Bibles in ancient languages
Old translations
Modern translations

Septante Nombres 30

Pentateuch
Historical books
Poetical Writings
Prophetic Books
Chapter
Verses
1
Καὶ ἐλάλησεν Μωυσῆς τοῖς υἱοῖς Ισραηλ κατὰ πάντα, ὅσα ἐνετείλατο κύριος τῷ Μωυσῇ.

Kaì elálēsen Mōysē̂s toîs hyioîs Israēl katà pánta, hósa eneteílato kýrios tō̂i Mōysē̂i.
2
Καὶ ἐλάλησεν Μωυσῆς πρὸς τοὺς ἄρχοντας τῶν ϕυλῶν Ισραηλ λέγων Τοῦτο τὸ ῥῆμα, ὃ συνέταξεν κύριος·

Kaì elálēsen Mōysē̂s pròs toùs árchontas tō̂n phylō̂n Israēl légōn Toûto tò rhē̂ma, hò synétaxen kýrios:
3
ἄνθρωπος ἄνθρωπος, ὃς ἂν εὔξηται εὐχὴν κυρίῳ ἢ ὀμόσῃ ὅρκον ἢ ὁρίσηται ὁρισμῷ περὶ τῆς ψυχῆς αὐτοῦ, οὐ βεβηλώσει τὸ ῥῆμα αὐτοῦ· πάντα, ὅσα ἐὰν ἐξέλθῃ ἐκ τοῦ στόματος αὐτοῦ, ποιήσει.

ánthrōpos ánthrōpos, hòs àn eúxētai euchḕn kyríōi ḕ omósēi hórkon ḕ horísētai horismō̂i perì tē̂s psychē̂s autoû, ou bebēlṓsei tò rhē̂ma autoû: pánta, hósa eàn exélthēi ek toû stómatos autoû, poiḗsei.
4
ἐὰν δὲ γυνὴ εὔξηται εὐχὴν κυρίῳ ἢ ὁρίσηται ὁρισμὸν ἐν τῷ οἴκῳ τοῦ πατρὸς αὐτῆς ἐν τῇ νεότητι αὐτῆς

eàn dè gynḕ eúxētai euchḕn kyríōi ḕ horísētai horismòn en tō̂i oíkōi toû patròs autē̂s en tē̂i neótēti autē̂s
5
καὶ ἀκούσῃ ὁ πατὴρ αὐτῆς τὰς εὐχὰς αὐτῆς καὶ τοὺς ὁρισμοὺς αὐτῆς, οὓς ὡρίσατο κατὰ τῆς ψυχῆς αὐτῆς, καὶ παρασιωπήσῃ αὐτῆς ὁ πατήρ, καὶ στήσονται πᾶσαι αἱ εὐχαὶ αὐτῆς, καὶ πάντες οἱ ὁρισμοί, οὓς ὡρίσατο κατὰ τῆς ψυχῆς αὐτῆς, μενοῦσιν αὐτῇ.

kaì akoúsēi ho patḕr autē̂s tàs euchàs autē̂s kaì toùs horismoùs autē̂s, hoùs hōrísato katà tē̂s psychē̂s autē̂s, kaì parasiōpḗsēi autē̂s ho patḗr, kaì stḗsontai pâsai hai euchaì autē̂s, kaì pántes hoi horismoí, hoùs hōrísato katà tē̂s psychē̂s autē̂s, menoûsin autē̂i.
6
ἐὰν δὲ ἀνανεύων ἀνανεύσῃ ὁ πατὴρ αὐτῆς, ᾗ ἂν ἡμέρᾳ ἀκούσῃ πάσας τὰς εὐχὰς αὐτῆς καὶ τοὺς ὁρισμούς, οὓς ὡρίσατο κατὰ τῆς ψυχῆς αὐτῆς, οὐ στήσονται· καὶ κύριος καθαριεῖ αὐτήν, ὅτι ἀνένευσεν ὁ πατὴρ αὐτῆς.

eàn dè ananeúōn ananeúsēi ho patḕr autē̂s, hē̂i àn hēmérāi akoúsēi pásas tàs euchàs autē̂s kaì toùs horismoús, hoùs hōrísato katà tē̂s psychē̂s autē̂s, ou stḗsontai: kaì kýrios katharieî autḗn, hóti anéneusen ho patḕr autē̂s.
7
ἐὰν δὲ γενομένη γένηται ἀνδρὶ καὶ αἱ εὐχαὶ αὐτῆς ἐπ’ αὐτῇ κατὰ τὴν διαστολὴν τῶν χειλέων αὐτῆς, οὓς ὡρίσατο κατὰ τῆς ψυχῆς αὐτῆς,

eàn dè genoménē génētai andrì kaì hai euchaì autē̂s ep’ autē̂i katà tḕn diastolḕn tō̂n cheiléōn autē̂s, hoùs hōrísato katà tē̂s psychē̂s autē̂s,
8
καὶ ἀκούσῃ ὁ ἀνὴρ αὐτῆς καὶ παρασιωπήσῃ αὐτῇ, ᾗ ἂν ἡμέρᾳ ἀκούσῃ, καὶ οὕτως στήσονται πᾶσαι αἱ εὐχαὶ αὐτῆς, καὶ οἱ ὁρισμοὶ αὐτῆς, οὓς ὡρίσατο κατὰ τῆς ψυχῆς αὐτῆς, στήσονται.

kaì akoúsēi ho anḕr autē̂s kaì parasiōpḗsēi autē̂i, hē̂i àn hēmérāi akoúsēi, kaì hoútōs stḗsontai pâsai hai euchaì autē̂s, kaì hoi horismoì autē̂s, hoùs hōrísato katà tē̂s psychē̂s autē̂s, stḗsontai.
9
ἐὰν δὲ ἀνανεύων ἀνανεύσῃ ὁ ἀνὴρ αὐτῆς, ᾗ ἂν ἡμέρᾳ ἀκούσῃ, πᾶσαι αἱ εὐχαὶ αὐτῆς καὶ οἱ ὁρισμοὶ αὐτῆς, οὓς ὡρίσατο κατὰ τῆς ψυχῆς αὐτῆς, οὐ μενοῦσιν, ὅτι ὁ ἀνὴρ ἀνένευσεν ἀπ’ αὐτῆς, καὶ κύριος καθαριεῖ αὐτήν.

eàn dè ananeúōn ananeúsēi ho anḕr autē̂s, hē̂i àn hēmérāi akoúsēi, pâsai hai euchaì autē̂s kaì hoi horismoì autē̂s, hoùs hōrísato katà tē̂s psychē̂s autē̂s, ou menoûsin, hóti ho anḕr anéneusen ap’ autē̂s, kaì kýrios katharieî autḗn.
10
καὶ εὐχὴ χήρας καὶ ἐκβεβλημένης, ὅσα ἂν εὔξηται κατὰ τῆς ψυχῆς αὐτῆς, μενοῦσιν αὐτῇ.

kaì euchḕ chḗras kaì ekbeblēménēs, hósa àn eúxētai katà tē̂s psychē̂s autē̂s, menoûsin autē̂i.
11
ἐὰν δὲ ἐν τῷ οἴκῳ τοῦ ἀνδρὸς αὐτῆς ἡ εὐχὴ αὐτῆς ἢ ὁ ὁρισμὸς κατὰ τῆς ψυχῆς αὐτῆς μεθ’ ὅρκου

eàn dè en tō̂i oíkōi toû andròs autē̂s hē euchḕ autē̂s ḕ ho horismòs katà tē̂s psychē̂s autē̂s meth’ hórkou
12
καὶ ἀκούσῃ ὁ ἀνὴρ αὐτῆς καὶ παρασιωπήσῃ αὐτῇ καὶ μὴ ἀνανεύσῃ αὐτῇ, καὶ στήσονται πᾶσαι αἱ εὐχαὶ αὐτῆς, καὶ πάντες οἱ ὁρισμοὶ αὐτῆς, οὓς ὡρίσατο κατὰ τῆς ψυχῆς αὐτῆς, στήσονται κατ’ αὐτῆς.

kaì akoúsēi ho anḕr autē̂s kaì parasiōpḗsēi autē̂i kaì mḕ ananeúsēi autē̂i, kaì stḗsontai pâsai hai euchaì autē̂s, kaì pántes hoi horismoì autē̂s, hoùs hōrísato katà tē̂s psychē̂s autē̂s, stḗsontai kat’ autē̂s.
13
ἐὰν δὲ περιελὼν περιέλῃ ὁ ἀνὴρ αὐτῆς, ᾗ ἂν ἡμέρᾳ ἀκούσῃ πάντα, ὅσα ἐὰν ἐξέλθῃ ἐκ τῶν χειλέων αὐτῆς κατὰ τὰς εὐχὰς αὐτῆς καὶ κατὰ τοὺς ὁρισμοὺς τοὺς κατὰ τῆς ψυχῆς αὐτῆς, οὐ μενεῖ αὐτῇ· ὁ ἀνὴρ αὐτῆς περιεῖλεν, καὶ κύριος καθαρίσει αὐτήν.

eàn dè perielṑn periélēi ho anḕr autē̂s, hē̂i àn hēmérāi akoúsēi pánta, hósa eàn exélthēi ek tō̂n cheiléōn autē̂s katà tàs euchàs autē̂s kaì katà toùs horismoùs toùs katà tē̂s psychē̂s autē̂s, ou meneî autē̂i: ho anḕr autē̂s perieîlen, kaì kýrios katharísei autḗn.
14
πᾶσα εὐχὴ καὶ πᾶς ὅρκος δεσμοῦ κακῶσαι ψυχήν, ὁ ἀνὴρ αὐτῆς στήσει αὐτῇ καὶ ὁ ἀνὴρ αὐτῆς περιελεῖ.

pâsa euchḕ kaì pâs hórkos desmoû kakō̂sai psychḗn, ho anḕr autē̂s stḗsei autē̂i kaì ho anḕr autē̂s perieleî.
15
ἐὰν δὲ σιωπῶν παρασιωπήσῃ αὐτῇ ἡμέραν ἐξ ἡμέρας, καὶ στήσει αὐτῇ πάσας τὰς εὐχὰς αὐτῆς, καὶ τοὺς ὁρισμοὺς τοὺς ἐπ’ αὐτῆς στήσει αὐτῇ, ὅτι ἐσιώπησεν αὐτῇ τῇ ἡμέρᾳ, ᾗ ἤκουσεν.

eàn dè siōpō̂n parasiōpḗsēi autē̂i hēméran ex hēméras, kaì stḗsei autē̂i pásas tàs euchàs autē̂s, kaì toùs horismoùs toùs ep’ autē̂s stḗsei autē̂i, hóti esiṓpēsen autē̂i tē̂i hēmérāi, hē̂i ḗkousen.
16
ἐὰν δὲ περιελὼν περιέλῃ αὐτῆς μετὰ τὴν ἡμέραν, ἣν ἤκουσεν, καὶ λήμψεται τὴν ἁμαρτίαν αὐτοῦ.

eàn dè perielṑn periélēi autē̂s metà tḕn hēméran, hḕn ḗkousen, kaì lḗmpsetai tḕn hamartían autoû.
17
ταῦτα τὰ δικαιώματα, ὅσα ἐνετείλατο κύριος τῷ Μωυσῇ ἀνὰ μέσον ἀνδρὸς καὶ γυναικὸς αὐτοῦ καὶ ἀνὰ μέσον πατρὸς καὶ θυγατρὸς ἐν νεότητι ἐν οἴκῳ πατρός.

taûta tà dikaiṓmata, hósa eneteílato kýrios tō̂i Mōysē̂i anà méson andròs kaì gynaikòs autoû kaì anà méson patròs kaì thygatròs en neótēti en oíkōi patrós.