Bibles in ancient languages
Old translations
Modern translations

Septante Sirach 11

Pentateuch
Historical books
Poetical Writings
Prophetic Books
Chapter
Verses
1
σοϕία ταπεινοῦ ἀνυψώσει κεϕαλὴν αὐτοῦ καὶ ἐν μέσῳ μεγιστάνων καθίσει αὐτόν.

sophía tapeinoû anypsṓsei kephalḕn autoû kaì en mésōi megistánōn kathísei autón.

2
Μὴ αἰνέσῃς ἄνδρα ἐν κάλλει αὐτοῦ καὶ μὴ βδελύξῃ ἄνθρωπον ἐν ὁράσει αὐτοῦ.

Mḕ ainésēis ándra en kállei autoû kaì mḕ bdelýxēi ánthrōpon en horásei autoû.

3
μικρὰ ἐν πετεινοῖς μέλισσα, καὶ ἀρχὴ γλυκασμάτων ὁ καρπὸς αὐτῆς.

mikrà en peteinoîs mélissa, kaì archḕ glykasmátōn ho karpòs autē̂s.

4
ἐν περιβολῇ ἱματίων μὴ καυχήσῃ καὶ ἐν ἡμέρᾳ δόξης μὴ ἐπαίρου· ὅτι θαυμαστὰ τὰ ἔργα κυρίου, καὶ κρυπτὰ τὰ ἔργα αὐτοῦ ἀνθρώποις.

en peribolē̂i himatíōn mḕ kauchḗsēi kaì en hēmérāi dóxēs mḕ epaírou: hóti thaumastà tà érga kyríou, kaì kryptà tà érga autoû anthrṓpois.

5
πολλοὶ τύραννοι ἐκάθισαν ἐπὶ ἐδάϕους, ὁ δὲ ἀνυπονόητος ἐϕόρεσεν διάδημα.

polloì týrannoi ekáthisan epì edáphous, ho dè anyponóētos ephóresen diádēma.

6
πολλοὶ δυνάσται ἠτιμάσθησαν σϕόδρα, καὶ ἔνδοξοι παρεδόθησαν εἰς χεῖρας ἑτέρων.

polloì dynástai ētimásthēsan sphódra, kaì éndoxoi paredóthēsan eis cheîras hetérōn.

7
Πρὶν ἐξετάσῃς, μὴ μέμψῃ· νόησον πρῶτον καὶ τότε ἐπιτίμα.

Prìn exetásēis, mḕ mémpsēi: nóēson prō̂ton kaì tóte epitíma.

8
πρὶν ἢ ἀκοῦσαι μὴ ἀποκρίνου καὶ ἐν μέσῳ λόγων μὴ παρεμβάλλου.

prìn ḕ akoûsai mḕ apokrínou kaì en mésōi lógōn mḕ parembállou.

9
περὶ πράγματος, οὗ οὐκ ἔστιν σοι χρεία, μὴ ἔριζε καὶ ἐν κρίσει ἁμαρτωλῶν μὴ συνέδρευε.

perì prágmatos, hoû ouk éstin soi chreía, mḕ érize kaì en krísei hamartōlō̂n mḕ synédreue.

10
Τέκνον, μὴ περὶ πολλὰ ἔστωσαν αἱ πράξεις σου· ἐὰν πληθύνῃς, οὐκ ἀθῳωθήσῃ· καὶ ἐὰν διώκῃς, οὐ μὴ καταλάβῃς· καὶ οὐ μὴ ἐκϕύγῃς διαδράς.

Téknon, mḕ perì pollà éstōsan hai práxeis sou: eàn plēthýnēis, ouk athōiōthḗsēi: kaì eàn diṓkēis, ou mḕ katalábēis: kaì ou mḕ ekphýgēis diadrás.

11
ἔστιν κοπιῶν καὶ πονῶν καὶ σπεύδων, καὶ τόσῳ μᾶλλον ὑστερεῖται.

éstin kopiō̂n kaì ponō̂n kaì speúdōn, kaì tósōi mâllon hystereîtai.

12
ἔστιν νωθρὸς προσδεόμενος ἀντιλήμψεως, ὑστερῶν ἰσχύι καὶ πτωχείᾳ περισσεύει· καὶ οἱ ὀϕθαλμοὶ κυρίου ἐπέβλεψαν αὐτῷ εἰς ἀγαθά, καὶ ἀνώρθωσεν αὐτὸν ἐκ ταπεινώσεως αὐτοῦ

éstin nōthròs prosdeómenos antilḗmpseōs, hysterō̂n ischýi kaì ptōcheíāi perisseúei: kaì hoi ophthalmoì kyríou epéblepsan autō̂i eis agathá, kaì anṓrthōsen autòn ek tapeinṓseōs autoû

13
καὶ ἀνύψωσεν κεϕαλὴν αὐτοῦ, καὶ ἀπεθαύμασαν ἐπ’ αὐτῷ πολλοί.

kaì anýpsōsen kephalḕn autoû, kaì apethaúmasan ep’ autō̂i polloí.

14
ἀγαθὰ καὶ κακά, ζωὴ καὶ θάνατος, πτωχεία καὶ πλοῦτος παρὰ κυρίου ἐστίν.

agathà kaì kaká, zōḕ kaì thánatos, ptōcheía kaì ploûtos parà kyríou estín.

17
δόσις κυρίου παραμένει εὐσεβέσιν, καὶ ἡ εὐδοκία αὐτοῦ εἰς τὸν αἰῶνα εὐοδωθήσεται.

dósis kyríou paraménei eusebésin, kaì hē eudokía autoû eis tòn aiō̂na euodōthḗsetai.

18
ἔστιν πλουτῶν ἀπὸ προσοχῆς καὶ σϕιγγίας αὐτοῦ, καὶ αὕτη ἡ μερὶς τοῦ μισθοῦ αὐτοῦ·

éstin ploutō̂n apò prosochē̂s kaì sphingías autoû, kaì haútē hē merìs toû misthoû autoû:

19
ἐν τῷ εἰπεῖν αὐτόν Εὗρον ἀνάπαυσιν καὶ νῦν ϕάγομαι ἐκ τῶν ἀγαθῶν μου, καὶ οὐκ οἶδεν τίς καιρὸς παρελεύσεται καὶ καταλείψει αὐτὰ ἑτέροις καὶ ἀποθανεῖται.

en tō̂i eipeîn autón Heûron anápausin kaì nŷn phágomai ek tō̂n agathō̂n mou, kaì ouk oîden tís kairòs pareleúsetai kaì kataleípsei autà hetérois kaì apothaneîtai.

20
Στῆθι ἐν διαθήκῃ σου καὶ ὁμίλει ἐν αὐτῇ καὶ ἐν τῷ ἔργῳ σου παλαιώθητι.

Stē̂thi en diathḗkēi sou kaì homílei en autē̂i kaì en tō̂i érgōi sou palaiṓthēti.

21
μὴ θαύμαζε ἐν ἔργοις ἁμαρτωλοῦ, πίστευε δὲ κυρίῳ καὶ ἔμμενε τῷ πόνῳ σου· ὅτι κοῦϕον ἐν ὀϕθαλμοῖς κυρίου διὰ τάχους ἐξάπινα πλουτίσαι πένητα.

mḕ thaúmaze en érgois hamartōloû, písteue dè kyríōi kaì émmene tō̂i pónōi sou: hóti koûphon en ophthalmoîs kyríou dià táchous exápina ploutísai pénēta.

22
εὐλογία κυρίου ἐν μισθῷ εὐσεβοῦς, καὶ ἐν ὥρᾳ ταχινῇ ἀναθάλλει εὐλογίαν αὐτοῦ.

eulogía kyríou en misthō̂i euseboûs, kaì en hṓrāi tachinē̂i anathállei eulogían autoû.

23
μὴ εἴπῃς Τίς ἐστίν μου χρεία, καὶ τίνα ἀπὸ τοῦ νῦν ἔσται μου τὰ ἀγαθά;

mḕ eípēis Tís estín mou chreía, kaì tína apò toû nŷn éstai mou tà agathá?

24
μὴ εἴπῃς Αὐτάρκη μοί ἐστιν, καὶ τί ἀπὸ τοῦ νῦν κακωθήσομαι;

mḕ eípēis Autárkē moí estin, kaì tí apò toû nŷn kakōthḗsomai?

25
ἐν ἡμέρᾳ ἀγαθῶν ἀμνησία κακῶν, καὶ ἐν ἡμέρᾳ κακῶν οὐ μνησθήσεται ἀγαθῶν·

en hēmérāi agathō̂n amnēsía kakō̂n, kaì en hēmérāi kakō̂n ou mnēsthḗsetai agathō̂n:

26
ὅτι κοῦϕον ἔναντι κυρίου ἐν ἡμέρᾳ τελευτῆς ἀποδοῦναι ἀνθρώπῳ κατὰ τὰς ὁδοὺς αὐτοῦ.

hóti koûphon énanti kyríou en hēmérāi teleutē̂s apodoûnai anthrṓpōi katà tàs hodoùs autoû.

27
κάκωσις ὥρας ἐπιλησμονὴν ποιεῖ τρυϕῆς, καὶ ἐν συντελείᾳ ἀνθρώπου ἀποκάλυψις ἔργων αὐτοῦ.

kákōsis hṓras epilēsmonḕn poieî tryphē̂s, kaì en synteleíāi anthrṓpou apokálypsis érgōn autoû.

28
πρὸ τελευτῆς μὴ μακάριζε μηδένα, καὶ ἐν τέκνοις αὐτοῦ γνωσθήσεται ἀνήρ.

prò teleutē̂s mḕ makárize mēdéna, kaì en téknois autoû gnōsthḗsetai anḗr.

29
Μὴ πάντα ἄνθρωπον εἴσαγε εἰς τὸν οἶκόν σου· πολλὰ γὰρ τὰ ἔνεδρα τοῦ δολίου.

Mḕ pánta ánthrōpon eísage eis tòn oîkón sou: pollà gàr tà énedra toû dolíou.

30
πέρδιξ θηρευτὴς ἐν καρτάλλῳ, οὕτως καρδία ὑπερηϕάνου, καὶ ὡς ὁ κατάσκοπος ἐπιβλέπει πτῶσιν·

pérdix thēreutḕs en kartállōi, hoútōs kardía hyperēphánou, kaì hōs ho katáskopos epiblépei ptō̂sin:

31
τὰ γὰρ ἀγαθὰ εἰς κακὰ μεταστρέϕων ἐνεδρεύει καὶ ἐν τοῖς αἱρετοῖς ἐπιθήσει μῶμον.

tà gàr agathà eis kakà metastréphōn enedreúei kaì en toîs hairetoîs epithḗsei mō̂mon.

32
ἀπὸ σπινθῆρος πυρὸς πληθύνεται ἀνθρακιά, καὶ ἄνθρωπος ἁμαρτωλὸς εἰς αἷμα ἐνεδρεύει.

apò spinthē̂ros pyròs plēthýnetai anthrakiá, kaì ánthrōpos hamartōlòs eis haîma enedreúei.

33
πρόσεχε ἀπὸ κακούργου, πονηρὰ γὰρ τεκταίνει, μήποτε μῶμον εἰς τὸν αἰῶνα δῷ σοι.

próseche apò kakoúrgou, ponērà gàr tektaínei, mḗpote mō̂mon eis tòn aiō̂na dō̂i soi.

34
ἐνοίκισον ἀλλότριον, καὶ διαστρέψει σε ἐν ταραχαῖς καὶ ἀπαλλοτριώσει σε τῶν ἰδίων σου.

enoíkison allótrion, kaì diastrépsei se en tarachaîs kaì apallotriṓsei se tō̂n idíōn sou.