Bibles in ancient languages
Old translations
Modern translations

Septante Leviticus 4

Pentateuch
Historical books
Poetical Writings
Prophetic Books
Chapter
Verses
1
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

2
Λάλησον πρὸς τοὺς υἱοὺς Ισραηλ λέγων Ψυχὴ ἐὰν ἁμάρτῃ ἔναντι κυρίου ἀκουσίως ἀπὸ τῶν προσταγμάτων κυρίου, ὧν οὐ δεῖ ποιεῖν, καὶ ποιήσῃ ἕν τι ἀπ’ αὐτῶν·

Lálēson pròs toùs hyioùs Israēl légōn Psychḕ eàn hamártēi énanti kyríou akousíōs apò tō̂n prostagmátōn kyríou, hō̂n ou deî poieîn, kaì poiḗsēi hén ti ap’ autō̂n:

3
ἐὰν μὲν ὁ ἀρχιερεὺς ὁ κεχρισμένος ἁμάρτῃ τοῦ τὸν λαὸν ἁμαρτεῖν, καὶ προσάξει περὶ τῆς ἁμαρτίας αὐτοῦ, ἧς ἥμαρτεν, μόσχον ἐκ βοῶν ἄμωμον τῷ κυρίῳ περὶ τῆς ἁμαρτίας αὐτοῦ.

eàn mèn ho archiereùs ho kechrisménos hamártēi toû tòn laòn hamarteîn, kaì prosáxei perì tē̂s hamartías autoû, hē̂s hḗmarten, móschon ek boō̂n ámōmon tō̂i kyríōi perì tē̂s hamartías autoû.

4
καὶ προσάξει τὸν μόσχον παρὰ τὴν θύραν τῆς σκηνῆς τοῦ μαρτυρίου ἔναντι κυρίου καὶ ἐπιθήσει τὴν χεῖρα αὐτοῦ ἐπὶ τὴν κεϕαλὴν τοῦ μόσχου ἔναντι κυρίου καὶ σϕάξει τὸν μόσχον ἐνώπιον κυρίου.

kaì prosáxei tòn móschon parà tḕn thýran tē̂s skēnē̂s toû martyríou énanti kyríou kaì epithḗsei tḕn cheîra autoû epì tḕn kephalḕn toû móschou énanti kyríou kaì spháxei tòn móschon enṓpion kyríou.

5
καὶ λαβὼν ὁ ἱερεὺς ὁ χριστὸς ὁ τετελειωμένος τὰς χεῖρας ἀπὸ τοῦ αἵματος τοῦ μόσχου καὶ εἰσοίσει αὐτὸ ἐπὶ τὴν σκηνὴν τοῦ μαρτυρίου·

kaì labṑn ho hiereùs ho christòs ho teteleiōménos tàs cheîras apò toû haímatos toû móschou kaì eisoísei autò epì tḕn skēnḕn toû martyríou:

6
καὶ βάψει ὁ ἱερεὺς τὸν δάκτυλον εἰς τὸ αἷμα καὶ προσρανεῖ ἀπὸ τοῦ αἵματος ἑπτάκις ἔναντι κυρίου κατὰ τὸ καταπέτασμα τὸ ἅγιον·

kaì bápsei ho hiereùs tòn dáktylon eis tò haîma kaì prosraneî apò toû haímatos heptákis énanti kyríou katà tò katapétasma tò hágion:

7
καὶ ἐπιθήσει ὁ ἱερεὺς ἀπὸ τοῦ αἵματος τοῦ μόσχου ἐπὶ τὰ κέρατα τοῦ θυσιαστηρίου τοῦ θυμιάματος τῆς συνθέσεως τοῦ ἐναντίον κυρίου, ὅ ἐστιν ἐν τῇ σκηνῇ τοῦ μαρτυρίου· καὶ πᾶν τὸ αἷμα τοῦ μόσχου ἐκχεεῖ παρὰ τὴν βάσιν τοῦ θυσιαστηρίου τῶν ὁλοκαυτωμάτων, ὅ ἐστιν παρὰ τὰς θύρας τῆς σκηνῆς τοῦ μαρτυρίου.

kaì epithḗsei ho hiereùs apò toû haímatos toû móschou epì tà kérata toû thysiastēríou toû thymiámatos tē̂s synthéseōs toû enantíon kyríou, hó estin en tē̂i skēnē̂i toû martyríou: kaì pân tò haîma toû móschou ekcheeî parà tḕn básin toû thysiastēríou tō̂n holokautōmátōn, hó estin parà tàs thýras tē̂s skēnē̂s toû martyríou.

8
καὶ πᾶν τὸ στέαρ τοῦ μόσχου τοῦ τῆς ἁμαρτίας περιελεῖ ἀπ’ αὐτοῦ, τὸ στέαρ τὸ κατακαλύπτον τὰ ἐνδόσθια καὶ πᾶν τὸ στέαρ τὸ ἐπὶ τῶν ἐνδοσθίων

kaì pân tò stéar toû móschou toû tē̂s hamartías perieleî ap’ autoû, tò stéar tò katakalýpton tà endósthia kaì pân tò stéar tò epì tō̂n endosthíōn

9
καὶ τοὺς δύο νεϕροὺς καὶ τὸ στέαρ τὸ ἐπ’ αὐτῶν, ὅ ἐστιν ἐπὶ τῶν μηρίων, καὶ τὸν λοβὸν τὸν ἐπὶ τοῦ ἥπατος (σὺν τοῖς νεϕροῖς περιελεῖ αὐτό),

kaì toùs dýo nephroùs kaì tò stéar tò ep’ autō̂n, hó estin epì tō̂n mēríōn, kaì tòn lobòn tòn epì toû hḗpatos (sỳn toîs nephroîs perieleî autó),

10
ὃν τρόπον ἀϕαιρεῖται ἀπὸ τοῦ μόσχου τοῦ τῆς θυσίας τοῦ σωτηρίου, καὶ ἀνοίσει ὁ ἱερεὺς ἐπὶ τὸ θυσιαστήριον τῆς καρπώσεως.

hòn trópon aphaireîtai apò toû móschou toû tē̂s thysías toû sōtēríou, kaì anoísei ho hiereùs epì tò thysiastḗrion tē̂s karpṓseōs.

11
καὶ τὸ δέρμα τοῦ μόσχου καὶ πᾶσαν αὐτοῦ τὴν σάρκα σὺν τῇ κεϕαλῇ καὶ τοῖς ἀκρωτηρίοις καὶ τῇ κοιλίᾳ καὶ τῇ κόπρῳ

kaì tò dérma toû móschou kaì pâsan autoû tḕn sárka sỳn tē̂i kephalē̂i kaì toîs akrōtēríois kaì tē̂i koilíāi kaì tē̂i kóprōi

12
καὶ ἐξοίσουσιν ὅλον τὸν μόσχον ἔξω τῆς παρεμβολῆς εἰς τόπον καθαρόν, οὗ ἐκχεοῦσιν τὴν σποδιάν, καὶ κατακαύσουσιν αὐτὸν ἐπὶ ξύλων ἐν πυρί· ἐπὶ τῆς ἐκχύσεως τῆς σποδιᾶς καυθήσεται.

kaì exoísousin hólon tòn móschon éxō tē̂s parembolē̂s eis tópon katharón, hoû ekcheoûsin tḕn spodián, kaì katakaúsousin autòn epì xýlōn en pyrí: epì tē̂s ekchýseōs tē̂s spodiâs kauthḗsetai.

13
’Εὰν δὲ πᾶσα συναγωγὴ Ισραηλ ἀγνοήσῃ ἀκουσίως καὶ λάθῃ ῥῆμα ἐξ ὀϕθαλμῶν τῆς συναγωγῆς καὶ ποιήσωσιν μίαν ἀπὸ πασῶν τῶν ἐντολῶν κυρίου, ἣ οὐ ποιηθήσεται, καὶ πλημμελήσωσιν,

’Eàn dè pâsa synagōgḕ Israēl agnoḗsēi akousíōs kaì láthēi rhē̂ma ex ophthalmō̂n tē̂s synagōgē̂s kaì poiḗsōsin mían apò pasō̂n tō̂n entolō̂n kyríou, hḕ ou poiēthḗsetai, kaì plēmmelḗsōsin,

14
καὶ γνωσθῇ αὐτοῖς ἡ ἁμαρτία, ἣν ἥμαρτον ἐν αὐτῇ, καὶ προσάξει ἡ συναγωγὴ μόσχον ἐκ βοῶν ἄμωμον περὶ τῆς ἁμαρτίας καὶ προσάξει αὐτὸν παρὰ τὰς θύρας τῆς σκηνῆς τοῦ μαρτυρίου.

kaì gnōsthē̂i autoîs hē hamartía, hḕn hḗmarton en autē̂i, kaì prosáxei hē synagōgḕ móschon ek boō̂n ámōmon perì tē̂s hamartías kaì prosáxei autòn parà tàs thýras tē̂s skēnē̂s toû martyríou.

15
καὶ ἐπιθήσουσιν οἱ πρεσβύτεροι τῆς συναγωγῆς τὰς χεῖρας αὐτῶν ἐπὶ τὴν κεϕαλὴν τοῦ μόσχου ἔναντι κυρίου καὶ σϕάξουσιν τὸν μόσχον ἔναντι κυρίου.

kaì epithḗsousin hoi presbýteroi tē̂s synagōgē̂s tàs cheîras autō̂n epì tḕn kephalḕn toû móschou énanti kyríou kaì spháxousin tòn móschon énanti kyríou.

16
καὶ εἰσοίσει ὁ ἱερεὺς ὁ χριστὸς ἀπὸ τοῦ αἵματος τοῦ μόσχου εἰς τὴν σκηνὴν τοῦ μαρτυρίου·

kaì eisoísei ho hiereùs ho christòs apò toû haímatos toû móschou eis tḕn skēnḕn toû martyríou:

17
καὶ βάψει ὁ ἱερεὺς τὸν δάκτυλον ἀπὸ τοῦ αἵματος τοῦ μόσχου καὶ ῥανεῖ ἑπτάκις ἔναντι κυρίου κατενώπιον τοῦ καταπετάσματος τοῦ ἁγίου·

kaì bápsei ho hiereùs tòn dáktylon apò toû haímatos toû móschou kaì rhaneî heptákis énanti kyríou katenṓpion toû katapetásmatos toû hagíou:

18
καὶ ἀπὸ τοῦ αἵματος ἐπιθήσει ὁ ἱερεὺς ἐπὶ τὰ κέρατα τοῦ θυσιαστηρίου τῶν θυμιαμάτων τῆς συνθέσεως, ὅ ἐστιν ἐνώπιον κυρίου, ὅ ἐστιν ἐν τῇ σκηνῇ τοῦ μαρτυρίου· καὶ τὸ πᾶν αἷμα ἐκχεεῖ πρὸς τὴν βάσιν τοῦ θυσιαστηρίου τῶν καρπώσεων τῶν πρὸς τῇ θύρᾳ τῆς σκηνῆς τοῦ μαρτυρίου.

kaì apò toû haímatos epithḗsei ho hiereùs epì tà kérata toû thysiastēríou tō̂n thymiamátōn tē̂s synthéseōs, hó estin enṓpion kyríou, hó estin en tē̂i skēnē̂i toû martyríou: kaì tò pân haîma ekcheeî pròs tḕn básin toû thysiastēríou tō̂n karpṓseōn tō̂n pròs tē̂i thýrāi tē̂s skēnē̂s toû martyríou.

19
καὶ τὸ πᾶν στέαρ περιελεῖ ἀπ’ αὐτοῦ καὶ ἀνοίσει ἐπὶ τὸ θυσιαστήριον·

kaì tò pân stéar perieleî ap’ autoû kaì anoísei epì tò thysiastḗrion:

20
καὶ ποιήσει τὸν μόσχον ὃν τρόπον ἐποίησεν τὸν μόσχον τὸν τῆς ἁμαρτίας, οὕτως ποιηθήσεται· καὶ ἐξιλάσεται περὶ αὐτῶν ὁ ἱερεύς, καὶ ἀϕεθήσεται αὐτοῖς ἡ ἁμαρτία.

kaì poiḗsei tòn móschon hòn trópon epoíēsen tòn móschon tòn tē̂s hamartías, hoútōs poiēthḗsetai: kaì exilásetai perì autō̂n ho hiereús, kaì aphethḗsetai autoîs hē hamartía.

21
καὶ ἐξοίσουσιν τὸν μόσχον ὅλον ἔξω τῆς παρεμβολῆς καὶ κατακαύσουσιν τὸν μόσχον, ὃν τρόπον κατέκαυσαν τὸν μόσχον τὸν πρότερον. ἁμαρτία συναγωγῆς ἐστιν.

kaì exoísousin tòn móschon hólon éxō tē̂s parembolē̂s kaì katakaúsousin tòn móschon, hòn trópon katékausan tòn móschon tòn próteron. hamartía synagōgē̂s estin.

22
’Εὰν δὲ ὁ ἄρχων ἁμάρτῃ καὶ ποιήσῃ μίαν ἀπὸ πασῶν τῶν ἐντολῶν κυρίου τοῦ θεοῦ αὐτῶν, ἣ οὐ ποιηθήσεται, ἀκουσίως καὶ ἁμάρτῃ καὶ πλημμελήσῃ,

’Eàn dè ho árchōn hamártēi kaì poiḗsēi mían apò pasō̂n tō̂n entolō̂n kyríou toû theoû autō̂n, hḕ ou poiēthḗsetai, akousíōs kaì hamártēi kaì plēmmelḗsēi,

23
καὶ γνωσθῇ αὐτῷ ἡ ἁμαρτία, ἣν ἥμαρτεν ἐν αὐτῇ, καὶ προσοίσει τὸ δῶρον αὐτοῦ χίμαρον ἐξ αἰγῶν, ἄρσεν ἄμωμον.

kaì gnōsthē̂i autō̂i hē hamartía, hḕn hḗmarten en autē̂i, kaì prosoísei tò dō̂ron autoû chímaron ex aigō̂n, ársen ámōmon.

24
καὶ ἐπιθήσει τὴν χεῖρα ἐπὶ τὴν κεϕαλὴν τοῦ χιμάρου, καὶ σϕάξουσιν αὐτὸν ἐν τόπῳ, οὗ σϕάζουσιν τὰ ὁλοκαυτώματα ἐνώπιον κυρίου· ἁμαρτία ἐστίν.

kaì epithḗsei tḕn cheîra epì tḕn kephalḕn toû chimárou, kaì spháxousin autòn en tópōi, hoû spházousin tà holokautṓmata enṓpion kyríou: hamartía estín.

25
καὶ ἐπιθήσει ὁ ἱερεὺς ἀπὸ τοῦ αἵματος τοῦ τῆς ἁμαρτίας τῷ δακτύλῳ ἐπὶ τὰ κέρατα τοῦ θυσιαστηρίου τῶν ὁλοκαυτωμάτων· καὶ τὸ πᾶν αἷμα αὐτοῦ ἐκχεεῖ παρὰ τὴν βάσιν τοῦ θυσιαστηρίου τῶν ὁλοκαυτωμάτων.

kaì epithḗsei ho hiereùs apò toû haímatos toû tē̂s hamartías tō̂i daktýlōi epì tà kérata toû thysiastēríou tō̂n holokautōmátōn: kaì tò pân haîma autoû ekcheeî parà tḕn básin toû thysiastēríou tō̂n holokautōmátōn.

26
καὶ τὸ πᾶν στέαρ αὐτοῦ ἀνοίσει ἐπὶ τὸ θυσιαστήριον ὥσπερ τὸ στέαρ θυσίας σωτηρίου. καὶ ἐξιλάσεται περὶ αὐτοῦ ὁ ἱερεὺς ἀπὸ τῆς ἁμαρτίας αὐτοῦ, καὶ ἀϕεθήσεται αὐτῷ.

kaì tò pân stéar autoû anoísei epì tò thysiastḗrion hṓsper tò stéar thysías sōtēríou. kaì exilásetai perì autoû ho hiereùs apò tē̂s hamartías autoû, kaì aphethḗsetai autō̂i.

27
’Εὰν δὲ ψυχὴ μία ἁμάρτῃ ἀκουσίως ἐκ τοῦ λαοῦ τῆς γῆς ἐν τῷ ποιῆσαι μίαν ἀπὸ πασῶν τῶν ἐντολῶν κυρίου, ἣ οὐ ποιηθήσεται, καὶ πλημμελήσῃ,

’Eàn dè psychḕ mía hamártēi akousíōs ek toû laoû tē̂s gē̂s en tō̂i poiē̂sai mían apò pasō̂n tō̂n entolō̂n kyríou, hḕ ou poiēthḗsetai, kaì plēmmelḗsēi,

28
καὶ γνωσθῇ αὐτῷ ἡ ἁμαρτία, ἣν ἥμαρτεν ἐν αὐτῇ, καὶ οἴσει χίμαιραν ἐξ αἰγῶν, θήλειαν ἄμωμον, οἴσει περὶ τῆς ἁμαρτίας, ἧς ἥμαρτεν.

kaì gnōsthē̂i autō̂i hē hamartía, hḕn hḗmarten en autē̂i, kaì oísei chímairan ex aigō̂n, thḗleian ámōmon, oísei perì tē̂s hamartías, hē̂s hḗmarten.

29
καὶ ἐπιθήσει τὴν χεῖρα ἐπὶ τὴν κεϕαλὴν τοῦ ἁμαρτήματος αὐτοῦ, καὶ σϕάξουσιν τὴν χίμαιραν τὴν τῆς ἁμαρτίας ἐν τόπῳ, οὗ σϕάζουσιν τὰ ὁλοκαυτώματα.

kaì epithḗsei tḕn cheîra epì tḕn kephalḕn toû hamartḗmatos autoû, kaì spháxousin tḕn chímairan tḕn tē̂s hamartías en tópōi, hoû spházousin tà holokautṓmata.

30
καὶ λήμψεται ὁ ἱερεὺς ἀπὸ τοῦ αἵματος αὐτῆς τῷ δακτύλῳ καὶ ἐπιθήσει ἐπὶ τὰ κέρατα τοῦ θυσιαστηρίου τῶν ὁλοκαυτωμάτων· καὶ πᾶν τὸ αἷμα αὐτῆς ἐκχεεῖ παρὰ τὴν βάσιν τοῦ θυσιαστηρίου.

kaì lḗmpsetai ho hiereùs apò toû haímatos autē̂s tō̂i daktýlōi kaì epithḗsei epì tà kérata toû thysiastēríou tō̂n holokautōmátōn: kaì pân tò haîma autē̂s ekcheeî parà tḕn básin toû thysiastēríou.

31
καὶ πᾶν τὸ στέαρ περιελεῖ, ὃν τρόπον περιαιρεῖται στέαρ ἀπὸ θυσίας σωτηρίου, καὶ ἀνοίσει ὁ ἱερεὺς ἐπὶ τὸ θυσιαστήριον εἰς ὀσμὴν εὐωδίας κυρίῳ. καὶ ἐξιλάσεται περὶ αὐτοῦ ὁ ἱερεύς, καὶ ἀϕεθήσεται αὐτῷ.

kaì pân tò stéar perieleî, hòn trópon periaireîtai stéar apò thysías sōtēríou, kaì anoísei ho hiereùs epì tò thysiastḗrion eis osmḕn euōdías kyríōi. kaì exilásetai perì autoû ho hiereús, kaì aphethḗsetai autō̂i.

32
ἐὰν δὲ πρόβατον προσενέγκῃ τὸ δῶρον αὐτοῦ εἰς ἁμαρτίαν, θῆλυ ἄμωμον προσοίσει αὐτό.

eàn dè próbaton prosenénkēi tò dō̂ron autoû eis hamartían, thē̂ly ámōmon prosoísei autó.

33
καὶ ἐπιθήσει τὴν χεῖρα ἐπὶ τὴν κεϕαλὴν τοῦ τῆς ἁμαρτίας, καὶ σϕάξουσιν αὐτὸ ἐν τόπῳ, οὗ σϕάζουσιν τὰ ὁλοκαυτώματα.

kaì epithḗsei tḕn cheîra epì tḕn kephalḕn toû tē̂s hamartías, kaì spháxousin autò en tópōi, hoû spházousin tà holokautṓmata.

34
καὶ λαβὼν ὁ ἱερεὺς ἀπὸ τοῦ αἵματος τοῦ τῆς ἁμαρτίας τῷ δακτύλῳ ἐπιθήσει ἐπὶ τὰ κέρατα τοῦ θυσιαστηρίου τῆς ὁλοκαυτώσεως· καὶ πᾶν αὐτοῦ τὸ αἷμα ἐκχεεῖ παρὰ τὴν βάσιν τοῦ θυσιαστηρίου τῆς ὁλοκαυτώσεως.

kaì labṑn ho hiereùs apò toû haímatos toû tē̂s hamartías tō̂i daktýlōi epithḗsei epì tà kérata toû thysiastēríou tē̂s holokautṓseōs: kaì pân autoû tò haîma ekcheeî parà tḕn básin toû thysiastēríou tē̂s holokautṓseōs.

35
καὶ πᾶν αὐτοῦ τὸ στέαρ περιελεῖ, ὃν τρόπον περιαιρεῖται στέαρ προβάτου ἐκ τῆς θυσίας τοῦ σωτηρίου, καὶ ἐπιθήσει αὐτὸ ὁ ἱερεὺς ἐπὶ τὸ θυσιαστήριον ἐπὶ τὸ ὁλοκαύτωμα κυρίου. καὶ ἐξιλάσεται περὶ αὐτοῦ ὁ ἱερεὺς περὶ τῆς ἁμαρτίας, ἧς ἥμαρτεν, καὶ ἀϕεθήσεται αὐτῷ.

kaì pân autoû tò stéar perieleî, hòn trópon periaireîtai stéar probátou ek tē̂s thysías toû sōtēríou, kaì epithḗsei autò ho hiereùs epì tò thysiastḗrion epì tò holokaútōma kyríou. kaì exilásetai perì autoû ho hiereùs perì tē̂s hamartías, hē̂s hḗmarten, kaì aphethḗsetai autō̂i.