Bibles in ancient languages
Old translations
Modern translations

Septante Isaiah 64

Pentateuch
Historical books
Poetical Writings
Prophetic Books
Chapter
Verses
1
ὡς κηρὸς ἀπὸ πυρὸς τήκεται. καὶ κατακαύσει πῦρ τοὺς ὑπεναντίους, καὶ ϕανερὸν ἔσται τὸ ὄνομα κυρίου ἐν τοῖς ὑπεναντίοις· ἀπὸ προσώπου σου ἔθνη ταραχθήσονται.

hōs kēròs apò pyròs tḗketai. kaì katakaúsei pŷr toùs hypenantíous, kaì phaneròn éstai tò ónoma kyríou en toîs hypenantíois: apò prosṓpou sou éthnē tarachthḗsontai.

2
ὅταν ποιῇς τὰ ἔνδοξα, τρόμος λήμψεται ἀπὸ σοῦ ὄρη.

hótan poiē̂is tà éndoxa, trómos lḗmpsetai apò soû órē.

3
ἀπὸ τοῦ αἰῶνος οὐκ ἠκούσαμεν οὐδὲ οἱ ὀϕθαλμοὶ ἡμῶν εἶδον θεὸν πλὴν σοῦ καὶ τὰ ἔργα σου, ἃ ποιήσεις τοῖς ὑπομένουσιν ἔλεον.

apò toû aiō̂nos ouk ēkoúsamen oudè hoi ophthalmoì hēmō̂n eîdon theòn plḕn soû kaì tà érga sou, hà poiḗseis toîs hypoménousin éleon.

4
συναντήσεται γὰρ τοῖς ποιοῦσιν τὸ δίκαιον, καὶ τῶν ὁδῶν σου μνησθήσονται. ἰδοὺ σὺ ὠργίσθης, καὶ ἡμεῖς ἡμάρτομεν· διὰ τοῦτο ἐπλανήθημεν.

synantḗsetai gàr toîs poioûsin tò díkaion, kaì tō̂n hodō̂n sou mnēsthḗsontai. idoù sỳ ōrgísthēs, kaì hēmeîs hēmártomen: dià toûto eplanḗthēmen.

5
καὶ ἐγενήθημεν ὡς ἀκάθαρτοι πάντες ἡμεῖς, ὡς ῥάκος ἀποκαθημένης πᾶσα ἡ δικαιοσύνη ἡμῶν· καὶ ἐξερρύημεν ὡς ϕύλλα διὰ τὰς ἀνομίας ἡμῶν, οὕτως ἄνεμος οἴσει ἡμᾶς.

kaì egenḗthēmen hōs akáthartoi pántes hēmeîs, hōs rhákos apokathēménēs pâsa hē dikaiosýnē hēmō̂n: kaì exerrýēmen hōs phýlla dià tàs anomías hēmō̂n, hoútōs ánemos oísei hēmâs.

6
καὶ οὐκ ἔστιν ὁ ἐπικαλούμενος τὸ ὄνομά σου καὶ ὁ μνησθεὶς ἀντιλαβέσθαι σου· ὅτι ἀπέστρεψας τὸ πρόσωπόν σου ἀϕ’ ἡμῶν καὶ παρέδωκας ἡμᾶς διὰ τὰς ἁμαρτίας ἡμῶν.

kaì ouk éstin ho epikaloúmenos tò ónomá sou kaì ho mnēstheìs antilabésthai sou: hóti apéstrepsas tò prósōpón sou aph’ hēmō̂n kaì parédōkas hēmâs dià tàs hamartías hēmō̂n.

7
καὶ νῦν, κύριε, πατὴρ ἡμῶν σύ, ἡμεῖς δὲ πηλὸς ἔργον τῶν χειρῶν σου πάντες·

kaì nŷn, kýrie, patḕr hēmō̂n sý, hēmeîs dè pēlòs érgon tō̂n cheirō̂n sou pántes:

8
μὴ ὀργίζου ἡμῖν σϕόδρα καὶ μὴ ἐν καιρῷ μνησθῇς ἁμαρτιῶν ἡμῶν. καὶ νῦν ἐπίβλεψον, ὅτι λαός σου πάντες ἡμεῖς.

mḕ orgízou hēmîn sphódra kaì mḕ en kairō̂i mnēsthē̂is hamartiō̂n hēmō̂n. kaì nŷn epíblepson, hóti laós sou pántes hēmeîs.

9
πόλις τοῦ ἁγίου σου ἐγενήθη ἔρημος, Σιων ὡς ἔρημος ἐγενήθη, Ιερουσαλημ εἰς κατάραν.

pólis toû hagíou sou egenḗthē érēmos, Siōn hōs érēmos egenḗthē, Ierousalēm eis katáran.

10
ὁ οἶκος, τὸ ἅγιον ἡμῶν, καὶ ἡ δόξα, ἣν ηὐλόγησαν οἱ πατέρες ἡμῶν, ἐγενήθη πυρίκαυστος, καὶ πάντα τὰ ἔνδοξα συνέπεσεν.

ho oîkos, tò hágion hēmō̂n, kaì hē dóxa, hḕn ēylógēsan hoi patéres hēmō̂n, egenḗthē pyríkaustos, kaì pánta tà éndoxa synépesen.

11
καὶ ἐπὶ πᾶσι τούτοις ἀνέσχου, κύριε, καὶ ἐσιώπησας καὶ ἐταπείνωσας ἡμᾶς σϕόδρα.

kaì epì pâsi toútois anéschou, kýrie, kaì esiṓpēsas kaì etapeínōsas hēmâs sphódra.