Bibles in ancient languages
Old translations
Modern translations

Septante Psalms 67

Pentateuch
Historical books
Poetical Writings
Prophetic Books
Chapter
Verses
1
Εἰς τὸ τέλος· τῷ Δαυιδ ψαλμὸς ᾠδῆς.

Eis tò télos: tō̂i Dauid psalmòs ōidē̂s.

2
’Αναστήτω ὁ θεός, καὶ διασκορπισθήτωσαν οἱ ἐχθροὶ αὐτοῦ, καὶ ϕυγέτωσαν οἱ μισοῦντες αὐτὸν ἀπὸ προσώπου αὐτοῦ.

’Anastḗtō ho theós, kaì diaskorpisthḗtōsan hoi echthroì autoû, kaì phygétōsan hoi misoûntes autòn apò prosṓpou autoû.

3
ὡς ἐκλείπει καπνός, ἐκλιπέτωσαν· ὡς τήκεται κηρὸς ἀπὸ προσώπου πυρός, οὕτως ἀπόλοιντο οἱ ἁμαρτωλοὶ ἀπὸ προσώπου τοῦ θεοῦ.

hōs ekleípei kapnós, eklipétōsan: hōs tḗketai kēròs apò prosṓpou pyrós, hoútōs apólointo hoi hamartōloì apò prosṓpou toû theoû.

4
καὶ οἱ δίκαιοι εὐϕρανθήτωσαν, ἀγαλλιάσθωσαν ἐνώπιον τοῦ θεοῦ, τερϕθήτωσαν ἐν εὐϕροσύνῃ.

kaì hoi díkaioi euphranthḗtōsan, agalliásthōsan enṓpion toû theoû, terphthḗtōsan en euphrosýnēi.

5
ᾄσατε τῷ θεῷ, ψάλατε τῷ ὀνόματι αὐτοῦ· ὁδοποιήσατε τῷ ἐπιβεβηκότι ἐπὶ δυσμῶν, κύριος ὄνομα αὐτῷ, καὶ ἀγαλλιᾶσθε ἐνώπιον αὐτοῦ. ταραχθήσονται ἀπὸ προσώπου αὐτοῦ,

ā́isate tō̂i theō̂i, psálate tō̂i onómati autoû: hodopoiḗsate tō̂i epibebēkóti epì dysmō̂n, kýrios ónoma autō̂i, kaì agalliâsthe enṓpion autoû. tarachthḗsontai apò prosṓpou autoû,

6
τοῦ πατρὸς τῶν ὀρϕανῶν καὶ κριτοῦ τῶν χηρῶν· ὁ θεὸς ἐν τόπῳ ἁγίῳ αὐτοῦ.

toû patròs tō̂n orphanō̂n kaì kritoû tō̂n chērō̂n: ho theòs en tópōi hagíōi autoû.

7
ὁ θεὸς κατοικίζει μονοτρόπους ἐν οἴκῳ ἐξάγων πεπεδημένους ἐν ἀνδρείᾳ, ὁμοίως τοὺς παραπικραίνοντας τοὺς κατοικοῦντας ἐν τάϕοις.

ho theòs katoikízei monotrópous en oíkōi exágōn pepedēménous en andreíāi, homoíōs toùs parapikraínontas toùs katoikoûntas en táphois.

8
ὁ θεός, ἐν τῷ ἐκπορεύεσθαί σε ἐνώπιον τοῦ λαοῦ σου, ἐν τῷ διαβαίνειν σε ἐν τῇ ἐρήμῳ διάψαλμα

ho theós, en tō̂i ekporeúesthaí se enṓpion toû laoû sou, en tō̂i diabaínein se en tē̂i erḗmōi diápsalma

9
γῆ ἐσείσθη, καὶ γὰρ οἱ οὐρανοὶ ἔσταξαν, ἀπὸ προσώπου τοῦ θεοῦ τοῦτο Σινα, ἀπὸ προσώπου τοῦ θεοῦ Ισραηλ.

gē̂ eseísthē, kaì gàr hoi ouranoì éstaxan, apò prosṓpou toû theoû toûto Sina, apò prosṓpou toû theoû Israēl.

10
βροχὴν ἑκούσιον ἀϕοριεῖς, ὁ θεός, τῇ κληρονομίᾳ σου, καὶ ἠσθένησεν, σὺ δὲ κατηρτίσω αὐτήν.

brochḕn hekoúsion aphorieîs, ho theós, tē̂i klēronomíāi sou, kaì ēsthénēsen, sỳ dè katērtísō autḗn.

11
τὰ ζῷά σου κατοικοῦσιν ἐν αὐτῇ· ἡτοίμασας ἐν τῇ χρηστότητί σου τῷ πτωχῷ, ὁ θεός.

tà zō̂iá sou katoikoûsin en autē̂i: hētoímasas en tē̂i chrēstótētí sou tō̂i ptōchō̂i, ho theós.

12
κύριος δώσει ῥῆμα τοῖς εὐαγγελιζομένοις δυνάμει πολλῇ,

kýrios dṓsei rhē̂ma toîs euangelizoménois dynámei pollē̂i,

13
ὁ βασιλεὺς τῶν δυνάμεων τοῦ ἀγαπητοῦ, καὶ ὡραιότητι τοῦ οἴκου διελέσθαι σκῦλα.

ho basileùs tō̂n dynámeōn toû agapētoû, kaì hōraiótēti toû oíkou dielésthai skŷla.

14
ἐὰν κοιμηθῆτε ἀνὰ μέσον τῶν κλήρων, πτέρυγες περιστερᾶς περιηργυρωμέναι, καὶ τὰ μετάϕρενα αὐτῆς ἐν χλωρότητι χρυσίου. διάψαλμα.

eàn koimēthē̂te anà méson tō̂n klḗrōn, ptéryges peristerâs periērgyrōménai, kaì tà metáphrena autē̂s en chlōrótēti chrysíou. diápsalma.

15
ἐν τῷ διαστέλλειν τὸν ἐπουράνιον βασιλεῖς ἐπ’ αὐτῆς χιονωθήσονται ἐν Σελμων.

en tō̂i diastéllein tòn epouránion basileîs ep’ autē̂s chionōthḗsontai en Selmōn.

16
ὄρος τοῦ θεοῦ ὄρος πῖον, ὄρος τετυρωμένον, ὄρος πῖον.

óros toû theoû óros pîon, óros tetyrōménon, óros pîon.

17
ἵνα τί ὑπολαμβάνετε, ὄρη τετυρωμένα, τὸ ὄρος, ὃ εὐδόκησεν ὁ θεὸς κατοικεῖν ἐν αὐτῷ; καὶ γὰρ ὁ κύριος κατασκηνώσει εἰς τέλος.

hína tí hypolambánete, órē tetyrōména, tò óros, hò eudókēsen ho theòs katoikeîn en autō̂i? kaì gàr ho kýrios kataskēnṓsei eis télos.

18
τὸ ἅρμα τοῦ θεοῦ μυριοπλάσιον, χιλιάδες εὐθηνούντων· ὁ κύριος ἐν αὐτοῖς ἐν Σινα ἐν τῷ ἁγίῳ.

tò hárma toû theoû myrioplásion, chiliádes euthēnoúntōn: ho kýrios en autoîs en Sina en tō̂i hagíōi.

19
ἀνέβης εἰς ὕψος, ᾐχμαλώτευσας αἰχμαλωσίαν, ἔλαβες δόματα ἐν ἀνθρώπῳ, καὶ γὰρ ἀπειθοῦντες τοῦ κατασκηνῶσαι. κύριος ὁ θεὸς εὐλογητός,

anébēs eis hýpsos, ēichmalṓteusas aichmalōsían, élabes dómata en anthrṓpōi, kaì gàr apeithoûntes toû kataskēnō̂sai. kýrios ho theòs eulogētós,

20
εὐλογητὸς κύριος ἡμέραν καθ’ ἡμέραν, κατευοδώσει ἡμῖν ὁ θεὸς τῶν σωτηρίων ἡμῶν. διάψαλμα.

eulogētòs kýrios hēméran kath’ hēméran, kateuodṓsei hēmîn ho theòs tō̂n sōtēríōn hēmō̂n. diápsalma.

21
ὁ θεὸς ἡμῶν θεὸς τοῦ σῴζειν, καὶ τοῦ κυρίου κυρίου αἱ διέξοδοι τοῦ θανάτου.

ho theòs hēmō̂n theòs toû sṓizein, kaì toû kyríou kyríou hai diéxodoi toû thanátou.

22
πλὴν ὁ θεὸς συνθλάσει κεϕαλὰς ἐχθρῶν αὐτοῦ, κορυϕὴν τριχὸς διαπορευομένων ἐν πλημμελείαις αὐτῶν.

plḕn ho theòs synthlásei kephalàs echthrō̂n autoû, koryphḕn trichòs diaporeuoménōn en plēmmeleíais autō̂n.

23
εἶπεν κύριος ’Εκ Βασαν ἐπιστρέψω, ἐπιστρέψω ἐν βυθοῖς θαλάσσης,

eîpen kýrios ’Ek Basan epistrépsō, epistrépsō en bythoîs thalássēs,

24
ὅπως ἂν βαϕῇ ὁ πούς σου ἐν αἵματι, ἡ γλῶσσα τῶν κυνῶν σου ἐξ ἐχθρῶν παρ’ αὐτοῦ.

hópōs àn baphē̂i ho poús sou en haímati, hē glō̂ssa tō̂n kynō̂n sou ex echthrō̂n par’ autoû.

25
ἐθεωρήθησαν αἱ πορεῖαί σου, ὁ θεός, αἱ πορεῖαι τοῦ θεοῦ μου τοῦ βασιλέως τοῦ ἐν τῷ ἁγίῳ.

etheōrḗthēsan hai poreîaí sou, ho theós, hai poreîai toû theoû mou toû basiléōs toû en tō̂i hagíōi.

26
προέϕθασαν ἄρχοντες ἐχόμενοι ψαλλόντων ἐν μέσῳ νεανίδων τυμπανιστριῶν.

proéphthasan árchontes echómenoi psallóntōn en mésōi neanídōn tympanistriō̂n.

27
ἐν ἐκκλησίαις εὐλογεῖτε τὸν θεόν, τὸν κύριον ἐκ πηγῶν Ισραηλ.

en ekklēsíais eulogeîte tòn theón, tòn kýrion ek pēgō̂n Israēl.

28
ἐκεῖ Βενιαμιν νεώτερος ἐν ἐκστάσει, ἄρχοντες Ιουδα ἡγεμόνες αὐτῶν, ἄρχοντες Ζαβουλων, ἄρχοντες Νεϕθαλι.

ekeî Beniamin neṓteros en ekstásei, árchontes Iouda hēgemónes autō̂n, árchontes Zaboulōn, árchontes Nephthali.

29
ἔντειλαι, ὁ θεός, τῇ δυνάμει σου, δυνάμωσον, ὁ θεός, τοῦτο, ὃ κατειργάσω ἡμῖν.

énteilai, ho theós, tē̂i dynámei sou, dynámōson, ho theós, toûto, hò kateirgásō hēmîn.

30
ἀπὸ τοῦ ναοῦ σου ἐπὶ Ιερουσαλημ σοὶ οἴσουσιν βασιλεῖς δῶρα.

apò toû naoû sou epì Ierousalēm soì oísousin basileîs dō̂ra.

31
ἐπιτίμησον τοῖς θηρίοις τοῦ καλάμου· ἡ συναγωγὴ τῶν ταύρων ἐν ταῖς δαμάλεσιν τῶν λαῶν τοῦ μὴ ἀποκλεισθῆναι τοὺς δεδοκιμασμένους τῷ ἀργυρίῳ· διασκόρπισον ἔθνη τὰ τοὺς πολέμους θέλοντα.

epitímēson toîs thēríois toû kalámou: hē synagōgḕ tō̂n taúrōn en taîs damálesin tō̂n laō̂n toû mḕ apokleisthē̂nai toùs dedokimasménous tō̂i argyríōi: diaskórpison éthnē tà toùs polémous thélonta.

32
ἥξουσιν πρέσβεις ἐξ Αἰγύπτου, Αἰθιοπία προϕθάσει χεῖρα αὐτῆς τῷ θεῷ.

hḗxousin présbeis ex Aigýptou, Aithiopía prophthásei cheîra autē̂s tō̂i theō̂i.

33
αἱ βασιλεῖαι τῆς γῆς, ᾄσατε τῷ θεῷ, ψάλατε τῷ κυρίῳ. διάψαλμα.

hai basileîai tē̂s gē̂s, ā́isate tō̂i theō̂i, psálate tō̂i kyríōi. diápsalma.

34
ψάλατε τῷ θεῷ τῷ ἐπιβεβηκότι ἐπὶ τὸν οὐρανὸν τοῦ οὐρανοῦ κατὰ ἀνατολάς· ἰδοὺ δώσει ἐν τῇ ϕωνῇ αὐτοῦ ϕωνὴν δυνάμεως.

psálate tō̂i theō̂i tō̂i epibebēkóti epì tòn ouranòn toû ouranoû katà anatolás: idoù dṓsei en tē̂i phōnē̂i autoû phōnḕn dynámeōs.

35
δότε δόξαν τῷ θεῷ· ἐπὶ τὸν Ισραηλ ἡ μεγαλοπρέπεια αὐτοῦ, καὶ ἡ δύναμις αὐτοῦ ἐν ταῖς νεϕέλαις.

dóte dóxan tō̂i theō̂i: epì tòn Israēl hē megaloprépeia autoû, kaì hē dýnamis autoû en taîs nephélais.

36
θαυμαστὸς ὁ θεὸς ἐν τοῖς ἁγίοις αὐτοῦ· ὁ θεὸς Ισραηλ αὐτὸς δώσει δύναμιν καὶ κραταίωσιν τῷ λαῷ αὐτοῦ. εὐλογητὸς ὁ θεός.

thaumastòs ho theòs en toîs hagíois autoû: ho theòs Israēl autòs dṓsei dýnamin kaì krataíōsin tō̂i laō̂i autoû. eulogētòs ho theós.