Bibles in ancient languages
Old translations
Modern translations

Septante Daniel (Th) 7

Pentateuch
Historical books
Poetical Writings
Prophetic Books
Chapter
Verses
1
’Εν ἔτει πρώτῳ Βαλτασαρ βασιλέως Χαλδαίων Δανιηλ ἐνύπνιον εἶδεν, καὶ αἱ ὁράσεις τῆς κεϕαλῆς αὐτοῦ ἐπὶ τῆς κοίτης αὐτοῦ, καὶ τὸ ἐνύπνιον ἔγραψεν

’En étei prṓtōi Baltasar basiléōs Chaldaíōn Daniēl enýpnion eîden, kaì hai horáseis tē̂s kephalē̂s autoû epì tē̂s koítēs autoû, kaì tò enýpnion égrapsen
2
’Εγὼ Δανιηλ ἐθεώρουν ἐν ὁράματί μου τῆς νυκτὸς καὶ ἰδοὺ οἱ τέσσαρες ἄνεμοι τοῦ οὐρανοῦ προσέβαλλον εἰς τὴν θάλασσαν τὴν μεγάλην.

’Egṑ Daniēl etheṓroun en horámatí mou tē̂s nyktòs kaì idoù hoi téssares ánemoi toû ouranoû proséballon eis tḕn thálassan tḕn megálēn.
3
καὶ τέσσαρα θηρία μεγάλα ἀνέβαινον ἐκ τῆς θαλάσσης διαϕέροντα ἀλλήλων.

kaì téssara thēría megála anébainon ek tē̂s thalássēs diaphéronta allḗlōn.
4
τὸ πρῶτον ὡσεὶ λέαινα, καὶ πτερὰ αὐτῇ ὡσεὶ ἀετοῦ· ἐθεώρουν ἕως οὗ ἐξετίλη τὰ πτερὰ αὐτῆς, καὶ ἐξήρθη ἀπὸ τῆς γῆς καὶ ἐπὶ ποδῶν ἀνθρώπου ἐστάθη, καὶ καρδία ἀνθρώπου ἐδόθη αὐτῇ.

tò prō̂ton hōseì léaina, kaì pterà autē̂i hōseì aetoû: etheṓroun héōs hoû exetílē tà pterà autē̂s, kaì exḗrthē apò tē̂s gē̂s kaì epì podō̂n anthrṓpou estáthē, kaì kardía anthrṓpou edóthē autē̂i.
5
καὶ ἰδοὺ θηρίον δεύτερον ὅμοιον ἄρκῳ, καὶ εἰς μέρος ἓν ἐστάθη, καὶ τρία πλευρὰ ἐν τῷ στόματι αὐτῆς ἀνὰ μέσον τῶν ὀδόντων αὐτῆς, καὶ οὕτως ἔλεγον αὐτῇ ’Ανάστηθι ϕάγε σάρκας πολλάς.

kaì idoù thēríon deúteron hómoion árkōi, kaì eis méros hèn estáthē, kaì tría pleurà en tō̂i stómati autē̂s anà méson tō̂n odóntōn autē̂s, kaì hoútōs élegon autē̂i ’Anástēthi pháge sárkas pollás.
6
ὀπίσω τούτου ἐθεώρουν καὶ ἰδοὺ ἕτερον θηρίον ὡσεὶ πάρδαλις, καὶ αὐτῇ πτερὰ τέσσαρα πετεινοῦ ὑπεράνω αὐτῆς, καὶ τέσσαρες κεϕαλαὶ τῷ θηρίῳ, καὶ ἐξουσία ἐδόθη αὐτῇ.

opísō toútou etheṓroun kaì idoù héteron thēríon hōseì párdalis, kaì autē̂i pterà téssara peteinoû hyperánō autē̂s, kaì téssares kephalaì tō̂i thēríōi, kaì exousía edóthē autē̂i.
7
ὀπίσω τούτου ἐθεώρουν καὶ ἰδοὺ θηρίον τέταρτον ϕοβερὸν καὶ ἔκθαμβον καὶ ἰσχυρὸν περισσῶς, καὶ οἱ ὀδόντες αὐτοῦ σιδηροῖ μεγάλοι, ἐσθίον καὶ λεπτῦνον καὶ τὰ ἐπίλοιπα τοῖς ποσὶν αὐτοῦ συνεπάτει, καὶ αὐτὸ διάϕορον περισσῶς παρὰ πάντα τὰ θηρία τὰ ἔμπροσθεν αὐτοῦ, καὶ κέρατα δέκα αὐτῷ.

opísō toútou etheṓroun kaì idoù thēríon tétarton phoberòn kaì ékthambon kaì ischyròn perissō̂s, kaì hoi odóntes autoû sidēroî megáloi, esthíon kaì leptŷnon kaì tà epíloipa toîs posìn autoû synepátei, kaì autò diáphoron perissō̂s parà pánta tà thēría tà émprosthen autoû, kaì kérata déka autō̂i.
8
προσενόουν τοῖς κέρασιν αὐτοῦ, καὶ ἰδοὺ κέρας ἕτερον μικρὸν ἀνέβη ἐν μέσῳ αὐτῶν, καὶ τρία κέρατα τῶν ἔμπροσθεν αὐτοῦ ἐξερριζώθη ἀπὸ προσώπου αὐτοῦ, καὶ ἰδοὺ ὀϕθαλμοὶ ὡσεὶ ὀϕθαλμοὶ ἀνθρώπου ἐν τῷ κέρατι τούτῳ καὶ στόμα λαλοῦν μεγάλα.

prosenóoun toîs kérasin autoû, kaì idoù kéras héteron mikròn anébē en mésōi autō̂n, kaì tría kérata tō̂n émprosthen autoû exerrizṓthē apò prosṓpou autoû, kaì idoù ophthalmoì hōseì ophthalmoì anthrṓpou en tō̂i kérati toútōi kaì stóma laloûn megála.
9
ἐθεώρουν ἕως ὅτου θρόνοι ἐτέθησαν, καὶ παλαιὸς ἡμερῶν ἐκάθητο, καὶ τὸ ἔνδυμα αὐτοῦ ὡσεὶ χιὼν λευκόν, καὶ ἡ θρὶξ τῆς κεϕαλῆς αὐτοῦ ὡσεὶ ἔριον καθαρόν, ὁ θρόνος αὐτοῦ ϕλὸξ πυρός, οἱ τροχοὶ αὐτοῦ πῦρ ϕλέγον·

etheṓroun héōs hótou thrónoi etéthēsan, kaì palaiòs hēmerō̂n ekáthēto, kaì tò éndyma autoû hōseì chiṑn leukón, kaì hē thrìx tē̂s kephalē̂s autoû hōseì érion katharón, ho thrónos autoû phlòx pyrós, hoi trochoì autoû pŷr phlégon:
10
ποταμὸς πυρὸς εἷλκεν ἔμπροσθεν αὐτοῦ, χίλιαι χιλιάδες ἐλειτούργουν αὐτῷ, καὶ μύριαι μυριάδες παρειστήκεισαν αὐτῷ· κριτήριον ἐκάθισεν, καὶ βίβλοι ἠνεῴχθησαν.

potamòs pyròs heîlken émprosthen autoû, chíliai chiliádes eleitoúrgoun autō̂i, kaì mýriai myriádes pareistḗkeisan autō̂i: kritḗrion ekáthisen, kaì bíbloi ēneṓichthēsan.
11
ἐθεώρουν τότε ἀπὸ ϕωνῆς τῶν λόγων τῶν μεγάλων, ὧν τὸ κέρας ἐκεῖνο ἐλάλει, ἕως ἀνῃρέθη τὸ θηρίον καὶ ἀπώλετο, καὶ τὸ σῶμα αὐτοῦ ἐδόθη εἰς καῦσιν πυρός.

etheṓroun tóte apò phōnē̂s tō̂n lógōn tō̂n megálōn, hō̂n tò kéras ekeîno elálei, héōs anēiréthē tò thēríon kaì apṓleto, kaì tò sō̂ma autoû edóthē eis kaûsin pyrós.
12
καὶ τῶν λοιπῶν θηρίων ἡ ἀρχὴ μετεστάθη, καὶ μακρότης ζωῆς ἐδόθη αὐτοῖς ἕως καιροῦ καὶ καιροῦ.

kaì tō̂n loipō̂n thēríōn hē archḕ metestáthē, kaì makrótēs zōē̂s edóthē autoîs héōs kairoû kaì kairoû.
13
ἐθεώρουν ἐν ὁράματι τῆς νυκτὸς καὶ ἰδοὺ μετὰ τῶν νεϕελῶν τοῦ οὐρανοῦ ὡς υἱὸς ἀνθρώπου ἐρχόμενος ἦν καὶ ἕως τοῦ παλαιοῦ τῶν ἡμερῶν ἔϕθασεν καὶ ἐνώπιον αὐτοῦ προσηνέχθη.

etheṓroun en horámati tē̂s nyktòs kaì idoù metà tō̂n nephelō̂n toû ouranoû hōs hyiòs anthrṓpou erchómenos ē̂n kaì héōs toû palaioû tō̂n hēmerō̂n éphthasen kaì enṓpion autoû prosēnéchthē.
14
καὶ αὐτῷ ἐδόθη ἡ ἀρχὴ καὶ ἡ τιμὴ καὶ ἡ βασιλεία, καὶ πάντες οἱ λαοί, ϕυλαί, γλῶσσαι αὐτῷ δουλεύσουσιν· ἡ ἐξουσία αὐτοῦ ἐξουσία αἰώνιος, ἥτις οὐ παρελεύσεται, καὶ ἡ βασιλεία αὐτοῦ οὐ διαϕθαρήσεται.

kaì autō̂i edóthē hē archḕ kaì hē timḕ kaì hē basileía, kaì pántes hoi laoí, phylaí, glō̂ssai autō̂i douleúsousin: hē exousía autoû exousía aiṓnios, hḗtis ou pareleúsetai, kaì hē basileía autoû ou diaphtharḗsetai.
15
ἔϕριξεν τὸ πνεῦμά μου ἐν τῇ ἕξει μου, ἐγὼ Δανιηλ, καὶ αἱ ὁράσεις τῆς κεϕαλῆς μου ἐτάρασσόν με.

éphrixen tò pneûmá mou en tē̂i héxei mou, egṑ Daniēl, kaì hai horáseis tē̂s kephalē̂s mou etárassón me.
16
καὶ προσῆλθον ἑνὶ τῶν ἑστηκότων καὶ τὴν ἀκρίβειαν ἐζήτουν παρ’ αὐτοῦ περὶ πάντων τούτων, καὶ εἶπέν μοι τὴν ἀκρίβειαν καὶ τὴν σύγκρισιν τῶν λόγων ἐγνώρισέν μοι

kaì prosē̂lthon henì tō̂n hestēkótōn kaì tḕn akríbeian ezḗtoun par’ autoû perì pántōn toútōn, kaì eîpén moi tḕn akríbeian kaì tḕn sýnkrisin tō̂n lógōn egnṓrisén moi
17
Ταῦτα τὰ θηρία τὰ μεγάλα τὰ τέσσαρα, τέσσαρες βασιλεῖαι ἀναστήσονται ἐπὶ τῆς γῆς, αἳ ἀρθήσονται·

Taûta tà thēría tà megála tà téssara, téssares basileîai anastḗsontai epì tē̂s gē̂s, haì arthḗsontai:
18
καὶ παραλήμψονται τὴν βασιλείαν ἅγιοι ὑψίστου καὶ καθέξουσιν αὐτὴν ἕως αἰῶνος τῶν αἰώνων.

kaì paralḗmpsontai tḕn basileían hágioi hypsístou kaì kathéxousin autḕn héōs aiō̂nos tō̂n aiṓnōn.
19
καὶ ἐζήτουν ἀκριβῶς περὶ τοῦ θηρίου τοῦ τετάρτου, ὅτι ἦν διάϕορον παρὰ πᾶν θηρίον ϕοβερὸν περισσῶς, οἱ ὀδόντες αὐτοῦ σιδηροῖ καὶ οἱ ὄνυχες αὐτοῦ χαλκοῖ, ἐσθίον καὶ λεπτῦνον καὶ τὰ ἐπίλοιπα τοῖς ποσὶν αὐτοῦ συνεπάτει,

kaì ezḗtoun akribō̂s perì toû thēríou toû tetártou, hóti ē̂n diáphoron parà pân thēríon phoberòn perissō̂s, hoi odóntes autoû sidēroî kaì hoi ónyches autoû chalkoî, esthíon kaì leptŷnon kaì tà epíloipa toîs posìn autoû synepátei,
20
καὶ περὶ τῶν κεράτων αὐτοῦ τῶν δέκα τῶν ἐν τῇ κεϕαλῇ αὐτοῦ καὶ τοῦ ἑτέρου τοῦ ἀναβάντος καὶ ἐκτινάξαντος τῶν προτέρων τρία, κέρας ἐκεῖνο, ᾧ οἱ ὀϕθαλμοὶ καὶ στόμα λαλοῦν μεγάλα καὶ ἡ ὅρασις αὐτοῦ μείζων τῶν λοιπῶν.

kaì perì tō̂n kerátōn autoû tō̂n déka tō̂n en tē̂i kephalē̂i autoû kaì toû hetérou toû anabántos kaì ektináxantos tō̂n protérōn tría, kéras ekeîno, hō̂i hoi ophthalmoì kaì stóma laloûn megála kaì hē hórasis autoû meízōn tō̂n loipō̂n.
21
ἐθεώρουν καὶ τὸ κέρας ἐκεῖνο ἐποίει πόλεμον μετὰ τῶν ἁγίων καὶ ἴσχυσεν πρὸς αὐτούς,

etheṓroun kaì tò kéras ekeîno epoíei pólemon metà tō̂n hagíōn kaì íschysen pròs autoús,
22
ἕως οὗ ἦλθεν ὁ παλαιὸς τῶν ἡμερῶν καὶ τὸ κρίμα ἔδωκεν ἁγίοις ὑψίστου, καὶ ὁ καιρὸς ἔϕθασεν καὶ τὴν βασιλείαν κατέσχον οἱ ἅγιοι.

héōs hoû ē̂lthen ho palaiòs tō̂n hēmerō̂n kaì tò kríma édōken hagíois hypsístou, kaì ho kairòs éphthasen kaì tḕn basileían katéschon hoi hágioi.
23
καὶ εἶπεν Τὸ θηρίον τὸ τέταρτον, βασιλεία τετάρτη ἔσται ἐν τῇ γῇ, ἥτις ὑπερέξει πάσας τὰς βασιλείας καὶ καταϕάγεται πᾶσαν τὴν γῆν καὶ συμπατήσει αὐτὴν καὶ κατακόψει.

kaì eîpen Tò thēríon tò tétarton, basileía tetártē éstai en tē̂i gē̂i, hḗtis hyperéxei pásas tàs basileías kaì kataphágetai pâsan tḕn gē̂n kaì sympatḗsei autḕn kaì katakópsei.
24
καὶ τὰ δέκα κέρατα αὐτοῦ, δέκα βασιλεῖς ἀναστήσονται, καὶ ὀπίσω αὐτῶν ἀναστήσεται ἕτερος, ὃς ὑπεροίσει κακοῖς πάντας τοὺς ἔμπροσθεν, καὶ τρεῖς βασιλεῖς ταπεινώσει·

kaì tà déka kérata autoû, déka basileîs anastḗsontai, kaì opísō autō̂n anastḗsetai héteros, hòs hyperoísei kakoîs pántas toùs émprosthen, kaì treîs basileîs tapeinṓsei:
25
καὶ λόγους πρὸς τὸν ὕψιστον λαλήσει καὶ τοὺς ἁγίους ὑψίστου παλαιώσει καὶ ὑπονοήσει τοῦ ἀλλοιῶσαι καιροὺς καὶ νόμον, καὶ δοθήσεται ἐν χειρὶ αὐτοῦ ἕως καιροῦ καὶ καιρῶν καὶ ἥμισυ καιροῦ.

kaì lógous pròs tòn hýpsiston lalḗsei kaì toùs hagíous hypsístou palaiṓsei kaì hyponoḗsei toû alloiō̂sai kairoùs kaì nómon, kaì dothḗsetai en cheirì autoû héōs kairoû kaì kairō̂n kaì hḗmisy kairoû.
26
καὶ τὸ κριτήριον καθίσει καὶ τὴν ἀρχὴν μεταστήσουσιν τοῦ ἀϕανίσαι καὶ τοῦ ἀπολέσαι ἕως τέλους.

kaì tò kritḗrion kathísei kaì tḕn archḕn metastḗsousin toû aphanísai kaì toû apolésai héōs télous.
27
καὶ ἡ βασιλεία καὶ ἡ ἐξουσία καὶ ἡ μεγαλωσύνη τῶν βασιλέων τῶν ὑποκάτω παντὸς τοῦ οὐρανοῦ ἐδόθη ἁγίοις ὑψίστου, καὶ ἡ βασιλεία αὐτοῦ βασιλεία αἰώνιος, καὶ πᾶσαι αἱ ἀρχαὶ αὐτῷ δουλεύσουσιν καὶ ὑπακούσονται.

kaì hē basileía kaì hē exousía kaì hē megalōsýnē tō̂n basiléōn tō̂n hypokátō pantòs toû ouranoû edóthē hagíois hypsístou, kaì hē basileía autoû basileía aiṓnios, kaì pâsai hai archaì autō̂i douleúsousin kaì hypakoúsontai.
28
ἕως ὧδε τὸ πέρας τοῦ λόγου. ἐγὼ Δανιηλ, ἐπὶ πολὺ οἱ διαλογισμοί μου συνετάρασσόν με, καὶ ἡ μορϕή μου ἠλλοιώθη ἐπ’ ἐμοί, καὶ τὸ ῥῆμα ἐν τῇ καρδίᾳ μου συνετήρησα.

héōs hō̂de tò péras toû lógou. egṑ Daniēl, epì polỳ hoi dialogismoí mou synetárassón me, kaì hē morphḗ mou ēlloiṓthē ep’ emoí, kaì tò rhē̂ma en tē̂i kardíāi mou synetḗrēsa.