Bibles in ancient languages
Old translations
Modern translations

Septante Numbers 35

Pentateuch
Historical books
Poetical Writings
Prophetic Books
Chapter
Verses
1
Καὶ ἐλάλησεν κύριος πρὸς Μωυσῆν ἐπὶ δυσμῶν Μωαβ παρὰ τὸν Ιορδάνην κατὰ Ιεριχω λέγων

Kaì elálēsen kýrios pròs Mōysē̂n epì dysmō̂n Mōab parà tòn Iordánēn katà Ierichō légōn

2
Σύνταξον τοῖς υἱοῖς Ισραηλ καὶ δώσουσιν τοῖς Λευίταις ἀπὸ τῶν κλήρων κατασχέσεως αὐτῶν πόλεις κατοικεῖν καὶ τὰ προάστεια τῶν πόλεων κύκλῳ αὐτῶν δώσουσιν τοῖς Λευίταις,

Sýntaxon toîs hyioîs Israēl kaì dṓsousin toîs Leuítais apò tō̂n klḗrōn kataschéseōs autō̂n póleis katoikeîn kaì tà proásteia tō̂n póleōn kýklōi autō̂n dṓsousin toîs Leuítais,

3
καὶ ἔσονται αὐτοῖς αἱ πόλεις κατοικεῖν, καὶ τὰ ἀϕορίσματα αὐτῶν ἔσται τοῖς κτήνεσιν αὐτῶν καὶ πᾶσι τοῖς τετράποσιν αὐτῶν.

kaì ésontai autoîs hai póleis katoikeîn, kaì tà aphorísmata autō̂n éstai toîs ktḗnesin autō̂n kaì pâsi toîs tetráposin autō̂n.

4
καὶ τὰ συγκυροῦντα τῶν πόλεων, ἃς δώσετε τοῖς Λευίταις, ἀπὸ τείχους τῆς πόλεως καὶ ἔξω δισχιλίους πήχεις κύκλῳ·

kaì tà synkyroûnta tō̂n póleōn, hàs dṓsete toîs Leuítais, apò teíchous tē̂s póleōs kaì éxō dischilíous pḗcheis kýklōi:

5
καὶ μετρήσεις ἔξω τῆς πόλεως τὸ κλίτος τὸ πρὸς ἀνατολὰς δισχιλίους πήχεις καὶ τὸ κλίτος τὸ πρὸς λίβα δισχιλίους πήχεις καὶ τὸ κλίτος τὸ πρὸς θάλασσαν δισχιλίους πήχεις καὶ τὸ κλίτος τὸ πρὸς βορρᾶν δισχιλίους πήχεις, καὶ ἡ πόλις μέσον τούτου ἔσται ὑμῖν καὶ τὰ ὅμορα τῶν πόλεων.

kaì metrḗseis éxō tē̂s póleōs tò klítos tò pròs anatolàs dischilíous pḗcheis kaì tò klítos tò pròs líba dischilíous pḗcheis kaì tò klítos tò pròs thálassan dischilíous pḗcheis kaì tò klítos tò pròs borrân dischilíous pḗcheis, kaì hē pólis méson toútou éstai hymîn kaì tà hómora tō̂n póleōn.

6
καὶ τὰς πόλεις δώσετε τοῖς Λευίταις, τὰς ἓξ πόλεις τῶν ϕυγαδευτηρίων, ἃς δώσετε ϕεύγειν ἐκεῖ τῷ ϕονεύσαντι, καὶ πρὸς ταύταις τεσσαράκοντα καὶ δύο πόλεις·

kaì tàs póleis dṓsete toîs Leuítais, tàs hèx póleis tō̂n phygadeutēríōn, hàs dṓsete pheúgein ekeî tō̂i phoneúsanti, kaì pròs taútais tessarákonta kaì dýo póleis:

7
πάσας τὰς πόλεις δώσετε τοῖς Λευίταις, τεσσαράκοντα καὶ ὀκτὼ πόλεις, ταύτας καὶ τὰ προάστεια αὐτῶν.

pásas tàs póleis dṓsete toîs Leuítais, tessarákonta kaì oktṑ póleis, taútas kaì tà proásteia autō̂n.

8
καὶ τὰς πόλεις, ἃς δώσετε ἀπὸ τῆς κατασχέσεως υἱῶν Ισραηλ, ἀπὸ τῶν τὰ πολλὰ πολλὰ καὶ ἀπὸ τῶν ἐλαττόνων ἐλάττω· ἕκαστος κατὰ τὴν κληρονομίαν αὐτοῦ, ἣν κληρονομήσουσιν, δώσουσιν ἀπὸ τῶν πόλεων τοῖς Λευίταις.

kaì tàs póleis, hàs dṓsete apò tē̂s kataschéseōs hyiō̂n Israēl, apò tō̂n tà pollà pollà kaì apò tō̂n elattónōn eláttō: hékastos katà tḕn klēronomían autoû, hḕn klēronomḗsousin, dṓsousin apò tō̂n póleōn toîs Leuítais.

9
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn

10
Λάλησον τοῖς υἱοῖς Ισραηλ καὶ ἐρεῖς πρὸς αὐτούς ‘Υμεῖς διαβαίνετε τὸν Ιορδάνην εἰς γῆν Χανααν

Lálēson toîs hyioîs Israēl kaì ereîs pròs autoús ‘Ymeîs diabaínete tòn Iordánēn eis gē̂n Chanaan

11
καὶ διαστελεῖτε ὑμῖν αὐτοῖς πόλεις· ϕυγαδευτήρια ἔσται ὑμῖν ϕυγεῖν ἐκεῖ τὸν ϕονευτήν, πᾶς ὁ πατάξας ψυχὴν ἀκουσίως.

kaì diasteleîte hymîn autoîs póleis: phygadeutḗria éstai hymîn phygeîn ekeî tòn phoneutḗn, pâs ho patáxas psychḕn akousíōs.

12
καὶ ἔσονται αἱ πόλεις ὑμῖν ϕυγαδευτήρια ἀπὸ ἀγχιστεύοντος τὸ αἷμα, καὶ οὐ μὴ ἀποθάνῃ ὁ ϕονεύων, ἕως ἂν στῇ ἔναντι τῆς συναγωγῆς εἰς κρίσιν.

kaì ésontai hai póleis hymîn phygadeutḗria apò anchisteúontos tò haîma, kaì ou mḕ apothánēi ho phoneúōn, héōs àn stē̂i énanti tē̂s synagōgē̂s eis krísin.

13
καὶ αἱ πόλεις, ἃς δώσετε, τὰς ἓξ πόλεις, ϕυγαδευτήρια ἔσονται ὑμῖν·

kaì hai póleis, hàs dṓsete, tàs hèx póleis, phygadeutḗria ésontai hymîn:

14
τὰς τρεῖς πόλεις δώσετε ἐν τῷ πέραν τοῦ Ιορδάνου καὶ τὰς τρεῖς πόλεις δώσετε ἐν γῇ Χανααν·

tàs treîs póleis dṓsete en tō̂i péran toû Iordánou kaì tàs treîs póleis dṓsete en gē̂i Chanaan:

15
ϕυγάδιον ἔσται τοῖς υἱοῖς Ισραηλ, καὶ τῷ προσηλύτῳ καὶ τῷ παροίκῳ τῷ ἐν ὑμῖν ἔσονται αἱ πόλεις αὗται εἰς ϕυγαδευτήριον ϕυγεῖν ἐκεῖ παντὶ πατάξαντι ψυχὴν ἀκουσίως.

phygádion éstai toîs hyioîs Israēl, kaì tō̂i prosēlýtōi kaì tō̂i paroíkōi tō̂i en hymîn ésontai hai póleis haûtai eis phygadeutḗrion phygeîn ekeî pantì patáxanti psychḕn akousíōs.

16
ἐὰν δὲ ἐν σκεύει σιδήρου πατάξῃ αὐτόν, καὶ τελευτήσῃ, ϕονευτής ἐστιν· θανάτῳ θανατούσθω ὁ ϕονευτής.

eàn dè en skeúei sidḗrou patáxēi autón, kaì teleutḗsēi, phoneutḗs estin: thanátōi thanatoústhō ho phoneutḗs.

17
ἐὰν δὲ ἐν λίθῳ ἐκ χειρός, ἐν ᾧ ἀποθανεῖται ἐν αὐτῷ, πατάξῃ αὐτόν, καὶ ἀποθάνῃ, ϕονευτής ἐστιν· θανάτῳ θανατούσθω ὁ ϕονευτής.

eàn dè en líthōi ek cheirós, en hō̂i apothaneîtai en autō̂i, patáxēi autón, kaì apothánēi, phoneutḗs estin: thanátōi thanatoústhō ho phoneutḗs.

18
ἐὰν δὲ ἐν σκεύει ξυλίνῳ ἐκ χειρός, ἐξ οὗ ἀποθανεῖται ἐν αὐτῷ, πατάξῃ αὐτόν, καὶ ἀποθάνῃ, ϕονευτής ἐστιν· θανάτῳ θανατούσθω ὁ ϕονευτής.

eàn dè en skeúei xylínōi ek cheirós, ex hoû apothaneîtai en autō̂i, patáxēi autón, kaì apothánēi, phoneutḗs estin: thanátōi thanatoústhō ho phoneutḗs.

19
ὁ ἀγχιστεύων τὸ αἷμα, οὗτος ἀποκτενεῖ τὸν ϕονεύσαντα· ὅταν συναντήσῃ αὐτῷ, οὗτος ἀποκτενεῖ αὐτόν.

ho anchisteúōn tò haîma, hoûtos apokteneî tòn phoneúsanta: hótan synantḗsēi autō̂i, hoûtos apokteneî autón.

20
ἐὰν δὲ δι’ ἔχθραν ὤσῃ αὐτὸν καὶ ἐπιρρίψῃ ἐπ’ αὐτὸν πᾶν σκεῦος ἐξ ἐνέδρου, καὶ ἀποθάνῃ,

eàn dè di’ échthran ṓsēi autòn kaì epirrípsēi ep’ autòn pân skeûos ex enédrou, kaì apothánēi,

21
ἢ διὰ μῆνιν ἐπάταξεν αὐτὸν τῇ χειρί, καὶ ἀποθάνῃ, θανάτῳ θανατούσθω ὁ πατάξας, ϕονευτής ἐστιν· θανάτῳ θανατούσθω ὁ ϕονεύων· ὁ ἀγχιστεύων τὸ αἷμα ἀποκτενεῖ τὸν ϕονεύσαντα ἐν τῷ συναντῆσαι αὐτῷ.

ḕ dià mē̂nin epátaxen autòn tē̂i cheirí, kaì apothánēi, thanátōi thanatoústhō ho patáxas, phoneutḗs estin: thanátōi thanatoústhō ho phoneúōn: ho anchisteúōn tò haîma apokteneî tòn phoneúsanta en tō̂i synantē̂sai autō̂i.

22
ἐὰν δὲ ἐξάπινα οὐ δι’ ἔχθραν ὤσῃ αὐτὸν ἢ ἐπιρρίψῃ ἐπ’ αὐτὸν πᾶν σκεῦος οὐκ ἐξ ἐνέδρου

eàn dè exápina ou di’ échthran ṓsēi autòn ḕ epirrípsēi ep’ autòn pân skeûos ouk ex enédrou

23
ἢ παντὶ λίθῳ, ἐν ᾧ ἀποθανεῖται ἐν αὐτῷ, οὐκ εἰδώς, καὶ ἐπιπέσῃ ἐπ’ αὐτόν, καὶ ἀποθάνῃ, αὐτὸς δὲ οὐκ ἐχθρὸς αὐτοῦ ἦν οὐδὲ ζητῶν κακοποιῆσαι αὐτόν,

ḕ pantì líthōi, en hō̂i apothaneîtai en autō̂i, ouk eidṓs, kaì epipésēi ep’ autón, kaì apothánēi, autòs dè ouk echthròs autoû ē̂n oudè zētō̂n kakopoiē̂sai autón,

24
καὶ κρινεῖ ἡ συναγωγὴ ἀνὰ μέσον τοῦ πατάξαντος καὶ ἀνὰ μέσον τοῦ ἀγχιστεύοντος τὸ αἷμα κατὰ τὰ κρίματα ταῦτα,

kaì krineî hē synagōgḕ anà méson toû patáxantos kaì anà méson toû anchisteúontos tò haîma katà tà krímata taûta,

25
καὶ ἐξελεῖται ἡ συναγωγὴ τὸν ϕονεύσαντα ἀπὸ τοῦ ἀγχιστεύοντος τὸ αἷμα, καὶ ἀποκαταστήσουσιν αὐτὸν ἡ συναγωγὴ εἰς τὴν πόλιν τοῦ ϕυγαδευτηρίου αὐτοῦ, οὗ κατέϕυγεν, καὶ κατοικήσει ἐκεῖ, ἕως ἂν ἀποθάνῃ ὁ ἱερεὺς ὁ μέγας, ὃν ἔχρισαν αὐτὸν τῷ ἐλαίῳ τῷ ἁγίῳ.

kaì exeleîtai hē synagōgḕ tòn phoneúsanta apò toû anchisteúontos tò haîma, kaì apokatastḗsousin autòn hē synagōgḕ eis tḕn pólin toû phygadeutēríou autoû, hoû katéphygen, kaì katoikḗsei ekeî, héōs àn apothánēi ho hiereùs ho mégas, hòn échrisan autòn tō̂i elaíōi tō̂i hagíōi.

26
ἐὰν δὲ ἐξόδῳ ἐξέλθῃ ὁ ϕονεύσας τὰ ὅρια τῆς πόλεως, εἰς ἣν κατέϕυγεν ἐκεῖ,

eàn dè exódōi exélthēi ho phoneúsas tà hória tē̂s póleōs, eis hḕn katéphygen ekeî,

27
καὶ εὕρῃ αὐτὸν ὁ ἀγχιστεύων τὸ αἷμα ἔξω τῶν ὁρίων τῆς πόλεως καταϕυγῆς αὐτοῦ καὶ ϕονεύσῃ ὁ ἀγχιστεύων τὸ αἷμα τὸν ϕονεύσαντα, οὐκ ἔνοχός ἐστιν·

kaì heúrēi autòn ho anchisteúōn tò haîma éxō tō̂n horíōn tē̂s póleōs kataphygē̂s autoû kaì phoneúsēi ho anchisteúōn tò haîma tòn phoneúsanta, ouk énochós estin:

28
ἐν γὰρ τῇ πόλει τῆς καταϕυγῆς κατοικείτω, ἕως ἂν ἀποθάνῃ ὁ ἱερεὺς ὁ μέγας, καὶ μετὰ τὸ ἀποθανεῖν τὸν ἱερέα τὸν μέγαν ἐπαναστραϕήσεται ὁ ϕονεύσας εἰς τὴν γῆν τῆς κατασχέσεως αὐτοῦ.

en gàr tē̂i pólei tē̂s kataphygē̂s katoikeítō, héōs àn apothánēi ho hiereùs ho mégas, kaì metà tò apothaneîn tòn hieréa tòn mégan epanastraphḗsetai ho phoneúsas eis tḕn gē̂n tē̂s kataschéseōs autoû.

29
καὶ ἔσται ταῦτα ὑμῖν εἰς δικαίωμα κρίματος εἰς τὰς γενεὰς ὑμῶν ἐν πάσαις ταῖς κατοικίαις ὑμῶν.

kaì éstai taûta hymîn eis dikaíōma krímatos eis tàs geneàs hymō̂n en pásais taîs katoikíais hymō̂n.

30
πᾶς πατάξας ψυχήν, διὰ μαρτύρων ϕονεύσεις τὸν ϕονεύσαντα, καὶ μάρτυς εἷς οὐ μαρτυρήσει ἐπὶ ψυχὴν ἀποθανεῖν.

pâs patáxas psychḗn, dià martýrōn phoneúseis tòn phoneúsanta, kaì mártys heîs ou martyrḗsei epì psychḕn apothaneîn.

31
καὶ οὐ λήμψεσθε λύτρα περὶ ψυχῆς παρὰ τοῦ ϕονεύσαντος τοῦ ἐνόχου ὄντος ἀναιρεθῆναι· θανάτῳ γὰρ θανατωθήσεται.

kaì ou lḗmpsesthe lýtra perì psychē̂s parà toû phoneúsantos toû enóchou óntos anairethē̂nai: thanátōi gàr thanatōthḗsetai.

32
οὐ λήμψεσθε λύτρα τοῦ ϕυγεῖν εἰς πόλιν τῶν ϕυγαδευτηρίων τοῦ πάλιν κατοικεῖν ἐπὶ τῆς γῆς, ἕως ἂν ἀποθάνῃ ὁ ἱερεὺς ὁ μέγας.

ou lḗmpsesthe lýtra toû phygeîn eis pólin tō̂n phygadeutēríōn toû pálin katoikeîn epì tē̂s gē̂s, héōs àn apothánēi ho hiereùs ho mégas.

33
καὶ οὐ μὴ ϕονοκτονήσητε τὴν γῆν, εἰς ἣν ὑμεῖς κατοικεῖτε· τὸ γὰρ αἷμα τοῦτο ϕονοκτονεῖ τὴν γῆν, καὶ οὐκ ἐξιλασθήσεται ἡ γῆ ἀπὸ τοῦ αἵματος τοῦ ἐκχυθέντος ἐπ’ αὐτῆς, ἀλλ’ ἐπὶ τοῦ αἵματος τοῦ ἐκχέοντος.

kaì ou mḕ phonoktonḗsēte tḕn gē̂n, eis hḕn hymeîs katoikeîte: tò gàr haîma toûto phonoktoneî tḕn gē̂n, kaì ouk exilasthḗsetai hē gē̂ apò toû haímatos toû ekchythéntos ep’ autē̂s, all’ epì toû haímatos toû ekchéontos.

34
καὶ οὐ μιανεῖτε τὴν γῆν, ἐϕ’ ἧς κατοικεῖτε ἐπ’ αὐτῆς, ἐϕ’ ἧς ἐγὼ κατασκηνώσω ἐν ὑμῖν· ἐγὼ γάρ εἰμι κύριος κατασκηνῶν ἐν μέσῳ τῶν υἱῶν Ισραηλ.

kaì ou mianeîte tḕn gē̂n, eph’ hē̂s katoikeîte ep’ autē̂s, eph’ hē̂s egṑ kataskēnṓsō en hymîn: egṑ gár eimi kýrios kataskēnō̂n en mésōi tō̂n hyiō̂n Israēl.