Bibles in ancient languages
Old translations
Modern translations

Septante Ezekiel 48

Pentateuch
Historical books
Poetical Writings
Prophetic Books
Chapter
Verses
1
Καὶ ταῦτα τὰ ὀνόματα τῶν ϕυλῶν· ἀπὸ τῆς ἀρχῆς τῆς πρὸς βορρᾶν κατὰ τὸ μέρος τῆς καταβάσεως τοῦ περισχίζοντος ἐπὶ τὴν εἴσοδον τῆς Ημαθ αὐλῆς τοῦ Αιναν, ὅριον Δαμασκοῦ πρὸς βορρᾶν κατὰ μέρος Ημαθ αὐλῆς, καὶ ἔσται αὐτοῖς τὰ πρὸς ἀνατολὰς ἕως πρὸς θάλασσαν Δαν, μία.

Kaì taûta tà onómata tō̂n phylō̂n: apò tē̂s archē̂s tē̂s pròs borrân katà tò méros tē̂s katabáseōs toû perischízontos epì tḕn eísodon tē̂s Ēmath aulē̂s toû Ainan, hórion Damaskoû pròs borrân katà méros Ēmath aulē̂s, kaì éstai autoîs tà pròs anatolàs héōs pròs thálassan Dan, mía.

2
καὶ ἀπὸ τῶν ὁρίων τοῦ Δαν τὰ πρὸς ἀνατολὰς ἕως τῶν πρὸς θάλασσαν Ασηρ, μία.

kaì apò tō̂n horíōn toû Dan tà pròs anatolàs héōs tō̂n pròs thálassan Asēr, mía.

3
καὶ ἀπὸ τῶν ὁρίων Ασηρ ἀπὸ τῶν πρὸς ἀνατολὰς ἕως τῶν πρὸς θάλασσαν Νεϕθαλιμ, μία.

kaì apò tō̂n horíōn Asēr apò tō̂n pròs anatolàs héōs tō̂n pròs thálassan Nephthalim, mía.

4
καὶ ἀπὸ τῶν ὁρίων Νεϕθαλι ἀπὸ τῶν πρὸς ἀνατολὰς ἕως τῶν πρὸς θάλασσαν Μανασση, μία.

kaì apò tō̂n horíōn Nephthali apò tō̂n pròs anatolàs héōs tō̂n pròs thálassan Manassē, mía.

5
καὶ ἀπὸ τῶν ὁρίων Μανασση ἀπὸ τῶν πρὸς ἀνατολὰς ἕως τῶν πρὸς θάλασσαν Εϕραιμ, μία.

kaì apò tō̂n horíōn Manassē apò tō̂n pròs anatolàs héōs tō̂n pròs thálassan Ephraim, mía.

6
καὶ ἀπὸ τῶν ὁρίων Εϕραιμ ἀπὸ τῶν πρὸς ἀνατολὰς ἕως τῶν πρὸς θάλασσαν Ρουβην, μία.

kaì apò tō̂n horíōn Ephraim apò tō̂n pròs anatolàs héōs tō̂n pròs thálassan Roubēn, mía.

7
καὶ ἀπὸ τῶν ὁρίων Ρουβην ἀπὸ τῶν πρὸς ἀνατολὰς ἕως τῶν πρὸς θάλασσαν Ιουδα, μία.

kaì apò tō̂n horíōn Roubēn apò tō̂n pròs anatolàs héōs tō̂n pròs thálassan Iouda, mía.

8
Καὶ ἀπὸ τῶν ὁρίων Ιουδα ἀπὸ τῶν πρὸς ἀνατολὰς ἕως τῶν πρὸς θάλασσαν ἔσται ἡ ἀπαρχὴ τοῦ ἀϕορισμοῦ, πέντε καὶ εἴκοσι χιλιάδες εὖρος καὶ μῆκος καθὼς μία τῶν μερίδων ἀπὸ τῶν πρὸς ἀνατολὰς καὶ ἕως τῶν πρὸς θάλασσαν, καὶ ἔσται τὸ ἅγιον ἐν μέσῳ αὐτῶν·

Kaì apò tō̂n horíōn Iouda apò tō̂n pròs anatolàs héōs tō̂n pròs thálassan éstai hē aparchḕ toû aphorismoû, pénte kaì eíkosi chiliádes eûros kaì mē̂kos kathṑs mía tō̂n merídōn apò tō̂n pròs anatolàs kaì héōs tō̂n pròs thálassan, kaì éstai tò hágion en mésōi autō̂n:

9
ἀπαρχή, ἣν ἀϕοριοῦσι τῷ κυρίῳ, μῆκος πέντε καὶ εἴκοσι χιλιάδες καὶ εὖρος εἴκοσι καὶ πέντε χιλιάδες.

aparchḗ, hḕn aphorioûsi tō̂i kyríōi, mē̂kos pénte kaì eíkosi chiliádes kaì eûros eíkosi kaì pénte chiliádes.

10
τούτων ἔσται ἡ ἀπαρχὴ τῶν ἁγίων· τοῖς ἱερεῦσιν, πρὸς βορρᾶν πέντε καὶ εἴκοσι χιλιάδες καὶ πρὸς θάλασσαν πλάτος δέκα χιλιάδες καὶ πρὸς ἀνατολὰς πλάτος δέκα χιλιάδες καὶ πρὸς νότον μῆκος εἴκοσι καὶ πέντε χιλιάδες, καὶ τὸ ὄρος τῶν ἁγίων ἔσται ἐν μέσῳ αὐτοῦ·

toútōn éstai hē aparchḕ tō̂n hagíōn: toîs hiereûsin, pròs borrân pénte kaì eíkosi chiliádes kaì pròs thálassan plátos déka chiliádes kaì pròs anatolàs plátos déka chiliádes kaì pròs nóton mē̂kos eíkosi kaì pénte chiliádes, kaì tò óros tō̂n hagíōn éstai en mésōi autoû:

11
τοῖς ἱερεῦσι τοῖς ἡγιασμένοις υἱοῖς Σαδδουκ τοῖς ϕυλάσσουσι τὰς ϕυλακὰς τοῦ οἴκου, οἵτινες οὐκ ἐπλανήθησαν ἐν τῇ πλανήσει υἱῶν Ισραηλ ὃν τρόπον ἐπλανήθησαν οἱ Λευῖται,

toîs hiereûsi toîs hēgiasménois hyioîs Saddouk toîs phylássousi tàs phylakàs toû oíkou, hoítines ouk eplanḗthēsan en tē̂i planḗsei hyiō̂n Israēl hòn trópon eplanḗthēsan hoi Leuîtai,

12
καὶ ἔσται αὐτοῖς ἡ ἀπαρχὴ δεδομένη ἐκ τῶν ἀπαρχῶν τῆς γῆς, ἅγιον ἁγίων ἀπὸ τῶν ὁρίων τῶν Λευιτῶν.

kaì éstai autoîs hē aparchḕ dedoménē ek tō̂n aparchō̂n tē̂s gē̂s, hágion hagíōn apò tō̂n horíōn tō̂n Leuitō̂n.

13
τοῖς δὲ Λευίταις τὰ ἐχόμενα τῶν ὁρίων τῶν ἱερέων, μῆκος πέντε καὶ εἴκοσι χιλιάδες καὶ εὖρος δέκα χιλιάδες. πᾶν τὸ μῆκος πέντε καὶ εἴκοσι χιλιάδες καὶ εὖρος εἴκοσι χιλιάδες.

toîs dè Leuítais tà echómena tō̂n horíōn tō̂n hieréōn, mē̂kos pénte kaì eíkosi chiliádes kaì eûros déka chiliádes. pân tò mē̂kos pénte kaì eíkosi chiliádes kaì eûros eíkosi chiliádes.

14
οὐ πραθήσεται ἐξ αὐτοῦ οὐδὲ καταμετρηθήσεται, οὐδὲ ἀϕαιρεθήσεται τὰ πρωτογενήματα τῆς γῆς, ὅτι ἅγιόν ἐστιν τῷ κυρίῳ.

ou prathḗsetai ex autoû oudè katametrēthḗsetai, oudè aphairethḗsetai tà prōtogenḗmata tē̂s gē̂s, hóti hágión estin tō̂i kyríōi.

15
τὰς δὲ πέντε χιλιάδας τὰς περισσὰς ἐπὶ τῷ πλάτει ἐπὶ ταῖς πέντε καὶ εἴκοσι χιλιάσιν, προτείχισμα ἔσται τῇ πόλει εἰς τὴν κατοικίαν καὶ εἰς διάστημα αὐτοῦ, καὶ ἔσται ἡ πόλις ἐν μέσῳ αὐτοῦ.

tàs dè pénte chiliádas tàs perissàs epì tō̂i plátei epì taîs pénte kaì eíkosi chiliásin, proteíchisma éstai tē̂i pólei eis tḕn katoikían kaì eis diástēma autoû, kaì éstai hē pólis en mésōi autoû.

16
καὶ ταῦτα τὰ μέτρα αὐτῆς· ἀπὸ τῶν πρὸς βορρᾶν πεντακόσιοι καὶ τετρακισχίλιοι καὶ ἀπὸ τῶν πρὸς νότον πεντακόσιοι καὶ τέσσαρες χιλιάδες καὶ ἀπὸ τῶν πρὸς ἀνατολὰς πεντακόσιοι καὶ τέσσαρες χιλιάδες καὶ ἀπὸ τῶν πρὸς θάλασσαν τετρακισχιλίους πεντακοσίους·

kaì taûta tà métra autē̂s: apò tō̂n pròs borrân pentakósioi kaì tetrakischílioi kaì apò tō̂n pròs nóton pentakósioi kaì téssares chiliádes kaì apò tō̂n pròs anatolàs pentakósioi kaì téssares chiliádes kaì apò tō̂n pròs thálassan tetrakischilíous pentakosíous:

17
καὶ ἔσται διάστημα τῇ πόλει πρὸς βορρᾶν διακόσιοι πεντήκοντα καὶ πρὸς νότον διακόσιοι καὶ πεντήκοντα καὶ πρὸς ἀνατολὰς διακόσιοι πεντήκοντα καὶ πρὸς θάλασσαν διακόσιοι πεντήκοντα.

kaì éstai diástēma tē̂i pólei pròs borrân diakósioi pentḗkonta kaì pròs nóton diakósioi kaì pentḗkonta kaì pròs anatolàs diakósioi pentḗkonta kaì pròs thálassan diakósioi pentḗkonta.

18
καὶ τὸ περισσὸν τοῦ μήκους τὸ ἐχόμενον τῶν ἀπαρχῶν τῶν ἁγίων δέκα χιλιάδες πρὸς ἀνατολὰς καὶ δέκα χιλιάδες πρὸς θάλασσαν, καὶ ἔσονται αἱ ἀπαρχαὶ τοῦ ἁγίου, καὶ ἔσται τὰ γενήματα αὐτῆς εἰς ἄρτους τοῖς ἐργαζομένοις τὴν πόλιν·

kaì tò perissòn toû mḗkous tò echómenon tō̂n aparchō̂n tō̂n hagíōn déka chiliádes pròs anatolàs kaì déka chiliádes pròs thálassan, kaì ésontai hai aparchaì toû hagíou, kaì éstai tà genḗmata autē̂s eis ártous toîs ergazoménois tḕn pólin:

19
οἱ δὲ ἐργαζόμενοι τὴν πόλιν ἐργῶνται αὐτὴν ἐκ πασῶν τῶν ϕυλῶν τοῦ Ισραηλ.

hoi dè ergazómenoi tḕn pólin ergō̂ntai autḕn ek pasō̂n tō̂n phylō̂n toû Israēl.

20
πᾶσα ἡ ἀπαρχὴ πέντε καὶ εἴκοσι χιλιάδες ἐπὶ πέντε καὶ εἴκοσι χιλιάδας· τετράγωνον ἀϕοριεῖτε αὐτοῦ τὴν ἀπαρχὴν τοῦ ἁγίου ἀπὸ τῆς κατασχέσεως τῆς πόλεως.

pâsa hē aparchḕ pénte kaì eíkosi chiliádes epì pénte kaì eíkosi chiliádas: tetrágōnon aphorieîte autoû tḕn aparchḕn toû hagíou apò tē̂s kataschéseōs tē̂s póleōs.

21
τὸ δὲ περισσὸν τῷ ἀϕηγουμένῳ ἐκ τούτου καὶ ἐκ τούτου ἀπὸ τῶν ἀπαρχῶν τοῦ ἁγίου καὶ εἰς τὴν κατάσχεσιν τῆς πόλεως ἐπὶ πέντε καὶ εἴκοσι χιλιάδας μῆκος ἕως τῶν ὁρίων τῶν πρὸς ἀνατολὰς καὶ πρὸς θάλασσαν ἐπὶ πέντε καὶ εἴκοσι χιλιάδας ἕως τῶν ὁρίων τῶν πρὸς θάλασσαν ἐχόμενα τῶν μερίδων τοῦ ἀϕηγουμένου· καὶ ἔσται ἡ ἀπαρχὴ τῶν ἁγίων καὶ τὸ ἁγίασμα τοῦ οἴκου ἐν μέσῳ αὐτῆς.

tò dè perissòn tō̂i aphēgouménōi ek toútou kaì ek toútou apò tō̂n aparchō̂n toû hagíou kaì eis tḕn katáschesin tē̂s póleōs epì pénte kaì eíkosi chiliádas mē̂kos héōs tō̂n horíōn tō̂n pròs anatolàs kaì pròs thálassan epì pénte kaì eíkosi chiliádas héōs tō̂n horíōn tō̂n pròs thálassan echómena tō̂n merídōn toû aphēgouménou: kaì éstai hē aparchḕ tō̂n hagíōn kaì tò hagíasma toû oíkou en mésōi autē̂s.

22
καὶ ἀπὸ τῆς κατασχέσεως τῶν Λευιτῶν καὶ ἀπὸ τῆς κατασχέσεως τῆς πόλεως ἐν μέσῳ τῶν ἀϕηγουμένων ἔσται· ἀνὰ μέσον τῶν ὁρίων Ιουδα καὶ ἀνὰ μέσον τῶν ὁρίων Βενιαμιν τῶν ἀϕηγουμένων ἔσται.

kaì apò tē̂s kataschéseōs tō̂n Leuitō̂n kaì apò tē̂s kataschéseōs tē̂s póleōs en mésōi tō̂n aphēgouménōn éstai: anà méson tō̂n horíōn Iouda kaì anà méson tō̂n horíōn Beniamin tō̂n aphēgouménōn éstai.

23
Καὶ τὸ περισσὸν τῶν ϕυλῶν ἀπὸ τῶν πρὸς ἀνατολὰς ἕως τῶν πρὸς θάλασσαν Βενιαμιν, μία.

Kaì tò perissòn tō̂n phylō̂n apò tō̂n pròs anatolàs héōs tō̂n pròs thálassan Beniamin, mía.

24
καὶ ἀπὸ τῶν ὁρίων τῶν Βενιαμιν ἀπὸ τῶν πρὸς ἀνατολὰς ἕως τῶν πρὸς θάλασσαν Συμεων, μία.

kaì apò tō̂n horíōn tō̂n Beniamin apò tō̂n pròs anatolàs héōs tō̂n pròs thálassan Symeōn, mía.

25
καὶ ἀπὸ τῶν ὁρίων τῶν Συμεων ἀπὸ τῶν πρὸς ἀνατολὰς ἕως τῶν πρὸς θάλασσαν Ισσαχαρ, μία.

kaì apò tō̂n horíōn tō̂n Symeōn apò tō̂n pròs anatolàs héōs tō̂n pròs thálassan Issachar, mía.

26
καὶ ἀπὸ τῶν ὁρίων τῶν Ισσαχαρ ἀπὸ τῶν πρὸς ἀνατολὰς ἕως τῶν πρὸς θάλασσαν Ζαβουλων, μία.

kaì apò tō̂n horíōn tō̂n Issachar apò tō̂n pròs anatolàs héōs tō̂n pròs thálassan Zaboulōn, mía.

27
καὶ ἀπὸ τῶν ὁρίων τῶν Ζαβουλων ἀπὸ τῶν πρὸς ἀνατολὰς ἕως τῶν πρὸς θάλασσαν Γαδ, μία.

kaì apò tō̂n horíōn tō̂n Zaboulōn apò tō̂n pròs anatolàs héōs tō̂n pròs thálassan Gad, mía.

28
καὶ ἀπὸ τῶν ὁρίων τῶν Γαδ ἕως τῶν πρὸς λίβα καὶ ἔσται τὰ ὅρια αὐτοῦ ἀπὸ θαιμαν καὶ ὕδατος Μαριμωθ Καδης κληρονομίας ἕως τῆς θαλάσσης τῆς μεγάλης.

kaì apò tō̂n horíōn tō̂n Gad héōs tō̂n pròs líba kaì éstai tà hória autoû apò thaiman kaì hýdatos Marimōth Kadēs klēronomías héōs tē̂s thalássēs tē̂s megálēs.

29
αὕτη ἡ γῆ, ἣν βαλεῖτε ἐν κλήρῳ ταῖς ϕυλαῖς Ισραηλ, καὶ οὗτοι οἱ διαμερισμοὶ αὐτῶν, λέγει κύριος θεός.

haútē hē gē̂, hḕn baleîte en klḗrōi taîs phylaîs Israēl, kaì hoûtoi hoi diamerismoì autō̂n, légei kýrios theós.

30
Καὶ αὗται αἱ διεκβολαὶ τῆς πόλεως αἱ πρὸς βορρᾶν, τετρακισχίλιοι καὶ πεντακόσιοι μέτρῳ.

Kaì haûtai hai diekbolaì tē̂s póleōs hai pròs borrân, tetrakischílioi kaì pentakósioi métrōi.

31
καὶ αἱ πύλαι τῆς πόλεως ἐπ’ ὀνόμασιν ϕυλῶν τοῦ Ισραηλ· πύλαι τρεῖς πρὸς βορρᾶν, πύλη Ρουβην μία καὶ πύλη Ιουδα μία καὶ πύλη Λευι μία.

kaì hai pýlai tē̂s póleōs ep’ onómasin phylō̂n toû Israēl: pýlai treîs pròs borrân, pýlē Roubēn mía kaì pýlē Iouda mía kaì pýlē Leui mía.

32
καὶ τὰ πρὸς ἀνατολὰς τετρακισχίλιοι καὶ πεντακόσιοι· καὶ πύλαι τρεῖς, πύλη Ιωσηϕ μία καὶ πύλη Βενιαμιν μία καὶ πύλη Δαν μία.

kaì tà pròs anatolàs tetrakischílioi kaì pentakósioi: kaì pýlai treîs, pýlē Iōsēph mía kaì pýlē Beniamin mía kaì pýlē Dan mía.

33
καὶ τὰ πρὸς νότον τετρακισχίλιοι καὶ πεντακόσιοι μέτρῳ· καὶ πύλαι τρεῖς, πύλη Συμεων μία καὶ πύλη Ισσαχαρ μία καὶ πύλη Ζαβουλων μία.

kaì tà pròs nóton tetrakischílioi kaì pentakósioi métrōi: kaì pýlai treîs, pýlē Symeōn mía kaì pýlē Issachar mía kaì pýlē Zaboulōn mía.

34
καὶ τὰ πρὸς θάλασσαν τετρακισχίλιοι καὶ πεντακόσιοι μέτρῳ· καὶ πύλαι τρεῖς, πύλη Γαδ μία καὶ πύλη Ασηρ μία καὶ πύλη Νεϕθαλιμ μία.

kaì tà pròs thálassan tetrakischílioi kaì pentakósioi métrōi: kaì pýlai treîs, pýlē Gad mía kaì pýlē Asēr mía kaì pýlē Nephthalim mía.

35
κύκλωμα δέκα καὶ ὀκτὼ χιλιάδες. καὶ τὸ ὄνομα τῆς πόλεως, ἀϕ’ ἧς ἂν ἡμέρας γένηται, ἔσται τὸ ὄνομα αὐτῆς.

kýklōma déka kaì oktṑ chiliádes. kaì tò ónoma tē̂s póleōs, aph’ hē̂s àn hēméras génētai, éstai tò ónoma autē̂s.