Bibles in ancient languages
Old translations
Modern translations

Septante Exodus 24

Pentateuch
Historical books
Poetical Writings
Prophetic Books
Chapter
Verses
1
Καὶ Μωυσῇ εἶπεν ’Ανάβηθι πρὸς κύριον σὺ καὶ Ααρων καὶ Ναδαβ καὶ Αβιουδ καὶ ἑβδομήκοντα τῶν πρεσβυτέρων Ισραηλ, καὶ προσκυνήσουσιν μακρόθεν τῷ κυρίῳ·

Kaì Mōysē̂i eîpen ’Anábēthi pròs kýrion sỳ kaì Aarōn kaì Nadab kaì Abioud kaì hebdomḗkonta tō̂n presbytérōn Israēl, kaì proskynḗsousin makróthen tō̂i kyríōi:

2
καὶ ἐγγιεῖ Μωυσῆς μόνος πρὸς τὸν θεόν, αὐτοὶ δὲ οὐκ ἐγγιοῦσιν· ὁ δὲ λαὸς οὐ συναναβήσεται μετ’ αὐτῶν.

kaì engieî Mōysē̂s mónos pròs tòn theón, autoì dè ouk engioûsin: ho dè laòs ou synanabḗsetai met’ autō̂n.

3
εἰσῆλθεν δὲ Μωυσῆς καὶ διηγήσατο τῷ λαῷ πάντα τὰ ῥήματα τοῦ θεοῦ καὶ τὰ δικαιώματα· ἀπεκρίθη δὲ πᾶς ὁ λαὸς ϕωνῇ μιᾷ λέγοντες Πάντας τοὺς λόγους, οὓς ἐλάλησεν κύριος, ποιήσομεν καὶ ἀκουσόμεθα.

eisē̂lthen dè Mōysē̂s kaì diēgḗsato tō̂i laō̂i pánta tà rhḗmata toû theoû kaì tà dikaiṓmata: apekríthē dè pâs ho laòs phōnē̂i miā̂i légontes Pántas toùs lógous, hoùs elálēsen kýrios, poiḗsomen kaì akousómetha.

4
καὶ ἔγραψεν Μωυσῆς πάντα τὰ ῥήματα κυρίου. ὀρθρίσας δὲ Μωυσῆς τὸ πρωὶ ᾠκοδόμησεν θυσιαστήριον ὑπὸ τὸ ὄρος καὶ δώδεκα λίθους εἰς τὰς δώδεκα ϕυλὰς τοῦ Ισραηλ·

kaì égrapsen Mōysē̂s pánta tà rhḗmata kyríou. orthrísas dè Mōysē̂s tò prōì ōikodómēsen thysiastḗrion hypò tò óros kaì dṓdeka líthous eis tàs dṓdeka phylàs toû Israēl:

5
καὶ ἐξαπέστειλεν τοὺς νεανίσκους τῶν υἱῶν Ισραηλ, καὶ ἀνήνεγκαν ὁλοκαυτώματα καὶ ἔθυσαν θυσίαν σωτηρίου τῷ θεῷ μοσχάρια.

kaì exapésteilen toùs neanískous tō̂n hyiō̂n Israēl, kaì anḗnenkan holokautṓmata kaì éthysan thysían sōtēríou tō̂i theō̂i moschária.

6
λαβὼν δὲ Μωυσῆς τὸ ἥμισυ τοῦ αἵματος ἐνέχεεν εἰς κρατῆρας, τὸ δὲ ἥμισυ τοῦ αἵματος προσέχεεν πρὸς τὸ θυσιαστήριον.

labṑn dè Mōysē̂s tò hḗmisy toû haímatos enécheen eis kratē̂ras, tò dè hḗmisy toû haímatos prosécheen pròs tò thysiastḗrion.

7
καὶ λαβὼν τὸ βιβλίον τῆς διαθήκης ἀνέγνω εἰς τὰ ὦτα τοῦ λαοῦ, καὶ εἶπαν Πάντα, ὅσα ἐλάλησεν κύριος, ποιήσομεν καὶ ἀκουσόμεθα.

kaì labṑn tò biblíon tē̂s diathḗkēs anégnō eis tà ō̂ta toû laoû, kaì eîpan Pánta, hósa elálēsen kýrios, poiḗsomen kaì akousómetha.

8
λαβὼν δὲ Μωυσῆς τὸ αἷμα κατεσκέδασεν τοῦ λαοῦ καὶ εἶπεν ’Ιδοὺ τὸ αἷμα τῆς διαθήκης, ἧς διέθετο κύριος πρὸς ὑμᾶς περὶ πάντων τῶν λόγων τούτων.

labṑn dè Mōysē̂s tò haîma kateskédasen toû laoû kaì eîpen ’Idoù tò haîma tē̂s diathḗkēs, hē̂s diétheto kýrios pròs hymâs perì pántōn tō̂n lógōn toútōn.

9
Καὶ ἀνέβη Μωυσῆς καὶ Ααρων καὶ Ναδαβ καὶ Αβιουδ καὶ ἑβδομήκοντα τῆς γερουσίας Ισραηλ

Kaì anébē Mōysē̂s kaì Aarōn kaì Nadab kaì Abioud kaì hebdomḗkonta tē̂s gerousías Israēl

10
καὶ εἶδον τὸν τόπον, οὗ εἱστήκει ἐκεῖ ὁ θεὸς τοῦ Ισραηλ· καὶ τὰ ὑπὸ τοὺς πόδας αὐτοῦ ὡσεὶ ἔργον πλίνθου σαπϕείρου καὶ ὥσπερ εἶδος στερεώματος τοῦ οὐρανοῦ τῇ καθαριότητι.

kaì eîdon tòn tópon, hoû heistḗkei ekeî ho theòs toû Israēl: kaì tà hypò toùs pódas autoû hōseì érgon plínthou sappheírou kaì hṓsper eîdos stereṓmatos toû ouranoû tē̂i kathariótēti.

11
καὶ τῶν ἐπιλέκτων τοῦ Ισραηλ οὐ διεϕώνησεν οὐδὲ εἷς· καὶ ὤϕθησαν ἐν τῷ τόπῳ τοῦ θεοῦ καὶ ἔϕαγον καὶ ἔπιον.

kaì tō̂n epiléktōn toû Israēl ou diephṓnēsen oudè heîs: kaì ṓphthēsan en tō̂i tópōi toû theoû kaì éphagon kaì épion.

12
καὶ εἶπεν κύριος πρὸς Μωυσῆν ’Ανάβηθι πρός με εἰς τὸ ὄρος καὶ ἴσθι ἐκεῖ· καὶ δώσω σοι τὰ πυξία τὰ λίθινα, τὸν νόμον καὶ τὰς ἐντολάς, ἃς ἔγραψα νομοθετῆσαι αὐτοῖς.

kaì eîpen kýrios pròs Mōysē̂n ’Anábēthi prós me eis tò óros kaì ísthi ekeî: kaì dṓsō soi tà pyxía tà líthina, tòn nómon kaì tàs entolás, hàs égrapsa nomothetē̂sai autoîs.

13
καὶ ἀναστὰς Μωυσῆς καὶ ’Ιησοῦς ὁ παρεστηκὼς αὐτῷ ἀνέβησαν εἰς τὸ ὄρος τοῦ θεοῦ·

kaì anastàs Mōysē̂s kaì ’Iēsoûs ho parestēkṑs autō̂i anébēsan eis tò óros toû theoû:

14
καὶ τοῖς πρεσβυτέροις εἶπαν ‘Ησυχάζετε αὐτοῦ, ἕως ἀναστρέψωμεν πρὸς ὑμᾶς· καὶ ἰδοὺ Ααρων καὶ Ωρ μεθ’ ὑμῶν· ἐάν τινι συμβῇ κρίσις, προσπορευέσθωσαν αὐτοῖς.

kaì toîs presbytérois eîpan ‘Ēsycházete autoû, héōs anastrépsōmen pròs hymâs: kaì idoù Aarōn kaì Ōr meth’ hymō̂n: eán tini symbē̂i krísis, prosporeuésthōsan autoîs.

15
καὶ ἀνέβη Μωυσῆς καὶ ’Ιησοῦς εἰς τὸ ὄρος, καὶ ἐκάλυψεν ἡ νεϕέλη τὸ ὄρος.

kaì anébē Mōysē̂s kaì ’Iēsoûs eis tò óros, kaì ekálypsen hē nephélē tò óros.

16
καὶ κατέβη ἡ δόξα τοῦ θεοῦ ἐπὶ τὸ ὄρος τὸ Σινα, καὶ ἐκάλυψεν αὐτὸ ἡ νεϕέλη ἓξ ἡμέρας· καὶ ἐκάλεσεν κύριος τὸν Μωυσῆν τῇ ἡμέρᾳ τῇ ἑβδόμῃ ἐκ μέσου τῆς νεϕέλης.

kaì katébē hē dóxa toû theoû epì tò óros tò Sina, kaì ekálypsen autò hē nephélē hèx hēméras: kaì ekálesen kýrios tòn Mōysē̂n tē̂i hēmérāi tē̂i hebdómēi ek mésou tē̂s nephélēs.

17
τὸ δὲ εἶδος τῆς δόξης κυρίου ὡσεὶ πῦρ ϕλέγον ἐπὶ τῆς κορυϕῆς τοῦ ὄρους ἐναντίον τῶν υἱῶν Ισραηλ.

tò dè eîdos tē̂s dóxēs kyríou hōseì pŷr phlégon epì tē̂s koryphē̂s toû órous enantíon tō̂n hyiō̂n Israēl.

18
καὶ εἰσῆλθεν Μωυσῆς εἰς τὸ μέσον τῆς νεϕέλης καὶ ἀνέβη εἰς τὸ ὄρος καὶ ἦν ἐκεῖ ἐν τῷ ὄρει τεσσαράκοντα ἡμέρας καὶ τεσσαράκοντα νύκτας.

kaì eisē̂lthen Mōysē̂s eis tò méson tē̂s nephélēs kaì anébē eis tò óros kaì ē̂n ekeî en tō̂i órei tessarákonta hēméras kaì tessarákonta nýktas.