Bibles in ancient languages
Old translations
Modern translations

Septante Exodus 29

Pentateuch
Historical books
Poetical Writings
Prophetic Books
Chapter
Verses
1
Καὶ ταῦτά ἐστιν, ἃ ποιήσεις αὐτοῖς ἁγιάσαι αὐτοὺς ὥστε ἱερατεύειν μοι αὐτούς. λήμψῃ μοσχάριον ἐκ βοῶν ἓν καὶ κριοὺς δύο ἀμώμους

Kaì taûtá estin, hà poiḗseis autoîs hagiásai autoùs hṓste hierateúein moi autoús. lḗmpsēi moschárion ek boō̂n hèn kaì krioùs dýo amṓmous

2
καὶ ἄρτους ἀζύμους πεϕυραμένους ἐν ἐλαίῳ καὶ λάγανα ἄζυμα κεχρισμένα ἐν ἐλαίῳ· σεμίδαλιν ἐκ πυρῶν ποιήσεις αὐτά.

kaì ártous azýmous pephyraménous en elaíōi kaì lágana ázyma kechrisména en elaíōi: semídalin ek pyrō̂n poiḗseis autá.

3
καὶ ἐπιθήσεις αὐτὰ ἐπὶ κανοῦν ἓν καὶ προσοίσεις αὐτὰ ἐπὶ τῷ κανῷ καὶ τὸ μοσχάριον καὶ τοὺς δύο κριούς.

kaì epithḗseis autà epì kanoûn hèn kaì prosoíseis autà epì tō̂i kanō̂i kaì tò moschárion kaì toùs dýo krioús.

4
καὶ Ααρων καὶ τοὺς υἱοὺς αὐτοῦ προσάξεις ἐπὶ τὰς θύρας τῆς σκηνῆς τοῦ μαρτυρίου καὶ λούσεις αὐτοὺς ἐν ὕδατι.

kaì Aarōn kaì toùs hyioùs autoû prosáxeis epì tàs thýras tē̂s skēnē̂s toû martyríou kaì loúseis autoùs en hýdati.

5
καὶ λαβὼν τὰς στολὰς ἐνδύσεις Ααρων τὸν ἀδελϕόν σου καὶ τὸν χιτῶνα τὸν ποδήρη καὶ τὴν ἐπωμίδα καὶ τὸ λογεῖον καὶ συνάψεις αὐτῷ τὸ λογεῖον πρὸς τὴν ἐπωμίδα.

kaì labṑn tàs stolàs endýseis Aarōn tòn adelphón sou kaì tòn chitō̂na tòn podḗrē kaì tḕn epōmída kaì tò logeîon kaì synápseis autō̂i tò logeîon pròs tḕn epōmída.

6
καὶ ἐπιθήσεις τὴν μίτραν ἐπὶ τὴν κεϕαλὴν αὐτοῦ καὶ ἐπιθήσεις τὸ πέταλον τὸ ‘Αγίασμα ἐπὶ τὴν μίτραν.

kaì epithḗseis tḕn mítran epì tḕn kephalḕn autoû kaì epithḗseis tò pétalon tò ‘Agíasma epì tḕn mítran.

7
καὶ λήμψῃ τοῦ ἐλαίου τοῦ χρίσματος καὶ ἐπιχεεῖς αὐτὸ ἐπὶ τὴν κεϕαλὴν αὐτοῦ καὶ χρίσεις αὐτόν.

kaì lḗmpsēi toû elaíou toû chrísmatos kaì epicheeîs autò epì tḕn kephalḕn autoû kaì chríseis autón.

8
καὶ τοὺς υἱοὺς αὐτοῦ προσάξεις καὶ ἐνδύσεις αὐτοὺς χιτῶνας

kaì toùs hyioùs autoû prosáxeis kaì endýseis autoùs chitō̂nas

9
καὶ ζώσεις αὐτοὺς ταῖς ζώναις καὶ περιθήσεις αὐτοῖς τὰς κιδάρεις, καὶ ἔσται αὐτοῖς ἱερατεία ἐμοὶ εἰς τὸν αἰῶνα. καὶ τελειώσεις τὰς χεῖρας Ααρων καὶ τὰς χεῖρας τῶν υἱῶν αὐτοῦ.

kaì zṓseis autoùs taîs zṓnais kaì perithḗseis autoîs tàs kidáreis, kaì éstai autoîs hierateía emoì eis tòn aiō̂na. kaì teleiṓseis tàs cheîras Aarōn kaì tàs cheîras tō̂n hyiō̂n autoû.

10
καὶ προσάξεις τὸν μόσχον ἐπὶ τὰς θύρας τῆς σκηνῆς τοῦ μαρτυρίου, καὶ ἐπιθήσουσιν Ααρων καὶ οἱ υἱοὶ αὐτοῦ τὰς χεῖρας αὐτῶν ἐπὶ τὴν κεϕαλὴν τοῦ μόσχου ἔναντι κυρίου παρὰ τὰς θύρας τῆς σκηνῆς τοῦ μαρτυρίου·

kaì prosáxeis tòn móschon epì tàs thýras tē̂s skēnē̂s toû martyríou, kaì epithḗsousin Aarōn kaì hoi hyioì autoû tàs cheîras autō̂n epì tḕn kephalḕn toû móschou énanti kyríou parà tàs thýras tē̂s skēnē̂s toû martyríou:

11
καὶ σϕάξεις τὸν μόσχον ἔναντι κυρίου παρὰ τὰς θύρας τῆς σκηνῆς τοῦ μαρτυρίου.

kaì spháxeis tòn móschon énanti kyríou parà tàs thýras tē̂s skēnē̂s toû martyríou.

12
καὶ λήμψῃ ἀπὸ τοῦ αἵματος τοῦ μόσχου καὶ θήσεις ἐπὶ τῶν κεράτων τοῦ θυσιαστηρίου τῷ δακτύλῳ σου· τὸ δὲ λοιπὸν πᾶν αἷμα ἐκχεεῖς παρὰ τὴν βάσιν τοῦ θυσιαστηρίου.

kaì lḗmpsēi apò toû haímatos toû móschou kaì thḗseis epì tō̂n kerátōn toû thysiastēríou tō̂i daktýlōi sou: tò dè loipòn pân haîma ekcheeîs parà tḕn básin toû thysiastēríou.

13
καὶ λήμψῃ πᾶν τὸ στέαρ τὸ ἐπὶ τῆς κοιλίας καὶ τὸν λοβὸν τοῦ ἥπατος καὶ τοὺς δύο νεϕροὺς καὶ τὸ στέαρ τὸ ἐπ’ αὐτῶν καὶ ἐπιθήσεις ἐπὶ τὸ θυσιαστήριον.

kaì lḗmpsēi pân tò stéar tò epì tē̂s koilías kaì tòn lobòn toû hḗpatos kaì toùs dýo nephroùs kaì tò stéar tò ep’ autō̂n kaì epithḗseis epì tò thysiastḗrion.

14
τὰ δὲ κρέα τοῦ μόσχου καὶ τὸ δέρμα καὶ τὴν κόπρον κατακαύσεις πυρὶ ἔξω τῆς παρεμβολῆς· ἁμαρτίας γάρ ἐστιν.

tà dè kréa toû móschou kaì tò dérma kaì tḕn kópron katakaúseis pyrì éxō tē̂s parembolē̂s: hamartías gár estin.

15
καὶ τὸν κριὸν λήμψῃ τὸν ἕνα, καὶ ἐπιθήσουσιν Ααρων καὶ οἱ υἱοὶ αὐτοῦ τὰς χεῖρας αὐτῶν ἐπὶ τὴν κεϕαλὴν τοῦ κριοῦ·

kaì tòn kriòn lḗmpsēi tòn héna, kaì epithḗsousin Aarōn kaì hoi hyioì autoû tàs cheîras autō̂n epì tḕn kephalḕn toû krioû:

16
καὶ σϕάξεις αὐτὸν καὶ λαβὼν τὸ αἷμα προσχεεῖς πρὸς τὸ θυσιαστήριον κύκλῳ.

kaì spháxeis autòn kaì labṑn tò haîma proscheeîs pròs tò thysiastḗrion kýklōi.

17
καὶ τὸν κριὸν διχοτομήσεις κατὰ μέλη καὶ πλυνεῖς τὰ ἐνδόσθια καὶ τοὺς πόδας ὕδατι καὶ ἐπιθήσεις ἐπὶ τὰ διχοτομήματα σὺν τῇ κεϕαλῇ.

kaì tòn kriòn dichotomḗseis katà mélē kaì plyneîs tà endósthia kaì toùs pódas hýdati kaì epithḗseis epì tà dichotomḗmata sỳn tē̂i kephalē̂i.

18
καὶ ἀνοίσεις ὅλον τὸν κριὸν ἐπὶ τὸ θυσιαστήριον ὁλοκαύτωμα κυρίῳ εἰς ὀσμὴν εὐωδίας· θυσίασμα κυρίῳ ἐστίν.

kaì anoíseis hólon tòn kriòn epì tò thysiastḗrion holokaútōma kyríōi eis osmḕn euōdías: thysíasma kyríōi estín.

19
καὶ λήμψῃ τὸν κριὸν τὸν δεύτερον, καὶ ἐπιθήσει Ααρων καὶ οἱ υἱοὶ αὐτοῦ τὰς χεῖρας αὐτῶν ἐπὶ τὴν κεϕαλὴν τοῦ κριοῦ·

kaì lḗmpsēi tòn kriòn tòn deúteron, kaì epithḗsei Aarōn kaì hoi hyioì autoû tàs cheîras autō̂n epì tḕn kephalḕn toû krioû:

20
καὶ σϕάξεις αὐτὸν καὶ λήμψῃ τοῦ αἵματος αὐτοῦ καὶ ἐπιθήσεις ἐπὶ τὸν λοβὸν τοῦ ὠτὸς Ααρων τοῦ δεξιοῦ καὶ ἐπὶ τὸ ἄκρον τῆς χειρὸς τῆς δεξιᾶς καὶ ἐπὶ τὸ ἄκρον τοῦ ποδὸς τοῦ δεξιοῦ καὶ ἐπὶ τοὺς λοβοὺς τῶν ὤτων τῶν υἱῶν αὐτοῦ τῶν δεξιῶν καὶ ἐπὶ τὰ ἄκρα τῶν χειρῶν αὐτῶν τῶν δεξιῶν καὶ ἐπὶ τὰ ἄκρα τῶν ποδῶν αὐτῶν τῶν δεξιῶν.

kaì spháxeis autòn kaì lḗmpsēi toû haímatos autoû kaì epithḗseis epì tòn lobòn toû ōtòs Aarōn toû dexioû kaì epì tò ákron tē̂s cheiròs tē̂s dexiâs kaì epì tò ákron toû podòs toû dexioû kaì epì toùs loboùs tō̂n ṓtōn tō̂n hyiō̂n autoû tō̂n dexiō̂n kaì epì tà ákra tō̂n cheirō̂n autō̂n tō̂n dexiō̂n kaì epì tà ákra tō̂n podō̂n autō̂n tō̂n dexiō̂n.

21
καὶ λήμψῃ ἀπὸ τοῦ αἵματος τοῦ ἀπὸ τοῦ θυσιαστηρίου καὶ ἀπὸ τοῦ ἐλαίου τῆς χρίσεως καὶ ῥανεῖς ἐπὶ Ααρων καὶ ἐπὶ τὴν στολὴν αὐτοῦ καὶ ἐπὶ τοὺς υἱοὺς αὐτοῦ καὶ ἐπὶ τὰς στολὰς τῶν υἱῶν αὐτοῦ μετ’ αὐτοῦ, καὶ ἁγιασθήσεται αὐτὸς καὶ ἡ στολὴ αὐτοῦ καὶ οἱ υἱοὶ αὐτοῦ καὶ αἱ στολαὶ τῶν υἱῶν αὐτοῦ μετ’ αὐτοῦ· τὸ δὲ αἷμα τοῦ κριοῦ προσχεεῖς πρὸς τὸ θυσιαστήριον κύκλῳ.

kaì lḗmpsēi apò toû haímatos toû apò toû thysiastēríou kaì apò toû elaíou tē̂s chríseōs kaì rhaneîs epì Aarōn kaì epì tḕn stolḕn autoû kaì epì toùs hyioùs autoû kaì epì tàs stolàs tō̂n hyiō̂n autoû met’ autoû, kaì hagiasthḗsetai autòs kaì hē stolḕ autoû kaì hoi hyioì autoû kaì hai stolaì tō̂n hyiō̂n autoû met’ autoû: tò dè haîma toû krioû proscheeîs pròs tò thysiastḗrion kýklōi.

22
καὶ λήμψῃ ἀπὸ τοῦ κριοῦ τὸ στέαρ αὐτοῦ καὶ τὸ στέαρ τὸ κατακαλύπτον τὴν κοιλίαν καὶ τὸν λοβὸν τοῦ ἥπατος καὶ τοὺς δύο νεϕροὺς καὶ τὸ στέαρ τὸ ἐπ’ αὐτῶν καὶ τὸν βραχίονα τὸν δεξιόν – ἔστιν γὰρ τελείωσις αὕτη –

kaì lḗmpsēi apò toû krioû tò stéar autoû kaì tò stéar tò katakalýpton tḕn koilían kaì tòn lobòn toû hḗpatos kaì toùs dýo nephroùs kaì tò stéar tò ep’ autō̂n kaì tòn brachíona tòn dexión – éstin gàr teleíōsis haútē –

23
καὶ ἄρτον ἕνα ἐξ ἐλαίου καὶ λάγανον ἓν ἀπὸ τοῦ κανοῦ τῶν ἀζύμων τῶν προτεθειμένων ἔναντι κυρίου

kaì árton héna ex elaíou kaì láganon hèn apò toû kanoû tō̂n azýmōn tō̂n protetheiménōn énanti kyríou

24
καὶ ἐπιθήσεις τὰ πάντα ἐπὶ τὰς χεῖρας Ααρων καὶ ἐπὶ τὰς χεῖρας τῶν υἱῶν αὐτοῦ καὶ ἀϕοριεῖς αὐτοὺς ἀϕόρισμα ἔναντι κυρίου.

kaì epithḗseis tà pánta epì tàs cheîras Aarōn kaì epì tàs cheîras tō̂n hyiō̂n autoû kaì aphorieîs autoùs aphórisma énanti kyríou.

25
καὶ λήμψῃ αὐτὰ ἐκ τῶν χειρῶν αὐτῶν καὶ ἀνοίσεις ἐπὶ τὸ θυσιαστήριον τῆς ὁλοκαυτώσεως εἰς ὀσμὴν εὐωδίας ἔναντι κυρίου· κάρπωμά ἐστιν κυρίῳ.

kaì lḗmpsēi autà ek tō̂n cheirō̂n autō̂n kaì anoíseis epì tò thysiastḗrion tē̂s holokautṓseōs eis osmḕn euōdías énanti kyríou: kárpōmá estin kyríōi.

26
καὶ λήμψῃ τὸ στηθύνιον ἀπὸ τοῦ κριοῦ τῆς τελειώσεως, ὅ ἐστιν Ααρων, καὶ ἀϕοριεῖς αὐτὸ ἀϕόρισμα ἔναντι κυρίου, καὶ ἔσται σοι ἐν μερίδι.

kaì lḗmpsēi tò stēthýnion apò toû krioû tē̂s teleiṓseōs, hó estin Aarōn, kaì aphorieîs autò aphórisma énanti kyríou, kaì éstai soi en merídi.

27
καὶ ἁγιάσεις τὸ στηθύνιον ἀϕόρισμα καὶ τὸν βραχίονα τοῦ ἀϕαιρέματος, ὃς ἀϕώρισται καὶ ὃς ἀϕῄρηται ἀπὸ τοῦ κριοῦ τῆς τελειώσεως ἀπὸ τοῦ Ααρων καὶ ἀπὸ τῶν υἱῶν αὐτοῦ,

kaì hagiáseis tò stēthýnion aphórisma kaì tòn brachíona toû aphairématos, hòs aphṓristai kaì hòs aphḗirētai apò toû krioû tē̂s teleiṓseōs apò toû Aarōn kaì apò tō̂n hyiō̂n autoû,

28
καὶ ἔσται Ααρων καὶ τοῖς υἱοῖς αὐτοῦ νόμιμον αἰώνιον παρὰ τῶν υἱῶν Ισραηλ· ἔστιν γὰρ ἀϕαίρεμα τοῦτο καὶ ἀϕαίρεμα ἔσται παρὰ τῶν υἱῶν Ισραηλ ἀπὸ τῶν θυμάτων τῶν σωτηρίων τῶν υἱῶν Ισραηλ, ἀϕαίρεμα κυρίῳ.

kaì éstai Aarōn kaì toîs hyioîs autoû nómimon aiṓnion parà tō̂n hyiō̂n Israēl: éstin gàr aphaírema toûto kaì aphaírema éstai parà tō̂n hyiō̂n Israēl apò tō̂n thymátōn tō̂n sōtēríōn tō̂n hyiō̂n Israēl, aphaírema kyríōi.

29
καὶ ἡ στολὴ τοῦ ἁγίου, ἥ ἐστιν Ααρων, ἔσται τοῖς υἱοῖς αὐτοῦ μετ’ αὐτόν, χρισθῆναι αὐτοὺς ἐν αὐτοῖς καὶ τελειῶσαι τὰς χεῖρας αὐτῶν.

kaì hē stolḕ toû hagíou, hḗ estin Aarōn, éstai toîs hyioîs autoû met’ autón, christhē̂nai autoùs en autoîs kaì teleiō̂sai tàs cheîras autō̂n.

30
ἑπτὰ ἡμέρας ἐνδύσεται αὐτὰ ὁ ἱερεὺς ὁ ἀντ’ αὐτοῦ τῶν υἱῶν αὐτοῦ, ὃς εἰσελεύσεται εἰς τὴν σκηνὴν τοῦ μαρτυρίου λειτουργεῖν ἐν τοῖς ἁγίοις.

heptà hēméras endýsetai autà ho hiereùs ho ant’ autoû tō̂n hyiō̂n autoû, hòs eiseleúsetai eis tḕn skēnḕn toû martyríou leitourgeîn en toîs hagíois.

31
καὶ τὸν κριὸν τῆς τελειώσεως λήμψῃ καὶ ἑψήσεις τὰ κρέα ἐν τόπῳ ἁγίῳ,

kaì tòn kriòn tē̂s teleiṓseōs lḗmpsēi kaì hepsḗseis tà kréa en tópōi hagíōi,

32
καὶ ἔδονται Ααρων καὶ οἱ υἱοὶ αὐτοῦ τὰ κρέα τοῦ κριοῦ καὶ τοὺς ἄρτους τοὺς ἐν τῷ κανῷ παρὰ τὰς θύρας τῆς σκηνῆς τοῦ μαρτυρίου·

kaì édontai Aarōn kaì hoi hyioì autoû tà kréa toû krioû kaì toùs ártous toùs en tō̂i kanō̂i parà tàs thýras tē̂s skēnē̂s toû martyríou:

33
ἔδονται αὐτά, ἐν οἷς ἡγιάσθησαν ἐν αὐτοῖς τελειῶσαι τὰς χεῖρας αὐτῶν ἁγιάσαι αὐτούς, καὶ ἀλλογενὴς οὐκ ἔδεται ἀπ’ αὐτῶν· ἔστιν γὰρ ἅγια.

édontai autá, en hoîs hēgiásthēsan en autoîs teleiō̂sai tàs cheîras autō̂n hagiásai autoús, kaì allogenḕs ouk édetai ap’ autō̂n: éstin gàr hágia.

34
ἐὰν δὲ καταλειϕθῇ ἀπὸ τῶν κρεῶν τῆς θυσίας τῆς τελειώσεως καὶ τῶν ἄρτων ἕως πρωί, κατακαύσεις τὰ λοιπὰ πυρί· οὐ βρωθήσεται, ἁγίασμα γάρ ἐστιν.

eàn dè kataleiphthē̂i apò tō̂n kreō̂n tē̂s thysías tē̂s teleiṓseōs kaì tō̂n ártōn héōs prōí, katakaúseis tà loipà pyrí: ou brōthḗsetai, hagíasma gár estin.

35
καὶ ποιήσεις Ααρων καὶ τοῖς υἱοῖς αὐτοῦ οὕτως κατὰ πάντα, ὅσα ἐνετειλάμην σοι· ἑπτὰ ἡμέρας τελειώσεις αὐτῶν τὰς χεῖρας.

kaì poiḗseis Aarōn kaì toîs hyioîs autoû hoútōs katà pánta, hósa eneteilámēn soi: heptà hēméras teleiṓseis autō̂n tàs cheîras.

36
καὶ τὸ μοσχάριον τῆς ἁμαρτίας ποιήσεις τῇ ἡμέρᾳ τοῦ καθαρισμοῦ καὶ καθαριεῖς τὸ θυσιαστήριον ἐν τῷ ἁγιάζειν σε ἐπ’ αὐτῷ καὶ χρίσεις αὐτὸ ὥστε ἁγιάσαι αὐτό.

kaì tò moschárion tē̂s hamartías poiḗseis tē̂i hēmérāi toû katharismoû kaì katharieîs tò thysiastḗrion en tō̂i hagiázein se ep’ autō̂i kaì chríseis autò hṓste hagiásai autó.

37
ἑπτὰ ἡμέρας καθαριεῖς τὸ θυσιαστήριον καὶ ἁγιάσεις αὐτό, καὶ ἔσται τὸ θυσιαστήριον ἅγιον τοῦ ἁγίου· πᾶς ὁ ἁπτόμενος τοῦ θυσιαστηρίου ἁγιασθήσεται.

heptà hēméras katharieîs tò thysiastḗrion kaì hagiáseis autó, kaì éstai tò thysiastḗrion hágion toû hagíou: pâs ho haptómenos toû thysiastēríou hagiasthḗsetai.

38
Καὶ ταῦτά ἐστιν, ἃ ποιήσεις ἐπὶ τοῦ θυσιαστηρίου· ἀμνοὺς ἐνιαυσίους ἀμώμους δύο τὴν ἡμέραν ἐπὶ τὸ θυσιαστήριον ἐνδελεχῶς, κάρπωμα ἐνδελεχισμοῦ.

Kaì taûtá estin, hà poiḗseis epì toû thysiastēríou: amnoùs eniausíous amṓmous dýo tḕn hēméran epì tò thysiastḗrion endelechō̂s, kárpōma endelechismoû.

39
τὸν ἀμνὸν τὸν ἕνα ποιήσεις τὸ πρωὶ καὶ τὸν ἀμνὸν τὸν δεύτερον ποιήσεις τὸ δειλινόν·

tòn amnòn tòn héna poiḗseis tò prōì kaì tòn amnòn tòn deúteron poiḗseis tò deilinón:

40
καὶ δέκατον σεμιδάλεως πεϕυραμένης ἐν ἐλαίῳ κεκομμένῳ τῷ τετάρτῳ τοῦ ιν καὶ σπονδὴν τὸ τέταρτον τοῦ ιν οἴνου τῷ ἀμνῷ τῷ ἑνί·

kaì dékaton semidáleōs pephyraménēs en elaíōi kekomménōi tō̂i tetártōi toû in kaì spondḕn tò tétarton toû in oínou tō̂i amnō̂i tō̂i hení:

41
καὶ τὸν ἀμνὸν τὸν δεύτερον ποιήσεις τὸ δειλινόν, κατὰ τὴν θυσίαν τὴν πρωινὴν καὶ κατὰ τὴν σπονδὴν αὐτοῦ ποιήσεις εἰς ὀσμὴν εὐωδίας κάρπωμα κυρίῳ,

kaì tòn amnòn tòn deúteron poiḗseis tò deilinón, katà tḕn thysían tḕn prōinḕn kaì katà tḕn spondḕn autoû poiḗseis eis osmḕn euōdías kárpōma kyríōi,

42
θυσίαν ἐνδελεχισμοῦ εἰς γενεὰς ὑμῶν ἐπὶ θύρας τῆς σκηνῆς τοῦ μαρτυρίου ἔναντι κυρίου, ἐν οἷς γνωσθήσομαί σοι ἐκεῖθεν ὥστε λαλῆσαί σοι.

thysían endelechismoû eis geneàs hymō̂n epì thýras tē̂s skēnē̂s toû martyríou énanti kyríou, en hoîs gnōsthḗsomaí soi ekeîthen hṓste lalē̂saí soi.

43
καὶ τάξομαι ἐκεῖ τοῖς υἱοῖς Ισραηλ καὶ ἁγιασθήσομαι ἐν δόξῃ μου·

kaì táxomai ekeî toîs hyioîs Israēl kaì hagiasthḗsomai en dóxēi mou:

44
καὶ ἁγιάσω τὴν σκηνὴν τοῦ μαρτυρίου καὶ τὸ θυσιαστήριον· καὶ Ααρων καὶ τοὺς υἱοὺς αὐτοῦ ἁγιάσω ἱερατεύειν μοι.

kaì hagiásō tḕn skēnḕn toû martyríou kaì tò thysiastḗrion: kaì Aarōn kaì toùs hyioùs autoû hagiásō hierateúein moi.

45
καὶ ἐπικληθήσομαι ἐν τοῖς υἱοῖς Ισραηλ καὶ ἔσομαι αὐτῶν θεός,

kaì epiklēthḗsomai en toîs hyioîs Israēl kaì ésomai autō̂n theós,

46
καὶ γνώσονται ὅτι ἐγώ εἰμι κύριος ὁ θεὸς αὐτῶν ὁ ἐξαγαγὼν αὐτοὺς ἐκ γῆς Αἰγύπτου ἐπικληθῆναι αὐτοῖς καὶ θεὸς εἶναι αὐτῶν.

kaì gnṓsontai hóti egṓ eimi kýrios ho theòs autō̂n ho exagagṑn autoùs ek gē̂s Aigýptou epiklēthē̂nai autoîs kaì theòs eînai autō̂n.