Bibles in ancient languages
Old translations
Modern translations

Septante Exodus 30

Pentateuch
Historical books
Poetical Writings
Prophetic Books
Chapter
Verses
1
Καὶ ποιήσεις θυσιαστήριον θυμιάματος ἐκ ξύλων ἀσήπτων· καὶ ποιήσεις αὐτὸ

Kaì poiḗseis thysiastḗrion thymiámatos ek xýlōn asḗptōn: kaì poiḗseis autò

2
πήχεος τὸ μῆκος καὶ πήχεος τὸ εὖρος – τετράγωνον ἔσται – καὶ δύο πήχεων τὸ ὕψος· ἐξ αὐτοῦ ἔσται τὰ κέρατα αὐτοῦ.

pḗcheos tò mē̂kos kaì pḗcheos tò eûros – tetrágōnon éstai – kaì dýo pḗcheōn tò hýpsos: ex autoû éstai tà kérata autoû.

3
καὶ καταχρυσώσεις αὐτὰ χρυσίῳ καθαρῷ, τὴν ἐσχάραν αὐτοῦ καὶ τοὺς τοίχους αὐτοῦ κύκλῳ καὶ τὰ κέρατα αὐτοῦ, καὶ ποιήσεις αὐτῷ στρεπτὴν στεϕάνην χρυσῆν κύκλῳ.

kaì katachrysṓseis autà chrysíōi katharō̂i, tḕn escháran autoû kaì toùs toíchous autoû kýklōi kaì tà kérata autoû, kaì poiḗseis autō̂i streptḕn stephánēn chrysē̂n kýklōi.

4
καὶ δύο δακτυλίους χρυσοῦς καθαροὺς ποιήσεις ὑπὸ τὴν στρεπτὴν στεϕάνην αὐτοῦ, εἰς τὰ δύο κλίτη ποιήσεις ἐν τοῖς δυσὶ πλευροῖς· καὶ ἔσονται ψαλίδες ταῖς σκυτάλαις ὥστε αἴρειν αὐτὸ ἐν αὐταῖς.

kaì dýo daktylíous chrysoûs katharoùs poiḗseis hypò tḕn streptḕn stephánēn autoû, eis tà dýo klítē poiḗseis en toîs dysì pleuroîs: kaì ésontai psalídes taîs skytálais hṓste aírein autò en autaîs.

5
καὶ ποιήσεις σκυτάλας ἐκ ξύλων ἀσήπτων καὶ καταχρυσώσεις αὐτὰς χρυσίῳ.

kaì poiḗseis skytálas ek xýlōn asḗptōn kaì katachrysṓseis autàs chrysíōi.

6
καὶ θήσεις αὐτὸ ἀπέναντι τοῦ καταπετάσματος τοῦ ὄντος ἐπὶ τῆς κιβωτοῦ τῶν μαρτυρίων, ἐν οἷς γνωσθήσομαί σοι ἐκεῖθεν.

kaì thḗseis autò apénanti toû katapetásmatos toû óntos epì tē̂s kibōtoû tō̂n martyríōn, en hoîs gnōsthḗsomaí soi ekeîthen.

7
καὶ θυμιάσει ἐπ’ αὐτοῦ Ααρων θυμίαμα σύνθετον λεπτόν· τὸ πρωὶ πρωί, ὅταν ἐπισκευάζῃ τοὺς λύχνους, θυμιάσει ἐπ’ αὐτοῦ,

kaì thymiásei ep’ autoû Aarōn thymíama sýntheton leptón: tò prōì prōí, hótan episkeuázēi toùs lýchnous, thymiásei ep’ autoû,

8
καὶ ὅταν ἐξάπτῃ Ααρων τοὺς λύχνους ὀψέ, θυμιάσει ἐπ’ αὐτοῦ· θυμίαμα ἐνδελεχισμοῦ διὰ παντὸς ἔναντι κυρίου εἰς γενεὰς αὐτῶν.

kaì hótan exáptēi Aarōn toùs lýchnous opsé, thymiásei ep’ autoû: thymíama endelechismoû dià pantòs énanti kyríou eis geneàs autō̂n.

9
καὶ οὐκ ἀνοίσεις ἐπ’ αὐτοῦ θυμίαμα ἕτερον, κάρπωμα, θυσίαν· καὶ σπονδὴν οὐ σπείσεις ἐπ’ αὐτοῦ.

kaì ouk anoíseis ep’ autoû thymíama héteron, kárpōma, thysían: kaì spondḕn ou speíseis ep’ autoû.

10
καὶ ἐξιλάσεται ἐπ’ αὐτὸ Ααρων ἐπὶ τῶν κεράτων αὐτοῦ ἅπαξ τοῦ ἐνιαυτοῦ· ἀπὸ τοῦ αἵματος τοῦ καθαρισμοῦ τῶν ἁμαρτιῶν τοῦ ἐξιλασμοῦ ἅπαξ τοῦ ἐνιαυτοῦ καθαριεῖ αὐτὸ εἰς τὰς γενεὰς αὐτῶν· ἅγιον τῶν ἁγίων ἐστὶν κυρίῳ

kaì exilásetai ep’ autò Aarōn epì tō̂n kerátōn autoû hápax toû eniautoû: apò toû haímatos toû katharismoû tō̂n hamartiō̂n toû exilasmoû hápax toû eniautoû katharieî autò eis tàs geneàs autō̂n: hágion tō̂n hagíōn estìn kyríōi

11
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

12
’Εὰν λάβῃς τὸν συλλογισμὸν τῶν υἱῶν Ισραηλ ἐν τῇ ἐπισκοπῇ αὐτῶν, καὶ δώσουσιν ἕκαστος λύτρα τῆς ψυχῆς αὐτοῦ τῷ κυρίῳ, καὶ οὐκ ἔσται ἐν αὐτοῖς πτῶσις ἐν τῇ ἐπισκοπῇ αὐτῶν.

’Eàn lábēis tòn syllogismòn tō̂n hyiō̂n Israēl en tē̂i episkopē̂i autō̂n, kaì dṓsousin hékastos lýtra tē̂s psychē̂s autoû tō̂i kyríōi, kaì ouk éstai en autoîs ptō̂sis en tē̂i episkopē̂i autō̂n.

13
καὶ τοῦτό ἐστιν ὃ δώσουσιν ὅσοι ἂν παραπορεύωνται τὴν ἐπίσκεψιν· τὸ ἥμισυ τοῦ διδράχμου, ὅ ἐστιν κατὰ τὸ δίδραχμον τὸ ἅγιον· εἴκοσι ὀβολοὶ τὸ δίδραχμον, τὸ δὲ ἥμισυ τοῦ διδράχμου εἰσϕορὰ κυρίῳ.

kaì toûtó estin hò dṓsousin hósoi àn paraporeúōntai tḕn epískepsin: tò hḗmisy toû didráchmou, hó estin katà tò dídrachmon tò hágion: eíkosi oboloì tò dídrachmon, tò dè hḗmisy toû didráchmou eisphorà kyríōi.

14
πᾶς ὁ παραπορευόμενος εἰς τὴν ἐπίσκεψιν ἀπὸ εἰκοσαετοῦς καὶ ἐπάνω δώσουσιν τὴν εἰσϕορὰν κυρίῳ.

pâs ho paraporeuómenos eis tḕn epískepsin apò eikosaetoûs kaì epánō dṓsousin tḕn eisphoràn kyríōi.

15
ὁ πλουτῶν οὐ προσθήσει καὶ ὁ πενόμενος οὐκ ἐλαττονήσει ἀπὸ τοῦ ἡμίσους τοῦ διδράχμου ἐν τῷ διδόναι τὴν εἰσϕορὰν κυρίῳ ἐξιλάσασθαι περὶ τῶν ψυχῶν ὑμῶν.

ho ploutō̂n ou prosthḗsei kaì ho penómenos ouk elattonḗsei apò toû hēmísous toû didráchmou en tō̂i didónai tḕn eisphoràn kyríōi exilásasthai perì tō̂n psychō̂n hymō̂n.

16
καὶ λήμψῃ τὸ ἀργύριον τῆς εἰσϕορᾶς παρὰ τῶν υἱῶν Ισραηλ καὶ δώσεις αὐτὸ εἰς κάτεργον τῆς σκηνῆς τοῦ μαρτυρίου, καὶ ἔσται τοῖς υἱοῖς Ισραηλ μνημόσυνον ἔναντι κυρίου ἐξιλάσασθαι περὶ τῶν ψυχῶν ὑμῶν.

kaì lḗmpsēi tò argýrion tē̂s eisphorâs parà tō̂n hyiō̂n Israēl kaì dṓseis autò eis kátergon tē̂s skēnē̂s toû martyríou, kaì éstai toîs hyioîs Israēl mnēmósynon énanti kyríou exilásasthai perì tō̂n psychō̂n hymō̂n.

17
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

18
Ποίησον λουτῆρα χαλκοῦν καὶ βάσιν αὐτῷ χαλκῆν ὥστε νίπτεσθαι· καὶ θήσεις αὐτὸν ἀνὰ μέσον τῆς σκηνῆς τοῦ μαρτυρίου καὶ ἀνὰ μέσον τοῦ θυσιαστηρίου καὶ ἐκχεεῖς εἰς αὐτὸν ὕδωρ,

Poíēson loutē̂ra chalkoûn kaì básin autō̂i chalkē̂n hṓste níptesthai: kaì thḗseis autòn anà méson tē̂s skēnē̂s toû martyríou kaì anà méson toû thysiastēríou kaì ekcheeîs eis autòn hýdōr,

19
καὶ νίψεται Ααρων καὶ οἱ υἱοὶ αὐτοῦ ἐξ αὐτοῦ τὰς χεῖρας καὶ τοὺς πόδας ὕδατι.

kaì nípsetai Aarōn kaì hoi hyioì autoû ex autoû tàs cheîras kaì toùs pódas hýdati.

20
ὅταν εἰσπορεύωνται εἰς τὴν σκηνὴν τοῦ μαρτυρίου, νίψονται ὕδατι καὶ οὐ μὴ ἀποθάνωσιν· ἢ ὅταν προσπορεύωνται πρὸς τὸ θυσιαστήριον λειτουργεῖν καὶ ἀναϕέρειν τὰ ὁλοκαυτώματα κυρίῳ,

hótan eisporeúōntai eis tḕn skēnḕn toû martyríou, nípsontai hýdati kaì ou mḕ apothánōsin: ḕ hótan prosporeúōntai pròs tò thysiastḗrion leitourgeîn kaì anaphérein tà holokautṓmata kyríōi,

21
νίψονται τὰς χεῖρας καὶ τοὺς πόδας ὕδατι· ὅταν εἰσπορεύωνται εἰς τὴν σκηνὴν τοῦ μαρτυρίου, νίψονται ὕδατι, ἵνα μὴ ἀποθάνωσιν· καὶ ἔσται αὐτοῖς νόμιμον αἰώνιον, αὐτῷ καὶ ταῖς γενεαῖς αὐτοῦ μετ’ αὐτόν.

nípsontai tàs cheîras kaì toùs pódas hýdati: hótan eisporeúōntai eis tḕn skēnḕn toû martyríou, nípsontai hýdati, hína mḕ apothánōsin: kaì éstai autoîs nómimon aiṓnion, autō̂i kaì taîs geneaîs autoû met’ autón.

22
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

23
Καὶ σὺ λαβὲ ἡδύσματα, τὸ ἄνθος σμύρνης ἐκλεκτῆς πεντακοσίους σίκλους καὶ κινναμώμου εὐώδους τὸ ἥμισυ τούτου διακοσίους πεντήκοντα καὶ καλάμου εὐώδους διακοσίους πεντήκοντα

Kaì sỳ labè hēdýsmata, tò ánthos smýrnēs eklektē̂s pentakosíous síklous kaì kinnamṓmou euṓdous tò hḗmisy toútou diakosíous pentḗkonta kaì kalámou euṓdous diakosíous pentḗkonta

24
καὶ ἴρεως πεντακοσίους σίκλους τοῦ ἁγίου καὶ ἔλαιον ἐξ ἐλαίων ιν

kaì íreōs pentakosíous síklous toû hagíou kaì élaion ex elaíōn in

25
καὶ ποιήσεις αὐτὸ ἔλαιον χρῖσμα ἅγιον, μύρον μυρεψικὸν τέχνῃ μυρεψοῦ· ἔλαιον χρῖσμα ἅγιον ἔσται.

kaì poiḗseis autò élaion chrîsma hágion, mýron myrepsikòn téchnēi myrepsoû: élaion chrîsma hágion éstai.

26
καὶ χρίσεις ἐξ αὐτοῦ τὴν σκηνὴν τοῦ μαρτυρίου καὶ τὴν κιβωτὸν τοῦ μαρτυρίου

kaì chríseis ex autoû tḕn skēnḕn toû martyríou kaì tḕn kibōtòn toû martyríou

27
καὶ τὴν λυχνίαν καὶ πάντα τὰ σκεύη αὐτῆς καὶ τὸ θυσιαστήριον τοῦ θυμιάματος

kaì tḕn lychnían kaì pánta tà skeúē autē̂s kaì tò thysiastḗrion toû thymiámatos

28
καὶ τὸ θυσιαστήριον τῶν ὁλοκαυτωμάτων καὶ πάντα αὐτοῦ τὰ σκεύη καὶ τὴν τράπεζαν καὶ πάντα τὰ σκεύη αὐτῆς καὶ τὸν λουτῆρα καὶ τὴν βάσιν αὐτοῦ

kaì tò thysiastḗrion tō̂n holokautōmátōn kaì pánta autoû tà skeúē kaì tḕn trápezan kaì pánta tà skeúē autē̂s kaì tòn loutē̂ra kaì tḕn básin autoû

29
καὶ ἁγιάσεις αὐτά, καὶ ἔσται ἅγια τῶν ἁγίων· πᾶς ὁ ἁπτόμενος αὐτῶν ἁγιασθήσεται.

kaì hagiáseis autá, kaì éstai hágia tō̂n hagíōn: pâs ho haptómenos autō̂n hagiasthḗsetai.

30
καὶ Ααρων καὶ τοὺς υἱοὺς αὐτοῦ χρίσεις καὶ ἁγιάσεις αὐτοὺς ἱερατεύειν μοι.

kaì Aarōn kaì toùs hyioùs autoû chríseis kaì hagiáseis autoùs hierateúein moi.

31
καὶ τοῖς υἱοῖς Ισραηλ λαλήσεις λέγων ῎Ελαιον ἄλειμμα χρίσεως ἅγιον ἔσται τοῦτο ὑμῖν εἰς τὰς γενεὰς ὑμῶν.

kaì toîs hyioîs Israēl lalḗseis légōn ῎Elaion áleimma chríseōs hágion éstai toûto hymîn eis tàs geneàs hymō̂n.

32
ἐπὶ σάρκα ἀνθρώπου οὐ χρισθήσεται, καὶ κατὰ τὴν σύνθεσιν ταύτην οὐ ποιήσετε ὑμῖν ἑαυτοῖς ὡσαύτως· ἅγιόν ἐστιν καὶ ἁγίασμα ἔσται ὑμῖν.

epì sárka anthrṓpou ou christhḗsetai, kaì katà tḕn sýnthesin taútēn ou poiḗsete hymîn heautoîs hōsaútōs: hágión estin kaì hagíasma éstai hymîn.

33
ὃς ἂν ποιήσῃ ὡσαύτως, καὶ ὃς ἂν δῷ ἀπ’ αὐτοῦ ἀλλογενεῖ, ἐξολεθρευθήσεται ἐκ τοῦ λαοῦ αὐτοῦ.

hòs àn poiḗsēi hōsaútōs, kaì hòs àn dō̂i ap’ autoû allogeneî, exolethreuthḗsetai ek toû laoû autoû.

34
καὶ εἶπεν κύριος πρὸς Μωυσῆν Λαβὲ σεαυτῷ ἡδύσματα, στακτήν, ὄνυχα, χαλβάνην ἡδυσμοῦ καὶ λίβανον διαϕανῆ, ἴσον ἴσῳ ἔσται·

kaì eîpen kýrios pròs Mōysē̂n Labè seautō̂i hēdýsmata, staktḗn, ónycha, chalbánēn hēdysmoû kaì líbanon diaphanē̂, íson ísōi éstai:

35
καὶ ποιήσουσιν ἐν αὐτῷ θυμίαμα, μυρεψικὸν ἔργον μυρεψοῦ, μεμιγμένον, καθαρόν, ἔργον ἅγιον.

kaì poiḗsousin en autō̂i thymíama, myrepsikòn érgon myrepsoû, memigménon, katharón, érgon hágion.

36
καὶ συγκόψεις ἐκ τούτων λεπτὸν καὶ θήσεις ἀπέναντι τῶν μαρτυρίων ἐν τῇ σκηνῇ τοῦ μαρτυρίου, ὅθεν γνωσθήσομαί σοι ἐκεῖθεν· ἅγιον τῶν ἁγίων ἔσται ὑμῖν.

kaì synkópseis ek toútōn leptòn kaì thḗseis apénanti tō̂n martyríōn en tē̂i skēnē̂i toû martyríou, hóthen gnōsthḗsomaí soi ekeîthen: hágion tō̂n hagíōn éstai hymîn.

37
θυμίαμα κατὰ τὴν σύνθεσιν ταύτην οὐ ποιήσετε ὑμῖν αὐτοῖς· ἁγίασμα ἔσται ὑμῖν κυρίῳ·

thymíama katà tḕn sýnthesin taútēn ou poiḗsete hymîn autoîs: hagíasma éstai hymîn kyríōi:

38
ὃς ἂν ποιήσῃ ὡσαύτως ὥστε ὀσϕραίνεσθαι ἐν αὐτῷ, ἀπολεῖται ἐκ τοῦ λαοῦ αὐτοῦ.

hòs àn poiḗsēi hōsaútōs hṓste osphraínesthai en autō̂i, apoleîtai ek toû laoû autoû.