Bibles in ancient languages
Old translations
Modern translations

Septante Leviticus 17

Pentateuch
Historical books
Poetical Writings
Prophetic Books
Chapter
Verses
1
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

2
Λάλησον πρὸς Ααρων καὶ πρὸς τοὺς υἱοὺς αὐτοῦ καὶ πρὸς πάντας υἱοὺς Ισραηλ καὶ ἐρεῖς πρὸς αὐτούς Τοῦτο τὸ ῥῆμα, ὃ ἐνετείλατο κύριος λέγων

Lálēson pròs Aarōn kaì pròs toùs hyioùs autoû kaì pròs pántas hyioùs Israēl kaì ereîs pròs autoús Toûto tò rhē̂ma, hò eneteílato kýrios légōn

3
῎Ανθρωπος ἄνθρωπος τῶν υἱῶν Ισραηλ ἢ τῶν προσηλύτων τῶν προσκειμένων ἐν ὑμῖν, ὃς ἂν σϕάξῃ μόσχον ἢ πρόβατον ἢ αἶγα ἐν τῇ παρεμβολῇ καὶ ὃς ἂν σϕάξῃ ἔξω τῆς παρεμβολῆς

῎Anthrōpos ánthrōpos tō̂n hyiō̂n Israēl ḕ tō̂n prosēlýtōn tō̂n proskeiménōn en hymîn, hòs àn spháxēi móschon ḕ próbaton ḕ aîga en tē̂i parembolē̂i kaì hòs àn spháxēi éxō tē̂s parembolē̂s

4
καὶ ἐπὶ τὴν θύραν τῆς σκηνῆς τοῦ μαρτυρίου μὴ ἐνέγκῃ ὥστε ποιῆσαι αὐτὸ εἰς ὁλοκαύτωμα ἢ σωτήριον κυρίῳ δεκτὸν εἰς ὀσμὴν εὐωδίας, καὶ ὃς ἂν σϕάξῃ ἔξω καὶ ἐπὶ τὴν θύραν τῆς σκηνῆς τοῦ μαρτυρίου μὴ ἐνέγκῃ αὐτὸ ὥστε μὴ προσενέγκαι δῶρον κυρίῳ ἀπέναντι τῆς σκηνῆς κυρίου, καὶ λογισθήσεται τῷ ἀνθρώπῳ ἐκείνῳ αἷμα· αἷμα ἐξέχεεν, ἐξολεθρευθήσεται ἡ ψυχὴ ἐκείνη ἐκ τοῦ λαοῦ αὐτῆς·

kaì epì tḕn thýran tē̂s skēnē̂s toû martyríou mḕ enénkēi hṓste poiē̂sai autò eis holokaútōma ḕ sōtḗrion kyríōi dektòn eis osmḕn euōdías, kaì hòs àn spháxēi éxō kaì epì tḕn thýran tē̂s skēnē̂s toû martyríou mḕ enénkēi autò hṓste mḕ prosenénkai dō̂ron kyríōi apénanti tē̂s skēnē̂s kyríou, kaì logisthḗsetai tō̂i anthrṓpōi ekeínōi haîma: haîma exécheen, exolethreuthḗsetai hē psychḕ ekeínē ek toû laoû autē̂s:

5
ὅπως ἀναϕέρωσιν οἱ υἱοὶ Ισραηλ τὰς θυσίας αὐτῶν, ὅσας ἂν αὐτοὶ σϕάξουσιν ἐν τοῖς πεδίοις, καὶ οἴσουσιν τῷ κυρίῳ ἐπὶ τὰς θύρας τῆς σκηνῆς τοῦ μαρτυρίου πρὸς τὸν ἱερέα καὶ θύσουσιν θυσίαν σωτηρίου τῷ κυρίῳ αὐτά·

hópōs anaphérōsin hoi hyioì Israēl tàs thysías autō̂n, hósas àn autoì spháxousin en toîs pedíois, kaì oísousin tō̂i kyríōi epì tàs thýras tē̂s skēnē̂s toû martyríou pròs tòn hieréa kaì thýsousin thysían sōtēríou tō̂i kyríōi autá:

6
καὶ προσχεεῖ ὁ ἱερεὺς τὸ αἷμα ἐπὶ τὸ θυσιαστήριον κύκλῳ ἀπέναντι κυρίου παρὰ τὰς θύρας τῆς σκηνῆς τοῦ μαρτυρίου καὶ ἀνοίσει τὸ στέαρ εἰς ὀσμὴν εὐωδίας κυρίῳ·

kaì proscheeî ho hiereùs tò haîma epì tò thysiastḗrion kýklōi apénanti kyríou parà tàs thýras tē̂s skēnē̂s toû martyríou kaì anoísei tò stéar eis osmḕn euōdías kyríōi:

7
καὶ οὐ θύσουσιν ἔτι τὰς θυσίας αὐτῶν τοῖς ματαίοις, οἷς αὐτοὶ ἐκπορνεύουσιν ὀπίσω αὐτῶν· νόμιμον αἰώνιον ἔσται ὑμῖν εἰς τὰς γενεὰς ὑμῶν.

kaì ou thýsousin éti tàs thysías autō̂n toîs mataíois, hoîs autoì ekporneúousin opísō autō̂n: nómimon aiṓnion éstai hymîn eis tàs geneàs hymō̂n.

8
Καὶ ἐρεῖς πρὸς αὐτούς ῎Ανθρωπος ἄνθρωπος τῶν υἱῶν Ισραηλ καὶ ἀπὸ τῶν υἱῶν τῶν προσηλύτων τῶν προσκειμένων ἐν ὑμῖν, ὃς ἂν ποιήσῃ ὁλοκαύτωμα ἢ θυσίαν

Kaì ereîs pròs autoús ῎Anthrōpos ánthrōpos tō̂n hyiō̂n Israēl kaì apò tō̂n hyiō̂n tō̂n prosēlýtōn tō̂n proskeiménōn en hymîn, hòs àn poiḗsēi holokaútōma ḕ thysían

9
καὶ ἐπὶ τὴν θύραν τῆς σκηνῆς τοῦ μαρτυρίου μὴ ἐνέγκῃ ποιῆσαι αὐτὸ τῷ κυρίῳ, ἐξολεθρευθήσεται ὁ ἄνθρωπος ἐκεῖνος ἐκ τοῦ λαοῦ αὐτοῦ.

kaì epì tḕn thýran tē̂s skēnē̂s toû martyríou mḕ enénkēi poiē̂sai autò tō̂i kyríōi, exolethreuthḗsetai ho ánthrōpos ekeînos ek toû laoû autoû.

10
Καὶ ἄνθρωπος ἄνθρωπος τῶν υἱῶν Ισραηλ ἢ τῶν προσηλύτων τῶν προσκειμένων ἐν ὑμῖν, ὃς ἂν ϕάγῃ πᾶν αἷμα, καὶ ἐπιστήσω τὸ πρόσωπόν μου ἐπὶ τὴν ψυχὴν τὴν ἔσθουσαν τὸ αἷμα καὶ ἀπολῶ αὐτὴν ἐκ τοῦ λαοῦ αὐτῆς.

Kaì ánthrōpos ánthrōpos tō̂n hyiō̂n Israēl ḕ tō̂n prosēlýtōn tō̂n proskeiménōn en hymîn, hòs àn phágēi pân haîma, kaì epistḗsō tò prósōpón mou epì tḕn psychḕn tḕn ésthousan tò haîma kaì apolō̂ autḕn ek toû laoû autē̂s.

11
ἡ γὰρ ψυχὴ πάσης σαρκὸς αἷμα αὐτοῦ ἐστιν, καὶ ἐγὼ δέδωκα αὐτὸ ὑμῖν ἐπὶ τοῦ θυσιαστηρίου ἐξιλάσκεσθαι περὶ τῶν ψυχῶν ὑμῶν· τὸ γὰρ αἷμα αὐτοῦ ἀντὶ τῆς ψυχῆς ἐξιλάσεται.

hē gàr psychḕ pásēs sarkòs haîma autoû estin, kaì egṑ dédōka autò hymîn epì toû thysiastēríou exiláskesthai perì tō̂n psychō̂n hymō̂n: tò gàr haîma autoû antì tē̂s psychē̂s exilásetai.

12
διὰ τοῦτο εἴρηκα τοῖς υἱοῖς Ισραηλ Πᾶσα ψυχὴ ἐξ ὑμῶν οὐ ϕάγεται αἷμα, καὶ ὁ προσήλυτος ὁ προσκείμενος ἐν ὑμῖν οὐ ϕάγεται αἷμα.

dià toûto eírēka toîs hyioîs Israēl Pâsa psychḕ ex hymō̂n ou phágetai haîma, kaì ho prosḗlytos ho proskeímenos en hymîn ou phágetai haîma.

13
καὶ ἄνθρωπος ἄνθρωπος τῶν υἱῶν Ισραηλ καὶ τῶν προσηλύτων τῶν προσκειμένων ἐν ὑμῖν, ὃς ἂν θηρεύσῃ θήρευμα θηρίον ἢ πετεινόν, ὃ ἔσθεται, καὶ ἐκχεεῖ τὸ αἷμα καὶ καλύψει αὐτὸ τῇ γῇ·

kaì ánthrōpos ánthrōpos tō̂n hyiō̂n Israēl kaì tō̂n prosēlýtōn tō̂n proskeiménōn en hymîn, hòs àn thēreúsēi thḗreuma thēríon ḕ peteinón, hò ésthetai, kaì ekcheeî tò haîma kaì kalýpsei autò tē̂i gē̂i:

14
ἡ γὰρ ψυχὴ πάσης σαρκὸς αἷμα αὐτοῦ ἐστιν, καὶ εἶπα τοῖς υἱοῖς Ισραηλ Αἷμα πάσης σαρκὸς οὐ ϕάγεσθε, ὅτι ἡ ψυχὴ πάσης σαρκὸς αἷμα αὐτοῦ ἐστιν· πᾶς ὁ ἔσθων αὐτὸ ἐξολεθρευθήσεται.

hē gàr psychḕ pásēs sarkòs haîma autoû estin, kaì eîpa toîs hyioîs Israēl Haîma pásēs sarkòs ou phágesthe, hóti hē psychḕ pásēs sarkòs haîma autoû estin: pâs ho ésthōn autò exolethreuthḗsetai.

15
Καὶ πᾶσα ψυχή, ἥτις ϕάγεται θνησιμαῖον ἢ θηριάλωτον ἐν τοῖς αὐτόχθοσιν ἢ ἐν τοῖς προσηλύτοις, πλυνεῖ τὰ ἱμάτια αὐτοῦ καὶ λούσεται ὕδατι καὶ ἀκάθαρτος ἔσται ἕως ἑσπέρας καὶ καθαρὸς ἔσται·

Kaì pâsa psychḗ, hḗtis phágetai thnēsimaîon ḕ thēriálōton en toîs autóchthosin ḕ en toîs prosēlýtois, plyneî tà himátia autoû kaì loúsetai hýdati kaì akáthartos éstai héōs hespéras kaì katharòs éstai:

16
ἐὰν δὲ μὴ πλύνῃ τὰ ἱμάτια καὶ τὸ σῶμα μὴ λούσηται ὕδατι, καὶ λήμψεται ἀνόμημα αὐτοῦ.

eàn dè mḕ plýnēi tà himátia kaì tò sō̂ma mḕ loúsētai hýdati, kaì lḗmpsetai anómēma autoû.