Bibles in ancient languages
Old translations
Modern translations

Septante Ezekiel 41

Pentateuch
Historical books
Poetical Writings
Prophetic Books
Chapter
Verses
1
καὶ εἰσήγαγέν με εἰς τὸν ναόν, ᾧ διεμέτρησεν τὸ αιλαμ πηχῶν ἓξ τὸ πλάτος ἔνθεν καὶ πηχῶν ἓξ τὸ εὖρος τοῦ αιλαμ ἔνθεν,

kaì eisḗgagén me eis tòn naón, hō̂i diemétrēsen tò ailam pēchō̂n hèx tò plátos énthen kaì pēchō̂n hèx tò eûros toû ailam énthen,

2
καὶ τὸ εὖρος τοῦ πυλῶνος πηχῶν δέκα, καὶ ἐπωμίδες τοῦ πυλῶνος πηχῶν πέντε ἔνθεν καὶ πηχῶν πέντε ἔνθεν· καὶ διεμέτρησεν τὸ μῆκος αὐτοῦ πηχῶν τεσσαράκοντα καὶ τὸ εὖρος πηχῶν εἴκοσι.

kaì tò eûros toû pylō̂nos pēchō̂n déka, kaì epōmídes toû pylō̂nos pēchō̂n pénte énthen kaì pēchō̂n pénte énthen: kaì diemétrēsen tò mē̂kos autoû pēchō̂n tessarákonta kaì tò eûros pēchō̂n eíkosi.

3
καὶ εἰσῆλθεν εἰς τὴν αὐλὴν τὴν ἐσωτέραν καὶ διεμέτρησεν τὸ αιλ τοῦ θυρώματος πηχῶν δύο καὶ τὸ θύρωμα πηχῶν ἓξ καὶ τὰς ἐπωμίδας τοῦ θυρώματος πηχῶν ἑπτὰ ἔνθεν καὶ πηχῶν ἑπτὰ ἔνθεν.

kaì eisē̂lthen eis tḕn aulḕn tḕn esōtéran kaì diemétrēsen tò ail toû thyrṓmatos pēchō̂n dýo kaì tò thýrōma pēchō̂n hèx kaì tàs epōmídas toû thyrṓmatos pēchō̂n heptà énthen kaì pēchō̂n heptà énthen.

4
καὶ διεμέτρησεν τὸ μῆκος τῶν θυρῶν πηχῶν τεσσαράκοντα καὶ εὖρος πηχῶν εἴκοσι κατὰ πρόσωπον τοῦ ναοῦ. καὶ εἶπεν Τοῦτο τὸ ἅγιον τῶν ἁγίων.

kaì diemétrēsen tò mē̂kos tō̂n thyrō̂n pēchō̂n tessarákonta kaì eûros pēchō̂n eíkosi katà prósōpon toû naoû. kaì eîpen Toûto tò hágion tō̂n hagíōn.

5
καὶ διεμέτρησεν τὸν τοῖχον τοῦ οἴκου πηχῶν ἓξ καὶ τὸ εὖρος τῆς πλευρᾶς πηχῶν τεσσάρων κυκλόθεν.

kaì diemétrēsen tòn toîchon toû oíkou pēchō̂n hèx kaì tò eûros tē̂s pleurâs pēchō̂n tessárōn kyklóthen.

6
καὶ τὰ πλευρὰ πλευρὸν ἐπὶ πλευρὸν τριάκοντα καὶ τρεῖς δίς, καὶ διάστημα ἐν τῷ τοίχῳ τοῦ οἴκου ἐν τοῖς πλευροῖς κύκλῳ τοῦ εἶναι τοῖς ἐπιλαμβανομένοις ὁρᾶν, ὅπως τὸ παράπαν μὴ ἅπτωνται τῶν τοίχων τοῦ οἴκου.

kaì tà pleurà pleuròn epì pleuròn triákonta kaì treîs dís, kaì diástēma en tō̂i toíchōi toû oíkou en toîs pleuroîs kýklōi toû eînai toîs epilambanoménois horân, hópōs tò parápan mḕ háptōntai tō̂n toíchōn toû oíkou.

7
καὶ τὸ εὖρος τῆς ἀνωτέρας τῶν πλευρῶν κατὰ τὸ πρόσθεμα ἐκ τοῦ τοίχου πρὸς τὴν ἀνωτέραν κύκλῳ τοῦ οἴκου, ὅπως διαπλατύνηται ἄνωθεν καὶ ἐκ τῶν κάτωθεν ἀναβαίνωσιν ἐπὶ τὰ ὑπερῷα καὶ ἐκ τῶν μέσων ἐπὶ τὰ τριώροϕα.

kaì tò eûros tē̂s anōtéras tō̂n pleurō̂n katà tò prósthema ek toû toíchou pròs tḕn anōtéran kýklōi toû oíkou, hópōs diaplatýnētai ánōthen kaì ek tō̂n kátōthen anabaínōsin epì tà hyperō̂ia kaì ek tō̂n mésōn epì tà triṓropha.

8
καὶ τὸ θραελ τοῦ οἴκου ὕψος κύκλῳ διάστημα τῶν πλευρῶν ἴσον τῷ καλάμῳ, πήχεων ἓξ διάστημα.

kaì tò thrael toû oíkou hýpsos kýklōi diástēma tō̂n pleurō̂n íson tō̂i kalámōi, pḗcheōn hèx diástēma.

9
καὶ εὖρος τοῦ τοίχου τῆς πλευρᾶς ἔξωθεν πηχῶν πέντε· καὶ τὰ ἀπόλοιπα ἀνὰ μέσον τῶν πλευρῶν τοῦ οἴκου

kaì eûros toû toíchou tē̂s pleurâs éxōthen pēchō̂n pénte: kaì tà apóloipa anà méson tō̂n pleurō̂n toû oíkou

10
καὶ ἀνὰ μέσον τῶν ἐξεδρῶν εὖρος πηχῶν εἴκοσι, τὸ περιϕερὲς τῷ οἴκῳ κύκλῳ.

kaì anà méson tō̂n exedrō̂n eûros pēchō̂n eíkosi, tò peripherès tō̂i oíkōi kýklōi.

11
καὶ αἱ θύραι τῶν ἐξεδρῶν ἐπὶ τὸ ἀπόλοιπον τῆς θύρας τῆς μιᾶς τῆς πρὸς βορρᾶν· καὶ ἡ θύρα ἡ μία πρὸς νότον, καὶ τὸ εὖρος τοῦ ϕωτὸς τοῦ ἀπολοίπου πηχῶν πέντε πλάτος κυκλόθεν.

kaì hai thýrai tō̂n exedrō̂n epì tò apóloipon tē̂s thýras tē̂s miâs tē̂s pròs borrân: kaì hē thýra hē mía pròs nóton, kaì tò eûros toû phōtòs toû apoloípou pēchō̂n pénte plátos kyklóthen.

12
καὶ τὸ διορίζον κατὰ πρόσωπον τοῦ ἀπολοίπου ὡς πρὸς θάλασσαν πηχῶν ἑβδομήκοντα, πλάτος τοῦ τοίχου τοῦ διορίζοντος πήχεων πέντε, εὖρος κυκλόθεν καὶ μῆκος αὐτοῦ πήχεων ἐνενήκοντα.

kaì tò diorízon katà prósōpon toû apoloípou hōs pròs thálassan pēchō̂n hebdomḗkonta, plátos toû toíchou toû diorízontos pḗcheōn pénte, eûros kyklóthen kaì mē̂kos autoû pḗcheōn enenḗkonta.

13
καὶ διεμέτρησεν κατέναντι τοῦ οἴκου μῆκος πηχῶν ἑκατόν, καὶ τὰ ἀπόλοιπα καὶ τὰ διορίζοντα καὶ οἱ τοῖχοι αὐτῶν μῆκος πηχῶν ἑκατόν,

kaì diemétrēsen katénanti toû oíkou mē̂kos pēchō̂n hekatón, kaì tà apóloipa kaì tà diorízonta kaì hoi toîchoi autō̂n mē̂kos pēchō̂n hekatón,

14
καὶ τὸ εὖρος κατὰ πρόσωπον τοῦ οἴκου καὶ τὰ ἀπόλοιπα κατέναντι πηχῶν ἑκατόν.

kaì tò eûros katà prósōpon toû oíkou kaì tà apóloipa katénanti pēchō̂n hekatón.

15
καὶ διεμέτρησεν μῆκος τοῦ διορίζοντος κατὰ πρόσωπον τοῦ ἀπολοίπου τῶν κατόπισθεν τοῦ οἴκου ἐκείνου καὶ τὰ ἀπόλοιπα ἔνθεν καὶ ἔνθεν πήχεων ἑκατὸν τὸ μῆκος. καὶ ὁ ναὸς καὶ αἱ γωνίαι καὶ τὸ αιλαμ τὸ ἐξώτερον

kaì diemétrēsen mē̂kos toû diorízontos katà prósōpon toû apoloípou tō̂n katópisthen toû oíkou ekeínou kaì tà apóloipa énthen kaì énthen pḗcheōn hekatòn tò mē̂kos. kaì ho naòs kaì hai gōníai kaì tò ailam tò exṓteron

16
πεϕατνωμένα, καὶ αἱ θυρίδες δικτυωταί, ὑποϕαύσεις κύκλῳ τοῖς τρισὶν ὥστε διακύπτειν· καὶ ὁ οἶκος καὶ τὰ πλησίον ἐξυλωμένα κύκλῳ καὶ τὸ ἔδαϕος καὶ ἐκ τοῦ ἐδάϕους ἕως τῶν θυρίδων, καὶ αἱ θυρίδες ἀναπτυσσόμεναι τρισσῶς εἰς τὸ διακύπτειν.

pephatnōména, kaì hai thyrídes diktyōtaí, hypophaúseis kýklōi toîs trisìn hṓste diakýptein: kaì ho oîkos kaì tà plēsíon exylōména kýklōi kaì tò édaphos kaì ek toû edáphous héōs tō̂n thyrídōn, kaì hai thyrídes anaptyssómenai trissō̂s eis tò diakýptein.

17
καὶ ἕως πλησίον τῆς ἐσωτέρας καὶ ἕως τῆς ἐξωτέρας καὶ ἐϕ’ ὅλον τὸν τοῖχον κύκλῳ ἐν τῷ ἔσωθεν καὶ ἐν τῷ ἔξωθεν

kaì héōs plēsíon tē̂s esōtéras kaì héōs tē̂s exōtéras kaì eph’ hólon tòn toîchon kýklōi en tō̂i ésōthen kaì en tō̂i éxōthen

18
γεγλυμμένα χερουβιν, καὶ ϕοίνικες ἀνὰ μέσον χερουβ καὶ χερουβ· δύο πρόσωπα τῷ χερουβ,

geglymména cheroubin, kaì phoínikes anà méson cheroub kaì cheroub: dýo prósōpa tō̂i cheroub,

19
πρόσωπον ἀνθρώπου πρὸς τὸν ϕοίνικα ἔνθεν καὶ ἔνθεν καὶ πρόσωπον λέοντος πρὸς τὸν ϕοίνικα ἔνθεν καὶ ἔνθεν· διαγεγλυμμένος ὅλος ὁ οἶκος κυκλόθεν,

prósōpon anthrṓpou pròs tòn phoínika énthen kaì énthen kaì prósōpon léontos pròs tòn phoínika énthen kaì énthen: diageglymménos hólos ho oîkos kyklóthen,

20
ἐκ τοῦ ἐδάϕους ἕως τοῦ ϕατνώματος τὰ χερουβιν καὶ οἱ ϕοίνικες διαγεγλυμμένοι.

ek toû edáphous héōs toû phatnṓmatos tà cheroubin kaì hoi phoínikes diageglymménoi.

21
καὶ τὸ ἅγιον καὶ ὁ ναὸς ἀναπτυσσόμενος τετράγωνα. κατὰ πρόσωπον τῶν ἁγίων ὅρασις ὡς ὄψις

kaì tò hágion kaì ho naòs anaptyssómenos tetrágōna. katà prósōpon tō̂n hagíōn hórasis hōs ópsis

22
θυσιαστηρίου ξυλίνου, πηχῶν τριῶν τὸ ὕψος αὐτοῦ καὶ τὸ μῆκος πηχῶν δύο καὶ τὸ εὖρος πηχῶν δύο· καὶ κέρατα εἶχεν, καὶ ἡ βάσις αὐτοῦ καὶ οἱ τοῖχοι αὐτοῦ ξύλινοι· καὶ εἶπεν πρός με Αὕτη ἡ τράπεζα ἡ πρὸ προσώπου κυρίου.

thysiastēríou xylínou, pēchō̂n triō̂n tò hýpsos autoû kaì tò mē̂kos pēchō̂n dýo kaì tò eûros pēchō̂n dýo: kaì kérata eîchen, kaì hē básis autoû kaì hoi toîchoi autoû xýlinoi: kaì eîpen prós me Haútē hē trápeza hē prò prosṓpou kyríou.

23
καὶ δύο θυρώματα τῷ ναῷ καὶ τῷ ἁγίῳ·

kaì dýo thyrṓmata tō̂i naō̂i kaì tō̂i hagíōi:

24
δύο θυρώματα τοῖς δυσὶ θυρώμασι τοῖς στροϕωτοῖς, δύο θυρώματα τῷ ἑνὶ καὶ δύο θυρώματα τῇ θύρᾳ τῇ δευτέρᾳ.

dýo thyrṓmata toîs dysì thyrṓmasi toîs strophōtoîs, dýo thyrṓmata tō̂i henì kaì dýo thyrṓmata tē̂i thýrāi tē̂i deutérāi.

25
καὶ γλυϕὴ ἐπ’ αὐτῶν, καὶ ἐπὶ τὰ θυρώματα τοῦ ναοῦ χερουβιν καὶ ϕοίνικες κατὰ τὴν γλυϕὴν τῶν ἁγίων, καὶ σπουδαῖα ξύλα κατὰ πρόσωπον τοῦ αιλαμ ἔξωθεν

kaì glyphḕ ep’ autō̂n, kaì epì tà thyrṓmata toû naoû cheroubin kaì phoínikes katà tḕn glyphḕn tō̂n hagíōn, kaì spoudaîa xýla katà prósōpon toû ailam éxōthen

26
καὶ θυρίδες κρυπταί. καὶ διεμέτρησεν ἔνθεν καὶ ἔνθεν εἰς τὰ ὀροϕώματα τοῦ αιλαμ καὶ τὰ πλευρὰ τοῦ οἴκου ἐζυγωμένα.

kaì thyrídes kryptaí. kaì diemétrēsen énthen kaì énthen eis tà orophṓmata toû ailam kaì tà pleurà toû oíkou ezygōména.