Bibles in ancient languages
Old translations
Modern translations

Septante Proverbs 26

Pentateuch
Historical books
Poetical Writings
Prophetic Books
Chapter
Verses
1
ὥσπερ δρόσος ἐν ἀμήτῳ καὶ ὥσπερ ὑετὸς ἐν θέρει, οὕτως οὐκ ἔστιν ἄϕρονι τιμή.

hṓsper drósos en amḗtōi kaì hṓsper hyetòs en thérei, hoútōs ouk éstin áphroni timḗ.

2
ὥσπερ ὄρνεα πέταται καὶ στρουθοί, οὕτως ἀρὰ ματαία οὐκ ἐπελεύσεται οὐδενί.

hṓsper órnea pétatai kaì strouthoí, hoútōs arà mataía ouk epeleúsetai oudení.

3
ὥσπερ μάστιξ ἵππῳ καὶ κέντρον ὄνῳ, οὕτως ῥάβδος ἔθνει παρανόμῳ.

hṓsper mástix híppōi kaì kéntron ónōi, hoútōs rhábdos éthnei paranómōi.

4
μὴ ἀποκρίνου ἄϕρονι πρὸς τὴν ἐκείνου ἀϕροσύνην, ἵνα μὴ ὅμοιος γένῃ αὐτῷ·

mḕ apokrínou áphroni pròs tḕn ekeínou aphrosýnēn, hína mḕ hómoios génēi autō̂i:

5
ἀλλὰ ἀποκρίνου ἄϕρονι κατὰ τὴν ἀϕροσύνην αὐτοῦ, ἵνα μὴ ϕαίνηται σοϕὸς παρ’ ἑαυτῷ.

allà apokrínou áphroni katà tḕn aphrosýnēn autoû, hína mḕ phaínētai sophòs par’ heautō̂i.

6
ἐκ τῶν ἑαυτοῦ ποδῶν ὄνειδος πίεται ὁ ἀποστείλας δι’ ἀγγέλου ἄϕρονος λόγον.

ek tō̂n heautoû podō̂n óneidos píetai ho aposteílas di’ angélou áphronos lógon.

7
ἀϕελοῦ πορείαν σκελῶν καὶ παροιμίαν ἐκ στόματος ἀϕρόνων.

apheloû poreían skelō̂n kaì paroimían ek stómatos aphrónōn.

8
ὃς ἀποδεσμεύει λίθον ἐν σϕενδόνῃ, ὅμοιός ἐστιν τῷ διδόντι ἄϕρονι δόξαν.

hòs apodesmeúei líthon en sphendónēi, hómoiós estin tō̂i didónti áphroni dóxan.

9
ἄκανθαι ϕύονται ἐν χειρὶ τοῦ μεθύσου, δουλεία δὲ ἐν χειρὶ τῶν ἀϕρόνων.

ákanthai phýontai en cheirì toû methýsou, douleía dè en cheirì tō̂n aphrónōn.

10
πολλὰ χειμάζεται πᾶσα σὰρξ ἀϕρόνων· συντρίβεται γὰρ ἡ ἔκστασις αὐτῶν.

pollà cheimázetai pâsa sàrx aphrónōn: syntríbetai gàr hē ékstasis autō̂n.

11
ὥσπερ κύων ὅταν ἐπέλθῃ ἐπὶ τὸν ἑαυτοῦ ἔμετον καὶ μισητὸς γένηται, οὕτως ἄϕρων τῇ ἑαυτοῦ κακίᾳ ἀναστρέψας ἐπὶ τὴν ἑαυτοῦ ἁμαρτίαν.

hṓsper kýōn hótan epélthēi epì tòn heautoû émeton kaì misētòs génētai, hoútōs áphrōn tē̂i heautoû kakíāi anastrépsas epì tḕn heautoû hamartían.

11A
ἔστιν αἰσχύνη ἐπάγουσα ἁμαρτίαν, καὶ ἔστιν αἰσχύνη δόξα καὶ χάρις.

éstin aischýnē epágousa hamartían, kaì éstin aischýnē dóxa kaì cháris.

12
εἶδον ἄνδρα δόξαντα παρ’ ἑαυτῷ σοϕὸν εἶναι, ἐλπίδα μέντοι ἔσχεν μᾶλλον ἄϕρων αὐτοῦ.

eîdon ándra dóxanta par’ heautō̂i sophòn eînai, elpída méntoi éschen mâllon áphrōn autoû.

13
λέγει ὀκνηρὸς ἀποστελλόμενος εἰς ὁδόν Λέων ἐν ταῖς ὁδοῖς.

légei oknēròs apostellómenos eis hodón Léōn en taîs hodoîs.

14
ὥσπερ θύρα στρέϕεται ἐπὶ τοῦ στρόϕιγγος, οὕτως ὀκνηρὸς ἐπὶ τῆς κλίνης αὐτοῦ.

hṓsper thýra stréphetai epì toû stróphingos, hoútōs oknēròs epì tē̂s klínēs autoû.

15
κρύψας ὀκνηρὸς τὴν χεῖρα ἐν τῷ κόλπῳ αὐτοῦ οὐ δυνήσεται ἐπενεγκεῖν ἐπὶ τὸ στόμα.

krýpsas oknēròs tḕn cheîra en tō̂i kólpōi autoû ou dynḗsetai epenenkeîn epì tò stóma.

16
σοϕώτερος ἑαυτῷ ὀκνηρὸς ϕαίνεται τοῦ ἐν πλησμονῇ ἀποκομίζοντος ἀγγελίαν.

sophṓteros heautō̂i oknēròs phaínetai toû en plēsmonē̂i apokomízontos angelían.

17
ὥσπερ ὁ κρατῶν κέρκου κυνός, οὕτως ὁ προεστὼς ἀλλοτρίας κρίσεως.

hṓsper ho kratō̂n kérkou kynós, hoútōs ho proestṑs allotrías kríseōs.

18
ὥσπερ οἱ ἰώμενοι προβάλλουσιν λόγους εἰς ἀνθρώπους, ὁ δὲ ἀπαντήσας τῷ λόγῳ πρῶτος ὑποσκελισθήσεται,

hṓsper hoi iṓmenoi probállousin lógous eis anthrṓpous, ho dè apantḗsas tō̂i lógōi prō̂tos hyposkelisthḗsetai,

19
οὕτως πάντες οἱ ἐνεδρεύοντες τοὺς ἑαυτῶν ϕίλους, ὅταν δὲ ϕωραθῶσιν, λέγουσιν ὅτι Παίζων ἔπραξα.

hoútōs pántes hoi enedreúontes toùs heautō̂n phílous, hótan dè phōrathō̂sin, légousin hóti Paízōn épraxa.

20
ἐν πολλοῖς ξύλοις θάλλει πῦρ, ὅπου δὲ οὐκ ἔστιν δίθυμος, ἡσυχάζει μάχη.

en polloîs xýlois thállei pŷr, hópou dè ouk éstin díthymos, hēsycházei máchē.

21
ἐσχάρα ἄνθραξιν καὶ ξύλα πυρί, ἀνὴρ δὲ λοίδορος εἰς ταραχὴν μάχης.

eschára ánthraxin kaì xýla pyrí, anḕr dè loídoros eis tarachḕn máchēs.

22
λόγοι κερκώπων μαλακοί, οὗτοι δὲ τύπτουσιν εἰς ταμίεια σπλάγχνων.

lógoi kerkṓpōn malakoí, hoûtoi dè týptousin eis tamíeia splánchnōn.

23
ἀργύριον διδόμενον μετὰ δόλου ὥσπερ ὄστρακον ἡγητέον. χείλη λεῖα καρδίαν καλύπτει λυπηράν.

argýrion didómenon metà dólou hṓsper óstrakon hēgētéon. cheílē leîa kardían kalýptei lypērán.

24
χείλεσιν πάντα ἐπινεύει ἀποκλαιόμενος ἐχθρός, ἐν δὲ τῇ καρδίᾳ τεκταίνεται δόλους·

cheílesin pánta epineúei apoklaiómenos echthrós, en dè tē̂i kardíāi tektaínetai dólous:

25
ἐάν σου δέηται ὁ ἐχθρὸς μεγάλῃ τῇ ϕωνῇ, μὴ πεισθῇς· ἑπτὰ γάρ εἰσιν πονηρίαι ἐν τῇ ψυχῇ αὐτοῦ.

eán sou déētai ho echthròs megálēi tē̂i phōnē̂i, mḕ peisthē̂is: heptà gár eisin ponēríai en tē̂i psychē̂i autoû.

26
ὁ κρύπτων ἔχθραν συνίστησιν δόλον, ἐκκαλύπτει δὲ τὰς ἑαυτοῦ ἁμαρτίας εὔγνωστος ἐν συνεδρίοις.

ho krýptōn échthran synístēsin dólon, ekkalýptei dè tàs heautoû hamartías eúgnōstos en synedríois.

27
ὁ ὀρύσσων βόθρον τῷ πλησίον ἐμπεσεῖται εἰς αὐτόν, ὁ δὲ κυλίων λίθον ἐϕ’ ἑαυτὸν κυλίει.

ho orýssōn bóthron tō̂i plēsíon empeseîtai eis autón, ho dè kylíōn líthon eph’ heautòn kylíei.

28
γλῶσσα ψευδὴς μισεῖ ἀλήθειαν, στόμα δὲ ἄστεγον ποιεῖ ἀκαταστασίας.

glō̂ssa pseudḕs miseî alḗtheian, stóma dè ástegon poieî akatastasías.