Bibles in ancient languages
Old translations
Modern translations

Septante Joshua 3

Pentateuch
Historical books
Poetical Writings
Prophetic Books
Chapter
Verses
1
Καὶ ὤρθρισεν ’Ιησοῦς τὸ πρωί, καὶ ἀπῆραν ἐκ Σαττιν καὶ ἤλθοσαν ἕως τοῦ Ιορδάνου καὶ κατέλυσαν ἐκεῖ πρὸ τοῦ διαβῆναι.

Kaì ṓrthrisen ’Iēsoûs tò prōí, kaì apē̂ran ek Sattin kaì ḗlthosan héōs toû Iordánou kaì katélysan ekeî prò toû diabē̂nai.

2
καὶ ἐγένετο μετὰ τρεῖς ἡμέρας διῆλθον οἱ γραμματεῖς διὰ τῆς παρεμβολῆς

kaì egéneto metà treîs hēméras diē̂lthon hoi grammateîs dià tē̂s parembolē̂s

3
καὶ ἐνετείλαντο τῷ λαῷ λέγοντες ῞Οταν ἴδητε τὴν κιβωτὸν τῆς διαθήκης κυρίου τοῦ θεοῦ ἡμῶν καὶ τοὺς ἱερεῖς ἡμῶν καὶ τοὺς Λευίτας αἴροντας αὐτήν, ἀπαρεῖτε ἀπὸ τῶν τόπων ὑμῶν καὶ πορεύεσθε ὀπίσω αὐτῆς·

kaì eneteílanto tō̂i laō̂i légontes ῞Otan ídēte tḕn kibōtòn tē̂s diathḗkēs kyríou toû theoû hēmō̂n kaì toùs hiereîs hēmō̂n kaì toùs Leuítas aírontas autḗn, apareîte apò tō̂n tópōn hymō̂n kaì poreúesthe opísō autē̂s:

4
ἀλλὰ μακρὰν ἔστω ἀνὰ μέσον ὑμῶν καὶ ἐκείνης ὅσον δισχιλίους πήχεις· στήσεσθε, μὴ προσεγγίσητε αὐτῇ, ἵν’ ἐπίστησθε τὴν ὁδόν, ἣν πορεύεσθε αὐτήν· οὐ γὰρ πεπόρευσθε τὴν ὁδὸν ἀπ’ ἐχθὲς καὶ τρίτης ἡμέρας.

allà makràn éstō anà méson hymō̂n kaì ekeínēs hóson dischilíous pḗcheis: stḗsesthe, mḕ prosengísēte autē̂i, hín’ epístēsthe tḕn hodón, hḕn poreúesthe autḗn: ou gàr pepóreusthe tḕn hodòn ap’ echthès kaì trítēs hēméras.

5
καὶ εἶπεν ’Ιησοῦς τῷ λαῷ ‘Αγνίσασθε εἰς αὔριον, ὅτι αὔριον ποιήσει ἐν ὑμῖν κύριος θαυμαστά.

kaì eîpen ’Iēsoûs tō̂i laō̂i ‘Agnísasthe eis aúrion, hóti aúrion poiḗsei en hymîn kýrios thaumastá.

6
καὶ εἶπεν ’Ιησοῦς τοῖς ἱερεῦσιν ῎Αρατε τὴν κιβωτὸν τῆς διαθήκης κυρίου καὶ προπορεύεσθε τοῦ λαοῦ. καὶ ἦραν οἱ ἱερεῖς τὴν κιβωτὸν τῆς διαθήκης κυρίου καὶ ἐπορεύοντο ἔμπροσθεν τοῦ λαοῦ.

kaì eîpen ’Iēsoûs toîs hiereûsin ῎Arate tḕn kibōtòn tē̂s diathḗkēs kyríou kaì proporeúesthe toû laoû. kaì ē̂ran hoi hiereîs tḕn kibōtòn tē̂s diathḗkēs kyríou kaì eporeúonto émprosthen toû laoû.

7
καὶ εἶπεν κύριος πρὸς ’Ιησοῦν ’Εν τῇ ἡμέρᾳ ταύτῃ ἄρχομαι ὑψῶσαί σε κατενώπιον πάντων υἱῶν Ισραηλ, ἵνα γνῶσιν, καθότι ἤμην μετὰ Μωυσῆ, οὕτως ἔσομαι καὶ μετὰ σοῦ.

kaì eîpen kýrios pròs ’Iēsoûn ’En tē̂i hēmérāi taútēi árchomai hypsō̂saí se katenṓpion pántōn hyiō̂n Israēl, hína gnō̂sin, kathóti ḗmēn metà Mōysē̂, hoútōs ésomai kaì metà soû.

8
καὶ νῦν ἔντειλαι τοῖς ἱερεῦσιν τοῖς αἴρουσιν τὴν κιβωτὸν τῆς διαθήκης λέγων ‘Ως ἂν εἰσέλθητε ἐπὶ μέρους τοῦ ὕδατος τοῦ Ιορδάνου, καὶ ἐν τῷ Ιορδάνῃ στήσεσθε.

kaì nŷn énteilai toîs hiereûsin toîs aírousin tḕn kibōtòn tē̂s diathḗkēs légōn ‘Ōs àn eisélthēte epì mérous toû hýdatos toû Iordánou, kaì en tō̂i Iordánēi stḗsesthe.

9
καὶ εἶπεν ’Ιησοῦς τοῖς υἱοῖς Ισραηλ Προσαγάγετε ὧδε καὶ ἀκούσατε τὸ ῥῆμα κυρίου τοῦ θεοῦ ἡμῶν.

kaì eîpen ’Iēsoûs toîs hyioîs Israēl Prosagágete hō̂de kaì akoúsate tò rhē̂ma kyríou toû theoû hēmō̂n.

10
ἐν τούτῳ γνώσεσθε ὅτι θεὸς ζῶν ἐν ὑμῖν καὶ ὀλεθρεύων ὀλεθρεύσει ἀπὸ προσώπου ἡμῶν τὸν Χαναναῖον καὶ τὸν Χετταῖον καὶ τὸν Φερεζαῖον καὶ τὸν Ευαῖον καὶ τὸν Αμορραῖον καὶ τὸν Γεργεσαῖον καὶ τὸν Ιεβουσαῖον·

en toútōi gnṓsesthe hóti theòs zō̂n en hymîn kaì olethreúōn olethreúsei apò prosṓpou hēmō̂n tòn Chananaîon kaì tòn Chettaîon kaì tòn Pherezaîon kaì tòn Euaîon kaì tòn Amorraîon kaì tòn Gergesaîon kaì tòn Iebousaîon:

11
ἰδοὺ ἡ κιβωτὸς διαθήκης κυρίου πάσης τῆς γῆς διαβαίνει τὸν Ιορδάνην.

idoù hē kibōtòs diathḗkēs kyríou pásēs tē̂s gē̂s diabaínei tòn Iordánēn.

12
προχειρίσασθε ὑμῖν δώδεκα ἄνδρας ἀπὸ τῶν υἱῶν Ισραηλ, ἕνα ἀϕ’ ἑκάστης ϕυλῆς.

procheirísasthe hymîn dṓdeka ándras apò tō̂n hyiō̂n Israēl, héna aph’ hekástēs phylē̂s.

13
καὶ ἔσται ὡς ἂν καταπαύσωσιν οἱ πόδες τῶν ἱερέων τῶν αἰρόντων τὴν κιβωτὸν τῆς διαθήκης κυρίου πάσης τῆς γῆς ἐν τῷ ὕδατι τοῦ Ιορδάνου, τὸ ὕδωρ τοῦ Ιορδάνου ἐκλείψει, τὸ δὲ ὕδωρ τὸ καταβαῖνον στήσεται.

kaì éstai hōs àn katapaúsōsin hoi pódes tō̂n hieréōn tō̂n airóntōn tḕn kibōtòn tē̂s diathḗkēs kyríou pásēs tē̂s gē̂s en tō̂i hýdati toû Iordánou, tò hýdōr toû Iordánou ekleípsei, tò dè hýdōr tò katabaînon stḗsetai.

14
καὶ ἀπῆρεν ὁ λαὸς ἐκ τῶν σκηνωμάτων αὐτῶν διαβῆναι τὸν Ιορδάνην, οἱ δὲ ἱερεῖς ἤροσαν τὴν κιβωτὸν τῆς διαθήκης κυρίου πρότεροι τοῦ λαοῦ.

kaì apē̂ren ho laòs ek tō̂n skēnōmátōn autō̂n diabē̂nai tòn Iordánēn, hoi dè hiereîs ḗrosan tḕn kibōtòn tē̂s diathḗkēs kyríou próteroi toû laoû.

15
ὡς δὲ εἰσεπορεύοντο οἱ ἱερεῖς οἱ αἴροντες τὴν κιβωτὸν τῆς διαθήκης ἐπὶ τὸν Ιορδάνην καὶ οἱ πόδες τῶν ἱερέων τῶν αἰρόντων τὴν κιβωτὸν τῆς διαθήκης κυρίου ἐβάϕησαν εἰς μέρος τοῦ ὕδατος τοῦ Ιορδάνου – ὁ δὲ Ιορδάνης ἐπλήρου καθ’ ὅλην τὴν κρηπῖδα αὐτοῦ ὡσεὶ ἡμέραι θερισμοῦ πυρῶν – ,

hōs dè eiseporeúonto hoi hiereîs hoi aírontes tḕn kibōtòn tē̂s diathḗkēs epì tòn Iordánēn kaì hoi pódes tō̂n hieréōn tō̂n airóntōn tḕn kibōtòn tē̂s diathḗkēs kyríou ebáphēsan eis méros toû hýdatos toû Iordánou – ho dè Iordánēs eplḗrou kath’ hólēn tḕn krēpîda autoû hōseì hēmérai therismoû pyrō̂n – ,

16
καὶ ἔστη τὰ ὕδατα τὰ καταβαίνοντα ἄνωθεν, ἔστη πῆγμα ἓν ἀϕεστηκὸς μακρὰν σϕόδρα σϕοδρῶς ἕως μέρους Καριαθιαριμ, τὸ δὲ καταβαῖνον κατέβη εἰς τὴν θάλασσαν Αραβα, θάλασσαν ἁλός, ἕως εἰς τὸ τέλος ἐξέλιπεν· καὶ ὁ λαὸς εἱστήκει ἀπέναντι Ιεριχω.

kaì éstē tà hýdata tà katabaínonta ánōthen, éstē pē̂gma hèn aphestēkòs makràn sphódra sphodrō̂s héōs mérous Kariathiarim, tò dè katabaînon katébē eis tḕn thálassan Araba, thálassan halós, héōs eis tò télos exélipen: kaì ho laòs heistḗkei apénanti Ierichō.

17
καὶ ἔστησαν οἱ ἱερεῖς οἱ αἴροντες τὴν κιβωτὸν τῆς διαθήκης κυρίου ἐπὶ ξηρᾶς ἐν μέσῳ τοῦ Ιορδάνου· καὶ πάντες οἱ υἱοὶ Ισραηλ διέβαινον διὰ ξηρᾶς, ἕως συνετέλεσεν πᾶς ὁ λαὸς διαβαίνων τὸν Ιορδάνην.

kaì éstēsan hoi hiereîs hoi aírontes tḕn kibōtòn tē̂s diathḗkēs kyríou epì xērâs en mésōi toû Iordánou: kaì pántes hoi hyioì Israēl diébainon dià xērâs, héōs synetélesen pâs ho laòs diabaínōn tòn Iordánēn.