Bibles in ancient languages
Old translations
Modern translations

Septante Jeremiah 13

Pentateuch
Historical books
Poetical Writings
Prophetic Books
Chapter
Verses
1
Τάδε λέγει κύριος Βάδισον καὶ κτῆσαι σεαυτῷ περίζωμα λινοῦν καὶ περίθου περὶ τὴν ὀσϕύν σου, καὶ ἐν ὕδατι οὐ διελεύσεται.

Táde légei kýrios Bádison kaì ktē̂sai seautō̂i perízōma linoûn kaì períthou perì tḕn osphýn sou, kaì en hýdati ou dieleúsetai.

2
καὶ ἐκτησάμην τὸ περίζωμα κατὰ τὸν λόγον κυρίου καὶ περιέθηκα περὶ τὴν ὀσϕύν μου.

kaì ektēsámēn tò perízōma katà tòn lógon kyríou kaì periéthēka perì tḕn osphýn mou.

3
καὶ ἐγενήθη λόγος κυρίου πρός με λέγων

kaì egenḗthē lógos kyríou prós me légōn

4
Λαβὲ τὸ περίζωμα τὸ περὶ τὴν ὀσϕύν σου καὶ ἀνάστηθι καὶ βάδισον ἐπὶ τὸν Εὐϕράτην καὶ κατάκρυψον αὐτὸ ἐκεῖ ἐν τῇ τρυμαλιᾷ τῆς πέτρας.

Labè tò perízōma tò perì tḕn osphýn sou kaì anástēthi kaì bádison epì tòn Euphrátēn kaì katákrypson autò ekeî en tē̂i trymaliā̂i tē̂s pétras.

5
καὶ ἐπορεύθην καὶ ἔκρυψα αὐτὸ ἐν τῷ Εὐϕράτῃ, καθὼς ἐνετείλατό μοι κύριος.

kaì eporeúthēn kaì ékrypsa autò en tō̂i Euphrátēi, kathṑs eneteílató moi kýrios.

6
καὶ ἐγένετο μεθ’ ἡμέρας πολλὰς καὶ εἶπεν κύριος πρός με ’Ανάστηθι βάδισον ἐπὶ τὸν Εὐϕράτην καὶ λαβὲ ἐκεῖθεν τὸ περίζωμα, ὃ ἐνετειλάμην σοι τοῦ κατακρύψαι ἐκεῖ.

kaì egéneto meth’ hēméras pollàs kaì eîpen kýrios prós me ’Anástēthi bádison epì tòn Euphrátēn kaì labè ekeîthen tò perízōma, hò eneteilámēn soi toû katakrýpsai ekeî.

7
καὶ ἐπορεύθην ἐπὶ τὸν Εὐϕράτην ποταμὸν καὶ ὤρυξα καὶ ἔλαβον τὸ περίζωμα ἐκ τοῦ τόπου, οὗ κατώρυξα αὐτὸ ἐκεῖ, καὶ ἰδοὺ διεϕθαρμένον ἦν, ὃ οὐ μὴ χρησθῇ εἰς οὐθέν.

kaì eporeúthēn epì tòn Euphrátēn potamòn kaì ṓryxa kaì élabon tò perízōma ek toû tópou, hoû katṓryxa autò ekeî, kaì idoù diephtharménon ē̂n, hò ou mḕ chrēsthē̂i eis outhén.

8
καὶ ἐγενήθη λόγος κυρίου πρός με λέγων

kaì egenḗthē lógos kyríou prós me légōn

9
Τάδε λέγει κύριος Οὕτω ϕθερῶ τὴν ὕβριν Ιουδα καὶ τὴν ὕβριν Ιερουσαλημ,

Táde légei kýrios Hoútō phtherō̂ tḕn hýbrin Iouda kaì tḕn hýbrin Ierousalēm,

10
τὴν πολλὴν ταύτην ὕβριν, τοὺς μὴ βουλομένους ὑπακούειν τῶν λόγων μου καὶ πορευθέντας ὀπίσω θεῶν ἀλλοτρίων τοῦ δουλεύειν αὐτοῖς καὶ τοῦ προσκυνεῖν αὐτοῖς, καὶ ἔσονται ὥσπερ τὸ περίζωμα τοῦτο, ὃ οὐ χρησθήσεται εἰς οὐθέν.

tḕn pollḕn taútēn hýbrin, toùs mḕ bouloménous hypakoúein tō̂n lógōn mou kaì poreuthéntas opísō theō̂n allotríōn toû douleúein autoîs kaì toû proskyneîn autoîs, kaì ésontai hṓsper tò perízōma toûto, hò ou chrēsthḗsetai eis outhén.

11
ὅτι καθάπερ κολλᾶται τὸ περίζωμα περὶ τὴν ὀσϕὺν τοῦ ἀνθρώπου, οὕτως ἐκόλλησα πρὸς ἐμαυτὸν τὸν οἶκον τοῦ Ισραηλ καὶ πᾶν οἶκον Ιουδα τοῦ γενέσθαι μοι εἰς λαὸν ὀνομαστὸν καὶ εἰς καύχημα καὶ εἰς δόξαν, καὶ οὐκ εἰσήκουσάν μου.

hóti katháper kollâtai tò perízōma perì tḕn osphỳn toû anthrṓpou, hoútōs ekóllēsa pròs emautòn tòn oîkon toû Israēl kaì pân oîkon Iouda toû genésthai moi eis laòn onomastòn kaì eis kaúchēma kaì eis dóxan, kaì ouk eisḗkousán mou.

12
καὶ ἐρεῖς πρὸς τὸν λαὸν τοῦτον Πᾶς ἀσκὸς πληρωθήσεται οἴνου. καὶ ἔσται ἐὰν εἴπωσιν πρὸς σέ Μὴ γνόντες οὐ γνωσόμεθα ὅτι πᾶς ἀσκὸς πληρωθήσεται οἴνου;

kaì ereîs pròs tòn laòn toûton Pâs askòs plērōthḗsetai oínou. kaì éstai eàn eípōsin pròs sé Mḕ gnóntes ou gnōsómetha hóti pâs askòs plērōthḗsetai oínou?

13
καὶ ἐρεῖς πρὸς αὐτούς Τάδε λέγει κύριος ’Ιδοὺ ἐγὼ πληρῶ τοὺς κατοικοῦντας τὴν γῆν ταύτην καὶ τοὺς βασιλεῖς αὐτῶν τοὺς καθημένους υἱοὺς Δαυιδ ἐπὶ θρόνου αὐτοῦ καὶ τοὺς ἱερεῖς καὶ τοὺς προϕήτας καὶ τὸν Ιουδαν καὶ πάντας τοὺς κατοικοῦντας Ιερουσαλημ μεθύσματι

kaì ereîs pròs autoús Táde légei kýrios ’Idoù egṑ plērō̂ toùs katoikoûntas tḕn gē̂n taútēn kaì toùs basileîs autō̂n toùs kathēménous hyioùs Dauid epì thrónou autoû kaì toùs hiereîs kaì toùs prophḗtas kaì tòn Ioudan kaì pántas toùs katoikoûntas Ierousalēm methýsmati

14
καὶ διασκορπιῶ αὐτοὺς ἄνδρα καὶ τὸν ἀδελϕὸν αὐτοῦ καὶ τοὺς πατέρας αὐτῶν καὶ τοὺς υἱοὺς αὐτῶν ἐν τῷ αὐτῷ· οὐκ ἐπιποθήσω, λέγει κύριος, καὶ οὐ ϕείσομαι καὶ οὐκ οἰκτιρήσω ἀπὸ διαϕθορᾶς αὐτῶν.

kaì diaskorpiō̂ autoùs ándra kaì tòn adelphòn autoû kaì toùs patéras autō̂n kaì toùs hyioùs autō̂n en tō̂i autō̂i: ouk epipothḗsō, légei kýrios, kaì ou pheísomai kaì ouk oiktirḗsō apò diaphthorâs autō̂n.

15
’Ακούσατε καὶ ἐνωτίσασθε καὶ μὴ ἐπαίρεσθε, ὅτι κύριος ἐλάλησεν.

’Akoúsate kaì enōtísasthe kaì mḕ epaíresthe, hóti kýrios elálēsen.

16
δότε τῷ κυρίῳ θεῷ ὑμῶν δόξαν πρὸ τοῦ συσκοτάσαι καὶ πρὸς τοῦ προσκόψαι πόδας ὑμῶν ἐπ’ ὄρη σκοτεινὰ καὶ ἀναμενεῖτε εἰς ϕῶς καὶ ἐκεῖ σκιὰ θανάτου καὶ τεθήσονται εἰς σκότος.

dóte tō̂i kyríōi theō̂i hymō̂n dóxan prò toû syskotásai kaì pròs toû proskópsai pódas hymō̂n ep’ órē skoteinà kaì anameneîte eis phō̂s kaì ekeî skià thanátou kaì tethḗsontai eis skótos.

17
ἐὰν δὲ μὴ ἀκούσητε, κεκρυμμένως κλαύσεται ἡ ψυχὴ ὑμῶν ἀπὸ προσώπου ὕβρεως, καὶ κατάξουσιν οἱ ὀϕθαλμοὶ ὑμῶν δάκρυα, ὅτι συνετρίβη τὸ ποίμνιον κυρίου.

eàn dè mḕ akoúsēte, kekrymménōs klaúsetai hē psychḕ hymō̂n apò prosṓpou hýbreōs, kaì katáxousin hoi ophthalmoì hymō̂n dákrya, hóti synetríbē tò poímnion kyríou.

18
εἴπατε τῷ βασιλεῖ καὶ τοῖς δυναστεύουσιν Ταπεινώθητε καὶ καθίσατε, ὅτι καθῃρέθη ἀπὸ κεϕαλῆς ὑμῶν στέϕανος δόξης ὑμῶν.

eípate tō̂i basileî kaì toîs dynasteúousin Tapeinṓthēte kaì kathísate, hóti kathēiréthē apò kephalē̂s hymō̂n stéphanos dóxēs hymō̂n.

19
πόλεις αἱ πρὸς νότον συνεκλείσθησαν, καὶ οὐκ ἦν ὁ ἀνοίγων· ἀπῳκίσθη Ιουδας, συνετέλεσεν ἀποικίαν τελείαν.

póleis hai pròs nóton synekleísthēsan, kaì ouk ē̂n ho anoígōn: apōikísthē Ioudas, synetélesen apoikían teleían.

20
’Ανάλαβε ὀϕθαλμούς σου, Ιερουσαλημ, καὶ ἰδὲ τοὺς ἐρχομένους ἀπὸ βορρᾶ· ποῦ ἐστιν τὸ ποίμνιον, ὃ ἐδόθη σοι, πρόβατα δόξης σου;

’Análabe ophthalmoús sou, Ierousalēm, kaì idè toùs erchoménous apò borrâ: poû estin tò poímnion, hò edóthē soi, próbata dóxēs sou?

21
τί ἐρεῖς ὅταν ἐπισκέπτωνταί σε; καὶ σὺ ἐδίδαξας αὐτοὺς ἐπὶ σὲ μαθήματα εἰς ἀρχήν· οὐκ ὠδῖνες καθέξουσίν σε καθὼς γυναῖκα τίκτουσαν;

tí ereîs hótan episképtōntaí se? kaì sỳ edídaxas autoùs epì sè mathḗmata eis archḗn: ouk ōdînes kathéxousín se kathṑs gynaîka tíktousan?

22
καὶ ἐὰν εἴπῃς ἐν τῇ καρδίᾳ σου Διὰ τί ἀπήντησέν μοι ταῦτα; διὰ τὸ πλῆθος τῆς ἀδικίας σου ἀνεκαλύϕθη τὰ ὀπίσθιά σου παραδειγματισθῆναι τὰς πτέρνας σου.

kaì eàn eípēis en tē̂i kardíāi sou Dià tí apḗntēsén moi taûta? dià tò plē̂thos tē̂s adikías sou anekalýphthē tà opísthiá sou paradeigmatisthē̂nai tàs ptérnas sou.

23
εἰ ἀλλάξεται Αἰθίοψ τὸ δέρμα αὐτοῦ καὶ πάρδαλις τὰ ποικίλματα αὐτῆς, καὶ ὑμεῖς δυνήσεσθε εὖ ποιῆσαι μεμαθηκότες τὰ κακά.

ei alláxetai Aithíops tò dérma autoû kaì párdalis tà poikílmata autē̂s, kaì hymeîs dynḗsesthe eû poiē̂sai memathēkótes tà kaká.

24
καὶ διέσπειρα αὐτοὺς ὡς ϕρύγανα ϕερόμενα ὑπὸ ἀνέμου εἰς ἔρημον.

kaì diéspeira autoùs hōs phrýgana pherómena hypò anémou eis érēmon.

25
οὗτος ὁ κλῆρός σου καὶ μερὶς τοῦ ἀπειθεῖν ὑμᾶς ἐμοί, λέγει κύριος, ὡς ἐπελάθου μου καὶ ἤλπισας ἐπὶ ψεύδεσιν.

hoûtos ho klē̂rós sou kaì merìs toû apeitheîn hymâs emoí, légei kýrios, hōs epeláthou mou kaì ḗlpisas epì pseúdesin.

26
κἀγὼ ἀποκαλύψω τὰ ὀπίσω σου ἐπὶ τὸ πρόσωπόν σου, καὶ ὀϕθήσεται ἡ ἀτιμία σου.

kagṑ apokalýpsō tà opísō sou epì tò prósōpón sou, kaì ophthḗsetai hē atimía sou.

27
καὶ ἡ μοιχεία σου καὶ ὁ χρεμετισμός σου καὶ ἡ ἀπαλλοτρίωσις τῆς πορνείας σου, ἐπὶ τῶν βουνῶν καὶ ἐν τοῖς ἀγροῖς ἑώρακα τὰ βδελύγματά σου· οὐαί σοι, Ιερουσαλημ, ὅτι οὐκ ἐκαθαρίσθης ὀπίσω μου, ἕως τίνος ἔτι;

kaì hē moicheía sou kaì ho chremetismós sou kaì hē apallotríōsis tē̂s porneías sou, epì tō̂n bounō̂n kaì en toîs agroîs heṓraka tà bdelýgmatá sou: ouaí soi, Ierousalēm, hóti ouk ekatharísthēs opísō mou, héōs tínos éti?