Bibles in ancient languages
Old translations
Modern translations

Septante Ezekiel 45

Pentateuch
Historical books
Poetical Writings
Prophetic Books
Chapter
Verses
1
Καὶ ἐν τῷ καταμετρεῖσθαι ὑμᾶς τὴν γῆν ἐν κληρονομίᾳ ἀϕοριεῖτε ἀπαρχὴν τῷ κυρίῳ ἅγιον ἀπὸ τῆς γῆς, πέντε καὶ εἴκοσι χιλιάδας μῆκος καὶ εὖρος εἴκοσι χιλιάδας· ἅγιον ἔσται ἐν πᾶσι τοῖς ὁρίοις αὐτοῦ κυκλόθεν.

Kaì en tō̂i katametreîsthai hymâs tḕn gē̂n en klēronomíāi aphorieîte aparchḕn tō̂i kyríōi hágion apò tē̂s gē̂s, pénte kaì eíkosi chiliádas mē̂kos kaì eûros eíkosi chiliádas: hágion éstai en pâsi toîs horíois autoû kyklóthen.

2
καὶ ἔσται ἐκ τούτου εἰς ἁγίασμα πεντακόσιοι ἐπὶ πεντακοσίους τετράγωνον κυκλόθεν, καὶ πήχεις πεντήκοντα διάστημα αὐτῷ κυκλόθεν.

kaì éstai ek toútou eis hagíasma pentakósioi epì pentakosíous tetrágōnon kyklóthen, kaì pḗcheis pentḗkonta diástēma autō̂i kyklóthen.

3
καὶ ἐκ ταύτης τῆς διαμετρήσεως διαμετρήσεις μῆκος πέντε καὶ εἴκοσι χιλιάδας καὶ εὖρος δέκα χιλιάδας, καὶ ἐν αὐτῇ ἔσται τὸ ἁγίασμα, ἅγια τῶν ἁγίων·

kaì ek taútēs tē̂s diametrḗseōs diametrḗseis mē̂kos pénte kaì eíkosi chiliádas kaì eûros déka chiliádas, kaì en autē̂i éstai tò hagíasma, hágia tō̂n hagíōn:

4
ἀπὸ τῆς γῆς ἔσται τοῖς ἱερεῦσιν τοῖς λειτουργοῦσιν ἐν τῷ ἁγίῳ καὶ ἔσται τοῖς ἐγγίζουσι λειτουργεῖν τῷ κυρίῳ, καὶ ἔσται αὐτοῖς τόπος εἰς οἴκους ἀϕωρισμένους τῷ ἁγιασμῷ αὐτῶν.

apò tē̂s gē̂s éstai toîs hiereûsin toîs leitourgoûsin en tō̂i hagíōi kaì éstai toîs engízousi leitourgeîn tō̂i kyríōi, kaì éstai autoîs tópos eis oíkous aphōrisménous tō̂i hagiasmō̂i autō̂n.

5
εἴκοσι καὶ πέντε χιλιάδες μῆκος καὶ εὖρος δέκα χιλιάδες ἔσται τοῖς Λευίταις τοῖς λειτουργοῦσιν τῷ οἴκῳ, αὐτοῖς εἰς κατάσχεσιν, πόλεις τοῦ κατοικεῖν.

eíkosi kaì pénte chiliádes mē̂kos kaì eûros déka chiliádes éstai toîs Leuítais toîs leitourgoûsin tō̂i oíkōi, autoîs eis katáschesin, póleis toû katoikeîn.

6
καὶ τὴν κατάσχεσιν τῆς πόλεως δώσεις πέντε χιλιάδας εὖρος καὶ μῆκος πέντε καὶ εἴκοσι χιλιάδας· ὃν τρόπον ἡ ἀπαρχὴ τῶν ἁγίων παντὶ οἴκῳ Ισραηλ ἔσονται.

kaì tḕn katáschesin tē̂s póleōs dṓseis pénte chiliádas eûros kaì mē̂kos pénte kaì eíkosi chiliádas: hòn trópon hē aparchḕ tō̂n hagíōn pantì oíkōi Israēl ésontai.

7
καὶ τῷ ἡγουμένῳ ἐκ τούτου καὶ ἀπὸ τούτου εἰς τὰς ἀπαρχὰς τῶν ἁγίων εἰς κατάσχεσιν τῆς πόλεως κατὰ πρόσωπον τῶν ἀπαρχῶν τῶν ἁγίων καὶ κατὰ πρόσωπον τῆς κατασχέσεως τῆς πόλεως τὰ πρὸς θάλασσαν καὶ ἀπὸ τῶν πρὸς θάλασσαν πρὸς ἀνατολάς, καὶ τὸ μῆκος ὡς μία τῶν μερίδων ἀπὸ τῶν ὁρίων τῶν πρὸς θάλασσαν καὶ τὸ μῆκος ἐπὶ τὰ ὅρια τὰ πρὸς ἀνατολὰς τῆς γῆς·

kaì tō̂i hēgouménōi ek toútou kaì apò toútou eis tàs aparchàs tō̂n hagíōn eis katáschesin tē̂s póleōs katà prósōpon tō̂n aparchō̂n tō̂n hagíōn kaì katà prósōpon tē̂s kataschéseōs tē̂s póleōs tà pròs thálassan kaì apò tō̂n pròs thálassan pròs anatolás, kaì tò mē̂kos hōs mía tō̂n merídōn apò tō̂n horíōn tō̂n pròs thálassan kaì tò mē̂kos epì tà hória tà pròs anatolàs tē̂s gē̂s:

8
καὶ ἔσται αὐτῷ εἰς κατάσχεσιν ἐν τῷ Ισραηλ, καὶ οὐ καταδυναστεύσουσιν οὐκέτι οἱ ἀϕηγούμενοι τοῦ Ισραηλ τὸν λαόν μου, καὶ τὴν γῆν κατακληρονομήσουσιν οἶκος Ισραηλ κατὰ ϕυλὰς αὐτῶν.

kaì éstai autō̂i eis katáschesin en tō̂i Israēl, kaì ou katadynasteúsousin oukéti hoi aphēgoúmenoi toû Israēl tòn laón mou, kaì tḕn gē̂n kataklēronomḗsousin oîkos Israēl katà phylàs autō̂n.

9
τάδε λέγει κύριος θεός ‘Ικανούσθω ὑμῖν, οἱ ἀϕηγούμενοι τοῦ Ισραηλ· ἀδικίαν καὶ ταλαιπωρίαν ἀϕέλεσθε καὶ κρίμα καὶ δικαιοσύνην ποιήσατε, ἐξάρατε καταδυναστείαν ἀπὸ τοῦ λαοῦ μου, λέγει κύριος θεός.

táde légei kýrios theós ‘Ikanoústhō hymîn, hoi aphēgoúmenoi toû Israēl: adikían kaì talaipōrían aphélesthe kaì kríma kaì dikaiosýnēn poiḗsate, exárate katadynasteían apò toû laoû mou, légei kýrios theós.

10
ζυγὸς δίκαιος καὶ μέτρον δίκαιον καὶ χοῖνιξ δικαία ἔστω ὑμῖν.

zygòs díkaios kaì métron díkaion kaì choînix dikaía éstō hymîn.

11
τὸ μέτρον καὶ ἡ χοῖνιξ ὁμοίως μία ἔσται τοῦ λαμβάνειν· τὸ δέκατον τοῦ γομορ ἡ χοῖνιξ, καὶ τὸ δέκατον τοῦ γομορ τὸ μέτρον, πρὸς τὸ γομορ ἔσται ἴσον.

tò métron kaì hē choînix homoíōs mía éstai toû lambánein: tò dékaton toû gomor hē choînix, kaì tò dékaton toû gomor tò métron, pròs tò gomor éstai íson.

12
καὶ τὸ στάθμιον εἴκοσι ὀβολοί· οἱ πέντε σίκλοι πέντε, καὶ οἱ δέκα σίκλοι δέκα, καὶ πεντήκοντα σίκλοι ἡ μνᾶ ἔσται ὑμῖν.

kaì tò státhmion eíkosi oboloí: hoi pénte síkloi pénte, kaì hoi déka síkloi déka, kaì pentḗkonta síkloi hē mnâ éstai hymîn.

13
Καὶ αὕτη ἡ ἀπαρχή, ἣν ἀϕοριεῖτε· ἕκτον τοῦ μέτρου ἀπὸ τοῦ γομορ τοῦ πυροῦ καὶ τὸ ἕκτον τοῦ οιϕι ἀπὸ τοῦ κόρου τῶν κριθῶν.

Kaì haútē hē aparchḗ, hḕn aphorieîte: hékton toû métrou apò toû gomor toû pyroû kaì tò hékton toû oiphi apò toû kórou tō̂n krithō̂n.

14
καὶ τὸ πρόσταγμα τοῦ ἐλαίου· κοτύλην ἐλαίου ἀπὸ δέκα κοτυλῶν, ὅτι αἱ δέκα κοτύλαι εἰσὶν γομορ.

kaì tò próstagma toû elaíou: kotýlēn elaíou apò déka kotylō̂n, hóti hai déka kotýlai eisìn gomor.

15
καὶ πρόβατον ἀπὸ τῶν δέκα προβάτων ἀϕαίρεμα ἐκ πασῶν τῶν πατριῶν τοῦ Ισραηλ εἰς θυσίας καὶ εἰς ὁλοκαυτώματα καὶ εἰς σωτηρίου τοῦ ἐξιλάσκεσθαι περὶ ὑμῶν, λέγει κύριος θεός.

kaì próbaton apò tō̂n déka probátōn aphaírema ek pasō̂n tō̂n patriō̂n toû Israēl eis thysías kaì eis holokautṓmata kaì eis sōtēríou toû exiláskesthai perì hymō̂n, légei kýrios theós.

16
καὶ πᾶς ὁ λαὸς δώσει τὴν ἀπαρχὴν ταύτην τῷ ἀϕηγουμένῳ τοῦ Ισραηλ.

kaì pâs ho laòs dṓsei tḕn aparchḕn taútēn tō̂i aphēgouménōi toû Israēl.

17
καὶ διὰ τοῦ ἀϕηγουμένου ἔσται τὰ ὁλοκαυτώματα καὶ αἱ θυσίαι καὶ αἱ σπονδαὶ ἔσονται ἐν ταῖς ἑορταῖς καὶ ἐν ταῖς νουμηνίαις καὶ ἐν τοῖς σαββάτοις καὶ ἐν πάσαις ταῖς ἑορταῖς οἴκου Ισραηλ· αὐτὸς ποιήσει τὰ ὑπὲρ ἁμαρτίας καὶ τὴν θυσίαν καὶ τὰ ὁλοκαυτώματα καὶ τὰ τοῦ σωτηρίου τοῦ ἐξιλάσκεσθαι ὑπὲρ τοῦ οἴκου Ισραηλ.

kaì dià toû aphēgouménou éstai tà holokautṓmata kaì hai thysíai kaì hai spondaì ésontai en taîs heortaîs kaì en taîs noumēníais kaì en toîs sabbátois kaì en pásais taîs heortaîs oíkou Israēl: autòs poiḗsei tà hypèr hamartías kaì tḕn thysían kaì tà holokautṓmata kaì tà toû sōtēríou toû exiláskesthai hypèr toû oíkou Israēl.

18
Τάδε λέγει κύριος θεός ’Εν τῷ πρώτῳ μηνὶ μιᾷ τοῦ μηνὸς λήμψεσθε μόσχον ἐκ βοῶν ἄμωμον τοῦ ἐξιλάσασθαι τὸ ἅγιον.

Táde légei kýrios theós ’En tō̂i prṓtōi mēnì miā̂i toû mēnòs lḗmpsesthe móschon ek boō̂n ámōmon toû exilásasthai tò hágion.

19
καὶ λήμψεται ὁ ἱερεὺς ἀπὸ τοῦ αἵματος τοῦ ἐξιλασμοῦ καὶ δώσει ἐπὶ τὰς ϕλιὰς τοῦ οἴκου καὶ ἐπὶ τὰς τέσσαρας γωνίας τοῦ ἱεροῦ καὶ ἐπὶ τὸ θυσιαστήριον καὶ ἐπὶ τὰς ϕλιὰς τῆς πύλης τῆς αὐλῆς τῆς ἐσωτέρας.

kaì lḗmpsetai ho hiereùs apò toû haímatos toû exilasmoû kaì dṓsei epì tàs phliàs toû oíkou kaì epì tàs téssaras gōnías toû hieroû kaì epì tò thysiastḗrion kaì epì tàs phliàs tē̂s pýlēs tē̂s aulē̂s tē̂s esōtéras.

20
καὶ οὕτως ποιήσεις ἐν τῷ ἑβδόμῳ μηνὶ μιᾷ τοῦ μηνὸς λήμψῃ παρ’ ἑκάστου ἀπόμοιραν καὶ ἐξιλάσεσθε τὸν οἶκον.

kaì hoútōs poiḗseis en tō̂i hebdómōi mēnì miā̂i toû mēnòs lḗmpsēi par’ hekástou apómoiran kaì exilásesthe tòn oîkon.

21
καὶ ἐν τῷ πρώτῳ μηνὶ τεσσαρεσκαιδεκάτῃ τοῦ μηνὸς ἔσται ὑμῖν τὸ πασχα ἑορτή· ἑπτὰ ἡμέρας ἄζυμα ἔδεσθε.

kaì en tō̂i prṓtōi mēnì tessareskaidekátēi toû mēnòs éstai hymîn tò pascha heortḗ: heptà hēméras ázyma édesthe.

22
καὶ ποιήσει ὁ ἀϕηγούμενος ἐν ἐκείνῃ τῇ ἡμέρᾳ ὑπὲρ αὑτοῦ καὶ τοῦ οἴκου καὶ ὑπὲρ παντὸς τοῦ λαοῦ τῆς γῆς μόσχον ὑπὲρ ἁμαρτίας.

kaì poiḗsei ho aphēgoúmenos en ekeínēi tē̂i hēmérāi hypèr hautoû kaì toû oíkou kaì hypèr pantòs toû laoû tē̂s gē̂s móschon hypèr hamartías.

23
καὶ τὰς ἑπτὰ ἡμέρας τῆς ἑορτῆς ποιήσει ὁλοκαυτώματα τῷ κυρίῳ, ἑπτὰ μόσχους καὶ ἑπτὰ κριοὺς ἀμώμους καθ’ ἡμέραν τὰς ἑπτὰ ἡμέρας καὶ ὑπὲρ ἁμαρτίας ἔριϕον αἰγῶν καθ’ ἡμέραν.

kaì tàs heptà hēméras tē̂s heortē̂s poiḗsei holokautṓmata tō̂i kyríōi, heptà móschous kaì heptà krioùs amṓmous kath’ hēméran tàs heptà hēméras kaì hypèr hamartías ériphon aigō̂n kath’ hēméran.

24
καὶ θυσίαν πέμμα τῷ μόσχῳ καὶ πέμμα τῷ κριῷ ποιήσεις καὶ ἐλαίου τὸ ιν τῷ πέμματι.

kaì thysían pémma tō̂i móschōi kaì pémma tō̂i kriō̂i poiḗseis kaì elaíou tò in tō̂i pémmati.

25
καὶ ἐν τῷ ἑβδόμῳ μηνὶ πεντεκαιδεκάτῃ τοῦ μηνὸς ἐν τῇ ἑορτῇ ποιήσεις κατὰ τὰ αὐτὰ ἑπτὰ ἡμέρας, καθὼς τὰ ὑπὲρ τῆς ἁμαρτίας καὶ καθὼς τὰ ὁλοκαυτώματα καὶ καθὼς τὸ μαναα καὶ καθὼς τὸ ἔλαιον.

kaì en tō̂i hebdómōi mēnì pentekaidekátēi toû mēnòs en tē̂i heortē̂i poiḗseis katà tà autà heptà hēméras, kathṑs tà hypèr tē̂s hamartías kaì kathṑs tà holokautṓmata kaì kathṑs tò manaa kaì kathṑs tò élaion.