Bibles in ancient languages
Old translations
Modern translations

Septante Leviticus 23

Pentateuch
Historical books
Poetical Writings
Prophetic Books
Chapter
Verses
1
Καὶ εἶπεν κύριος πρὸς Μωυσῆν λέγων

Kaì eîpen kýrios pròs Mōysē̂n légōn

2
Λάλησον τοῖς υἱοῖς Ισραηλ καὶ ἐρεῖς πρὸς αὐτούς Αἱ ἑορταὶ κυρίου, ἃς καλέσετε αὐτὰς κλητὰς ἁγίας, αὗταί εἰσιν ἑορταί μου.

Lálēson toîs hyioîs Israēl kaì ereîs pròs autoús Hai heortaì kyríou, hàs kalésete autàs klētàs hagías, haûtaí eisin heortaí mou.

3
ἓξ ἡμέρας ποιήσεις ἔργα, καὶ τῇ ἡμέρᾳ τῇ ἑβδόμῃ σάββατα ἀνάπαυσις κλητὴ ἁγία τῷ κυρίῳ· πᾶν ἔργον οὐ ποιήσεις· σάββατά ἐστιν τῷ κυρίῳ ἐν πάσῃ κατοικίᾳ ὑμῶν.

hèx hēméras poiḗseis érga, kaì tē̂i hēmérāi tē̂i hebdómēi sábbata anápausis klētḕ hagía tō̂i kyríōi: pân érgon ou poiḗseis: sábbatá estin tō̂i kyríōi en pásēi katoikíāi hymō̂n.

4
Αὗται αἱ ἑορταὶ τῷ κυρίῳ, κληταὶ ἅγιαι, ἃς καλέσετε αὐτὰς ἐν τοῖς καιροῖς αὐτῶν.

Haûtai hai heortaì tō̂i kyríōi, klētaì hágiai, hàs kalésete autàs en toîs kairoîs autō̂n.

5
ἐν τῷ πρώτῳ μηνὶ ἐν τῇ τεσσαρεσκαιδεκάτῃ ἡμέρᾳ τοῦ μηνὸς ἀνὰ μέσον τῶν ἑσπερινῶν πάσχα τῷ κυρίῳ.

en tō̂i prṓtōi mēnì en tē̂i tessareskaidekátēi hēmérāi toû mēnòs anà méson tō̂n hesperinō̂n páscha tō̂i kyríōi.

6
καὶ ἐν τῇ πεντεκαιδεκάτῃ ἡμέρᾳ τοῦ μηνὸς τούτου ἑορτὴ τῶν ἀζύμων τῷ κυρίῳ· ἑπτὰ ἡμέρας ἄζυμα ἔδεσθε.

kaì en tē̂i pentekaidekátēi hēmérāi toû mēnòs toútou heortḕ tō̂n azýmōn tō̂i kyríōi: heptà hēméras ázyma édesthe.

7
καὶ ἡ ἡμέρα ἡ πρώτη κλητὴ ἁγία ἔσται ὑμῖν, πᾶν ἔργον λατρευτὸν οὐ ποιήσετε·

kaì hē hēméra hē prṓtē klētḕ hagía éstai hymîn, pân érgon latreutòn ou poiḗsete:

8
καὶ προσάξετε ὁλοκαυτώματα τῷ κυρίῳ ἑπτὰ ἡμέρας· καὶ ἡ ἑβδόμη ἡμέρα κλητὴ ἁγία ἔσται ὑμῖν, πᾶν ἔργον λατρευτὸν οὐ ποιήσετε.

kaì prosáxete holokautṓmata tō̂i kyríōi heptà hēméras: kaì hē hebdómē hēméra klētḕ hagía éstai hymîn, pân érgon latreutòn ou poiḗsete.

9
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

10
Εἰπὸν τοῖς υἱοῖς Ισραηλ καὶ ἐρεῖς πρὸς αὐτούς ῞Οταν εἰσέλθητε εἰς τὴν γῆν, ἣν ἐγὼ δίδωμι ὑμῖν, καὶ θερίζητε τὸν θερισμὸν αὐτῆς, καὶ οἴσετε δράγμα ἀπαρχὴν τοῦ θερισμοῦ ὑμῶν πρὸς τὸν ἱερέα·

Eipòn toîs hyioîs Israēl kaì ereîs pròs autoús ῞Otan eisélthēte eis tḕn gē̂n, hḕn egṑ dídōmi hymîn, kaì therízēte tòn therismòn autē̂s, kaì oísete drágma aparchḕn toû therismoû hymō̂n pròs tòn hieréa:

11
καὶ ἀνοίσει τὸ δράγμα ἔναντι κυρίου δεκτὸν ὑμῖν, τῇ ἐπαύριον τῆς πρώτης ἀνοίσει αὐτὸ ὁ ἱερεύς.

kaì anoísei tò drágma énanti kyríou dektòn hymîn, tē̂i epaúrion tē̂s prṓtēs anoísei autò ho hiereús.

12
καὶ ποιήσετε ἐν τῇ ἡμέρᾳ, ἐν ᾗ ἂν ϕέρητε τὸ δράγμα, πρόβατον ἄμωμον ἐνιαύσιον εἰς ὁλοκαύτωμα τῷ κυρίῳ

kaì poiḗsete en tē̂i hēmérāi, en hē̂i àn phérēte tò drágma, próbaton ámōmon eniaúsion eis holokaútōma tō̂i kyríōi

13
καὶ τὴν θυσίαν αὐτοῦ δύο δέκατα σεμιδάλεως ἀναπεποιημένης ἐν ἐλαίῳ – θυσία τῷ κυρίῳ, ὀσμὴ εὐωδίας κυρίῳ – καὶ σπονδὴν αὐτοῦ τὸ τέταρτον τοῦ ιν οἴνου.

kaì tḕn thysían autoû dýo dékata semidáleōs anapepoiēménēs en elaíōi – thysía tō̂i kyríōi, osmḕ euōdías kyríōi – kaì spondḕn autoû tò tétarton toû in oínou.

14
καὶ ἄρτον καὶ πεϕρυγμένα χίδρα νέα οὐ ϕάγεσθε ἕως εἰς αὐτὴν τὴν ἡμέραν ταύτην, ἕως ἂν προσενέγκητε ὑμεῖς τὰ δῶρα τῷ θεῷ ὑμῶν· νόμιμον αἰώνιον εἰς τὰς γενεὰς ὑμῶν ἐν πάσῃ κατοικίᾳ ὑμῶν.

kaì árton kaì pephrygména chídra néa ou phágesthe héōs eis autḕn tḕn hēméran taútēn, héōs àn prosenénkēte hymeîs tà dō̂ra tō̂i theō̂i hymō̂n: nómimon aiṓnion eis tàs geneàs hymō̂n en pásēi katoikíāi hymō̂n.

15
Καὶ ἀριθμήσετε ὑμεῖς ἀπὸ τῆς ἐπαύριον τῶν σαββάτων, ἀπὸ τῆς ἡμέρας, ἧς ἂν προσενέγκητε τὸ δράγμα τοῦ ἐπιθέματος, ἑπτὰ ἑβδομάδας ὁλοκλήρους·

Kaì arithmḗsete hymeîs apò tē̂s epaúrion tō̂n sabbátōn, apò tē̂s hēméras, hē̂s àn prosenénkēte tò drágma toû epithématos, heptà hebdomádas holoklḗrous:

16
ἕως τῆς ἐπαύριον τῆς ἐσχάτης ἑβδομάδος ἀριθμήσετε πεντήκοντα ἡμέρας καὶ προσοίσετε θυσίαν νέαν τῷ κυρίῳ.

héōs tē̂s epaúrion tē̂s eschátēs hebdomádos arithmḗsete pentḗkonta hēméras kaì prosoísete thysían néan tō̂i kyríōi.

17
ἀπὸ τῆς κατοικίας ὑμῶν προσοίσετε ἄρτους ἐπίθεμα, δύο ἄρτους· ἐκ δύο δεκάτων σεμιδάλεως ἔσονται, ἐζυμωμένοι πεϕθήσονται πρωτογενημάτων τῷ κυρίῳ.

apò tē̂s katoikías hymō̂n prosoísete ártous epíthema, dýo ártous: ek dýo dekátōn semidáleōs ésontai, ezymōménoi pephthḗsontai prōtogenēmátōn tō̂i kyríōi.

18
καὶ προσάξετε μετὰ τῶν ἄρτων ἑπτὰ ἀμνοὺς ἀμώμους ἐνιαυσίους καὶ μόσχον ἕνα ἐκ βουκολίου καὶ κριοὺς δύο ἀμώμους – ἔσονται ὁλοκαύτωμα τῷ κυρίῳ – καὶ αἱ θυσίαι αὐτῶν καὶ αἱ σπονδαὶ αὐτῶν, θυσίαν ὀσμὴν εὐωδίας τῷ κυρίῳ.

kaì prosáxete metà tō̂n ártōn heptà amnoùs amṓmous eniausíous kaì móschon héna ek boukolíou kaì krioùs dýo amṓmous – ésontai holokaútōma tō̂i kyríōi – kaì hai thysíai autō̂n kaì hai spondaì autō̂n, thysían osmḕn euōdías tō̂i kyríōi.

19
καὶ ποιήσουσιν χίμαρον ἐξ αἰγῶν ἕνα περὶ ἁμαρτίας καὶ δύο ἀμνοὺς ἐνιαυσίους εἰς θυσίαν σωτηρίου μετὰ τῶν ἄρτων τοῦ πρωτογενήματος· μετὰ τῶν ἄρτων τοῦ πρωτογενήματος·

kaì poiḗsousin chímaron ex aigō̂n héna perì hamartías kaì dýo amnoùs eniausíous eis thysían sōtēríou metà tō̂n ártōn toû prōtogenḗmatos: metà tō̂n ártōn toû prōtogenḗmatos:

20
καὶ ἐπιθήσει αὐτὰ ὁ ἱερεὺς μετὰ τῶν ἄρτων τοῦ πρωτογενήματος ἐπίθεμα ἔναντι κυρίου μετὰ τῶν δύο ἀμνῶν· ἅγια ἔσονται τῷ κυρίῳ, τῷ ἱερεῖ τῷ προσϕέροντι αὐτὰ αὐτῷ ἔσται.

kaì epithḗsei autà ho hiereùs metà tō̂n ártōn toû prōtogenḗmatos epíthema énanti kyríou metà tō̂n dýo amnō̂n: hágia ésontai tō̂i kyríōi, tō̂i hiereî tō̂i prosphéronti autà autō̂i éstai.

21
καὶ καλέσετε ταύτην τὴν ἡμέραν κλητήν· ἁγία ἔσται ὑμῖν, πᾶν ἔργον λατρευτὸν οὐ ποιήσετε ἐν αὐτῇ· νόμιμον αἰώνιον εἰς τὰς γενεὰς ὑμῶν ἐν πάσῃ τῇ κατοικίᾳ ὑμῶν.

kaì kalésete taútēn tḕn hēméran klētḗn: hagía éstai hymîn, pân érgon latreutòn ou poiḗsete en autē̂i: nómimon aiṓnion eis tàs geneàs hymō̂n en pásēi tē̂i katoikíāi hymō̂n.

22
καὶ ὅταν θερίζητε τὸν θερισμὸν τῆς γῆς ὑμῶν, οὐ συντελέσετε τὸ λοιπὸν τοῦ θερισμοῦ τοῦ ἀγροῦ σου ἐν τῷ θερίζειν σε καὶ τὰ ἀποπίπτοντα τοῦ θερισμοῦ σου οὐ συλλέξεις, τῷ πτωχῷ καὶ τῷ προσηλύτῳ ὑπολείψῃ αὐτά· ἐγὼ κύριος ὁ θεὸς ὑμῶν.

kaì hótan therízēte tòn therismòn tē̂s gē̂s hymō̂n, ou syntelésete tò loipòn toû therismoû toû agroû sou en tō̂i therízein se kaì tà apopíptonta toû therismoû sou ou sylléxeis, tō̂i ptōchō̂i kaì tō̂i prosēlýtōi hypoleípsēi autá: egṑ kýrios ho theòs hymō̂n.

23
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

24
Λάλησον τοῖς υἱοῖς Ισραηλ λέγων Τοῦ μηνὸς τοῦ ἑβδόμου μιᾷ τοῦ μηνὸς ἔσται ὑμῖν ἀνάπαυσις, μνημόσυνον σαλπίγγων, κλητὴ ἁγία ἔσται ὑμῖν·

Lálēson toîs hyioîs Israēl légōn Toû mēnòs toû hebdómou miā̂i toû mēnòs éstai hymîn anápausis, mnēmósynon salpíngōn, klētḕ hagía éstai hymîn:

25
πᾶν ἔργον λατρευτὸν οὐ ποιήσετε καὶ προσάξετε ὁλοκαύτωμα κυρίῳ.

pân érgon latreutòn ou poiḗsete kaì prosáxete holokaútōma kyríōi.

26
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

27
Καὶ τῇ δεκάτῃ τοῦ μηνὸς τοῦ ἑβδόμου τούτου ἡμέρα ἐξιλασμοῦ, κλητὴ ἁγία ἔσται ὑμῖν, καὶ ταπεινώσετε τὰς ψυχὰς ὑμῶν καὶ προσάξετε ὁλοκαύτωμα τῷ κυρίῳ.

Kaì tē̂i dekátēi toû mēnòs toû hebdómou toútou hēméra exilasmoû, klētḕ hagía éstai hymîn, kaì tapeinṓsete tàs psychàs hymō̂n kaì prosáxete holokaútōma tō̂i kyríōi.

28
πᾶν ἔργον οὐ ποιήσετε ἐν αὐτῇ τῇ ἡμέρᾳ ταύτῃ· ἔστιν γὰρ ἡμέρα ἐξιλασμοῦ αὕτη ὑμῖν ἐξιλάσασθαι περὶ ὑμῶν ἔναντι κυρίου τοῦ θεοῦ ὑμῶν.

pân érgon ou poiḗsete en autē̂i tē̂i hēmérāi taútēi: éstin gàr hēméra exilasmoû haútē hymîn exilásasthai perì hymō̂n énanti kyríou toû theoû hymō̂n.

29
πᾶσα ψυχή, ἥτις μὴ ταπεινωθήσεται ἐν αὐτῇ τῇ ἡμέρᾳ ταύτῃ, ἐξολεθρευθήσεται ἐκ τοῦ λαοῦ αὐτῆς.

pâsa psychḗ, hḗtis mḕ tapeinōthḗsetai en autē̂i tē̂i hēmérāi taútēi, exolethreuthḗsetai ek toû laoû autē̂s.

30
καὶ πᾶσα ψυχή, ἥτις ποιήσει ἔργον ἐν αὐτῇ τῇ ἡμέρᾳ ταύτῃ, ἀπολεῖται ἡ ψυχὴ ἐκείνη ἐκ τοῦ λαοῦ αὐτῆς.

kaì pâsa psychḗ, hḗtis poiḗsei érgon en autē̂i tē̂i hēmérāi taútēi, apoleîtai hē psychḕ ekeínē ek toû laoû autē̂s.

31
πᾶν ἔργον οὐ ποιήσετε· νόμιμον αἰώνιον εἰς τὰς γενεὰς ὑμῶν ἐν πάσαις κατοικίαις ὑμῶν.

pân érgon ou poiḗsete: nómimon aiṓnion eis tàs geneàs hymō̂n en pásais katoikíais hymō̂n.

32
σάββατα σαββάτων ἔσται ὑμῖν, καὶ ταπεινώσετε τὰς ψυχὰς ὑμῶν· ἀπὸ ἐνάτης τοῦ μηνὸς ἀπὸ ἑσπέρας ἕως ἑσπέρας σαββατιεῖτε τὰ σάββατα ὑμῶν.

sábbata sabbátōn éstai hymîn, kaì tapeinṓsete tàs psychàs hymō̂n: apò enátēs toû mēnòs apò hespéras héōs hespéras sabbatieîte tà sábbata hymō̂n.

33
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

34
Λάλησον τοῖς υἱοῖς Ισραηλ λέγων Τῇ πεντεκαιδεκάτῃ τοῦ μηνὸς τοῦ ἑβδόμου τούτου ἑορτὴ σκηνῶν ἑπτὰ ἡμέρας τῷ κυρίῳ.

Lálēson toîs hyioîs Israēl légōn Tē̂i pentekaidekátēi toû mēnòs toû hebdómou toútou heortḕ skēnō̂n heptà hēméras tō̂i kyríōi.

35
καὶ ἡ ἡμέρα ἡ πρώτη κλητὴ ἁγία, πᾶν ἔργον λατρευτὸν οὐ ποιήσετε.

kaì hē hēméra hē prṓtē klētḕ hagía, pân érgon latreutòn ou poiḗsete.

36
ἑπτὰ ἡμέρας προσάξετε ὁλοκαυτώματα τῷ κυρίῳ· καὶ ἡ ἡμέρα ἡ ὀγδόη κλητὴ ἁγία ἔσται ὑμῖν, καὶ προσάξετε ὁλοκαυτώματα τῷ κυρίῳ· ἐξόδιόν ἐστιν, πᾶν ἔργον λατρευτὸν οὐ ποιήσετε.

heptà hēméras prosáxete holokautṓmata tō̂i kyríōi: kaì hē hēméra hē ogdóē klētḕ hagía éstai hymîn, kaì prosáxete holokautṓmata tō̂i kyríōi: exódión estin, pân érgon latreutòn ou poiḗsete.

37
Αὗται αἱ ἑορταὶ κυρίῳ, ἃς καλέσετε κλητὰς ἁγίας ὥστε προσενέγκαι καρπώματα τῷ κυρίῳ, ὁλοκαυτώματα καὶ θυσίας αὐτῶν καὶ σπονδὰς αὐτῶν τὸ καθ’ ἡμέραν εἰς ἡμέραν

Haûtai hai heortaì kyríōi, hàs kalésete klētàs hagías hṓste prosenénkai karpṓmata tō̂i kyríōi, holokautṓmata kaì thysías autō̂n kaì spondàs autō̂n tò kath’ hēméran eis hēméran

38
πλὴν τῶν σαββάτων κυρίου καὶ πλὴν τῶν δομάτων ὑμῶν καὶ πλὴν πασῶν τῶν εὐχῶν ὑμῶν καὶ πλὴν τῶν ἑκουσίων ὑμῶν, ἃ ἂν δῶτε τῷ κυρίῳ.

plḕn tō̂n sabbátōn kyríou kaì plḕn tō̂n domátōn hymō̂n kaì plḕn pasō̂n tō̂n euchō̂n hymō̂n kaì plḕn tō̂n hekousíōn hymō̂n, hà àn dō̂te tō̂i kyríōi.

39
Καὶ ἐν τῇ πεντεκαιδεκάτῃ ἡμέρᾳ τοῦ μηνὸς τοῦ ἑβδόμου τούτου, ὅταν συντελέσητε τὰ γενήματα τῆς γῆς, ἑορτάσετε τῷ κυρίῳ ἑπτὰ ἡμέρας· τῇ ἡμέρᾳ τῇ πρώτῃ ἀνάπαυσις, καὶ τῇ ἡμέρᾳ τῇ ὀγδόῃ ἀνάπαυσις.

Kaì en tē̂i pentekaidekátēi hēmérāi toû mēnòs toû hebdómou toútou, hótan syntelésēte tà genḗmata tē̂s gē̂s, heortásete tō̂i kyríōi heptà hēméras: tē̂i hēmérāi tē̂i prṓtēi anápausis, kaì tē̂i hēmérāi tē̂i ogdóēi anápausis.

40
καὶ λήμψεσθε τῇ ἡμέρᾳ τῇ πρώτῃ καρπὸν ξύλου ὡραῖον καὶ κάλλυνθρα ϕοινίκων καὶ κλάδους ξύλου δασεῖς καὶ ἰτέας καὶ ἄγνου κλάδους ἐκ χειμάρρου εὐϕρανθῆναι ἔναντι κυρίου τοῦ θεοῦ ὑμῶν ἑπτὰ ἡμέρας

kaì lḗmpsesthe tē̂i hēmérāi tē̂i prṓtēi karpòn xýlou hōraîon kaì kállynthra phoiníkōn kaì kládous xýlou daseîs kaì itéas kaì ágnou kládous ek cheimárrou euphranthē̂nai énanti kyríou toû theoû hymō̂n heptà hēméras

41
τοῦ ἐνιαυτοῦ· νόμιμον αἰώνιον εἰς τὰς γενεὰς ὑμῶν· ἐν τῷ μηνὶ τῷ ἑβδόμῳ ἑορτάσετε αὐτήν.

toû eniautoû: nómimon aiṓnion eis tàs geneàs hymō̂n: en tō̂i mēnì tō̂i hebdómōi heortásete autḗn.

42
ἐν σκηναῖς κατοικήσετε ἑπτὰ ἡμέρας, πᾶς ὁ αὐτόχθων ἐν Ισραηλ κατοικήσει ἐν σκηναῖς,

en skēnaîs katoikḗsete heptà hēméras, pâs ho autóchthōn en Israēl katoikḗsei en skēnaîs,

43
ὅπως ἴδωσιν αἱ γενεαὶ ὑμῶν ὅτι ἐν σκηναῖς κατῴκισα τοὺς υἱοὺς Ισραηλ ἐν τῷ ἐξαγαγεῖν με αὐτοὺς ἐκ γῆς Αἰγύπτου· ἐγὼ κύριος ὁ θεὸς ὑμῶν.

hópōs ídōsin hai geneaì hymō̂n hóti en skēnaîs katṓikisa toùs hyioùs Israēl en tō̂i exagageîn me autoùs ek gē̂s Aigýptou: egṑ kýrios ho theòs hymō̂n.

44
Καὶ ἐλάλησεν Μωυσῆς τὰς ἑορτὰς κυρίου τοῖς υἱοῖς Ισραηλ.

Kaì elálēsen Mōysē̂s tàs heortàs kyríou toîs hyioîs Israēl.