Bibles in ancient languages
Old translations
Modern translations

Septante Deutéronome 30

Pentateuch
Historical books
Poetical Writings
Prophetic Books
Chapter
Verses
1
Καὶ ἔσται ὡς ἂν ἔλθωσιν ἐπὶ σὲ πάντα τὰ ῥήματα ταῦτα, ἡ εὐλογία καὶ ἡ κατάρα, ἣν ἔδωκα πρὸ προσώπου σου, καὶ δέξῃ εἰς τὴν καρδίαν σου ἐν πᾶσιν τοῖς ἔθνεσιν, οὗ ἐάν σε διασκορπίσῃ κύριος ἐκεῖ,

Kaì éstai hōs àn élthōsin epì sè pánta tà rhḗmata taûta, hē eulogía kaì hē katára, hḕn édōka prò prosṓpou sou, kaì déxēi eis tḕn kardían sou en pâsin toîs éthnesin, hoû eán se diaskorpísēi kýrios ekeî,

2
καὶ ἐπιστραϕήσῃ ἐπὶ κύριον τὸν θεόν σου καὶ ὑπακούσῃ τῆς ϕωνῆς αὐτοῦ κατὰ πάντα, ὅσα ἐγὼ ἐντέλλομαί σοι σήμερον, ἐξ ὅλης τῆς καρδίας σου καὶ ἐξ ὅλης τῆς ψυχῆς σου,

kaì epistraphḗsēi epì kýrion tòn theón sou kaì hypakoúsēi tē̂s phōnē̂s autoû katà pánta, hósa egṑ entéllomaí soi sḗmeron, ex hólēs tē̂s kardías sou kaì ex hólēs tē̂s psychē̂s sou,

3
καὶ ἰάσεται κύριος τὰς ἁμαρτίας σου καὶ ἐλεήσει σε καὶ πάλιν συνάξει σε ἐκ πάντων τῶν ἐθνῶν, εἰς οὓς διεσκόρπισέν σε κύριος ἐκεῖ.

kaì iásetai kýrios tàs hamartías sou kaì eleḗsei se kaì pálin synáxei se ek pántōn tō̂n ethnō̂n, eis hoùs dieskórpisén se kýrios ekeî.

4
ἐὰν ᾖ ἡ διασπορά σου ἀπ’ ἄκρου τοῦ οὐρανοῦ ἕως ἄκρου τοῦ οὐρανοῦ, ἐκεῖθεν συνάξει σε κύριος ὁ θεός σου, καὶ ἐκεῖθεν λήμψεταί σε κύριος ὁ θεός σου·

eàn ē̂i hē diasporá sou ap’ ákrou toû ouranoû héōs ákrou toû ouranoû, ekeîthen synáxei se kýrios ho theós sou, kaì ekeîthen lḗmpsetaí se kýrios ho theós sou:

5
καὶ εἰσάξει σε κύριος ὁ θεός σου εἰς τὴν γῆν, ἣν ἐκληρονόμησαν οἱ πατέρες σου, καὶ κληρονομήσεις αὐτήν· καὶ εὖ σε ποιήσει καὶ πλεοναστόν σε ποιήσει ὑπὲρ τοὺς πατέρας σου.

kaì eisáxei se kýrios ho theós sou eis tḕn gē̂n, hḕn eklēronómēsan hoi patéres sou, kaì klēronomḗseis autḗn: kaì eû se poiḗsei kaì pleonastón se poiḗsei hypèr toùs patéras sou.

6
καὶ περικαθαριεῖ κύριος τὴν καρδίαν σου καὶ τὴν καρδίαν τοῦ σπέρματός σου ἀγαπᾶν κύριον τὸν θεόν σου ἐξ ὅλης τῆς καρδίας σου καὶ ἐξ ὅλης τῆς ψυχῆς σου, ἵνα ζῇς σύ.

kaì perikatharieî kýrios tḕn kardían sou kaì tḕn kardían toû spérmatós sou agapân kýrion tòn theón sou ex hólēs tē̂s kardías sou kaì ex hólēs tē̂s psychē̂s sou, hína zē̂is sý.

7
καὶ δώσει κύριος ὁ θεός σου τὰς ἀρὰς ταύτας ἐπὶ τοὺς ἐχθρούς σου καὶ ἐπὶ τοὺς μισοῦντάς σε, οἳ ἐδίωξάν σε.

kaì dṓsei kýrios ho theós sou tàs aràs taútas epì toùs echthroús sou kaì epì toùs misoûntás se, hoì edíōxán se.

8
καὶ σὺ ἐπιστραϕήσῃ καὶ εἰσακούσῃ τῆς ϕωνῆς κυρίου τοῦ θεοῦ σου καὶ ποιήσεις τὰς ἐντολὰς αὐτοῦ, ὅσας ἐγὼ ἐντέλλομαί σοι σήμερον,

kaì sỳ epistraphḗsēi kaì eisakoúsēi tē̂s phōnē̂s kyríou toû theoû sou kaì poiḗseis tàs entolàs autoû, hósas egṑ entéllomaí soi sḗmeron,

9
καὶ πολυωρήσει σε κύριος ὁ θεός σου ἐν παντὶ ἔργῳ τῶν χειρῶν σου, ἐν τοῖς ἐκγόνοις τῆς κοιλίας σου καὶ ἐν τοῖς γενήμασιν τῆς γῆς σου καὶ ἐν τοῖς ἐκγόνοις τῶν κτηνῶν σου· ὅτι ἐπιστρέψει κύριος ὁ θεός σου εὐϕρανθῆναι ἐπὶ σὲ εἰς ἀγαθά, καθότι ηὐϕράνθη ἐπὶ τοῖς πατράσιν σου,

kaì polyōrḗsei se kýrios ho theós sou en pantì érgōi tō̂n cheirō̂n sou, en toîs ekgónois tē̂s koilías sou kaì en toîs genḗmasin tē̂s gē̂s sou kaì en toîs ekgónois tō̂n ktēnō̂n sou: hóti epistrépsei kýrios ho theós sou euphranthē̂nai epì sè eis agathá, kathóti ēyphránthē epì toîs patrásin sou,

10
ἐὰν εἰσακούσῃς τῆς ϕωνῆς κυρίου τοῦ θεοῦ σου ϕυλάσσεσθαι καὶ ποιεῖν πάσας τὰς ἐντολὰς αὐτοῦ καὶ τὰ δικαιώματα αὐτοῦ καὶ τὰς κρίσεις αὐτοῦ τὰς γεγραμμένας ἐν τῷ βιβλίῳ τοῦ νόμου τούτου, ἐὰν ἐπιστραϕῇς ἐπὶ κύριον τὸν θεόν σου ἐξ ὅλης τῆς καρδίας σου καὶ ἐξ ὅλης τῆς ψυχῆς σου.

eàn eisakoúsēis tē̂s phōnē̂s kyríou toû theoû sou phylássesthai kaì poieîn pásas tàs entolàs autoû kaì tà dikaiṓmata autoû kaì tàs kríseis autoû tàs gegramménas en tō̂i biblíōi toû nómou toútou, eàn epistraphē̂is epì kýrion tòn theón sou ex hólēs tē̂s kardías sou kaì ex hólēs tē̂s psychē̂s sou.

11
῞Οτι ἡ ἐντολὴ αὕτη, ἣν ἐγὼ ἐντέλλομαί σοι σήμερον, οὐχ ὑπέρογκός ἐστιν οὐδὲ μακρὰν ἀπὸ σοῦ.

῞Oti hē entolḕ haútē, hḕn egṑ entéllomaí soi sḗmeron, ouch hypéronkós estin oudè makràn apò soû.

12
οὐκ ἐν τῷ οὐρανῷ ἄνω ἐστὶν λέγων Τίς ἀναβήσεται ἡμῖν εἰς τὸν οὐρανὸν καὶ λήμψεται αὐτὴν ἡμῖν; καὶ ἀκούσαντες αὐτὴν ποιήσομεν.

ouk en tō̂i ouranō̂i ánō estìn légōn Tís anabḗsetai hēmîn eis tòn ouranòn kaì lḗmpsetai autḕn hēmîn? kaì akoúsantes autḕn poiḗsomen.

13
οὐδὲ πέραν τῆς θαλάσσης ἐστὶν λέγων Τίς διαπεράσει ἡμῖν εἰς τὸ πέραν τῆς θαλάσσης καὶ λήμψεται ἡμῖν αὐτήν; καὶ ἀκουστὴν ἡμῖν ποιήσει αὐτήν, καὶ ποιήσομεν.

oudè péran tē̂s thalássēs estìn légōn Tís diaperásei hēmîn eis tò péran tē̂s thalássēs kaì lḗmpsetai hēmîn autḗn? kaì akoustḕn hēmîn poiḗsei autḗn, kaì poiḗsomen.

14
ἔστιν σου ἐγγὺς τὸ ῥῆμα σϕόδρα ἐν τῷ στόματί σου καὶ ἐν τῇ καρδίᾳ σου καὶ ἐν ταῖς χερσίν σου αὐτὸ ποιεῖν.

éstin sou engỳs tò rhē̂ma sphódra en tō̂i stómatí sou kaì en tē̂i kardíāi sou kaì en taîs chersín sou autò poieîn.

15
’Ιδοὺ δέδωκα πρὸ προσώπου σου σήμερον τὴν ζωὴν καὶ τὸν θάνατον, τὸ ἀγαθὸν καὶ τὸ κακόν.

’Idoù dédōka prò prosṓpou sou sḗmeron tḕn zōḕn kaì tòn thánaton, tò agathòn kaì tò kakón.

16
ἐὰν εἰσακούσῃς τὰς ἐντολὰς κυρίου τοῦ θεοῦ σου, ἃς ἐγὼ ἐντέλλομαί σοι σήμερον, ἀγαπᾶν κύριον τὸν θεόν σου, πορεύεσθαι ἐν πάσαις ταῖς ὁδοῖς αὐτοῦ, ϕυλάσσεσθαι τὰ δικαιώματα αὐτοῦ καὶ τὰς κρίσεις αὐτοῦ, καὶ ζήσεσθε καὶ πολλοὶ ἔσεσθε, καὶ εὐλογήσει σε κύριος ὁ θεός σου ἐν πάσῃ τῇ γῇ, εἰς ἣν εἰσπορεύῃ ἐκεῖ κληρονομῆσαι αὐτήν.

eàn eisakoúsēis tàs entolàs kyríou toû theoû sou, hàs egṑ entéllomaí soi sḗmeron, agapân kýrion tòn theón sou, poreúesthai en pásais taîs hodoîs autoû, phylássesthai tà dikaiṓmata autoû kaì tàs kríseis autoû, kaì zḗsesthe kaì polloì ésesthe, kaì eulogḗsei se kýrios ho theós sou en pásēi tē̂i gē̂i, eis hḕn eisporeúēi ekeî klēronomē̂sai autḗn.

17
καὶ ἐὰν μεταστῇ ἡ καρδία σου καὶ μὴ εἰσακούσῃς καὶ πλανηθεὶς προσκυνήσῃς θεοῖς ἑτέροις καὶ λατρεύσῃς αὐτοῖς,

kaì eàn metastē̂i hē kardía sou kaì mḕ eisakoúsēis kaì planētheìs proskynḗsēis theoîs hetérois kaì latreúsēis autoîs,

18
ἀναγγέλλω σοι σήμερον ὅτι ἀπωλείᾳ ἀπολεῖσθε καὶ οὐ μὴ πολυήμεροι γένησθε ἐπὶ τῆς γῆς, ἧς κύριος ὁ θεός σου δίδωσίν σοι, εἰς ἣν ὑμεῖς διαβαίνετε τὸν Ιορδάνην ἐκεῖ κληρονομῆσαι αὐτήν.

anangéllō soi sḗmeron hóti apōleíāi apoleîsthe kaì ou mḕ polyḗmeroi génēsthe epì tē̂s gē̂s, hē̂s kýrios ho theós sou dídōsín soi, eis hḕn hymeîs diabaínete tòn Iordánēn ekeî klēronomē̂sai autḗn.

19
διαμαρτύρομαι ὑμῖν σήμερον τόν τε οὐρανὸν καὶ τὴν γῆν Τὴν ζωὴν καὶ τὸν θάνατον δέδωκα πρὸ προσώπου ὑμῶν, τὴν εὐλογίαν καὶ τὴν κατάραν· ἔκλεξαι τὴν ζωήν, ἵνα ζῇς σὺ καὶ τὸ σπέρμα σου,

diamartýromai hymîn sḗmeron tón te ouranòn kaì tḕn gē̂n Tḕn zōḕn kaì tòn thánaton dédōka prò prosṓpou hymō̂n, tḕn eulogían kaì tḕn katáran: éklexai tḕn zōḗn, hína zē̂is sỳ kaì tò spérma sou,

20
ἀγαπᾶν κύριον τὸν θεόν σου, εἰσακούειν τῆς ϕωνῆς αὐτοῦ καὶ ἔχεσθαι αὐτοῦ· ὅτι τοῦτο ἡ ζωή σου καὶ ἡ μακρότης τῶν ἡμερῶν σου κατοικεῖν σε ἐπὶ τῆς γῆς, ἧς ὤμοσεν κύριος τοῖς πατράσιν σου Αβρααμ καὶ Ισαακ καὶ Ιακωβ δοῦναι αὐτοῖς.

agapân kýrion tòn theón sou, eisakoúein tē̂s phōnē̂s autoû kaì échesthai autoû: hóti toûto hē zōḗ sou kaì hē makrótēs tō̂n hēmerō̂n sou katoikeîn se epì tē̂s gē̂s, hē̂s ṓmosen kýrios toîs patrásin sou Abraam kaì Isaak kaì Iakōb doûnai autoîs.