Bibles in ancient languages
Old translations
Modern translations

Septante Jonas 2

Pentateuch
Historical books
Poetical Writings
Prophetic Books
Chapter
Verses
1
Καὶ προσέταξεν κύριος κήτει μεγάλῳ καταπιεῖν τὸν Ιωναν· καὶ ἦν Ιωνας ἐν τῇ κοιλίᾳ τοῦ κήτους τρεῖς ἡμέρας καὶ τρεῖς νύκτας.

Kaì prosétaxen kýrios kḗtei megálōi katapieîn tòn Iōnan: kaì ē̂n Iōnas en tē̂i koilíāi toû kḗtous treîs hēméras kaì treîs nýktas.
2
καὶ προσηύξατο Ιωνας πρὸς κύριον τὸν θεὸν αὐτοῦ ἐκ τῆς κοιλίας τοῦ κήτους

kaì prosēýxato Iōnas pròs kýrion tòn theòn autoû ek tē̂s koilías toû kḗtous
3
καὶ εἶπεν ’Εβόησα ἐν θλίψει μου πρὸς κύριον τὸν θεόν μου, καὶ εἰσήκουσέν μου· ἐκ κοιλίας ᾅδου κραυγῆς μου ἤκουσας ϕωνῆς μου.

kaì eîpen ’Ebóēsa en thlípsei mou pròs kýrion tòn theón mou, kaì eisḗkousén mou: ek koilías hā́idou kraugē̂s mou ḗkousas phōnē̂s mou.
4
ἀπέρριψάς με εἰς βάθη καρδίας θαλάσσης, καὶ ποταμοί με ἐκύκλωσαν· πάντες οἱ μετεωρισμοί σου καὶ τὰ κύματά σου ἐπ’ ἐμὲ διῆλθον.

apérripsás me eis báthē kardías thalássēs, kaì potamoí me ekýklōsan: pántes hoi meteōrismoí sou kaì tà kýmatá sou ep’ emè diē̂lthon.
5
καὶ ἐγὼ εἶπα ’Απῶσμαι ἐξ ὀϕθαλμῶν σου· ἆρα προσθήσω τοῦ ἐπιβλέψαι πρὸς τὸν ναὸν τὸν ἅγιόν σου;

kaì egṑ eîpa ’Apō̂smai ex ophthalmō̂n sou: âra prosthḗsō toû epiblépsai pròs tòn naòn tòn hágión sou?
6
περιεχύθη ὕδωρ μοι ἕως ψυχῆς, ἄβυσσος ἐκύκλωσέν με ἐσχάτη, ἔδυ ἡ κεϕαλή μου εἰς σχισμὰς ὀρέων.

periechýthē hýdōr moi héōs psychē̂s, ábyssos ekýklōsén me eschátē, édy hē kephalḗ mou eis schismàs oréōn.
7
κατέβην εἰς γῆν, ἧς οἱ μοχλοὶ αὐτῆς κάτοχοι αἰώνιοι, καὶ ἀναβήτω ϕθορὰ ζωῆς μου, κύριε ὁ θεός μου.

katébēn eis gē̂n, hē̂s hoi mochloì autē̂s kátochoi aiṓnioi, kaì anabḗtō phthorà zōē̂s mou, kýrie ho theós mou.
8
ἐν τῷ ἐκλείπειν ἀπ’ ἐμοῦ τὴν ψυχήν μου τοῦ κυρίου ἐμνήσθην, καὶ ἔλθοι πρὸς σὲ ἡ προσευχή μου εἰς ναὸν ἅγιόν σου.

en tō̂i ekleípein ap’ emoû tḕn psychḗn mou toû kyríou emnḗsthēn, kaì élthoi pròs sè hē proseuchḗ mou eis naòn hágión sou.
9
ϕυλασσόμενοι μάταια καὶ ψευδῆ ἔλεος αὐτῶν ἐγκατέλιπον.

phylassómenoi mátaia kaì pseudē̂ éleos autō̂n enkatélipon.
10
ἐγὼ δὲ μετὰ ϕωνῆς αἰνέσεως καὶ ἐξομολογήσεως θύσω σοι· ὅσα ηὐξάμην, ἀποδώσω σοι σωτηρίου τῷ κυρίῳ.

egṑ dè metà phōnē̂s ainéseōs kaì exomologḗseōs thýsō soi: hósa ēyxámēn, apodṓsō soi sōtēríou tō̂i kyríōi.
11
καὶ προσετάγη τῷ κήτει, καὶ ἐξέβαλεν τὸν Ιωναν ἐπὶ τὴν ξηράν.

kaì prosetágē tō̂i kḗtei, kaì exébalen tòn Iōnan epì tḕn xērán.