Bibles in ancient languages
Old translations
Modern translations

Septante Ecclésiaste 6

Pentateuch
Historical books
Poetical Writings
Prophetic Books
Chapter
Verses
1
Ἔστιν πονηρία, ἣν εἶδον ὑπὸ τὸν ἥλιον, καὶ πολλή ἐστιν ἐπὶ τὸν ἄνθρωπον·

Éstin ponēría, hḕn eîdon hypò tòn hḗlion, kaì pollḗ estin epì tòn ánthrōpon:
2
ἀνήρ, ᾧ δώσει αὐτῷ ὁ θεὸς πλοῦτον καὶ ὑπάρχοντα καὶ δόξαν, καὶ οὐκ ἔστιν ὑστερῶν τῇ ψυχῇ αὐτοῦ ἀπὸ πάντων, ὧν ἐπιθυμήσει, καὶ οὐκ ἐξουσιάσει αὐτῷ ὁ θεὸς τοῦ ϕαγεῖν ἀπ’ αὐτοῦ, ὅτι ἀνὴρ ξένος ϕάγεται αὐτόν· τοῦτο ματαιότης καὶ ἀρρωστία πονηρά ἐστιν.

anḗr, hō̂i dṓsei autō̂i ho theòs ploûton kaì hypárchonta kaì dóxan, kaì ouk éstin hysterō̂n tē̂i psychē̂i autoû apò pántōn, hō̂n epithymḗsei, kaì ouk exousiásei autō̂i ho theòs toû phageîn ap’ autoû, hóti anḕr xénos phágetai autón: toûto mataiótēs kaì arrōstía ponērá estin.
3
ἐὰν γεννήσῃ ἀνὴρ ἑκατὸν καὶ ἔτη πολλὰ ζήσεται, καὶ πλῆθος ὅ τι ἔσονται ἡμέραι ἐτῶν αὐτοῦ, καὶ ψυχὴ αὐτοῦ οὐκ ἐμπλησθήσεται ἀπὸ τῆς ἀγαθωσύνης, καί γε ταϕὴ οὐκ ἐγένετο αὐτῷ, εἶπα Ἀγαθὸν ὑπὲρ αὐτὸν τὸ ἔκτρωμα,

eàn gennḗsēi anḕr hekatòn kaì étē pollà zḗsetai, kaì plē̂thos hó ti ésontai hēmérai etō̂n autoû, kaì psychḕ autoû ouk emplēsthḗsetai apò tē̂s agathōsýnēs, kaí ge taphḕ ouk egéneto autō̂i, eîpa Agathòn hypèr autòn tò éktrōma,
4
ὅτι ἐν ματαιότητι ἦλθεν καὶ ἐν σκότει πορεύεται, καὶ ἐν σκότει ὄνομα αὐτοῦ καλυϕθήσεται,

hóti en mataiótēti ē̂lthen kaì en skótei poreúetai, kaì en skótei ónoma autoû kalyphthḗsetai,
5
καί γε ἥλιον οὐκ εἶδεν καὶ οὐκ ἔγνω, ἀνάπαυσις τούτῳ ὑπὲρ τοῦτον.

kaí ge hḗlion ouk eîden kaì ouk égnō, anápausis toútōi hypèr toûton.
6
καὶ εἰ ἔζησεν χιλίων ἐτῶν καθόδους καὶ ἀγαθωσύνην οὐκ εἶδεν, μὴ οὐκ εἰς τόπον ἕνα τὰ πάντα πορεύεται;

kaì ei ézēsen chilíōn etō̂n kathódous kaì agathōsýnēn ouk eîden, mḕ ouk eis tópon héna tà pánta poreúetai?
7
Πᾶς μόχθος τοῦ ἀνθρώπου εἰς στόμα αὐτοῦ, καί γε ἡ ψυχὴ οὐ πληρωθήσεται.

Pâs móchthos toû anthrṓpou eis stóma autoû, kaí ge hē psychḕ ou plērōthḗsetai.
8
ὅτι τίς περισσεία τῷ σοϕῷ ὑπὲρ τὸν ἄϕρονα; διότι ὁ πένης οἶδεν πορευθῆναι κατέναντι τῆς ζωῆς.

hóti tís perisseía tō̂i sophō̂i hypèr tòn áphrona? dióti ho pénēs oîden poreuthē̂nai katénanti tē̂s zōē̂s.
9
ἀγαθὸν ὅραμα ὀϕθαλμῶν ὑπὲρ πορευόμενον ψυχῇ. καί γε τοῦτο ματαιότης καὶ προαίρεσις πνεύματος.

agathòn hórama ophthalmō̂n hypèr poreuómenon psychē̂i. kaí ge toûto mataiótēs kaì proaíresis pneúmatos.
10
Εἴ τι ἐγένετο, ἤδη κέκληται ὄνομα αὐτοῦ, καὶ ἐγνώσθη ὅ ἐστιν ἄνθρωπος, καὶ οὐ δυνήσεται τοῦ κριθῆναι μετὰ τοῦ ἰσχυροῦ ὑπὲρ αὐτόν·

Eí ti egéneto, ḗdē kéklētai ónoma autoû, kaì egnṓsthē hó estin ánthrōpos, kaì ou dynḗsetai toû krithē̂nai metà toû ischyroû hypèr autón:
11
ὅτι εἰσὶν λόγοι πολλοὶ πληθύνοντες ματαιότητα. τί περισσὸν τῷ ἀνθρώπῳ;

hóti eisìn lógoi polloì plēthýnontes mataiótēta. tí perissòn tō̂i anthrṓpōi?
12
ὅτι τίς οἶδεν τί ἀγαθὸν τῷ ἀνθρώπῳ ἐν τῇ ζωῇ ἀριθμὸν ἡμερῶν ζωῆς ματαιότητος αὐτοῦ; καὶ ἐποίησεν αὐτὰς ἐν σκιᾷ· ὅτι τίς ἀπαγγελεῖ τῷ ἀνθρώπῳ τί ἔσται ὀπίσω αὐτοῦ ὑπὸ τὸν ἥλιον;

hóti tís oîden tí agathòn tō̂i anthrṓpōi en tē̂i zōē̂i arithmòn hēmerō̂n zōē̂s mataiótētos autoû? kaì epoíēsen autàs en skiā̂i: hóti tís apangeleî tō̂i anthrṓpōi tí éstai opísō autoû hypò tòn hḗlion?