Bibles in ancient languages
Old translations
Modern translations

Septante Leviticus 2

Pentateuch
Historical books
Poetical Writings
Prophetic Books
Chapter
Verses
1
’Εὰν δὲ ψυχὴ προσϕέρῃ δῶρον θυσίαν τῷ κυρίῳ, σεμίδαλις ἔσται τὸ δῶρον αὐτοῦ, καὶ ἐπιχεεῖ ἐπ’ αὐτὸ ἔλαιον καὶ ἐπιθήσει ἐπ’ αὐτὸ λίβανον· θυσία ἐστίν.

’Eàn dè psychḕ prosphérēi dō̂ron thysían tō̂i kyríōi, semídalis éstai tò dō̂ron autoû, kaì epicheeî ep’ autò élaion kaì epithḗsei ep’ autò líbanon: thysía estín.

2
καὶ οἴσει πρὸς τοὺς υἱοὺς Ααρων τοὺς ἱερεῖς, καὶ δραξάμενος ἀπ’ αὐτῆς πλήρη τὴν δράκα ἀπὸ τῆς σεμιδάλεως σὺν τῷ ἐλαίῳ καὶ πάντα τὸν λίβανον αὐτῆς καὶ ἐπιθήσει ὁ ἱερεὺς τὸ μνημόσυνον αὐτῆς ἐπὶ τὸ θυσιαστήριον· θυσία, ὀσμὴ εὐωδίας τῷ κυρίῳ.

kaì oísei pròs toùs hyioùs Aarōn toùs hiereîs, kaì draxámenos ap’ autē̂s plḗrē tḕn dráka apò tē̂s semidáleōs sỳn tō̂i elaíōi kaì pánta tòn líbanon autē̂s kaì epithḗsei ho hiereùs tò mnēmósynon autē̂s epì tò thysiastḗrion: thysía, osmḕ euōdías tō̂i kyríōi.

3
καὶ τὸ λοιπὸν ἀπὸ τῆς θυσίας Ααρων καὶ τοῖς υἱοῖς αὐτοῦ· ἅγιον τῶν ἁγίων ἀπὸ τῶν θυσιῶν κυρίου.

kaì tò loipòn apò tē̂s thysías Aarōn kaì toîs hyioîs autoû: hágion tō̂n hagíōn apò tō̂n thysiō̂n kyríou.

4
ἐὰν δὲ προσϕέρῃ δῶρον θυσίαν πεπεμμένην ἐν κλιβάνῳ, δῶρον κυρίῳ ἐκ σεμιδάλεως, ἄρτους ἀζύμους πεϕυραμένους ἐν ἐλαίῳ καὶ λάγανα ἄζυμα διακεχρισμένα ἐν ἐλαίῳ.

eàn dè prosphérēi dō̂ron thysían pepemménēn en klibánōi, dō̂ron kyríōi ek semidáleōs, ártous azýmous pephyraménous en elaíōi kaì lágana ázyma diakechrisména en elaíōi.

5
ἐὰν δὲ θυσία ἀπὸ τηγάνου τὸ δῶρόν σου, σεμίδαλις πεϕυραμένη ἐν ἐλαίῳ, ἄζυμα ἔσται·

eàn dè thysía apò tēgánou tò dō̂rón sou, semídalis pephyraménē en elaíōi, ázyma éstai:

6
καὶ διαθρύψεις αὐτὰ κλάσματα καὶ ἐπιχεεῖς ἐπ’ αὐτὰ ἔλαιον· θυσία ἐστὶν κυρίῳ.

kaì diathrýpseis autà klásmata kaì epicheeîs ep’ autà élaion: thysía estìn kyríōi.

7
ἐὰν δὲ θυσία ἀπὸ ἐσχάρας τὸ δῶρόν σου, σεμίδαλις ἐν ἐλαίῳ ποιηθήσεται.

eàn dè thysía apò escháras tò dō̂rón sou, semídalis en elaíōi poiēthḗsetai.

8
καὶ προσοίσει τὴν θυσίαν, ἣν ἂν ποιῇ ἐκ τούτων, τῷ κυρίῳ· καὶ προσοίσει πρὸς τὸν ἱερέα, καὶ προσεγγίσας πρὸς τὸ θυσιαστήριον

kaì prosoísei tḕn thysían, hḕn àn poiē̂i ek toútōn, tō̂i kyríōi: kaì prosoísei pròs tòn hieréa, kaì prosengísas pròs tò thysiastḗrion

9
ἀϕελεῖ ὁ ἱερεὺς ἀπὸ τῆς θυσίας τὸ μνημόσυνον αὐτῆς, καὶ ἐπιθήσει ὁ ἱερεὺς ἐπὶ τὸ θυσιαστήριον· κάρπωμα, ὀσμὴ εὐωδίας κυρίῳ.

apheleî ho hiereùs apò tē̂s thysías tò mnēmósynon autē̂s, kaì epithḗsei ho hiereùs epì tò thysiastḗrion: kárpōma, osmḕ euōdías kyríōi.

10
τὸ δὲ καταλειϕθὲν ἀπὸ τῆς θυσίας Ααρων καὶ τοῖς υἱοῖς αὐτοῦ· ἅγια τῶν ἁγίων ἀπὸ τῶν καρπωμάτων κυρίου.

tò dè kataleiphthèn apò tē̂s thysías Aarōn kaì toîs hyioîs autoû: hágia tō̂n hagíōn apò tō̂n karpōmátōn kyríou.

11
Πᾶσαν θυσίαν, ἣν ἂν προσϕέρητε κυρίῳ, οὐ ποιήσετε ζυμωτόν· πᾶσαν γὰρ ζύμην καὶ πᾶν μέλι, οὐ προσοίσετε ἀπ’ αὐτοῦ καρπῶσαι κυρίῳ.

Pâsan thysían, hḕn àn prosphérēte kyríōi, ou poiḗsete zymōtón: pâsan gàr zýmēn kaì pân méli, ou prosoísete ap’ autoû karpō̂sai kyríōi.

12
δῶρον ἀπαρχῆς προσοίσετε αὐτὰ κυρίῳ, ἐπὶ δὲ τὸ θυσιαστήριον οὐκ ἀναβιβασθήσεται εἰς ὀσμὴν εὐωδίας κυρίῳ.

dō̂ron aparchē̂s prosoísete autà kyríōi, epì dè tò thysiastḗrion ouk anabibasthḗsetai eis osmḕn euōdías kyríōi.

13
καὶ πᾶν δῶρον θυσίας ὑμῶν ἁλὶ ἁλισθήσεται· οὐ διαπαύσετε ἅλα διαθήκης κυρίου ἀπὸ θυσιασμάτων ὑμῶν, ἐπὶ παντὸς δώρου ὑμῶν προσοίσετε κυρίῳ τῷ θεῷ ὑμῶν ἅλας.

kaì pân dō̂ron thysías hymō̂n halì halisthḗsetai: ou diapaúsete hála diathḗkēs kyríou apò thysiasmátōn hymō̂n, epì pantòs dṓrou hymō̂n prosoísete kyríōi tō̂i theō̂i hymō̂n hálas.

14
ἐὰν δὲ προσϕέρῃς θυσίαν πρωτογενημάτων τῷ κυρίῳ, νέα πεϕρυγμένα χίδρα ἐρικτὰ τῷ κυρίῳ, καὶ προσοίσεις τὴν θυσίαν τῶν πρωτογενημάτων

eàn dè prosphérēis thysían prōtogenēmátōn tō̂i kyríōi, néa pephrygména chídra eriktà tō̂i kyríōi, kaì prosoíseis tḕn thysían tō̂n prōtogenēmátōn

15
καὶ ἐπιχεεῖς ἐπ’ αὐτὴν ἔλαιον καὶ ἐπιθήσεις ἐπ’ αὐτὴν λίβανον· θυσία ἐστίν.

kaì epicheeîs ep’ autḕn élaion kaì epithḗseis ep’ autḕn líbanon: thysía estín.

16
καὶ ἀνοίσει ὁ ἱερεὺς τὸ μνημόσυνον αὐτῆς ἀπὸ τῶν χίδρων σὺν τῷ ἐλαίῳ καὶ πάντα τὸν λίβανον αὐτῆς· κάρπωμά ἐστιν κυρίῳ.

kaì anoísei ho hiereùs tò mnēmósynon autē̂s apò tō̂n chídrōn sỳn tō̂i elaíōi kaì pánta tòn líbanon autē̂s: kárpōmá estin kyríōi.