Bibles in ancient languages
Old translations
Modern translations

Septante Judith 2

Pentateuch
Historical books
Poetical Writings
Prophetic Books
Chapter
Verses
1
Καὶ ἐν τῷ ἔτει τῷ ὀκτωκαιδεκάτῳ δευτέρᾳ καὶ εἰκάδι τοῦ πρώτου μηνὸς ἐγένετο λόγος ἐν οἴκῳ Ναβουχοδονοσορ βασιλέως ’Ασσυρίων ἐκδικῆσαι πᾶσαν τὴν γῆν καθὼς ἐλάλησεν.

Kaì en tō̂i étei tō̂i oktōkaidekátōi deutérāi kaì eikádi toû prṓtou mēnòs egéneto lógos en oíkōi Nabouchodonosor basiléōs ’Assyríōn ekdikē̂sai pâsan tḕn gē̂n kathṑs elálēsen.
2
καὶ συνεκάλεσεν πάντας τοὺς θεράποντας αὐτοῦ καὶ πάντας τοὺς μεγιστᾶνας αὐτοῦ καὶ ἔθετο μετ’ αὐτῶν τὸ μυστήριον τῆς βουλῆς αὐτοῦ καὶ συνετέλεσεν πᾶσαν τὴν κακίαν τῆς γῆς ἐκ τοῦ στόματος αὐτοῦ,

kaì synekálesen pántas toùs therápontas autoû kaì pántas toùs megistânas autoû kaì étheto met’ autō̂n tò mystḗrion tē̂s boulē̂s autoû kaì synetélesen pâsan tḕn kakían tē̂s gē̂s ek toû stómatos autoû,
3
καὶ αὐτοὶ ἔκριναν ὀλεθρεῦσαι πᾶσαν σάρκα οἳ οὐκ ἠκολούθησαν τῷ λόγῳ τοῦ στόματος αὐτοῦ.

kaì autoì ékrinan olethreûsai pâsan sárka hoì ouk ēkoloúthēsan tō̂i lógōi toû stómatos autoû.
4
καὶ ἐγένετο ὡς συνετέλεσεν τὴν βουλὴν αὐτοῦ, ἐκάλεσεν Ναβουχοδονοσορ βασιλεὺς ’Ασσυρίων τὸν Ολοϕέρνην ἀρχιστράτηγον τῆς δυνάμεως αὐτοῦ δεύτερον ὄντα μετ’ αὐτὸν καὶ εἶπεν πρὸς αὐτόν

kaì egéneto hōs synetélesen tḕn boulḕn autoû, ekálesen Nabouchodonosor basileùs ’Assyríōn tòn Olophérnēn archistrátēgon tē̂s dynámeōs autoû deúteron ónta met’ autòn kaì eîpen pròs autón
5
Τάδε λέγει ὁ βασιλεὺς ὁ μέγας, ὁ κύριος πάσης τῆς γῆς ’Ιδοὺ σὺ ἐξελεύσῃ ἐκ τοῦ προσώπου μου καὶ λήμψῃ μετὰ σεαυτοῦ ἄνδρας πεποιθότας ἐν ἰσχύι αὐτῶν, πεζῶν εἰς χιλιάδας ἑκατὸν εἴκοσι καὶ πλῆθος ἵππων σὺν ἀναβάταις χιλιάδας δέκα δύο,

Táde légei ho basileùs ho mégas, ho kýrios pásēs tē̂s gē̂s ’Idoù sỳ exeleúsēi ek toû prosṓpou mou kaì lḗmpsēi metà seautoû ándras pepoithótas en ischýi autō̂n, pezō̂n eis chiliádas hekatòn eíkosi kaì plē̂thos híppōn sỳn anabátais chiliádas déka dýo,
6
καὶ ἐξελεύσῃ εἰς συνάντησιν πάσῃ τῇ γῇ ἐπὶ δυσμάς, ὅτι ἠπείθησαν τῷ ῥήματι τοῦ στόματός μου,

kaì exeleúsēi eis synántēsin pásēi tē̂i gē̂i epì dysmás, hóti ēpeíthēsan tō̂i rhḗmati toû stómatós mou,
7
καὶ ἀπαγγελεῖς αὐτοῖς ἑτοιμάζειν γῆν καὶ ὕδωρ, ὅτι ἐξελεύσομαι ἐν θυμῷ μου ἐπ’ αὐτοὺς καὶ καλύψω πᾶν τὸ πρόσωπον τῆς γῆς ἐν τοῖς ποσὶν τῆς δυνάμεώς μου καὶ δώσω αὐτοὺς εἰς διαρπαγὴν αὐτοῖς,

kaì apangeleîs autoîs hetoimázein gē̂n kaì hýdōr, hóti exeleúsomai en thymō̂i mou ep’ autoùs kaì kalýpsō pân tò prósōpon tē̂s gē̂s en toîs posìn tē̂s dynámeṓs mou kaì dṓsō autoùs eis diarpagḕn autoîs,
8
καὶ οἱ τραυματίαι αὐτῶν πληρώσουσιν τὰς ϕάραγγας αὐτῶν, καὶ πᾶς χειμάρρους καὶ ποταμὸς ἐπικλύζων τοῖς νεκροῖς αὐτῶν πληρωθήσεται·

kaì hoi traumatíai autō̂n plērṓsousin tàs phárangas autō̂n, kaì pâs cheimárrous kaì potamòs epiklýzōn toîs nekroîs autō̂n plērōthḗsetai:
9
καὶ ἄξω τὴν αἰχμαλωσίαν αὐτῶν ἐπὶ τὰ ἄκρα πάσης τῆς γῆς.

kaì áxō tḕn aichmalōsían autō̂n epì tà ákra pásēs tē̂s gē̂s.
10
σὺ δὲ ἐξελθὼν προκαταλήμψῃ μοι πᾶν ὅριον αὐτῶν, καὶ ἐκδώσουσίν σοι ἑαυτούς, καὶ διατηρήσεις ἐμοὶ αὐτοὺς εἰς ἡμέραν ἐλεγμοῦ αὐτῶν·

sỳ dè exelthṑn prokatalḗmpsēi moi pân hórion autō̂n, kaì ekdṓsousín soi heautoús, kaì diatērḗseis emoì autoùs eis hēméran elegmoû autō̂n:
11
ἐπὶ δὲ τοὺς ἀπειθοῦντας οὐ ϕείσεται ὁ ὀϕθαλμός σου τοῦ δοῦναι αὐτοὺς εἰς ϕόνον καὶ ἁρπαγὴν ἐν πάσῃ τῇ γῇ σου.

epì dè toùs apeithoûntas ou pheísetai ho ophthalmós sou toû doûnai autoùs eis phónon kaì harpagḕn en pásēi tē̂i gē̂i sou.
12
ὅτι ζῶν ἐγὼ καὶ τὸ κράτος τῆς βασιλείας μου, λελάληκα καὶ ποιήσω ταῦτα ἐν χειρί μου.

hóti zō̂n egṑ kaì tò krátos tē̂s basileías mou, lelálēka kaì poiḗsō taûta en cheirí mou.
13
καὶ σὺ δὲ οὐ παραβήσῃ ἕν τι τῶν ῥημάτων τοῦ κυρίου σου, ἀλλὰ ἐπιτελῶν ἐπιτελέσεις καθότι προστέταχά σοι, καὶ οὐ μακρυνεῖς τοῦ ποιῆσαι αὐτά.

kaì sỳ dè ou parabḗsēi hén ti tō̂n rhēmátōn toû kyríou sou, allà epitelō̂n epiteléseis kathóti prostétachá soi, kaì ou makryneîs toû poiē̂sai autá.
14
καὶ ἐξῆλθεν Ολοϕέρνης ἀπὸ προσώπου τοῦ κυρίου αὐτοῦ καὶ ἐκάλεσεν πάντας τοὺς δυνάστας καὶ τοὺς στρατηγοὺς καὶ ἐπιστάτας τῆς δυνάμεως Ασσουρ

kaì exē̂lthen Olophérnēs apò prosṓpou toû kyríou autoû kaì ekálesen pántas toùs dynástas kaì toùs stratēgoùs kaì epistátas tē̂s dynámeōs Assour
15
καὶ ἠρίθμησεν ἐκλεκτοὺς ἄνδρας εἰς παράταξιν, καθότι ἐκέλευσεν αὐτῷ ὁ κύριος αὐτοῦ, εἰς μυριάδας δέκα δύο καὶ ἱππεῖς τοξότας μυρίους δισχιλίους,

kaì ēríthmēsen eklektoùs ándras eis parátaxin, kathóti ekéleusen autō̂i ho kýrios autoû, eis myriádas déka dýo kaì hippeîs toxótas myríous dischilíous,
16
καὶ διέταξεν αὐτοὺς ὃν τρόπον πολέμου πλῆθος συντάσσεται.

kaì diétaxen autoùs hòn trópon polémou plē̂thos syntássetai.
17
καὶ ἔλαβεν καμήλους καὶ ὄνους καὶ ἡμιόνους εἰς τὴν ἀπαρτίαν αὐτῶν, πλῆθος πολὺ σϕόδρα, καὶ πρόβατα καὶ βόας καὶ αἶγας εἰς τὴν παρασκευὴν αὐτῶν, ὧν οὐκ ἦν ἀριθμός,

kaì élaben kamḗlous kaì ónous kaì hēmiónous eis tḕn apartían autō̂n, plē̂thos polỳ sphódra, kaì próbata kaì bóas kaì aîgas eis tḕn paraskeuḕn autō̂n, hō̂n ouk ē̂n arithmós,
18
καὶ ἐπισιτισμὸν παντὶ ἀνδρὶ εἰς πλῆθος καὶ χρυσίον καὶ ἀργύριον ἐξ οἴκου βασιλέως πολὺ σϕόδρα.

kaì episitismòn pantì andrì eis plē̂thos kaì chrysíon kaì argýrion ex oíkou basiléōs polỳ sphódra.
19
καὶ ἐξῆλθεν αὐτὸς καὶ πᾶσα ἡ δύναμις αὐτοῦ εἰς πορείαν τοῦ προελθεῖν βασιλέως Ναβουχοδονοσορ καὶ καλύψαι πᾶν τὸ πρόσωπον τῆς γῆς πρὸς δυσμαῖς ἐν ἅρμασι καὶ ἱππεῦσι καὶ πεζοῖς ἐπιλέκτοις αὐτῶν·

kaì exē̂lthen autòs kaì pâsa hē dýnamis autoû eis poreían toû proeltheîn basiléōs Nabouchodonosor kaì kalýpsai pân tò prósōpon tē̂s gē̂s pròs dysmaîs en hármasi kaì hippeûsi kaì pezoîs epiléktois autō̂n:
20
καὶ πολὺς ὁ ἐπίμικτος ὡς ἀκρὶς συνεξῆλθον αὐτοῖς καὶ ὡς ἡ ἄμμος τῆς γῆς, οὐ γὰρ ἦν ἀριθμὸς ἀπὸ πλήθους αὐτῶν.

kaì polỳs ho epímiktos hōs akrìs synexē̂lthon autoîs kaì hōs hē ámmos tē̂s gē̂s, ou gàr ē̂n arithmòs apò plḗthous autō̂n.
21
καὶ ἀπῆλθον ἐκ Νινευη ὁδὸν τριῶν ἡμερῶν ἐπὶ πρόσωπον τοῦ πεδίου Βεκτιλεθ καὶ ἐπεστρατοπέδευσαν ἀπὸ Βεκτιλεθ πλησίον τοῦ ὄρους τοῦ ἐπ’ ἀριστερᾷ τῆς ἄνω Κιλικίας.

kaì apē̂lthon ek Nineuē hodòn triō̂n hēmerō̂n epì prósōpon toû pedíou Bektileth kaì epestratopédeusan apò Bektileth plēsíon toû órous toû ep’ aristerā̂i tē̂s ánō Kilikías.
22
καὶ ἔλαβεν πᾶσαν τὴν δύναμιν αὐτοῦ, τοὺς πεζοὺς καὶ τοὺς ἱππεῖς καὶ τὰ ἅρματα αὐτοῦ, καὶ ἀπῆλθεν ἐκεῖθεν εἰς τὴν ὀρεινήν.

kaì élaben pâsan tḕn dýnamin autoû, toùs pezoùs kaì toùs hippeîs kaì tà hármata autoû, kaì apē̂lthen ekeîthen eis tḕn oreinḗn.
23
καὶ διέκοψεν τὸ Φουδ καὶ Λουδ καὶ ἐπρονόμευσεν υἱοὺς πάντας Ρασσις καὶ υἱοὺς Ισμαηλ τοὺς κατὰ πρόσωπον τῆς ἐρήμου πρὸς νότον τῆς Χελεων.

kaì diékopsen tò Phoud kaì Loud kaì epronómeusen hyioùs pántas Rassis kaì hyioùs Ismaēl toùs katà prósōpon tē̂s erḗmou pròs nóton tē̂s Cheleōn.
24
καὶ παρῆλθεν τὸν Εὐϕράτην καὶ διῆλθεν τὴν Μεσοποταμίαν καὶ κατέσκαψεν πάσας τὰς πόλεις τὰς ὑψηλὰς τὰς ἐπὶ τοῦ χειμάρρου Αβρωνα ἕως τοῦ ἐλθεῖν ἐπὶ θάλασσαν.

kaì parē̂lthen tòn Euphrátēn kaì diē̂lthen tḕn Mesopotamían kaì katéskapsen pásas tàs póleis tàs hypsēlàs tàs epì toû cheimárrou Abrōna héōs toû eltheîn epì thálassan.
25
καὶ κατελάβετο τὰ ὅρια τῆς Κιλικίας καὶ κατέκοψε πάντας τοὺς ἀντιστάντας αὐτῷ καὶ ἦλθεν ἕως ὁρίων Ιαϕεθ τὰ πρὸς νότον κατὰ πρόσωπον τῆς ’Αραβίας.

kaì katelábeto tà hória tē̂s Kilikías kaì katékopse pántas toùs antistántas autō̂i kaì ē̂lthen héōs horíōn Iapheth tà pròs nóton katà prósōpon tē̂s ’Arabías.
26
καὶ ἐκύκλωσεν πάντας τοὺς υἱοὺς Μαδιαμ καὶ ἐνέπρησεν τὰ σκηνώματα αὐτῶν καὶ ἐπρονόμευσεν τὰς μάνδρας αὐτῶν.

kaì ekýklōsen pántas toùs hyioùs Madiam kaì enéprēsen tà skēnṓmata autō̂n kaì epronómeusen tàs mándras autō̂n.
27
καὶ κατέβη εἰς πεδίον Δαμασκοῦ ἐν ἡμέραις θερισμοῦ πυρῶν καὶ ἐνέπρησεν πάντας τοὺς ἀγροὺς αὐτῶν καὶ τὰ ποίμνια καὶ τὰ βουκόλια ἔδωκεν εἰς ἀϕανισμὸν καὶ τὰς πόλεις αὐτῶν ἐσκύλευσεν καὶ τὰ πεδία αὐτῶν ἐξελίκμησεν καὶ ἐπάταξεν πάντας τοὺς νεανίσκους αὐτῶν ἐν στόματι ῥομϕαίας.

kaì katébē eis pedíon Damaskoû en hēmérais therismoû pyrō̂n kaì enéprēsen pántas toùs agroùs autō̂n kaì tà poímnia kaì tà boukólia édōken eis aphanismòn kaì tàs póleis autō̂n eskýleusen kaì tà pedía autō̂n exelíkmēsen kaì epátaxen pántas toùs neanískous autō̂n en stómati rhomphaías.
28
καὶ ἐπέπεσεν ϕόβος καὶ τρόμος αὐτοῦ ἐπὶ τοὺς κατοικοῦντας τὴν παραλίαν τοὺς ὄντας ἐν Σιδῶνι καὶ ἐν Τύρῳ καὶ τοὺς κατοικοῦντας Σουρ καὶ Οκινα καὶ πάντας τοὺς κατοικοῦντας Ιεμνααν, καὶ οἱ κατοικοῦντες ἐν ’Αζώτῳ καὶ ’Ασκαλῶνι ἐϕοβήθησαν αὐτὸν σϕόδρα.

kaì epépesen phóbos kaì trómos autoû epì toùs katoikoûntas tḕn paralían toùs óntas en Sidō̂ni kaì en Týrōi kaì toùs katoikoûntas Sour kaì Okina kaì pántas toùs katoikoûntas Iemnaan, kaì hoi katoikoûntes en ’Azṓtōi kaì ’Askalō̂ni ephobḗthēsan autòn sphódra.