Bibles in ancient languages
Old translations
Modern translations

Septante Leviticus 1

Pentateuch
Historical books
Poetical Writings
Prophetic Books
Chapter
Verses
1
Καὶ ἀνεκάλεσεν Μωυσῆν καὶ ἐλάλησεν κύριος αὐτῷ ἐκ τῆς σκηνῆς τοῦ μαρτυρίου λέγων

Kaì anekálesen Mōysē̂n kaì elálēsen kýrios autō̂i ek tē̂s skēnē̂s toû martyríou légōn

2
Λάλησον τοῖς υἱοῖς Ισραηλ καὶ ἐρεῖς πρὸς αὐτούς ῎Ανθρωπος ἐξ ὑμῶν ἐὰν προσαγάγῃ δῶρα τῷ κυρίῳ, ἀπὸ τῶν κτηνῶν, ἀπὸ τῶν βοῶν καὶ ἀπὸ τῶν προβάτων, προσοίσετε τὰ δῶρα ὑμῶν.

Lálēson toîs hyioîs Israēl kaì ereîs pròs autoús ῎Anthrōpos ex hymō̂n eàn prosagágēi dō̂ra tō̂i kyríōi, apò tō̂n ktēnō̂n, apò tō̂n boō̂n kaì apò tō̂n probátōn, prosoísete tà dō̂ra hymō̂n.

3
ἐὰν ὁλοκαύτωμα τὸ δῶρον αὐτοῦ ἐκ τῶν βοῶν, ἄρσεν ἄμωμον προσάξει· πρὸς τὴν θύραν τῆς σκηνῆς τοῦ μαρτυρίου προσοίσει αὐτὸ δεκτὸν ἐναντίον κυρίου.

eàn holokaútōma tò dō̂ron autoû ek tō̂n boō̂n, ársen ámōmon prosáxei: pròs tḕn thýran tē̂s skēnē̂s toû martyríou prosoísei autò dektòn enantíon kyríou.

4
καὶ ἐπιθήσει τὴν χεῖρα ἐπὶ τὴν κεϕαλὴν τοῦ καρπώματος, δεκτὸν αὐτῷ ἐξιλάσασθαι περὶ αὐτοῦ.

kaì epithḗsei tḕn cheîra epì tḕn kephalḕn toû karpṓmatos, dektòn autō̂i exilásasthai perì autoû.

5
καὶ σϕάξουσι τὸν μόσχον ἔναντι κυρίου, καὶ προσοίσουσιν οἱ υἱοὶ Ααρων οἱ ἱερεῖς τὸ αἷμα καὶ προσχεοῦσιν τὸ αἷμα ἐπὶ τὸ θυσιαστήριον κύκλῳ τὸ ἐπὶ τῶν θυρῶν τῆς σκηνῆς τοῦ μαρτυρίου.

kaì spháxousi tòn móschon énanti kyríou, kaì prosoísousin hoi hyioì Aarōn hoi hiereîs tò haîma kaì proscheoûsin tò haîma epì tò thysiastḗrion kýklōi tò epì tō̂n thyrō̂n tē̂s skēnē̂s toû martyríou.

6
καὶ ἐκδείραντες τὸ ὁλοκαύτωμα μελιοῦσιν αὐτὸ κατὰ μέλη,

kaì ekdeírantes tò holokaútōma melioûsin autò katà mélē,

7
καὶ ἐπιθήσουσιν οἱ υἱοὶ Ααρων οἱ ἱερεῖς πῦρ ἐπὶ τὸ θυσιαστήριον καὶ ἐπιστοιβάσουσιν ξύλα ἐπὶ τὸ πῦρ,

kaì epithḗsousin hoi hyioì Aarōn hoi hiereîs pŷr epì tò thysiastḗrion kaì epistoibásousin xýla epì tò pŷr,

8
καὶ ἐπιστοιβάσουσιν οἱ υἱοὶ Ααρων οἱ ἱερεῖς τὰ διχοτομήματα καὶ τὴν κεϕαλὴν καὶ τὸ στέαρ ἐπὶ τὰ ξύλα τὰ ἐπὶ τοῦ πυρὸς τὰ ὄντα ἐπὶ τοῦ θυσιαστηρίου,

kaì epistoibásousin hoi hyioì Aarōn hoi hiereîs tà dichotomḗmata kaì tḕn kephalḕn kaì tò stéar epì tà xýla tà epì toû pyròs tà ónta epì toû thysiastēríou,

9
τὰ δὲ ἐγκοίλια καὶ τοὺς πόδας πλυνοῦσιν ὕδατι, καὶ ἐπιθήσουσιν οἱ ἱερεῖς τὰ πάντα ἐπὶ τὸ θυσιαστήριον· κάρπωμά ἐστιν, θυσία, ὀσμὴ εὐωδίας τῷ κυρίῳ.

tà dè enkoília kaì toùs pódas plynoûsin hýdati, kaì epithḗsousin hoi hiereîs tà pánta epì tò thysiastḗrion: kárpōmá estin, thysía, osmḕ euōdías tō̂i kyríōi.

10
’Εὰν δὲ ἀπὸ τῶν προβάτων τὸ δῶρον αὐτοῦ τῷ κυρίῳ, ἀπό τε τῶν ἀρνῶν καὶ τῶν ἐρίϕων, εἰς ὁλοκαύτωμα, ἄρσεν ἄμωμον προσάξει αὐτὸ καὶ ἐπιθήσει τὴν χεῖρα ἐπὶ τὴν κεϕαλὴν αὐτοῦ.

’Eàn dè apò tō̂n probátōn tò dō̂ron autoû tō̂i kyríōi, apó te tō̂n arnō̂n kaì tō̂n eríphōn, eis holokaútōma, ársen ámōmon prosáxei autò kaì epithḗsei tḕn cheîra epì tḕn kephalḕn autoû.

11
καὶ σϕάξουσιν αὐτὸ ἐκ πλαγίων τοῦ θυσιαστηρίου πρὸς βορρᾶν ἔναντι κυρίου, καὶ προσχεοῦσιν οἱ υἱοὶ Ααρων οἱ ἱερεῖς τὸ αἷμα αὐτοῦ ἐπὶ τὸ θυσιαστήριον κύκλῳ.

kaì spháxousin autò ek plagíōn toû thysiastēríou pròs borrân énanti kyríou, kaì proscheoûsin hoi hyioì Aarōn hoi hiereîs tò haîma autoû epì tò thysiastḗrion kýklōi.

12
καὶ διελοῦσιν αὐτὸ κατὰ μέλη καὶ τὴν κεϕαλὴν καὶ τὸ στέαρ, καὶ ἐπιστοιβάσουσιν αὐτὰ οἱ ἱερεῖς ἐπὶ τὰ ξύλα τὰ ἐπὶ τοῦ πυρὸς τὰ ἐπὶ τοῦ θυσιαστηρίου.

kaì dieloûsin autò katà mélē kaì tḕn kephalḕn kaì tò stéar, kaì epistoibásousin autà hoi hiereîs epì tà xýla tà epì toû pyròs tà epì toû thysiastēríou.

13
καὶ τὰ ἐγκοίλια καὶ τοὺς πόδας πλυνοῦσιν ὕδατι, καὶ προσοίσει ὁ ἱερεὺς τὰ πάντα καὶ ἐπιθήσει ἐπὶ τὸ θυσιαστήριον· κάρπωμά ἐστιν, θυσία, ὀσμὴ εὐωδίας τῷ κυρίῳ.

kaì tà enkoília kaì toùs pódas plynoûsin hýdati, kaì prosoísei ho hiereùs tà pánta kaì epithḗsei epì tò thysiastḗrion: kárpōmá estin, thysía, osmḕ euōdías tō̂i kyríōi.

14
’Εὰν δὲ ἀπὸ τῶν πετεινῶν κάρπωμα προσϕέρῃς δῶρον τῷ κυρίῳ, καὶ προσοίσει ἀπὸ τῶν τρυγόνων ἢ ἀπὸ τῶν περιστερῶν τὸ δῶρον αὐτοῦ.

’Eàn dè apò tō̂n peteinō̂n kárpōma prosphérēis dō̂ron tō̂i kyríōi, kaì prosoísei apò tō̂n trygónōn ḕ apò tō̂n peristerō̂n tò dō̂ron autoû.

15
καὶ προσοίσει αὐτὸ ὁ ἱερεὺς πρὸς τὸ θυσιαστήριον καὶ ἀποκνίσει τὴν κεϕαλήν, καὶ ἐπιθήσει ὁ ἱερεὺς ἐπὶ τὸ θυσιαστήριον καὶ στραγγιεῖ τὸ αἷμα πρὸς τὴν βάσιν τοῦ θυσιαστηρίου.

kaì prosoísei autò ho hiereùs pròs tò thysiastḗrion kaì apoknísei tḕn kephalḗn, kaì epithḗsei ho hiereùs epì tò thysiastḗrion kaì strangieî tò haîma pròs tḕn básin toû thysiastēríou.

16
καὶ ἀϕελεῖ τὸν πρόλοβον σὺν τοῖς πτεροῖς καὶ ἐκβαλεῖ αὐτὸ παρὰ τὸ θυσιαστήριον κατὰ ἀνατολὰς εἰς τὸν τόπον τῆς σποδοῦ.

kaì apheleî tòn prólobon sỳn toîs pteroîs kaì ekbaleî autò parà tò thysiastḗrion katà anatolàs eis tòn tópon tē̂s spodoû.

17
καὶ ἐκκλάσει αὐτὸ ἐκ τῶν πτερύγων καὶ οὐ διελεῖ, καὶ ἐπιθήσει αὐτὸ ὁ ἱερεὺς ἐπὶ τὸ θυσιαστήριον ἐπὶ τὰ ξύλα τὰ ἐπὶ τοῦ πυρός· κάρπωμά ἐστιν, θυσία, ὀσμὴ εὐωδίας τῷ κυρίῳ.

kaì ekklásei autò ek tō̂n pterýgōn kaì ou dieleî, kaì epithḗsei autò ho hiereùs epì tò thysiastḗrion epì tà xýla tà epì toû pyrós: kárpōmá estin, thysía, osmḕ euōdías tō̂i kyríōi.