Bibles in ancient languages
Old translations
Modern translations

Septante 4 Maccabées 7

Pentateuch
Historical books
Poetical Writings
Prophetic Books
Chapter
Verses
1
῞Ωσπερ γὰρ ἄριστος κυβερνήτης ὁ τοῦ πατρὸς ἡμῶν Ελεαζαρου λογισμὸς πηδαλιουχῶν τὴν τῆς εὐσεβείας ναῦν ἐν τῷ τῶν παθῶν πελάγει

῞Ōsper gàr áristos kybernḗtēs ho toû patròs hēmō̂n Eleazarou logismòs pēdaliouchō̂n tḕn tē̂s eusebeías naûn en tō̂i tō̂n pathō̂n pelágei
2
καὶ καταικιζόμενος ταῖς τοῦ τυράννου ἀπειλαῖς καὶ καταντλούμενος ταῖς τῶν βασάνων τρικυμίαις

kaì kataikizómenos taîs toû tyránnou apeilaîs kaì katantloúmenos taîs tō̂n basánōn trikymíais
3
κατ’ οὐδένα τρόπον ἔτρεψε τοὺς τῆς εὐσεβείας οἴακας, ἕως οὗ ἔπλευσεν ἐπὶ τὸν τῆς ἀθανάτου νίκης λιμένα.

kat’ oudéna trópon étrepse toùs tē̂s eusebeías oíakas, héōs hoû épleusen epì tòn tē̂s athanátou níkēs liména.
4
οὐχ οὕτως πόλις πολλοῖς καὶ ποικίλοις μηχανήμασιν ἀντέσχε ποτὲ πολιορκουμένη, ὡς ὁ πανάγιος ἐκεῖνος. τὴν ἱερὰν ψυχὴν αἰκισμοῖς τε καὶ στρέβλαις πυρπολούμενος ἐνίκησεν τοὺς πολιορκοῦντας διὰ τὸν ὑπερασπίζοντα τῆς εὐσεβείας λογισμόν.

ouch hoútōs pólis polloîs kaì poikílois mēchanḗmasin antésche potè poliorkouménē, hōs ho panágios ekeînos. tḕn hieràn psychḕn aikismoîs te kaì stréblais pyrpoloúmenos eníkēsen toùs poliorkoûntas dià tòn hyperaspízonta tē̂s eusebeías logismón.
5
ὥσπερ γὰρ πρόκρημνον ἄκραν τὴν ἑαυτοῦ διάνοιαν ὁ πατὴρ Ελεαζαρ ἐκτείνας περιέκλασεν τοὺς ἐπιμαινομένους τῶν παθῶν κλύδωνας.

hṓsper gàr prókrēmnon ákran tḕn heautoû diánoian ho patḕr Eleazar ekteínas periéklasen toùs epimainoménous tō̂n pathō̂n klýdōnas.
6
ὦ ἄξιε τῆς ἱερωσύνης ἱερεῦ, οὐκ ἐμίανας τοὺς ἱεροὺς ὀδόντας οὐδὲ τὴν θεοσέβειαν καὶ καθαρισμὸν χωρήσασαν γαστέρα ἐκοίνωσας μιαροϕαγίᾳ.

ō̂ áxie tē̂s hierōsýnēs hiereû, ouk emíanas toùs hieroùs odóntas oudè tḕn theosébeian kaì katharismòn chōrḗsasan gastéra ekoínōsas miarophagíāi.
7
ὦ σύμϕωνε νόμου καὶ ϕιλόσοϕε θείου βίου.

ō̂ sýmphōne nómou kaì philósophe theíou bíou.
8
τοιούτους δεῖ εἶναι τοὺς δημιουργοῦντας τὸν νόμον ἰδίῳ αἵματι καὶ γενναίῳ ἱδρῶτι τοῖς μέχρι θανάτου πάθεσιν ὑπερασπίζοντας.

toioútous deî eînai toùs dēmiourgoûntas tòn nómon idíōi haímati kaì gennaíōi hidrō̂ti toîs méchri thanátou páthesin hyperaspízontas.
9
σύ, πάτερ, τὴν εὐνομίαν ἡμῶν διὰ τῶν ὑπομονῶν εἰς δόξαν ἐκύρωσας καὶ τὴν ἁγιαστίαν σεμνολογήσας οὐ κατέλυσας καὶ διὰ τῶν ἔργων ἐπιστοποίησας τοὺς τῆς θείας ϕιλοσοϕίας σου λόγους,

sý, páter, tḕn eunomían hēmō̂n dià tō̂n hypomonō̂n eis dóxan ekýrōsas kaì tḕn hagiastían semnologḗsas ou katélysas kaì dià tō̂n érgōn epistopoíēsas toùs tē̂s theías philosophías sou lógous,
10
ὦ βασάνων βιαιότερε γέρων καὶ πυρὸς εὐτονώτερε πρεσβῦτα καὶ παθῶν μέγιστε βασιλεῦ Ελεαζαρ.

ō̂ basánōn biaiótere gérōn kaì pyròs eutonṓtere presbŷta kaì pathō̂n mégiste basileû Eleazar.
11
ὥσπερ γὰρ ὁ πατὴρ Ααρων τῷ θυμιατηρίῳ καθωπλισμένος διὰ τοῦ ἐθνοπλήθους ἐπιτρέχων τὸν ἐμπυριστὴν ἐνίκησεν ἄγγελον,

hṓsper gàr ho patḕr Aarōn tō̂i thymiatēríōi kathōplisménos dià toû ethnoplḗthous epitréchōn tòn empyristḕn eníkēsen ángelon,
12
οὕτως ὁ Ααρωνίδης Ελεαζαρ διὰ τοῦ πυρὸς ὑπερτηκόμενος οὐ μετετράπη τὸν λογισμόν.

hoútōs ho Aarōnídēs Eleazar dià toû pyròs hypertēkómenos ou metetrápē tòn logismón.
13
καίτοι τὸ θαυμασιώτατον, γέρων ὢν λελυμένων μὲν ἤδη τῶν τοῦ σώματος τόνων, περικεχαλασμένων δὲ τῶν σαρκῶν, κεκμηκότων δὲ καὶ τῶν νεύρων ἀνενέασεν

kaítoi tò thaumasiṓtaton, gérōn ṑn lelyménōn mèn ḗdē tō̂n toû sṓmatos tónōn, perikechalasménōn dè tō̂n sarkō̂n, kekmēkótōn dè kaì tō̂n neúrōn anenéasen
14
τῷ πνεύματι διὰ τοῦ λογισμοῦ καὶ τῷ Ισακίῳ λογισμῷ τὴν πολυκέϕαλον στρέβλαν ἠκύρωσεν.

tō̂i pneúmati dià toû logismoû kaì tō̂i Isakíōi logismō̂i tḕn polyképhalon stréblan ēkýrōsen.
15
ὦ μακαρίου γήρως καὶ σεμνῆς πολιᾶς καὶ βίου νομίμου, ὃν πιστὴ θανάτου σϕραγὶς ἐτελείωσεν.

ō̂ makaríou gḗrōs kaì semnē̂s poliâs kaì bíou nomímou, hòn pistḕ thanátou sphragìs eteleíōsen.
16
Εἰ δὴ τοίνυν γέρων ἀνὴρ τῶν μέχρι θανάτου βασάνων περιεϕρόνει δι’ εὐσέβειαν, ὁμολογουμένως ἡγεμών ἐστιν τῶν παθῶν ὁ εὐσεβὴς λογισμός.

Ei dḕ toínyn gérōn anḕr tō̂n méchri thanátou basánōn periephrónei di’ eusébeian, homologouménōs hēgemṓn estin tō̂n pathō̂n ho eusebḕs logismós.
17
ἴσως δ’ ἂν εἴποιέν τινες Τῶν παθῶν οὐ πάντες περικρατοῦσιν, ὅτι οὐδὲ πάντες ϕρόνιμον ἔχουσιν τὸν λογισμόν.

ísōs d’ àn eípoién tines Tō̂n pathō̂n ou pántes perikratoûsin, hóti oudè pántes phrónimon échousin tòn logismón.
18
ἀλλ’ ὅσοι τῆς εὐσεβείας προνοοῦσιν ἐξ ὅλης καρδίας, οὗτοι μόνοι δύνανται κρατεῖν τῶν τῆς σαρκὸς παθῶν

all’ hósoi tē̂s eusebeías pronooûsin ex hólēs kardías, hoûtoi mónoi dýnantai krateîn tō̂n tē̂s sarkòs pathō̂n
19
πιστεύοντες ὅτι θεῷ οὐκ ἀποθνῄσκουσιν, ὥσπερ οὐδὲ οἱ πατριάρχαι ἡμῶν Αβρααμ καὶ Ισαακ καὶ Ιακωβ, ἀλλὰ ζῶσιν τῷ θεῷ.

pisteúontes hóti theō̂i ouk apothnḗiskousin, hṓsper oudè hoi patriárchai hēmō̂n Abraam kaì Isaak kaì Iakōb, allà zō̂sin tō̂i theō̂i.
20
οὐδὲν οὖν ἐναντιοῦται τὸ ϕαίνεσθαί τινας παθοκρατεῖσθαι διὰ τὸν ἀσθενῆ λογισμόν·

oudèn oûn enantioûtai tò phaínesthaí tinas pathokrateîsthai dià tòn asthenē̂ logismón:
21
ἐπεὶ τίς πρὸς ὅλον τὸν τῆς ϕιλοσοϕίας κανόνα ϕιλοσοϕῶν καὶ πεπιστευκὼς θεῷ

epeì tís pròs hólon tòn tē̂s philosophías kanóna philosophō̂n kaì pepisteukṑs theō̂i
22
καὶ εἰδὼς ὅτι διὰ τὴν ἀρετὴν πάντα πόνον ὑπομένειν μακάριόν ἐστιν, οὐκ ἂν περικρατήσειεν τῶν παθῶν διὰ τὴν θεοσέβειαν;

kaì eidṑs hóti dià tḕn aretḕn pánta pónon hypoménein makárión estin, ouk àn perikratḗseien tō̂n pathō̂n dià tḕn theosébeian?
23
μόνος γὰρ ὁ σοϕὸς καὶ ἀνδρεῖός ἐστιν τῶν παθῶν κύριος.

mónos gàr ho sophòs kaì andreîós estin tō̂n pathō̂n kýrios.