Bibles in ancient languages
Old translations
Modern translations

Septante Lévitique 16

Pentateuch
Historical books
Poetical Writings
Prophetic Books
Chapter
Verses
1
Καὶ ἐλάλησεν κύριος πρὸς Μωυσῆν μετὰ τὸ τελευτῆσαι τοὺς δύο υἱοὺς Ααρων ἐν τῷ προσάγειν αὐτοὺς πῦρ ἀλλότριον ἔναντι κυρίου καὶ ἐτελεύτησαν

Kaì elálēsen kýrios pròs Mōysē̂n metà tò teleutē̂sai toùs dýo hyioùs Aarōn en tō̂i proságein autoùs pŷr allótrion énanti kyríou kaì eteleútēsan
2
καὶ εἶπεν κύριος πρὸς Μωυσῆν Λάλησον πρὸς Ααρων τὸν ἀδελϕόν σου καὶ μὴ εἰσπορευέσθω πᾶσαν ὥραν εἰς τὸ ἅγιον ἐσώτερον τοῦ καταπετάσματος εἰς πρόσωπον τοῦ ἱλαστηρίου, ὅ ἐστιν ἐπὶ τῆς κιβωτοῦ τοῦ μαρτυρίου, καὶ οὐκ ἀποθανεῖται· ἐν γὰρ νεϕέλῃ ὀϕθήσομαι ἐπὶ τοῦ ἱλαστηρίου.

kaì eîpen kýrios pròs Mōysē̂n Lálēson pròs Aarōn tòn adelphón sou kaì mḕ eisporeuésthō pâsan hṓran eis tò hágion esṓteron toû katapetásmatos eis prósōpon toû hilastēríou, hó estin epì tē̂s kibōtoû toû martyríou, kaì ouk apothaneîtai: en gàr nephélēi ophthḗsomai epì toû hilastēríou.
3
οὕτως εἰσελεύσεται Ααρων εἰς τὸ ἅγιον· ἐν μόσχῳ ἐκ βοῶν περὶ ἁμαρτίας καὶ κριὸν εἰς ὁλοκαύτωμα·

hoútōs eiseleúsetai Aarōn eis tò hágion: en móschōi ek boō̂n perì hamartías kaì kriòn eis holokaútōma:
4
καὶ χιτῶνα λινοῦν ἡγιασμένον ἐνδύσεται, καὶ περισκελὲς λινοῦν ἔσται ἐπὶ τοῦ χρωτὸς αὐτοῦ, καὶ ζώνῃ λινῇ ζώσεται καὶ κίδαριν λινῆν περιθήσεται· ἱμάτια ἅγιά ἐστιν, καὶ λούσεται ὕδατι πᾶν τὸ σῶμα αὐτοῦ καὶ ἐνδύσεται αὐτά.

kaì chitō̂na linoûn hēgiasménon endýsetai, kaì periskelès linoûn éstai epì toû chrōtòs autoû, kaì zṓnēi linē̂i zṓsetai kaì kídarin linē̂n perithḗsetai: himátia hágiá estin, kaì loúsetai hýdati pân tò sō̂ma autoû kaì endýsetai autá.
5
καὶ παρὰ τῆς συναγωγῆς τῶν υἱῶν Ισραηλ λήμψεται δύο χιμάρους ἐξ αἰγῶν περὶ ἁμαρτίας καὶ κριὸν ἕνα εἰς ὁλοκαύτωμα.

kaì parà tē̂s synagōgē̂s tō̂n hyiō̂n Israēl lḗmpsetai dýo chimárous ex aigō̂n perì hamartías kaì kriòn héna eis holokaútōma.
6
καὶ προσάξει Ααρων τὸν μόσχον τὸν περὶ τῆς ἁμαρτίας αὐτοῦ καὶ ἐξιλάσεται περὶ αὐτοῦ καὶ τοῦ οἴκου αὐτοῦ.

kaì prosáxei Aarōn tòn móschon tòn perì tē̂s hamartías autoû kaì exilásetai perì autoû kaì toû oíkou autoû.
7
καὶ λήμψεται τοὺς δύο χιμάρους καὶ στήσει αὐτοὺς ἔναντι κυρίου παρὰ τὴν θύραν τῆς σκηνῆς τοῦ μαρτυρίου·

kaì lḗmpsetai toùs dýo chimárous kaì stḗsei autoùs énanti kyríou parà tḕn thýran tē̂s skēnē̂s toû martyríou:
8
καὶ ἐπιθήσει Ααρων ἐπὶ τοὺς δύο χιμάρους κλῆρον ἕνα τῷ κυρίῳ καὶ κλῆρον ἕνα τῷ ἀποπομπαίῳ.

kaì epithḗsei Aarōn epì toùs dýo chimárous klē̂ron héna tō̂i kyríōi kaì klē̂ron héna tō̂i apopompaíōi.
9
καὶ προσάξει Ααρων τὸν χίμαρον, ἐϕ’ ὃν ἐπῆλθεν ἐπ’ αὐτὸν ὁ κλῆρος τῷ κυρίῳ, καὶ προσοίσει περὶ ἁμαρτίας·

kaì prosáxei Aarōn tòn chímaron, eph’ hòn epē̂lthen ep’ autòn ho klē̂ros tō̂i kyríōi, kaì prosoísei perì hamartías:
10
καὶ τὸν χίμαρον, ἐϕ’ ὃν ἐπῆλθεν ἐπ’ αὐτὸν ὁ κλῆρος τοῦ ἀποπομπαίου, στήσει αὐτὸν ζῶντα ἔναντι κυρίου τοῦ ἐξιλάσασθαι ἐπ’ αὐτοῦ ὥστε ἀποστεῖλαι αὐτὸν εἰς τὴν ἀποπομπήν· ἀϕήσει αὐτὸν εἰς τὴν ἔρημον.

kaì tòn chímaron, eph’ hòn epē̂lthen ep’ autòn ho klē̂ros toû apopompaíou, stḗsei autòn zō̂nta énanti kyríou toû exilásasthai ep’ autoû hṓste aposteîlai autòn eis tḕn apopompḗn: aphḗsei autòn eis tḕn érēmon.
11
καὶ προσάξει Ααρων τὸν μόσχον τὸν περὶ τῆς ἁμαρτίας τὸν αὐτοῦ καὶ τοῦ οἴκου αὐτοῦ μόνον καὶ ἐξιλάσεται περὶ αὐτοῦ καὶ τοῦ οἴκου αὐτοῦ καὶ σϕάξει τὸν μόσχον τὸν περὶ τῆς ἁμαρτίας τὸν αὐτοῦ.

kaì prosáxei Aarōn tòn móschon tòn perì tē̂s hamartías tòn autoû kaì toû oíkou autoû mónon kaì exilásetai perì autoû kaì toû oíkou autoû kaì spháxei tòn móschon tòn perì tē̂s hamartías tòn autoû.
12
καὶ λήμψεται τὸ πυρεῖον πλῆρες ἀνθράκων πυρὸς ἀπὸ τοῦ θυσιαστηρίου τοῦ ἀπέναντι κυρίου καὶ πλήσει τὰς χεῖρας θυμιάματος συνθέσεως λεπτῆς καὶ εἰσοίσει ἐσώτερον τοῦ καταπετάσματος

kaì lḗmpsetai tò pyreîon plē̂res anthrákōn pyròs apò toû thysiastēríou toû apénanti kyríou kaì plḗsei tàs cheîras thymiámatos synthéseōs leptē̂s kaì eisoísei esṓteron toû katapetásmatos
13
καὶ ἐπιθήσει τὸ θυμίαμα ἐπὶ τὸ πῦρ ἔναντι κυρίου· καὶ καλύψει ἡ ἀτμὶς τοῦ θυμιάματος τὸ ἱλαστήριον τὸ ἐπὶ τῶν μαρτυρίων, καὶ οὐκ ἀποθανεῖται.

kaì epithḗsei tò thymíama epì tò pŷr énanti kyríou: kaì kalýpsei hē atmìs toû thymiámatos tò hilastḗrion tò epì tō̂n martyríōn, kaì ouk apothaneîtai.
14
καὶ λήμψεται ἀπὸ τοῦ αἵματος τοῦ μόσχου καὶ ῥανεῖ τῷ δακτύλῳ ἐπὶ τὸ ἱλαστήριον κατὰ ἀνατολάς· κατὰ πρόσωπον τοῦ ἱλαστηρίου ῥανεῖ ἑπτάκις ἀπὸ τοῦ αἵματος τῷ δακτύλῳ.

kaì lḗmpsetai apò toû haímatos toû móschou kaì rhaneî tō̂i daktýlōi epì tò hilastḗrion katà anatolás: katà prósōpon toû hilastēríou rhaneî heptákis apò toû haímatos tō̂i daktýlōi.
15
καὶ σϕάξει τὸν χίμαρον τὸν περὶ τῆς ἁμαρτίας τὸν περὶ τοῦ λαοῦ ἔναντι κυρίου καὶ εἰσοίσει ἀπὸ τοῦ αἵματος αὐτοῦ ἐσώτερον τοῦ καταπετάσματος καὶ ποιήσει τὸ αἷμα αὐτοῦ ὃν τρόπον ἐποίησεν τὸ αἷμα τοῦ μόσχου, καὶ ῥανεῖ τὸ αἷμα αὐτοῦ ἐπὶ τὸ ἱλαστήριον κατὰ πρόσωπον τοῦ ἱλαστηρίου

kaì spháxei tòn chímaron tòn perì tē̂s hamartías tòn perì toû laoû énanti kyríou kaì eisoísei apò toû haímatos autoû esṓteron toû katapetásmatos kaì poiḗsei tò haîma autoû hòn trópon epoíēsen tò haîma toû móschou, kaì rhaneî tò haîma autoû epì tò hilastḗrion katà prósōpon toû hilastēríou
16
καὶ ἐξιλάσεται τὸ ἅγιον ἀπὸ τῶν ἀκαθαρσιῶν τῶν υἱῶν Ισραηλ καὶ ἀπὸ τῶν ἀδικημάτων αὐτῶν περὶ πασῶν τῶν ἁμαρτιῶν αὐτῶν· καὶ οὕτω ποιήσει τῇ σκηνῇ τοῦ μαρτυρίου τῇ ἐκτισμένῃ ἐν αὐτοῖς ἐν μέσῳ τῆς ἀκαθαρσίας αὐτῶν.

kaì exilásetai tò hágion apò tō̂n akatharsiō̂n tō̂n hyiō̂n Israēl kaì apò tō̂n adikēmátōn autō̂n perì pasō̂n tō̂n hamartiō̂n autō̂n: kaì hoútō poiḗsei tē̂i skēnē̂i toû martyríou tē̂i ektisménēi en autoîs en mésōi tē̂s akatharsías autō̂n.
17
καὶ πᾶς ἄνθρωπος οὐκ ἔσται ἐν τῇ σκηνῇ τοῦ μαρτυρίου εἰσπορευομένου αὐτοῦ ἐξιλάσασθαι ἐν τῷ ἁγίῳ, ἕως ἂν ἐξέλθῃ· καὶ ἐξιλάσεται περὶ αὐτοῦ καὶ τοῦ οἴκου αὐτοῦ καὶ περὶ πάσης συναγωγῆς υἱῶν Ισραηλ.

kaì pâs ánthrōpos ouk éstai en tē̂i skēnē̂i toû martyríou eisporeuoménou autoû exilásasthai en tō̂i hagíōi, héōs àn exélthēi: kaì exilásetai perì autoû kaì toû oíkou autoû kaì perì pásēs synagōgē̂s hyiō̂n Israēl.
18
καὶ ἐξελεύσεται ἐπὶ τὸ θυσιαστήριον τὸ ὂν ἀπέναντι κυρίου καὶ ἐξιλάσεται ἐπ’ αὐτοῦ· καὶ λήμψεται ἀπὸ τοῦ αἵματος τοῦ μόσχου καὶ ἀπὸ τοῦ αἵματος τοῦ χιμάρου καὶ ἐπιθήσει ἐπὶ τὰ κέρατα τοῦ θυσιαστηρίου κύκλῳ

kaì exeleúsetai epì tò thysiastḗrion tò òn apénanti kyríou kaì exilásetai ep’ autoû: kaì lḗmpsetai apò toû haímatos toû móschou kaì apò toû haímatos toû chimárou kaì epithḗsei epì tà kérata toû thysiastēríou kýklōi
19
καὶ ῥανεῖ ἐπ’ αὐτοῦ ἀπὸ τοῦ αἵματος τῷ δακτύλῳ ἑπτάκις καὶ καθαριεῖ αὐτὸ καὶ ἁγιάσει αὐτὸ ἀπὸ τῶν ἀκαθαρσιῶν τῶν υἱῶν Ισραηλ.

kaì rhaneî ep’ autoû apò toû haímatos tō̂i daktýlōi heptákis kaì katharieî autò kaì hagiásei autò apò tō̂n akatharsiō̂n tō̂n hyiō̂n Israēl.
20
καὶ συντελέσει ἐξιλασκόμενος τὸ ἅγιον καὶ τὴν σκηνὴν τοῦ μαρτυρίου καὶ τὸ θυσιαστήριον, καὶ περὶ τῶν ἱερέων καθαριεῖ· καὶ προσάξει τὸν χίμαρον τὸν ζῶντα.

kaì syntelései exilaskómenos tò hágion kaì tḕn skēnḕn toû martyríou kaì tò thysiastḗrion, kaì perì tō̂n hieréōn katharieî: kaì prosáxei tòn chímaron tòn zō̂nta.
21
καὶ ἐπιθήσει Ααρων τὰς χεῖρας αὐτοῦ ἐπὶ τὴν κεϕαλὴν τοῦ χιμάρου τοῦ ζῶντος καὶ ἐξαγορεύσει ἐπ’ αὐτοῦ πάσας τὰς ἀνομίας τῶν υἱῶν Ισραηλ καὶ πάσας τὰς ἀδικίας αὐτῶν καὶ πάσας τὰς ἁμαρτίας αὐτῶν καὶ ἐπιθήσει αὐτὰς ἐπὶ τὴν κεϕαλὴν τοῦ χιμάρου τοῦ ζῶντος καὶ ἐξαποστελεῖ ἐν χειρὶ ἀνθρώπου ἑτοίμου εἰς τὴν ἔρημον·

kaì epithḗsei Aarōn tàs cheîras autoû epì tḕn kephalḕn toû chimárou toû zō̂ntos kaì exagoreúsei ep’ autoû pásas tàs anomías tō̂n hyiō̂n Israēl kaì pásas tàs adikías autō̂n kaì pásas tàs hamartías autō̂n kaì epithḗsei autàs epì tḕn kephalḕn toû chimárou toû zō̂ntos kaì exaposteleî en cheirì anthrṓpou hetoímou eis tḕn érēmon:
22
καὶ λήμψεται ὁ χίμαρος ἐϕ’ ἑαυτῷ τὰς ἀδικίας αὐτῶν εἰς γῆν ἄβατον, καὶ ἐξαποστελεῖ τὸν χίμαρον εἰς τὴν ἔρημον.

kaì lḗmpsetai ho chímaros eph’ heautō̂i tàs adikías autō̂n eis gē̂n ábaton, kaì exaposteleî tòn chímaron eis tḕn érēmon.
23
καὶ εἰσελεύσεται Ααρων εἰς τὴν σκηνὴν τοῦ μαρτυρίου καὶ ἐκδύσεται τὴν στολὴν τὴν λινῆν, ἣν ἐνεδεδύκει εἰσπορευομένου αὐτοῦ εἰς τὸ ἅγιον, καὶ ἀποθήσει αὐτὴν ἐκεῖ.

kaì eiseleúsetai Aarōn eis tḕn skēnḕn toû martyríou kaì ekdýsetai tḕn stolḕn tḕn linē̂n, hḕn enededýkei eisporeuoménou autoû eis tò hágion, kaì apothḗsei autḕn ekeî.
24
καὶ λούσεται τὸ σῶμα αὐτοῦ ὕδατι ἐν τόπῳ ἁγίῳ καὶ ἐνδύσεται τὴν στολὴν αὐτοῦ καὶ ἐξελθὼν ποιήσει τὸ ὁλοκάρπωμα αὐτοῦ καὶ τὸ ὁλοκάρπωμα τοῦ λαοῦ καὶ ἐξιλάσεται περὶ αὐτοῦ καὶ περὶ τοῦ οἴκου αὐτοῦ καὶ περὶ τοῦ λαοῦ ὡς περὶ τῶν ἱερέων.

kaì loúsetai tò sō̂ma autoû hýdati en tópōi hagíōi kaì endýsetai tḕn stolḕn autoû kaì exelthṑn poiḗsei tò holokárpōma autoû kaì tò holokárpōma toû laoû kaì exilásetai perì autoû kaì perì toû oíkou autoû kaì perì toû laoû hōs perì tō̂n hieréōn.
25
καὶ τὸ στέαρ τὸ περὶ τῶν ἁμαρτιῶν ἀνοίσει ἐπὶ τὸ θυσιαστήριον.

kaì tò stéar tò perì tō̂n hamartiō̂n anoísei epì tò thysiastḗrion.
26
καὶ ὁ ἐξαποστέλλων τὸν χίμαρον τὸν διεσταλμένον εἰς ἄϕεσιν πλυνεῖ τὰ ἱμάτια καὶ λούσεται τὸ σῶμα αὐτοῦ ὕδατι καὶ μετὰ ταῦτα εἰσελεύσεται εἰς τὴν παρεμβολήν.

kaì ho exapostéllōn tòn chímaron tòn diestalménon eis áphesin plyneî tà himátia kaì loúsetai tò sō̂ma autoû hýdati kaì metà taûta eiseleúsetai eis tḕn parembolḗn.
27
καὶ τὸν μόσχον τὸν περὶ τῆς ἁμαρτίας καὶ τὸν χίμαρον τὸν περὶ τῆς ἁμαρτίας, ὧν τὸ αἷμα εἰσηνέχθη ἐξιλάσασθαι ἐν τῷ ἁγίῳ, ἐξοίσουσιν αὐτὰ ἔξω τῆς παρεμβολῆς καὶ κατακαύσουσιν αὐτὰ ἐν πυρί, καὶ τὰ δέρματα αὐτῶν καὶ τὰ κρέα αὐτῶν καὶ τὴν κόπρον αὐτῶν·

kaì tòn móschon tòn perì tē̂s hamartías kaì tòn chímaron tòn perì tē̂s hamartías, hō̂n tò haîma eisēnéchthē exilásasthai en tō̂i hagíōi, exoísousin autà éxō tē̂s parembolē̂s kaì katakaúsousin autà en pyrí, kaì tà dérmata autō̂n kaì tà kréa autō̂n kaì tḕn kópron autō̂n:
28
ὁ δὲ κατακαίων αὐτὰ πλυνεῖ τὰ ἱμάτια καὶ λούσεται τὸ σῶμα αὐτοῦ ὕδατι καὶ μετὰ ταῦτα εἰσελεύσεται εἰς τὴν παρεμβολήν.

ho dè katakaíōn autà plyneî tà himátia kaì loúsetai tò sō̂ma autoû hýdati kaì metà taûta eiseleúsetai eis tḕn parembolḗn.
29
Καὶ ἔσται τοῦτο ὑμῖν νόμιμον αἰώνιον· ἐν τῷ μηνὶ τῷ ἑβδόμῳ δεκάτῃ τοῦ μηνὸς ταπεινώσατε τὰς ψυχὰς ὑμῶν καὶ πᾶν ἔργον οὐ ποιήσετε, ὁ αὐτόχθων καὶ ὁ προσήλυτος ὁ προσκείμενος ἐν ὑμῖν.

Kaì éstai toûto hymîn nómimon aiṓnion: en tō̂i mēnì tō̂i hebdómōi dekátēi toû mēnòs tapeinṓsate tàs psychàs hymō̂n kaì pân érgon ou poiḗsete, ho autóchthōn kaì ho prosḗlytos ho proskeímenos en hymîn.
30
ἐν γὰρ τῇ ἡμέρᾳ ταύτῃ ἐξιλάσεται περὶ ὑμῶν καθαρίσαι ὑμᾶς ἀπὸ πασῶν τῶν ἁμαρτιῶν ὑμῶν ἔναντι κυρίου, καὶ καθαρισθήσεσθε.

en gàr tē̂i hēmérāi taútēi exilásetai perì hymō̂n katharísai hymâs apò pasō̂n tō̂n hamartiō̂n hymō̂n énanti kyríou, kaì katharisthḗsesthe.
31
σάββατα σαββάτων ἀνάπαυσις αὕτη ἔσται ὑμῖν, καὶ ταπεινώσετε τὰς ψυχὰς ὑμῶν, νόμιμον αἰώνιον.

sábbata sabbátōn anápausis haútē éstai hymîn, kaì tapeinṓsete tàs psychàs hymō̂n, nómimon aiṓnion.
32
ἐξιλάσεται ὁ ἱερεύς, ὃν ἂν χρίσωσιν αὐτὸν καὶ ὃν ἂν τελειώσουσιν τὰς χεῖρας αὐτοῦ ἱερατεύειν μετὰ τὸν πατέρα αὐτοῦ, καὶ ἐνδύσεται τὴν στολὴν τὴν λινῆν, στολὴν ἁγίαν,

exilásetai ho hiereús, hòn àn chrísōsin autòn kaì hòn àn teleiṓsousin tàs cheîras autoû hierateúein metà tòn patéra autoû, kaì endýsetai tḕn stolḕn tḕn linē̂n, stolḕn hagían,
33
καὶ ἐξιλάσεται τὸ ἅγιον τοῦ ἁγίου καὶ τὴν σκηνὴν τοῦ μαρτυρίου καὶ τὸ θυσιαστήριον ἐξιλάσεται καὶ περὶ τῶν ἱερέων καὶ περὶ πάσης συναγωγῆς ἐξιλάσεται.

kaì exilásetai tò hágion toû hagíou kaì tḕn skēnḕn toû martyríou kaì tò thysiastḗrion exilásetai kaì perì tō̂n hieréōn kaì perì pásēs synagōgē̂s exilásetai.
34
καὶ ἔσται τοῦτο ὑμῖν νόμιμον αἰώνιον ἐξιλάσκεσθαι περὶ τῶν υἱῶν Ισραηλ ἀπὸ πασῶν τῶν ἁμαρτιῶν αὐτῶν· ἅπαξ τοῦ ἐνιαυτοῦ ποιηθήσεται, καθάπερ συνέταξεν κύριος τῷ Μωυσῇ.

kaì éstai toûto hymîn nómimon aiṓnion exiláskesthai perì tō̂n hyiō̂n Israēl apò pasō̂n tō̂n hamartiō̂n autō̂n: hápax toû eniautoû poiēthḗsetai, katháper synétaxen kýrios tō̂i Mōysē̂i.