Bibles in ancient languages
Old translations
Modern translations

Septante Jeremiah 33

Pentateuch
Historical books
Poetical Writings
Prophetic Books
Chapter
Verses
1
’Εν ἀρχῇ βασιλέως Ιωακιμ υἱοῦ Ιωσια ἐγενήθη ὁ λόγος οὗτος παρὰ κυρίου

’En archē̂i basiléōs Iōakim hyioû Iōsia egenḗthē ho lógos hoûtos parà kyríou

2
Οὕτως εἶπεν κύριος Στῆθι ἐν αὐλῇ οἴκου κυρίου καὶ χρηματιεῖς ἅπασι τοῖς Ιουδαίοις καὶ πᾶσι τοῖς ἐρχομένοις προσκυνεῖν ἐν οἴκῳ κυρίου ἅπαντας τοὺς λόγους, οὓς συνέταξά σοι αὐτοῖς χρηματίσαι, μὴ ἀϕέλῃς ῥῆμα·

Hoútōs eîpen kýrios Stē̂thi en aulē̂i oíkou kyríou kaì chrēmatieîs hápasi toîs Ioudaíois kaì pâsi toîs erchoménois proskyneîn en oíkōi kyríou hápantas toùs lógous, hoùs synétaxá soi autoîs chrēmatísai, mḕ aphélēis rhē̂ma:

3
ἴσως ἀκούσονται καὶ ἀποστραϕήσονται ἕκαστος ἀπὸ τῆς ὁδοῦ αὐτοῦ τῆς πονηρᾶς, καὶ παύσομαι ἀπὸ τῶν κακῶν, ὧν ἐγὼ λογίζομαι τοῦ ποιῆσαι αὐτοῖς ἕνεκεν τῶν πονηρῶν ἐπιτηδευμάτων αὐτῶν.

ísōs akoúsontai kaì apostraphḗsontai hékastos apò tē̂s hodoû autoû tē̂s ponērâs, kaì paúsomai apò tō̂n kakō̂n, hō̂n egṑ logízomai toû poiē̂sai autoîs héneken tō̂n ponērō̂n epitēdeumátōn autō̂n.

4
καὶ ἐρεῖς Οὕτως εἶπεν κύριος ’Εὰν μὴ ἀκούσητέ μου τοῦ πορεύεσθαι ἐν τοῖς νομίμοις μου, οἷς ἔδωκα κατὰ πρόσωπον ὑμῶν,

kaì ereîs Hoútōs eîpen kýrios ’Eàn mḕ akoúsēté mou toû poreúesthai en toîs nomímois mou, hoîs édōka katà prósōpon hymō̂n,

5
εἰσακούειν τῶν λόγων τῶν παίδων μου τῶν προϕητῶν, οὓς ἐγὼ ἀποστέλλω πρὸς ὑμᾶς ὄρθρου καὶ ἀπέστειλα καὶ οὐκ εἰσηκούσατέ μου,

eisakoúein tō̂n lógōn tō̂n paídōn mou tō̂n prophētō̂n, hoùs egṑ apostéllō pròs hymâs órthrou kaì apésteila kaì ouk eisēkoúsaté mou,

6
καὶ δώσω τὸν οἶκον τοῦτον ὥσπερ Σηλωμ καὶ τὴν πόλιν δώσω εἰς κατάραν πᾶσιν τοῖς ἔθνεσιν πάσης τῆς γῆς.

kaì dṓsō tòn oîkon toûton hṓsper Sēlōm kaì tḕn pólin dṓsō eis katáran pâsin toîs éthnesin pásēs tē̂s gē̂s.

7
καὶ ἤκουσαν οἱ ἱερεῖς καὶ οἱ ψευδοπροϕῆται καὶ πᾶς ὁ λαὸς τοῦ Ιερεμιου λαλοῦντος τοὺς λόγους τούτους ἐν οἴκῳ κυρίου.

kaì ḗkousan hoi hiereîs kaì hoi pseudoprophē̂tai kaì pâs ho laòs toû Ieremiou laloûntos toùs lógous toútous en oíkōi kyríou.

8
καὶ ἐγένετο Ιερεμιου παυσαμένου λαλοῦντος πάντα, ἃ συνέταξεν αὐτῷ κύριος λαλῆσαι παντὶ τῷ λαῷ, καὶ συνελάβοσαν αὐτὸν οἱ ἱερεῖς καὶ οἱ ψευδοπροϕῆται καὶ πᾶς ὁ λαὸς λέγων θανάτῳ ἀποθανῇ,

kaì egéneto Ieremiou pausaménou laloûntos pánta, hà synétaxen autō̂i kýrios lalē̂sai pantì tō̂i laō̂i, kaì synelábosan autòn hoi hiereîs kaì hoi pseudoprophē̂tai kaì pâs ho laòs légōn thanátōi apothanē̂i,

9
ὅτι ἐπροϕήτευσας τῷ ὀνόματι κυρίου λέγων ῞Ωσπερ Σηλωμ ἔσται ὁ οἶκος οὗτος, καὶ ἡ πόλις αὕτη ἐρημωθήσεται ἀπὸ κατοικούντων· καὶ ἐξεκκλησιάσθη πᾶς ὁ λαὸς ἐπὶ Ιερεμιαν ἐν οἴκῳ κυρίου.

hóti eprophḗteusas tō̂i onómati kyríou légōn ῞Ōsper Sēlōm éstai ho oîkos hoûtos, kaì hē pólis haútē erēmōthḗsetai apò katoikoúntōn: kaì exekklēsiásthē pâs ho laòs epì Ieremian en oíkōi kyríou.

10
Καὶ ἤκουσαν οἱ ἄρχοντες Ιουδα τὸν λόγον τοῦτον καὶ ἀνέβησαν ἐξ οἴκου τοῦ βασιλέως εἰς οἶκον κυρίου καὶ ἐκάθισαν ἐν προθύροις πύλης κυρίου τῆς καινῆς.

Kaì ḗkousan hoi árchontes Iouda tòn lógon toûton kaì anébēsan ex oíkou toû basiléōs eis oîkon kyríou kaì ekáthisan en prothýrois pýlēs kyríou tē̂s kainē̂s.

11
καὶ εἶπαν οἱ ἱερεῖς καὶ οἱ ψευδοπροϕῆται πρὸς τοὺς ἄρχοντας καὶ παντὶ τῷ λαῷ Κρίσις θανάτου τῷ ἀνθρώπῳ τούτῳ, ὅτι ἐπροϕήτευσεν κατὰ τῆς πόλεως ταύτης, καθὼς ἠκούσατε ἐν τοῖς ὠσὶν ὑμῶν.

kaì eîpan hoi hiereîs kaì hoi pseudoprophē̂tai pròs toùs árchontas kaì pantì tō̂i laō̂i Krísis thanátou tō̂i anthrṓpōi toútōi, hóti eprophḗteusen katà tē̂s póleōs taútēs, kathṑs ēkoúsate en toîs ōsìn hymō̂n.

12
καὶ εἶπεν Ιερεμιας πρὸς τοὺς ἄρχοντας καὶ παντὶ τῷ λαῷ λέγων Κύριος ἀπέστειλέν με προϕητεῦσαι ἐπὶ τὸν οἶκον τοῦτον καὶ ἐπὶ τὴν πόλιν ταύτην πάντας τοὺς λόγους τούτους, οὓς ἠκούσατε.

kaì eîpen Ieremias pròs toùs árchontas kaì pantì tō̂i laō̂i légōn Kýrios apésteilén me prophēteûsai epì tòn oîkon toûton kaì epì tḕn pólin taútēn pántas toùs lógous toútous, hoùs ēkoúsate.

13
καὶ νῦν βελτίους ποιήσατε τὰς ὁδοὺς ὑμῶν καὶ τὰ ἔργα ὑμῶν καὶ ἀκούσατε τῆς ϕωνῆς κυρίου, καὶ παύσεται κύριος ἀπὸ τῶν κακῶν, ὧν ἐλάλησεν ἐϕ’ ὑμᾶς.

kaì nŷn beltíous poiḗsate tàs hodoùs hymō̂n kaì tà érga hymō̂n kaì akoúsate tē̂s phōnē̂s kyríou, kaì paúsetai kýrios apò tō̂n kakō̂n, hō̂n elálēsen eph’ hymâs.

14
καὶ ἰδοὺ ἐγὼ ἐν χερσὶν ὑμῶν· ποιήσατέ μοι ὡς συμϕέρει καὶ ὡς βέλτιον ὑμῖν.

kaì idoù egṑ en chersìn hymō̂n: poiḗsaté moi hōs symphérei kaì hōs béltion hymîn.

15
ἀλλ’ ἢ γνόντες γνώσεσθε ὅτι, εἰ ἀναιρεῖτέ με, αἷμα ἀθῷον δίδοτε ἐϕ’ ὑμᾶς καὶ ἐπὶ τὴν πόλιν ταύτην καὶ ἐπὶ τοὺς κατοικοῦντας ἐν αὐτῇ· ὅτι ἐν ἀληθείᾳ ἀπέσταλκέν με κύριος πρὸς ὑμᾶς λαλῆσαι εἰς τὰ ὦτα ὑμῶν πάντας τοὺς λόγους τούτους.

all’ ḕ gnóntes gnṓsesthe hóti, ei anaireîté me, haîma athō̂ion dídote eph’ hymâs kaì epì tḕn pólin taútēn kaì epì toùs katoikoûntas en autē̂i: hóti en alētheíāi apéstalkén me kýrios pròs hymâs lalē̂sai eis tà ō̂ta hymō̂n pántas toùs lógous toútous.

16
καὶ εἶπαν οἱ ἄρχοντες καὶ πᾶς ὁ λαὸς πρὸς τοὺς ἱερεῖς καὶ πρὸς τοὺς ψευδοπροϕήτας Οὐκ ἔστιν τῷ ἀνθρώπῳ τούτῳ κρίσις θανάτου, ὅτι ἐπὶ τῷ ὀνόματι κυρίου τοῦ θεοῦ ἡμῶν ἐλάλησεν πρὸς ἡμᾶς.

kaì eîpan hoi árchontes kaì pâs ho laòs pròs toùs hiereîs kaì pròs toùs pseudoprophḗtas Ouk éstin tō̂i anthrṓpōi toútōi krísis thanátou, hóti epì tō̂i onómati kyríou toû theoû hēmō̂n elálēsen pròs hēmâs.

17
καὶ ἀνέστησαν ἄνδρες τῶν πρεσβυτέρων τῆς γῆς καὶ εἶπαν πάσῃ τῇ συναγωγῇ τοῦ λαοῦ

kaì anéstēsan ándres tō̂n presbytérōn tē̂s gē̂s kaì eîpan pásēi tē̂i synagōgē̂i toû laoû

18
Μιχαιας ὁ Μωραθίτης ἦν ἐν ταῖς ἡμέραις Εζεκιου βασιλέως Ιουδα καὶ εἶπεν παντὶ τῷ λαῷ Ιουδα Οὕτως εἶπεν κύριος Σιων ὡς ἀγρὸς ἀροτριαθήσεται, καὶ Ιερουσαλημ εἰς ἄβατον ἔσται καὶ τὸ ὄρος τοῦ οἴκου εἰς ἄλσος δρυμοῦ.

Michaias ho Mōrathítēs ē̂n en taîs hēmérais Ezekiou basiléōs Iouda kaì eîpen pantì tō̂i laō̂i Iouda Hoútōs eîpen kýrios Siōn hōs agròs arotriathḗsetai, kaì Ierousalēm eis ábaton éstai kaì tò óros toû oíkou eis álsos drymoû.

19
μὴ ἀνελὼν ἀνεῖλεν αὐτὸν Εζεκιας καὶ πᾶς Ιουδα; οὐχὶ ὅτι ἐϕοβήθησαν τὸν κύριον καὶ ὅτι ἐδεήθησαν τοῦ προσώπου κυρίου, καὶ ἐπαύσατο κύριος ἀπὸ τῶν κακῶν, ὧν ἐλάλησεν ἐπ’ αὐτούς; καὶ ἡμεῖς ἐποιήσαμεν κακὰ μεγάλα ἐπὶ ψυχὰς ἡμῶν.

mḕ anelṑn aneîlen autòn Ezekias kaì pâs Iouda? ouchì hóti ephobḗthēsan tòn kýrion kaì hóti edeḗthēsan toû prosṓpou kyríou, kaì epaúsato kýrios apò tō̂n kakō̂n, hō̂n elálēsen ep’ autoús? kaì hēmeîs epoiḗsamen kakà megála epì psychàs hēmō̂n.

20
καὶ ἄνθρωπος ἦν προϕητεύων τῷ ὀνόματι κυρίου, Ουριας υἱὸς Σαμαιου ἐκ Καριαθιαριμ, καὶ ἐπροϕήτευσεν περὶ τῆς γῆς ταύτης κατὰ πάντας τοὺς λόγους Ιερεμιου.

kaì ánthrōpos ē̂n prophēteúōn tō̂i onómati kyríou, Ourias hyiòs Samaiou ek Kariathiarim, kaì eprophḗteusen perì tē̂s gē̂s taútēs katà pántas toùs lógous Ieremiou.

21
καὶ ἤκουσεν ὁ βασιλεὺς Ιωακιμ καὶ πάντες οἱ ἄρχοντες πάντας τοὺς λόγους αὐτοῦ καὶ ἐζήτουν ἀποκτεῖναι αὐτόν, καὶ ἤκουσεν Ουριας καὶ εἰσῆλθεν εἰς Αἴγυπτον.

kaì ḗkousen ho basileùs Iōakim kaì pántes hoi árchontes pántas toùs lógous autoû kaì ezḗtoun apokteînai autón, kaì ḗkousen Ourias kaì eisē̂lthen eis Aígypton.

22
καὶ ἐξαπέστειλεν ὁ βασιλεὺς ἄνδρας εἰς Αἴγυπτον,

kaì exapésteilen ho basileùs ándras eis Aígypton,

23
καὶ ἐξηγάγοσαν αὐτὸν ἐκεῖθεν καὶ εἰσηγάγοσαν αὐτὸν πρὸς τὸν βασιλέα, καὶ ἐπάταξεν αὐτὸν ἐν μαχαίρᾳ καὶ ἔρριψεν αὐτὸν εἰς τὸ μνῆμα υἱῶν λαοῦ αὐτοῦ.

kaì exēgágosan autòn ekeîthen kaì eisēgágosan autòn pròs tòn basiléa, kaì epátaxen autòn en machaírāi kaì érripsen autòn eis tò mnē̂ma hyiō̂n laoû autoû.

24
πλὴν χεὶρ Αχικαμ υἱοῦ Σαϕαν ἦν μετὰ Ιερεμιου τοῦ μὴ παραδοῦναι αὐτὸν εἰς χεῖρας τοῦ λαοῦ τοῦ μὴ ἀνελεῖν αὐτόν.

plḕn cheìr Achikam hyioû Saphan ē̂n metà Ieremiou toû mḕ paradoûnai autòn eis cheîras toû laoû toû mḕ aneleîn autón.