμουν καὶ λόγους ἀθεμίτους προΐεντο.

hoi dè éndon tē̂i erymnótēti toû tópou pepoithótes hyperágan eblasphḗmoun kaì lógous athemítous proḯento.

35
ὑποϕαινούσης δὲ τῆς πέμπτης ἡμέρας εἴκοσι νεανίαι τῶν περὶ τὸν Μακκαβαῖον πυρωθέντες τοῖς θυμοῖς διὰ τὰς βλασϕημίας προσβαλόντες τῷ τείχει ἀρρενωδῶς καὶ θηριώδει θυμῷ τὸν ἐμπίπτοντα ἔκοπτον·

hypophainoúsēs dè tē̂s pémptēs hēméras eíkosi neaníai tō̂n perì tòn Makkabaîon pyrōthéntes toîs thymoîs dià tàs blasphēmías prosbalóntes tō̂i teíchei arrenōdō̂s kaì thēriṓdei thymō̂i tòn empíptonta ékopton:

36
ἕτεροι δὲ ὁμοίως προσαναβάντες ἐν τῷ περισπασμῷ πρὸς τοὺς ἔνδον ἐνεπίμπρων τοὺς πύργους καὶ πυρὰς ἀνάπτοντες ζῶντας τοὺς βλασϕήμους κατέκαιον· οἱ δὲ τὰς πύλας διέκοπτον, εἰσδεξάμενοι δὲ τὴν λοιπὴν τάξιν προκατελάβοντο τὴν πόλιν.

héteroi dè homoíōs prosanabántes en tō̂i perispasmō̂i pròs toùs éndon enepímprōn toùs pýrgous kaì pyràs anáptontes zō̂ntas toùs blasphḗmous katékaion: hoi dè tàs pýlas diékopton, eisdexámenoi dè tḕn loipḕn táxin prokatelábonto tḕn pólin.

37
καὶ τὸν Τιμόθεον ἀποκεκρυμμένον ἔν τινι λάκκῳ κατέσϕαξαν καὶ τὸν τούτου ἀδελϕὸν Χαιρέαν καὶ τὸν ’Απολλοϕάνην.

kaì tòn Timótheon apokekrymménon én tini lákkōi katésphaxan kaì tòn toútou adelphòn Chairéan kaì tòn ’Apollophánēn.

38
ταῦτα δὲ διαπραξάμενοι μεθ’ ὕμνων καὶ ἐξομολογήσεων εὐλόγουν τῷ κυρίῳ τῷ μεγάλως εὐεργετοῦντι τὸν Ισραηλ καὶ τὸ νῖκος αὐτοῖς διδόντι.

taûta dè diapraxámenoi meth’ hýmnōn kaì exomologḗseōn eulógoun tō̂i kyríōi tō̂i megálōs euergetoûnti tòn Israēl kaì tò nîkos autoîs didónti.